不專業足球筆記（八十一）︰ 西班牙奪冠，阿根廷輸得肉酸；臨危授命接掌港足U23 曾昭達出戰亞運困難重重
1. 世界盃終於曲終人散，賽事最後由西班牙在決賽加時以一比零，由費蘭托里斯一箭定江山擊敗阿根廷奪得冠軍。
2. 呢場波其實由西班牙勝出都冇乜異議，佢哋真係展現出統治級既實力，去到進入加時下半場之前，相比起西班牙既二十次攻門，踢咗105分鐘阿根廷居然連一次射門都冇。
3. 今屆我都冇乜睇足全場阿根廷既比賽，今場係第二場我睇足既阿根廷比賽，相比起呢場波西班牙既表現，阿根廷真係相差咗唔少一個級數。我同啲friends講笑咁講，其實如果英格蘭入到決賽，以佢哋條防線，都係聽比人炒。
4. 我之前都強調過，本身我國家隊就淨係支持香港隊，就算身在英國，叫做支持英格蘭，但佢哋四強出局時我都冇乜太難受（反而係我個仔喊到豬頭咁，當時我喺Threads分享過，有興趣上去望望），所以我以為自己邊隊贏都冇乜所謂，不過真係睇場波既話，一路睇，一路個心就秤咗去西班牙果邊。又或者應該咁講︰我一路睇場波，一路先慢慢回憶起阿根廷一直以黎既球風到底係點。
5. 由細睇到大，都知阿根廷啲波一向好有南美既古惑風格（但都有南美本身既技術風格），由以前馬勒當拿到施蒙尼，都係為求勝利不擇手段，其老實講我個人唔太鍾意甚至係反感呢種戰術，但某程度上都會明白呢種戰術既目的係乜嘢，就好似施蒙尼帶領既馬體會咁，強悍身體對抗、毛手毛腳、污污糟糟咁，最終目的都係搞到對面心浮氣燥，又或者驚咗你而縮。
6. . 坦白講，如果嘗試以中立角度去望球證呢場波既執法，我會覺得最多係有少少偏向阿根廷，但大爭議既地方其實唔多（當然安素紅牌同取消西班牙威廉斯既入波係有引起爭論，但都算有據可根），礙眼既反而係阿根廷班球員好多近乎犯規既粗野動作或者對住對手既小動作，對於呢種戰術，其實真係唔好睇兼有啲趕客，呢個亦都係點解，睇睇下波，我由冇乜所謂，變到想西班牙贏。完場之後既一系列風波更加係印證到呢樣嘢，輸波唔好輸品，但阿根廷呢樣嘢都做唔到，仲要輸波打人，又拒絕接受訪問，真係有啲肉酸。
7. No offence既，隊隊都有捧場客，喺社交媒體都見到好多阿根廷fans出長文幫佢哋辯護，冇所謂既，你鍾意古惑南美風格，有啲直頭係由馬勒當拿上帝之手捧到而家既，你鍾意咪得。我本人為例，我細個既偶像其實係唔係啲球王級球員，而係茅柴殺人王馬特拉斯。不過你鍾意得就唔怕承認球隊唔好既地方，你哋都唔好怪一般球迷點解唔鍾意呢啲「為了贏，可以去到幾盡」、「只要球證沒吹罰，就是合法」既戰術風格，畢竟足球好睇既係球員既技術、團隊既配合，而唔係MMA戰術。少少污糟OK既，太多就唔係幾好嘞。
8. 跟住都係講返香港波喇，黎緊名古屋亞運會既球員名單出爐，並且係會由曾經帶領理文歷史性奪得港超冠軍既曾昭達擔任主帥。原本應該就係戴雅諾做教練既，但佢轉投港會既懷抱，所以就由啱啱喺 6 月考獲亞洲足協職業級教練牌照（Pro Licence）既達Sir正式出山帶領 U23 港足出戰亞運。
9. 心水清既朋友都會發現，上屆亞運係由大港腳教練安達臣帶隊，咁點解今次會變咗達叔？咁係因為大港腳既教練盧比度要帶大隊踢東盟盃比賽，之前都講過喇，面對質疑既聲音，呢次東盟盃係叔叔為自己正名既機會。
10. 同時，今次亞運腳入面，都有唔少球員因為種種原因不獲放行，令球隊實力有啲折扣，其中適齡球員入面，傑志三子龐焯熙、甘智健同埋慈英因為傑志要喺九月出戰亞冠2要避戰亞運。Bear雖然仲遠遠未達到葉鴻輝既水平，但除咗穩佔咗傑志首席門將之外，都開始為大港腳上陣，汲取經驗之中成長；甘智健更加係港隊未來第一中堅既不二人選，冇咗佢兩個真係大檸樂，再加埋實力日益進步一洗污名既慈英，亞運隊既實力真係大打節扣。
11. 另外，三個超齡球員就揀咗胡晉銘、顏卓彬同埋艾里奧。咁多數亞運比賽都唔會揀最強既超齡球員，除咗艾里奧年紀比較大之外，其他兩個都唔錯，而艾里奧雖然年紀大，但經驗夠，由佢去分享自己經驗比曾以行、曾樂圖呢班後生仔都唔錯。至於今次雖然冇揀安永佳，但係我哋前線適齡球員有米高、杜俊暉、吳宇㬢等等有實力既攻擊球員，都係合理。
12. 不過，最大既焦點，始終都係曾昭達。由於戴雅諾轉投港會，達叔臨危授命帶隊亞運。雖然曾經帶領理文歷史性奪得港超錦標，但同時又喺翌季帶領球隊大幅度退步，戰術同換人都被受質疑，最後自己黯然落台。
13. 上屆亞運，港隊係歷史性拎到第四，黎到今屆，達sir接受訪問時答︰「當然我哋希望攞到分數…你話要copy上屆嘅嘢，係困難嘅。大家都要貼地啲睇個情況。」
14. 嗯…係好貼地，但你咪咁大聲講出黎吖嘛…
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #西班牙 #阿根廷 #亞運 #曾昭達
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 世界盃終於曲終人散，賽事最後由西班牙在決賽加時以一比零，由費蘭托里斯一箭定江山擊敗阿根廷奪得冠軍。
2. 呢場波其實由西班牙勝出都冇乜異議，佢哋真係展現出統治級既實力，去到進入加時下半場之前，相比起西班牙既二十次攻門，踢咗105分鐘阿根廷居然連一次射門都冇。
3. 今屆我都冇乜睇足全場阿根廷既比賽，今場係第二場我睇足既阿根廷比賽，相比起呢場波西班牙既表現，阿根廷真係相差咗唔少一個級數。我同啲friends講笑咁講，其實如果英格蘭入到決賽，以佢哋條防線，都係聽比人炒。
4. 我之前都強調過，本身我國家隊就淨係支持香港隊，就算身在英國，叫做支持英格蘭，但佢哋四強出局時我都冇乜太難受（反而係我個仔喊到豬頭咁，當時我喺Threads分享過，有興趣上去望望），所以我以為自己邊隊贏都冇乜所謂，不過真係睇場波既話，一路睇，一路個心就秤咗去西班牙果邊。又或者應該咁講︰我一路睇場波，一路先慢慢回憶起阿根廷一直以黎既球風到底係點。
5. 由細睇到大，都知阿根廷啲波一向好有南美既古惑風格（但都有南美本身既技術風格），由以前馬勒當拿到施蒙尼，都係為求勝利不擇手段，其老實講我個人唔太鍾意甚至係反感呢種戰術，但某程度上都會明白呢種戰術既目的係乜嘢，就好似施蒙尼帶領既馬體會咁，強悍身體對抗、毛手毛腳、污污糟糟咁，最終目的都係搞到對面心浮氣燥，又或者驚咗你而縮。
6. . 坦白講，如果嘗試以中立角度去望球證呢場波既執法，我會覺得最多係有少少偏向阿根廷，但大爭議既地方其實唔多（當然安素紅牌同取消西班牙威廉斯既入波係有引起爭論，但都算有據可根），礙眼既反而係阿根廷班球員好多近乎犯規既粗野動作或者對住對手既小動作，對於呢種戰術，其實真係唔好睇兼有啲趕客，呢個亦都係點解，睇睇下波，我由冇乜所謂，變到想西班牙贏。完場之後既一系列風波更加係印證到呢樣嘢，輸波唔好輸品，但阿根廷呢樣嘢都做唔到，仲要輸波打人，又拒絕接受訪問，真係有啲肉酸。
7. No offence既，隊隊都有捧場客，喺社交媒體都見到好多阿根廷fans出長文幫佢哋辯護，冇所謂既，你鍾意古惑南美風格，有啲直頭係由馬勒當拿上帝之手捧到而家既，你鍾意咪得。我本人為例，我細個既偶像其實係唔係啲球王級球員，而係茅柴殺人王馬特拉斯。不過你鍾意得就唔怕承認球隊唔好既地方，你哋都唔好怪一般球迷點解唔鍾意呢啲「為了贏，可以去到幾盡」、「只要球證沒吹罰，就是合法」既戰術風格，畢竟足球好睇既係球員既技術、團隊既配合，而唔係MMA戰術。少少污糟OK既，太多就唔係幾好嘞。
8. 跟住都係講返香港波喇，黎緊名古屋亞運會既球員名單出爐，並且係會由曾經帶領理文歷史性奪得港超冠軍既曾昭達擔任主帥。原本應該就係戴雅諾做教練既，但佢轉投港會既懷抱，所以就由啱啱喺 6 月考獲亞洲足協職業級教練牌照（Pro Licence）既達Sir正式出山帶領 U23 港足出戰亞運。
9. 心水清既朋友都會發現，上屆亞運係由大港腳教練安達臣帶隊，咁點解今次會變咗達叔？咁係因為大港腳既教練盧比度要帶大隊踢東盟盃比賽，之前都講過喇，面對質疑既聲音，呢次東盟盃係叔叔為自己正名既機會。
10. 同時，今次亞運腳入面，都有唔少球員因為種種原因不獲放行，令球隊實力有啲折扣，其中適齡球員入面，傑志三子龐焯熙、甘智健同埋慈英因為傑志要喺九月出戰亞冠2要避戰亞運。Bear雖然仲遠遠未達到葉鴻輝既水平，但除咗穩佔咗傑志首席門將之外，都開始為大港腳上陣，汲取經驗之中成長；甘智健更加係港隊未來第一中堅既不二人選，冇咗佢兩個真係大檸樂，再加埋實力日益進步一洗污名既慈英，亞運隊既實力真係大打節扣。
11. 另外，三個超齡球員就揀咗胡晉銘、顏卓彬同埋艾里奧。咁多數亞運比賽都唔會揀最強既超齡球員，除咗艾里奧年紀比較大之外，其他兩個都唔錯，而艾里奧雖然年紀大，但經驗夠，由佢去分享自己經驗比曾以行、曾樂圖呢班後生仔都唔錯。至於今次雖然冇揀安永佳，但係我哋前線適齡球員有米高、杜俊暉、吳宇㬢等等有實力既攻擊球員，都係合理。
12. 不過，最大既焦點，始終都係曾昭達。由於戴雅諾轉投港會，達叔臨危授命帶隊亞運。雖然曾經帶領理文歷史性奪得港超錦標，但同時又喺翌季帶領球隊大幅度退步，戰術同換人都被受質疑，最後自己黯然落台。
13. 上屆亞運，港隊係歷史性拎到第四，黎到今屆，達sir接受訪問時答︰「當然我哋希望攞到分數…你話要copy上屆嘅嘢，係困難嘅。大家都要貼地啲睇個情況。」
14. 嗯…係好貼地，但你咪咁大聲講出黎吖嘛…
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #西班牙 #阿根廷 #亞運 #曾昭達
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊