不專業足球筆記（七十四）︰ 盧比度爆冷就任港隊主教練 唯對蒙古、柬埔寨一勝一負 九月東盟盃可否有改善？
1. 隨住兩場既國際友誼賽都踢完，今季港足真係曲終人散。
2. 今個星期最大既新聞，就梗係香港足總正式公佈咗主教練既正式人選，經過接近六個月既招聘程序，最後拍板由本身暫代緊主教練既盧比度坐正。
3. 唔知其他人點睇，但老實講，我個人黎講就幾意外，因為之前盧比度喺暫代教練既時候仲未打開過勝利之門，因為返工或者湊小朋友既關係，我睇唔晒所有港隊比賽，但我有睇足全場既就有對印度同埋省港盃兩回合既比賽，就咁睇呢三場波既比賽內容，雖然係二和一負，但整體黎講真係踢得幾差，尤其是省港盃第一回合，先失兩球，再打多人哋兩個都只係二比二逼和對手一班年輕小將。之後印度果場波真係仲差，最後1-2輸咗比榜尾（但pot 1）既印度。
4. 先唔好論戰果，佢帶隊既比賽之中所show出黎既表現，我認為係唔合格，喺對印度時我寫既賽後評就已經提到，我覺得叔叔應該end game了。
5. 點知世事真係無絕對，足總話有超過300人去應徵港隊主教練既職位，最後竟然都係搵返盧比度叔叔去做。
6. 最初既時候，其實我係有啲期待呢位喺東方時期曾經兩季都取得港超聯最佳教練既盧比度，可惜現實係好殘酷，六個月入面4場考牌戰3和1負，最慘係表現出黎真係好麻麻，所以我誠實地講喇，我係希望有另一位安達臣、韋斯活呢種級數嘅教練黎教港隊既。全球300名應徵者喎，一個呢啲背景都冇？
7. That being said，盧比度正式成為主教練之後，我都會支持佢，希望佢帶隊帶得好好睇睇。作為港隊球迷，唔會奢望場場贏波，但我希望睇到拼勁，同埋難得面對比自己弱既對手時可以取勝。
8. 今次兩場比賽都因為工作關係錯過咗，只能夠睇返精華同球迷評語（所以呢兩場我冇寫錯後評），對住排名第191位(排名比港隊低36位)既蒙古如果只係睇精華似乎係佔有壓倒性優勢，只係把握力欠奉，所以只贏到兩球。不過我睇啲留言同埋同我有入場睇波既朋友傾，佢哋似乎唔係咁睇，佢哋指出港隊踢得毫無章法可言，非常唔滿意球隊表現。
9. 至於作客對排名第176位既柬埔寨，我喺Youtube度睇到應該當地既精華片段，3分39秒既片段，竟然接近全部都係港隊比柬埔寨圍攻既場面，港隊唯一一個入鏡攻門就係孫銘謙門前幾碼炒飛機…對住柬埔寨，輸係其一，第二樣嘢係球隊表現得好差，全場只有兩射零中框，老實講呢個stat真係唔合格。球迷反應梗係一面倒鬧喇，作客既球迷仲要同叔叔互鬧，搞到叔叔要講What do you want me to do？
10. 老實講，呢下咁反駁返球迷就有啲不智，尤其是隨隊作客呢一班球迷真係死忠黎，跟埋你哋深入KK園睇你哋比賽，戰果都算，表現係極差呢下唔掂，道個歉曬個冧咪算囉，反駁返啲球迷有乜謂呢？要反駁，就下次比賽時交出好表現黎反駁。
11. 個人黎講，我係會繼續返自己一直以黎既信條，就係只要你一日係香港既主教練，我都會一直支持你。當然我支持你，唔代表唔會批評你，就好似作客跟隊既球迷們，乜嘢山卡啦地方佢哋都跟住球隊征戰，我深信佢哋好愛港隊，但愛之深、責之切，踢得唔好︳對球員、教練有微言係正常。我都覺得暫時叔叔帶隊既表現真係幾差，但既然你已經確認係咗由暫代轉做長工，我都唔希望你比人睇死，希望你帶親隊都可贏波，或者至少有拼勁比大家睇到。
12. 我唔會屌西木，一樣唔會屌叔叔，但黎緊既9月東盟盃，希望你真係帶隊帶得好好睇睇。
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 隨住兩場既國際友誼賽都踢完，今季港足真係曲終人散。
2. 今個星期最大既新聞，就梗係香港足總正式公佈咗主教練既正式人選，經過接近六個月既招聘程序，最後拍板由本身暫代緊主教練既盧比度坐正。
3. 唔知其他人點睇，但老實講，我個人黎講就幾意外，因為之前盧比度喺暫代教練既時候仲未打開過勝利之門，因為返工或者湊小朋友既關係，我睇唔晒所有港隊比賽，但我有睇足全場既就有對印度同埋省港盃兩回合既比賽，就咁睇呢三場波既比賽內容，雖然係二和一負，但整體黎講真係踢得幾差，尤其是省港盃第一回合，先失兩球，再打多人哋兩個都只係二比二逼和對手一班年輕小將。之後印度果場波真係仲差，最後1-2輸咗比榜尾（但pot 1）既印度。
4. 先唔好論戰果，佢帶隊既比賽之中所show出黎既表現，我認為係唔合格，喺對印度時我寫既賽後評就已經提到，我覺得叔叔應該end game了。
5. 點知世事真係無絕對，足總話有超過300人去應徵港隊主教練既職位，最後竟然都係搵返盧比度叔叔去做。
6. 最初既時候，其實我係有啲期待呢位喺東方時期曾經兩季都取得港超聯最佳教練既盧比度，可惜現實係好殘酷，六個月入面4場考牌戰3和1負，最慘係表現出黎真係好麻麻，所以我誠實地講喇，我係希望有另一位安達臣、韋斯活呢種級數嘅教練黎教港隊既。全球300名應徵者喎，一個呢啲背景都冇？
7. That being said，盧比度正式成為主教練之後，我都會支持佢，希望佢帶隊帶得好好睇睇。作為港隊球迷，唔會奢望場場贏波，但我希望睇到拼勁，同埋難得面對比自己弱既對手時可以取勝。
8. 今次兩場比賽都因為工作關係錯過咗，只能夠睇返精華同球迷評語（所以呢兩場我冇寫錯後評），對住排名第191位(排名比港隊低36位)既蒙古如果只係睇精華似乎係佔有壓倒性優勢，只係把握力欠奉，所以只贏到兩球。不過我睇啲留言同埋同我有入場睇波既朋友傾，佢哋似乎唔係咁睇，佢哋指出港隊踢得毫無章法可言，非常唔滿意球隊表現。
9. 至於作客對排名第176位既柬埔寨，我喺Youtube度睇到應該當地既精華片段，3分39秒既片段，竟然接近全部都係港隊比柬埔寨圍攻既場面，港隊唯一一個入鏡攻門就係孫銘謙門前幾碼炒飛機…對住柬埔寨，輸係其一，第二樣嘢係球隊表現得好差，全場只有兩射零中框，老實講呢個stat真係唔合格。球迷反應梗係一面倒鬧喇，作客既球迷仲要同叔叔互鬧，搞到叔叔要講What do you want me to do？
10. 老實講，呢下咁反駁返球迷就有啲不智，尤其是隨隊作客呢一班球迷真係死忠黎，跟埋你哋深入KK園睇你哋比賽，戰果都算，表現係極差呢下唔掂，道個歉曬個冧咪算囉，反駁返啲球迷有乜謂呢？要反駁，就下次比賽時交出好表現黎反駁。
11. 個人黎講，我係會繼續返自己一直以黎既信條，就係只要你一日係香港既主教練，我都會一直支持你。當然我支持你，唔代表唔會批評你，就好似作客跟隊既球迷們，乜嘢山卡啦地方佢哋都跟住球隊征戰，我深信佢哋好愛港隊，但愛之深、責之切，踢得唔好︳對球員、教練有微言係正常。我都覺得暫時叔叔帶隊既表現真係幾差，但既然你已經確認係咗由暫代轉做長工，我都唔希望你比人睇死，希望你帶親隊都可贏波，或者至少有拼勁比大家睇到。
12. 我唔會屌西木，一樣唔會屌叔叔，但黎緊既9月東盟盃，希望你真係帶隊帶得好好睇睇。
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊