不專業足球筆記（七十三）︰ 流浪真正進入新一朝代？ 傳奇人物李輝立稱自己下季明確退下！ ； 保羅做英雄 東區捱到十二碼淘汰北區闖足總盃決賽鬥大埔
1. 本已經退居幕後既前流浪總監李輝立Philip明確咁講話自己下季會退休了。
2. 其實佢喺 2023-2024球季，當流浪果陣拎咗菁英盃冠軍之後，就已經唔再做總監，進入2024-25球季後，佢喺名義上僅保留「球會秘書」銜頭。而黎到今季，佢更加定咗喺6月正式開記者會告別，正式退下來、徹底脫離球會管理層，將自己揸fit咗40年既流浪呢支老牌球隊全面移交比年輕一代咁話。
3. Philip之所以會退落黎，除咗佢話自己年事已高、體力不支所以萌生退意之外，仲話因為「似乎很多人討厭我，不如現在灑脫一點」所以選擇退落黎。
4. 李輝立幾時都係一個好有話題性既人物，成日爆啲金句出黎屌人(包括球證、足總，甚至係流浪旗下球員)，又比球迷話佢對球員刻薄，喺網上可以話經常都見到有球迷鬧佢，唔鍾意佢，或者真係正如Philip自己所講「似乎很多人討厭我」。
5. 但無論你鍾唔鍾意佢都好，佢呢幾十年來的確為球圈供獻咗唔少，喺佢既領導之下，流浪一直都係以培育年青球員為本，又喺一啲球員冇班落既時候對佢哋伸出援手，即使香港球壇陷入「冰河時期」，啲大球會都因為班主退出而解散，但李輝立都可以喺極其有限既預算下帶領流浪立足於頂級聯賽，仲試過喺贊助退出時自己有份出錢幫球會營運，算係認真唔話得。
6. 當然，佢比流浪既球員，尤其是後生仔既人工唔高係事實。但係考慮到流浪既規模，其實你都好難預期佢會比得出好高人工，叫做各取所需喇，球會需要球員、球員需要一個舞台，如果把握到既，咪可以好似陳偉豪、盧均宜比大會睇中，又或者甚至可以好似徐宏傑咁直接外流。呢點好多球員都明白既，由好多球員同佢關係好好，而Philip甚至好照顧已經過世既張耀麟太太同遺孤呢啲地方都可以睇得出。
7. Philip唔係一個完美既人，佢帶黎既爭議都唔假，但係佢既貢獻同樣係實實在在既，未來佢既角色會係點，就真係要等6月佢開記者會正式公佈之後先知。
8. 黎緊香港波就只係剩返一場足總盃決賽，之前我估計決賽係大埔對北區，最後估錯咗一半喇，流浪算係意料之中咁樣被淘汰出局，佢哋同大埔本身實力有差距，狀態又欠佳，都係意料之中。
9. 反而東區算係被一致睇淡既情況之下，守到去十二碼淘汰北區。北區實力係好過東區，呢點無庸置疑，但當守到去射十二碼既時候，東區有保羅呢個今季表現突出既神經刀門將，佢一直以黎喺港超不嬲喺救十二碼都有心得，所以比東區拖到去射十二碼階段我覺得東區贏面係大啲。果然，雖然喺九十分鐘既時間入保羅救唔到果個十二碼被追成2比2平手，但係佢喺互射十二碼階段連救三個十二碼，協助東區殺入決賽。
10. 我以前喺度講過（應該都超過一年前），而家咁多隊港超入面，我唯一一隊真係唔鍾意既就係北區，佢哋今季係cow sir帶領下係踢得好既，但都改變唔到我既睇法，三季入面踢斷咗兩個球員隻腳、賽後道歉求求其其，尤其是莊士敦斷腳之後教練梁志榮帶隊衝入球場話人哋插水，大麻榮後尾仲因為涉嫌帶球隊打假波(但公道講我再google過，問埋AI，單案仲係調查階段，冇話停止調查或者起訴)，即使大麻榮走咗、cow sir帶領下呢啲風氣係慢慢有改善兼且高層有心搞波，但我對北區既impression都係改變唔到住。
11. 就好似今場雷爾斯球紅牌，慢鏡睇到雷爾斯雖然係有用手推一推北區既卡路士，但後者好似中咗如來神掌咁彈飛出去仲要轆地係咁轉，真係肉酸，旁述都話可惜呢下唔係直紅VAR冇得介入，即係佢哋都覺得呢球黃牌有啲問題。
12. 足總盃最終決戰，個人鳩估大埔贏，又睇下我估唔估得中。
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 本已經退居幕後既前流浪總監李輝立Philip明確咁講話自己下季會退休了。
2. 其實佢喺 2023-2024球季，當流浪果陣拎咗菁英盃冠軍之後，就已經唔再做總監，進入2024-25球季後，佢喺名義上僅保留「球會秘書」銜頭。而黎到今季，佢更加定咗喺6月正式開記者會告別，正式退下來、徹底脫離球會管理層，將自己揸fit咗40年既流浪呢支老牌球隊全面移交比年輕一代咁話。
3. Philip之所以會退落黎，除咗佢話自己年事已高、體力不支所以萌生退意之外，仲話因為「似乎很多人討厭我，不如現在灑脫一點」所以選擇退落黎。
4. 李輝立幾時都係一個好有話題性既人物，成日爆啲金句出黎屌人(包括球證、足總，甚至係流浪旗下球員)，又比球迷話佢對球員刻薄，喺網上可以話經常都見到有球迷鬧佢，唔鍾意佢，或者真係正如Philip自己所講「似乎很多人討厭我」。
5. 但無論你鍾唔鍾意佢都好，佢呢幾十年來的確為球圈供獻咗唔少，喺佢既領導之下，流浪一直都係以培育年青球員為本，又喺一啲球員冇班落既時候對佢哋伸出援手，即使香港球壇陷入「冰河時期」，啲大球會都因為班主退出而解散，但李輝立都可以喺極其有限既預算下帶領流浪立足於頂級聯賽，仲試過喺贊助退出時自己有份出錢幫球會營運，算係認真唔話得。
6. 當然，佢比流浪既球員，尤其是後生仔既人工唔高係事實。但係考慮到流浪既規模，其實你都好難預期佢會比得出好高人工，叫做各取所需喇，球會需要球員、球員需要一個舞台，如果把握到既，咪可以好似陳偉豪、盧均宜比大會睇中，又或者甚至可以好似徐宏傑咁直接外流。呢點好多球員都明白既，由好多球員同佢關係好好，而Philip甚至好照顧已經過世既張耀麟太太同遺孤呢啲地方都可以睇得出。
7. Philip唔係一個完美既人，佢帶黎既爭議都唔假，但係佢既貢獻同樣係實實在在既，未來佢既角色會係點，就真係要等6月佢開記者會正式公佈之後先知。
8. 黎緊香港波就只係剩返一場足總盃決賽，之前我估計決賽係大埔對北區，最後估錯咗一半喇，流浪算係意料之中咁樣被淘汰出局，佢哋同大埔本身實力有差距，狀態又欠佳，都係意料之中。
9. 反而東區算係被一致睇淡既情況之下，守到去十二碼淘汰北區。北區實力係好過東區，呢點無庸置疑，但當守到去射十二碼既時候，東區有保羅呢個今季表現突出既神經刀門將，佢一直以黎喺港超不嬲喺救十二碼都有心得，所以比東區拖到去射十二碼階段我覺得東區贏面係大啲。果然，雖然喺九十分鐘既時間入保羅救唔到果個十二碼被追成2比2平手，但係佢喺互射十二碼階段連救三個十二碼，協助東區殺入決賽。
10. 我以前喺度講過（應該都超過一年前），而家咁多隊港超入面，我唯一一隊真係唔鍾意既就係北區，佢哋今季係cow sir帶領下係踢得好既，但都改變唔到我既睇法，三季入面踢斷咗兩個球員隻腳、賽後道歉求求其其，尤其是莊士敦斷腳之後教練梁志榮帶隊衝入球場話人哋插水，大麻榮後尾仲因為涉嫌帶球隊打假波(但公道講我再google過，問埋AI，單案仲係調查階段，冇話停止調查或者起訴)，即使大麻榮走咗、cow sir帶領下呢啲風氣係慢慢有改善兼且高層有心搞波，但我對北區既impression都係改變唔到住。
11. 就好似今場雷爾斯球紅牌，慢鏡睇到雷爾斯雖然係有用手推一推北區既卡路士，但後者好似中咗如來神掌咁彈飛出去仲要轆地係咁轉，真係肉酸，旁述都話可惜呢下唔係直紅VAR冇得介入，即係佢哋都覺得呢球黃牌有啲問題。
12. 足總盃最終決戰，個人鳩估大埔贏，又睇下我估唔估得中。
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊