一張圖睇睇MSN組合究竟有幾咁恐怖！

巴塞隆拿嘅MSN組合究竟有幾咁恐怖？以下一張圖就睇晒啦：
西班牙文唔識睇？唔緊要，小編解釋你知：
自從蘇亞雷斯加盟巴塞以來，已經踢咗100場比賽， 响呢100場賽事入邊，MSN總共入咗210球，有96次助攻，意味著MSN組合場均可以製造3.06球。

首先，大佬美斯打咗84場，入咗86球並有33次助攻，製造咗119球係三人之中最多，亦係三人之中入波最多嘅。响美斯有打比賽嘅84場賽事中，巴塞取得67勝10和7負嘅成績，得勝率達到79%。值得留意嘅係，蘇亞雷斯加盟之後，美斯主動讓出正中鋒嘅位置，改打以往嘅右翼，有時甚至係攻中，做組織核心，但咁樣並無影響佢嘅入球數字，場均1.02球嘅效率證明咗美斯真係非常出色。

其次，9號仔蘇亞雷斯出場86次，攻入68球並有39次助攻，參與咗107球，當中出場次數、助攻數都係位居MSN三人之首。呢位烏拉圭前鋒出場嘅86場賽事中，巴塞取得70勝8平8負嘅成績，得勝率高達81%，仲高過大佬美斯。睇來巴塞嘅「9號魔咒」响佢身上係完全失效！
最後，尼馬79次出場，攻入56球、24次助攻嘅成績雖然係三人之中都係墊底，但响佢有出場嘅79場比賽裡，巴塞就攞到66勝6平7負嘅成績，83%嘅得勝率係位居三人之首！比美斯同蘇亞雷斯分別高出咗2.1%同3.8%。呢位巴西前鋒响加盟初期備受質疑，但佢用自身嘅努力，以及隊友嘅幫助下，成功打出應有身價，2015年金球獎更攞到第三名！

MSN嘅重要性同能力毋庸置疑，但值得一提嘅係，教練安歷基亦居功不少，因為佢充份利用了三人响速度上嘅特點，咗巴塞傳統嘅傳控足球基礎上加入咗快速反擊，令到MSN如魚得水。而同樣重要的是，MSN响場外亦都非常融洽，以至大家都有非常好嘅默契。小編覺得現在嘅MSN組合，可以話係巴塞，甚至西甲，乃至世界足球史上最強嘅鋒線三叉戟， 如果今季佢哋可以打破歐聯不能「冧莊」嘅魔咒，就足以印証小編呢個諗法。