不專業足球筆記（七十七）︰ 香港足球再陷假波陰霾 至尊教頭盧均宜都牽涉在內？；95分鐘被巴西絕殺 日本挑戰世界失敗卻雖敗猶榮
1. 對於一般球迷黎講，上個星期最大既吸引力依然係世界盃，亦都真係越踢越精彩；但係，對於香港本地既球迷黎講，只係一個想忘記既週末。
2. 香港球壇，又爆出踢假波疑雲。
3. 喺2026 年 6 月 23 日廉政公署同警察有組織罪案及三合會調查科（O記）展開大規模搜捕，總共拘捕咗19 人：包括 2 名本地足球教練、7 名現役及退役足球員，其餘為外圍賭博集團成員（年齡介乎 22 至 58 歲）。而當中主流媒體報導，引述消息指被捕人仲包括現效力至尊足球會既前香港足球先生盧均宜，以及傑志 U18 主教練潘文俊。
4. 最初包括體路在內部分傳媒既消息，呢單案似乎牽涉到至尊既班主王至尊在內，當時仲有人笑言 JW腳頭真係「好」，痴埋邊個度邊個就仆街，不過王老闆喺 6 月 26 日當晚已經透過律師向香港01等傳媒發表官方回應，明確表示「暫未收到相關執法部門邀請協助調查」。
5. 至尊足球會亦都喺 6 月 26 日當晚發出嚴正聲明中強調，指「不論是球會還是主席王至尊本人，均對任何違反體育道德或非法操控賽果的違法行為採取零容忍態度。」聲明都指出：「如有需要，球會以及王至尊均會全面、無條件地配合政府部門的調查工作，以盡快釐清事實真相。」
6. 王老闆講嘢不嬲有gimmick，而至尊升班都引起咗好多話題，但今次旗下教練牽涉在內，呢啲noise真係寧願唔要，仲唔知會唔會影響到同沙田區隊既合作大計。
7. 關於今次假波風波，Thread有個叫siuyeah.lab好似有好多料爆，但老實講佢講得疑幻疑真咁（應該係刻意咁），我自己都係半信半疑，你哋都係自己上去睇好啲，我就唔喺度講了。
8. 呢次當然唔係香港第一次爆出假波案，但因為當中牽涉到盧均宜，真係非常震撼。以前李威廉都試過瀨嘢，估唔到之後又有另一個香港足球先生打假波…當然，要講震撼，其實係我小學啱啱開始跟我老豆入場睇波既時候，香港對泰國果場假波最震撼。我印象中我真係開始睇波既果一年，就係陸嘉榮幫南華守龍，點知轉過頭佢就比人拉咗。唔止咁，當年仲有星島既韋君龍好勁，我老豆講到如果當年佢冇踢假波，前途應該無可限量，我個人黎講就記得有呢個名，亦都記得佢好似成日入波，不過就冇乜印象佢踢比賽時既畫面。
9. 呢次先令到當時香港隊元氣大傷，一口氣冇咗五個港腳級球員陳子江、韋君龍、陸嘉榮、陳志強、劉志遠，李偉文都有涉案但就打得甩。
10. 好老實，我唔願意，但我相信假波一直存在，如果都唔會每隔幾年就爆一次大鑊嘢出黎，呢啲係歷史印記，唔由得我唔信。不過，我都偏向相信香港大部份球員都潔身自愛，只係少部份害群之馬踢假波啫。好可惜係，一粒老鼠屎可以搞壞一鍋粥，香港球壇就係比呢啲人搞臭。
11. 希望以後都唔好有球員踢假波喇。
12. 跟住又講下世界盃。唔經唔覺，已經到咗32強階段，因為時差關係，淨係睇咗日本對巴西，仲有啱啱科特迪瓦對挪威。當中又以日本對巴西真係好好睇。
13. 首先，日本奮戰到95分鐘先輸好值得尊重，而佢哋既表現都證明咗佢哋同世界既距離係拉近咗好多，但係我都唔明，點解有咁多人覺得日本真係可以贏到巴西。為免誤會，我講清楚少少，我覺得日本係有能力爆冷贏波既，但啱啱我指既係，好似有唔少人覺得日本贏到巴西係理所當然。
14. 無論係堂安津又好，退咗役既本田圭佑都好，都指出日本同世界都仲係有段距離，不過，今屆世界盃，雖然有幾名進攻主力缺陣，但係佢哋所表現出黎既進步真係有目共睹，而且戰術執行力好強，成班人又不惜氣力咁狂跑，唔易應付，所以我賽前都預計巴西係會贏，但未必輕鬆。雖然我係咁預測，但都係基於客觀事實啫，我係想日本贏既，作為花生球迷，大衛打倒歌利亞既比賽先好睇，上半場日本仲應付到，但下半場巴西變陣之後，再加埋體力下降，最後都係支持唔到去加時，補時95分鐘被馬天尼利絕殺。
15. 賽後唔少球迷話田中碧唔解圍導致失波，係輸波罪人，呢球波想講多少少，從結果論而言，係既，佢係累輸波，不過，現代足球都好強調喺後場面對壓力保持控球，同朋友吹水時我會講，如果係我，我一喺中間截到個波時就會即刻解圍，但日本隊、田中碧佢哋，作為挑戰世界既強隊，想喺後者保持控球再出擊呢個諗法唔係錯，只係佢睇唔到右面有個黃衫伏兵喺度，先至不幸被反搶，電光火石之間，佢失咗波幾秒之後就比巴西打咗入去，後防跟唔切人，兩個中堅完全無視咗馬天尼利，搞到最後輸9埋。
16. 我理解田中碧既諗法，只係佢真係做得未夠好啫。所以，我唔反對有球迷屌佢，因為結果論而言，佢真係輸波罪人，但係佢既出發點，又或者講佢腦海入面既mind set，我又理解，所以就我個人黎講，我反而唔會怪佢怪得太犀利。就係咁。
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #日本 #巴西 #假波
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 對於一般球迷黎講，上個星期最大既吸引力依然係世界盃，亦都真係越踢越精彩；但係，對於香港本地既球迷黎講，只係一個想忘記既週末。
2. 香港球壇，又爆出踢假波疑雲。
3. 喺2026 年 6 月 23 日廉政公署同警察有組織罪案及三合會調查科（O記）展開大規模搜捕，總共拘捕咗19 人：包括 2 名本地足球教練、7 名現役及退役足球員，其餘為外圍賭博集團成員（年齡介乎 22 至 58 歲）。而當中主流媒體報導，引述消息指被捕人仲包括現效力至尊足球會既前香港足球先生盧均宜，以及傑志 U18 主教練潘文俊。
4. 最初包括體路在內部分傳媒既消息，呢單案似乎牽涉到至尊既班主王至尊在內，當時仲有人笑言 JW腳頭真係「好」，痴埋邊個度邊個就仆街，不過王老闆喺 6 月 26 日當晚已經透過律師向香港01等傳媒發表官方回應，明確表示「暫未收到相關執法部門邀請協助調查」。
5. 至尊足球會亦都喺 6 月 26 日當晚發出嚴正聲明中強調，指「不論是球會還是主席王至尊本人，均對任何違反體育道德或非法操控賽果的違法行為採取零容忍態度。」聲明都指出：「如有需要，球會以及王至尊均會全面、無條件地配合政府部門的調查工作，以盡快釐清事實真相。」
6. 王老闆講嘢不嬲有gimmick，而至尊升班都引起咗好多話題，但今次旗下教練牽涉在內，呢啲noise真係寧願唔要，仲唔知會唔會影響到同沙田區隊既合作大計。
7. 關於今次假波風波，Thread有個叫siuyeah.lab好似有好多料爆，但老實講佢講得疑幻疑真咁（應該係刻意咁），我自己都係半信半疑，你哋都係自己上去睇好啲，我就唔喺度講了。
8. 呢次當然唔係香港第一次爆出假波案，但因為當中牽涉到盧均宜，真係非常震撼。以前李威廉都試過瀨嘢，估唔到之後又有另一個香港足球先生打假波…當然，要講震撼，其實係我小學啱啱開始跟我老豆入場睇波既時候，香港對泰國果場假波最震撼。我印象中我真係開始睇波既果一年，就係陸嘉榮幫南華守龍，點知轉過頭佢就比人拉咗。唔止咁，當年仲有星島既韋君龍好勁，我老豆講到如果當年佢冇踢假波，前途應該無可限量，我個人黎講就記得有呢個名，亦都記得佢好似成日入波，不過就冇乜印象佢踢比賽時既畫面。
9. 呢次先令到當時香港隊元氣大傷，一口氣冇咗五個港腳級球員陳子江、韋君龍、陸嘉榮、陳志強、劉志遠，李偉文都有涉案但就打得甩。
10. 好老實，我唔願意，但我相信假波一直存在，如果都唔會每隔幾年就爆一次大鑊嘢出黎，呢啲係歷史印記，唔由得我唔信。不過，我都偏向相信香港大部份球員都潔身自愛，只係少部份害群之馬踢假波啫。好可惜係，一粒老鼠屎可以搞壞一鍋粥，香港球壇就係比呢啲人搞臭。
11. 希望以後都唔好有球員踢假波喇。
12. 跟住又講下世界盃。唔經唔覺，已經到咗32強階段，因為時差關係，淨係睇咗日本對巴西，仲有啱啱科特迪瓦對挪威。當中又以日本對巴西真係好好睇。
13. 首先，日本奮戰到95分鐘先輸好值得尊重，而佢哋既表現都證明咗佢哋同世界既距離係拉近咗好多，但係我都唔明，點解有咁多人覺得日本真係可以贏到巴西。為免誤會，我講清楚少少，我覺得日本係有能力爆冷贏波既，但啱啱我指既係，好似有唔少人覺得日本贏到巴西係理所當然。
14. 無論係堂安津又好，退咗役既本田圭佑都好，都指出日本同世界都仲係有段距離，不過，今屆世界盃，雖然有幾名進攻主力缺陣，但係佢哋所表現出黎既進步真係有目共睹，而且戰術執行力好強，成班人又不惜氣力咁狂跑，唔易應付，所以我賽前都預計巴西係會贏，但未必輕鬆。雖然我係咁預測，但都係基於客觀事實啫，我係想日本贏既，作為花生球迷，大衛打倒歌利亞既比賽先好睇，上半場日本仲應付到，但下半場巴西變陣之後，再加埋體力下降，最後都係支持唔到去加時，補時95分鐘被馬天尼利絕殺。
15. 賽後唔少球迷話田中碧唔解圍導致失波，係輸波罪人，呢球波想講多少少，從結果論而言，係既，佢係累輸波，不過，現代足球都好強調喺後場面對壓力保持控球，同朋友吹水時我會講，如果係我，我一喺中間截到個波時就會即刻解圍，但日本隊、田中碧佢哋，作為挑戰世界既強隊，想喺後者保持控球再出擊呢個諗法唔係錯，只係佢睇唔到右面有個黃衫伏兵喺度，先至不幸被反搶，電光火石之間，佢失咗波幾秒之後就比巴西打咗入去，後防跟唔切人，兩個中堅完全無視咗馬天尼利，搞到最後輸9埋。
16. 我理解田中碧既諗法，只係佢真係做得未夠好啫。所以，我唔反對有球迷屌佢，因為結果論而言，佢真係輸波罪人，但係佢既出發點，又或者講佢腦海入面既mind set，我又理解，所以就我個人黎講，我反而唔會怪佢怪得太犀利。就係咁。
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #日本 #巴西 #假波
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊