不專業足球筆記（八十）︰ 南區大換血、Cow Sir有驚喜？大埔前景反而令人擔心！；杜曹親手葬送英格蘭？由領先到崩盤，只因一連串換人及戰術決定
1. 上集講過理文同傑志暫時組軍既情況，今次就講下南區同大埔喇。
2. 南區早幾日已經喺香港仔運動場正式公開操練同召開新球季記者會。經歷失敗既一個球季之後，佢哋喺2026-27球季迎黎大換血，由新任主教練陳志康cow sir領軍，班費維持喺約900萬至1,000萬港元，球隊全面走向年輕化，目標直指聯賽前5名及衝擊盃賽冠軍咁話。
3. 話佢哋大換血，都真係冇講錯，南區一口氣放走陳凱柏、陳潤潼、趙聡悟、艾華等當打中後場主力本地球員，但同時一口氣簽入咗潘沛軒、黃皓雋等年輕港腳/準港腳同埋其他後生仔或者當打球員好似李呈、鄭子森咁。
4. 不過，如果你問我既話，我都唔肯定南區新既本地球員班底係咪勁咗，畢竟失去咗既一班球員實力唔差，好多球員下家目的地都係理文、大埔呢啲強隊，而潘沛軒、黃皓雋名氣雖然大，但係佢哋近年既發展並唔順利，佢哋可唔可以喺cow sir既麾下重獲新生，我覺得係來季其中一個好值得留意既地方。
5. 外援方面洗牌得仲勁，除咗川瀨浩太、佐佐木周之外，全部冇得留低，但就簽咗東方既賀爾、九龍城既卡朗、港會既井上龍也；以及首度登陸港超既蘭達、法比奧伊連斯、高路保域仲有阿古路。
6. 但最領人期待既，我覺得唔係球員，而新任主教練陳志康本人。佢曾執教太陽飛馬，上季帶領地區球會高力北區創下聯賽第5既歷史佳績，而且佢帶領既隊伍更具侵略性，講求前場反擊速度與邊路突破。雖然曾經放下教鞭一段時間，但呢位喺2013-14 球季獲得「最佳教練」殊榮既教頭，已經喺北區證明自己仲有料，佢可唔可以將上季講得難聽啲有啲死氣沉沉既南區煥然一新，呢個先係最有睇頭，就睇下佢可唔可以達成球會目標︰衝擊聯賽前5名同啲盃賽冠軍喇。
7. 今集另一支主角球隊大埔，佢哋同樣係大換血，但情況就冇咁樂觀喇。
8. 班主葉志雄夫婦講到明，今季係佢哋既最後一舞，而班費都有所調整，由上季既1500萬，跌到去1000萬，跌幅都咪話唔驚人。
9. 所以大埔一口氣放走了17名一隊成員，包括馬卡雷拿、盧卡斯、馬高斯山度士、帕特華維迪等8名核心外援，以及鍾偉強、羅振庭等9名本地兵，而加盟既新球員，暫時只有7個。暫時公佈嘅19人大軍之中，當中只有8名本地球員。主教練李志堅就透露未來一個星期會進行大規模試腳，當中既參加者包括海外同埋本地球員。
10. 走咗既球員當中，有主力球員，亦都有唔少係得個坐字既球員，好多核心本地/外援球員都有留隊，但係喺黎緊要踢亞冠二既情況下，呢班球員班底就顯得有啲吃力。新加盟既陳凱柏同埋張憙延都有啲名氣，但係開操既時候望住張憙延既身型，真係好得人驚，又肥仔波、又奪命香雞腿，肥咗一個碼咁，而家只係七月中，希望佢快啲修身成功，李志堅話佢係「新馬卡雷拿」，對佢咁有信心，就睇下堅sir幫到佢幾多。
11. 不過下季大埔仲可唔可以衝擊冠軍真係唔樂觀，已經要分心踢亞冠二，兵源唔夠，仲要搞個試腳大會。我真係未見過班霸級球會搞大規模試腳，印象中得港會、香港U23呢類唔夠級數又唔夠人既弱隊先會咁樣搵球員，外援都算（唔計試腳大會，而家都已經有6個仲試緊腳），但要搵好既本地球員，試腳大會係好難work，因為好波既本地球員一定有人比得起錢搵，仲要一早就搵咗。我唔知大埔肯比幾多錢呢啲試腳成功既球員，但估計一定唔多先，我相信至要有返少少實力既本地球員都唔會吼你果少少人工，甚至一早泊咗碼頭。
11. 跟住又係講世界盃，而家興吖嘛。
12. 今屆冇睇過阿根廷既直播，尋晚對英格蘭係第一次，一路聽佢哋喺好多爭議判決之下走到四強，都預咗英格蘭呢場難踢。
13. 之前啲比賽冇睇唔敢講，不過今場比賽上半場阿根廷既球員係幾多小動作同毛手毛腳，尤其是施蒙尼，真係幾有乃父之風。不過，除咗有啲可以比牌既動作球證冇比到之外，有爭議既判決又唔多既。上半場雙方球員都好肉緊，情緒有幾次都喺失控邊緣，但實際上氣氛雖然緊張，不過雙方真正有機會既埋門並唔多。
14. 下半場戰情就完全唔同，阿根廷少咗啲小動作，尤其是施蒙尼換走咗之後基本上冇乜。上半場有來有往既形勢，由哥頓喺55分鐘率先打破僵局，對英格蘭黎講本來形勢大好，但杜曹既一系列奇怪操作，就令到場上局勢完全被逆轉。
15. 帶定頭盔先，我冇識波牌，以下全部都只係個人鳩UP。
16. 首先杜曹太早換走哥頓，又唔換入一啲有反擊速度既球員入黎，而係不斷換後防塞人喺禁區，人哋真係多謝都黎唔切，完全唔駛忌諱你會反擊，大軍全部壓上黎，令到英軍防線風聲鶴唳。我明杜曹想要好似對墨西哥果陣咁死守到尾，但呢隊唔係墨西哥，呢隊係阿根廷，你係咁放人入禁區，又唔塞返啲中場入去，或者咁講，啲中場墮到極後，阿根廷好多空位做波同起腳遠射，安素第一下其實已經敲響咗警號，最後失波其實都只係必然既事。
17. 第二樣嘢，自哥頓取得入球至安素費南迪斯追平比分期間，英格蘭控球率僅得12%。偏偏需要控球穩住中場既時候，杜曹換走咗懷斯（如果係少傷，仲有十分鐘，捱埋佢喇），但係又唔放喺曼聯擅於喺中場控球、護球既文奴，而係將左閘既奧拉利拉返去防中，佢做唔到呢樣嘢，完全讓出咗中場，杜曹採用呢種近乎完全放棄控球既踢法，即使以防守戰術見稱既摩連奴亦未必會接受。
18. 其實我睇過The Athletic同ESPN既文章，大意係指英格蘭中前場甚至龍門都勁，但條後防線實在唔算頂級，而且國際賽經驗極差，要靠呢條防線踢到決賽好難。某程度上我認同，節錄ESPN篇譯文既一段︰
「預計於周三對克羅地亞的正選防線合共只擁有136次國際賽上陣紀錄，其中史東斯一人便佔了89次。
換言之，除史東斯外，列斯占士、干沙及奧萊利三人合共只有4次大賽上陣經驗，而且僅兩次擔任正選。雖然列斯占士被公認為英格蘭最全面的右閘之一，干沙剛協助阿士東維拉（Aston Villa）贏得歐洲賽冠軍，而奧萊利則是前曼城（Manchester City）主帥哥迪奧拿（Pep Guardiola）近年成功改造的代表作，但缺乏國際大賽洗禮仍然令人憂慮。
回顧近年國際大賽冠軍隊伍，防線往往依賴經驗豐富的老將壓陣。意大利於2021年歐洲國家盃奪冠時，便由基亞連尼（Giorgio Chiellini）及邦路斯（Leonardo Bonucci）領軍；阿根廷於2022年世界盃則有奧達文迪（Nicolas Otamendi）坐鎮後防；西班牙在2024年歐國盃亦有卡華積（Dani Carvajal）及拿樸迪（Aymeric Laporte）帶領年輕隊友作戰。」
19. 丹般、古希、干沙、史東斯、史賓斯…杜曹唔係諗住靠呢條防線，仲要讓晒成條中場出黎比人造波，真係可以死守超過半個鐘阿根廷吓嘛？
20. 杜曹話佢唔後悔死守戰術，覺得自己做咗正確既決定，屌你咩，輸咗都仲正確，比你黎多次明知結果都仲係咁換人、咁調整戰術？不如你唔好撚換走懷斯、哥頓，可能已經冇事。
21. 我唔知之前阿根廷贏得有冇爭議，畢竟只係hearsay，我個人黎講評論唔到，但呢場，對比起英格蘭作死既換人調動，佢哋既表現係更勝一籌，贏得清脆俐落，值得呢場勝仗。
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #大埔 #冠忠南區 #港超聯 #英格蘭 #阿根廷
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 上集講過理文同傑志暫時組軍既情況，今次就講下南區同大埔喇。
2. 南區早幾日已經喺香港仔運動場正式公開操練同召開新球季記者會。經歷失敗既一個球季之後，佢哋喺2026-27球季迎黎大換血，由新任主教練陳志康cow sir領軍，班費維持喺約900萬至1,000萬港元，球隊全面走向年輕化，目標直指聯賽前5名及衝擊盃賽冠軍咁話。
3. 話佢哋大換血，都真係冇講錯，南區一口氣放走陳凱柏、陳潤潼、趙聡悟、艾華等當打中後場主力本地球員，但同時一口氣簽入咗潘沛軒、黃皓雋等年輕港腳/準港腳同埋其他後生仔或者當打球員好似李呈、鄭子森咁。
4. 不過，如果你問我既話，我都唔肯定南區新既本地球員班底係咪勁咗，畢竟失去咗既一班球員實力唔差，好多球員下家目的地都係理文、大埔呢啲強隊，而潘沛軒、黃皓雋名氣雖然大，但係佢哋近年既發展並唔順利，佢哋可唔可以喺cow sir既麾下重獲新生，我覺得係來季其中一個好值得留意既地方。
5. 外援方面洗牌得仲勁，除咗川瀨浩太、佐佐木周之外，全部冇得留低，但就簽咗東方既賀爾、九龍城既卡朗、港會既井上龍也；以及首度登陸港超既蘭達、法比奧伊連斯、高路保域仲有阿古路。
6. 但最領人期待既，我覺得唔係球員，而新任主教練陳志康本人。佢曾執教太陽飛馬，上季帶領地區球會高力北區創下聯賽第5既歷史佳績，而且佢帶領既隊伍更具侵略性，講求前場反擊速度與邊路突破。雖然曾經放下教鞭一段時間，但呢位喺2013-14 球季獲得「最佳教練」殊榮既教頭，已經喺北區證明自己仲有料，佢可唔可以將上季講得難聽啲有啲死氣沉沉既南區煥然一新，呢個先係最有睇頭，就睇下佢可唔可以達成球會目標︰衝擊聯賽前5名同啲盃賽冠軍喇。
7. 今集另一支主角球隊大埔，佢哋同樣係大換血，但情況就冇咁樂觀喇。
8. 班主葉志雄夫婦講到明，今季係佢哋既最後一舞，而班費都有所調整，由上季既1500萬，跌到去1000萬，跌幅都咪話唔驚人。
9. 所以大埔一口氣放走了17名一隊成員，包括馬卡雷拿、盧卡斯、馬高斯山度士、帕特華維迪等8名核心外援，以及鍾偉強、羅振庭等9名本地兵，而加盟既新球員，暫時只有7個。暫時公佈嘅19人大軍之中，當中只有8名本地球員。主教練李志堅就透露未來一個星期會進行大規模試腳，當中既參加者包括海外同埋本地球員。
10. 走咗既球員當中，有主力球員，亦都有唔少係得個坐字既球員，好多核心本地/外援球員都有留隊，但係喺黎緊要踢亞冠二既情況下，呢班球員班底就顯得有啲吃力。新加盟既陳凱柏同埋張憙延都有啲名氣，但係開操既時候望住張憙延既身型，真係好得人驚，又肥仔波、又奪命香雞腿，肥咗一個碼咁，而家只係七月中，希望佢快啲修身成功，李志堅話佢係「新馬卡雷拿」，對佢咁有信心，就睇下堅sir幫到佢幾多。
11. 不過下季大埔仲可唔可以衝擊冠軍真係唔樂觀，已經要分心踢亞冠二，兵源唔夠，仲要搞個試腳大會。我真係未見過班霸級球會搞大規模試腳，印象中得港會、香港U23呢類唔夠級數又唔夠人既弱隊先會咁樣搵球員，外援都算（唔計試腳大會，而家都已經有6個仲試緊腳），但要搵好既本地球員，試腳大會係好難work，因為好波既本地球員一定有人比得起錢搵，仲要一早就搵咗。我唔知大埔肯比幾多錢呢啲試腳成功既球員，但估計一定唔多先，我相信至要有返少少實力既本地球員都唔會吼你果少少人工，甚至一早泊咗碼頭。
11. 跟住又係講世界盃，而家興吖嘛。
12. 今屆冇睇過阿根廷既直播，尋晚對英格蘭係第一次，一路聽佢哋喺好多爭議判決之下走到四強，都預咗英格蘭呢場難踢。
13. 之前啲比賽冇睇唔敢講，不過今場比賽上半場阿根廷既球員係幾多小動作同毛手毛腳，尤其是施蒙尼，真係幾有乃父之風。不過，除咗有啲可以比牌既動作球證冇比到之外，有爭議既判決又唔多既。上半場雙方球員都好肉緊，情緒有幾次都喺失控邊緣，但實際上氣氛雖然緊張，不過雙方真正有機會既埋門並唔多。
14. 下半場戰情就完全唔同，阿根廷少咗啲小動作，尤其是施蒙尼換走咗之後基本上冇乜。上半場有來有往既形勢，由哥頓喺55分鐘率先打破僵局，對英格蘭黎講本來形勢大好，但杜曹既一系列奇怪操作，就令到場上局勢完全被逆轉。
15. 帶定頭盔先，我冇識波牌，以下全部都只係個人鳩UP。
16. 首先杜曹太早換走哥頓，又唔換入一啲有反擊速度既球員入黎，而係不斷換後防塞人喺禁區，人哋真係多謝都黎唔切，完全唔駛忌諱你會反擊，大軍全部壓上黎，令到英軍防線風聲鶴唳。我明杜曹想要好似對墨西哥果陣咁死守到尾，但呢隊唔係墨西哥，呢隊係阿根廷，你係咁放人入禁區，又唔塞返啲中場入去，或者咁講，啲中場墮到極後，阿根廷好多空位做波同起腳遠射，安素第一下其實已經敲響咗警號，最後失波其實都只係必然既事。
17. 第二樣嘢，自哥頓取得入球至安素費南迪斯追平比分期間，英格蘭控球率僅得12%。偏偏需要控球穩住中場既時候，杜曹換走咗懷斯（如果係少傷，仲有十分鐘，捱埋佢喇），但係又唔放喺曼聯擅於喺中場控球、護球既文奴，而係將左閘既奧拉利拉返去防中，佢做唔到呢樣嘢，完全讓出咗中場，杜曹採用呢種近乎完全放棄控球既踢法，即使以防守戰術見稱既摩連奴亦未必會接受。
18. 其實我睇過The Athletic同ESPN既文章，大意係指英格蘭中前場甚至龍門都勁，但條後防線實在唔算頂級，而且國際賽經驗極差，要靠呢條防線踢到決賽好難。某程度上我認同，節錄ESPN篇譯文既一段︰
「預計於周三對克羅地亞的正選防線合共只擁有136次國際賽上陣紀錄，其中史東斯一人便佔了89次。
換言之，除史東斯外，列斯占士、干沙及奧萊利三人合共只有4次大賽上陣經驗，而且僅兩次擔任正選。雖然列斯占士被公認為英格蘭最全面的右閘之一，干沙剛協助阿士東維拉（Aston Villa）贏得歐洲賽冠軍，而奧萊利則是前曼城（Manchester City）主帥哥迪奧拿（Pep Guardiola）近年成功改造的代表作，但缺乏國際大賽洗禮仍然令人憂慮。
回顧近年國際大賽冠軍隊伍，防線往往依賴經驗豐富的老將壓陣。意大利於2021年歐洲國家盃奪冠時，便由基亞連尼（Giorgio Chiellini）及邦路斯（Leonardo Bonucci）領軍；阿根廷於2022年世界盃則有奧達文迪（Nicolas Otamendi）坐鎮後防；西班牙在2024年歐國盃亦有卡華積（Dani Carvajal）及拿樸迪（Aymeric Laporte）帶領年輕隊友作戰。」
19. 丹般、古希、干沙、史東斯、史賓斯…杜曹唔係諗住靠呢條防線，仲要讓晒成條中場出黎比人造波，真係可以死守超過半個鐘阿根廷吓嘛？
20. 杜曹話佢唔後悔死守戰術，覺得自己做咗正確既決定，屌你咩，輸咗都仲正確，比你黎多次明知結果都仲係咁換人、咁調整戰術？不如你唔好撚換走懷斯、哥頓，可能已經冇事。
21. 我唔知之前阿根廷贏得有冇爭議，畢竟只係hearsay，我個人黎講評論唔到，但呢場，對比起英格蘭作死既換人調動，佢哋既表現係更勝一籌，贏得清脆俐落，值得呢場勝仗。
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #大埔 #冠忠南區 #港超聯 #英格蘭 #阿根廷
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊