不專業足球筆記（七十二）︰ 為傑志征戰逾廿載 王振鵬宣布退役；英超爭霸戰提早落幕 般尼茅夫「厚禮」贈哥帥 阿仙奴相隔22年再奪英超
1. 王振鵬退休了，都真係一個時代既落幕，而鵬哥本身都係一個幾傳奇既球員。講緊喺鵬哥當打既時候，都有幾多爭議性，主要係因為佢都算常出現啲唔集中派膠既事件，搞到有時連傑志自己球迷都會鬧佢，但隨住時間既推移，慢慢地呢啲爭議聲音都變成一種敬佩既聲音。雖然唔係傑志出身、甚至都唔係香港青訓出黎，但係由佢黎咗香港開始之後，踢咗21年，都淨係效力傑志一間球會，都叫做係one man one club。
2. 雖然話佢喺傑志咁多年黎都可以叫做主力門將，最初佢搶去蕭國基主力位置，但表現其實又未至於係非常出色得閒就派下膠咁，於是傑志慢慢成為強隊之後，喺不同時期其實都有搵過唔同既門將去代替佢，由遠少少既盧斯奧、奧利，到試用下睇落幾穩陣既郭劍橋，再到近代少少既保羅、泰利，今季睇黎應該可以接班既Bear龐焯熙，但兜兜轉轉王振鵬依然喺傑志屹立不倒，總之喺球隊有需要時，佢總會挺身而出。
3. 唔止喺傑志，喺香港隊都唔例外。喺亞洲盃外圍賽對新加坡一戰，謝家榮淆底、保羅又唔肯復出，又冇理由去到危急關頭派出國際賽經驗好少既伍瑋謙，呢個時候，係王振鵬企出黎幫香港隊鎮守大門。果場波佢表現係咪好好，我覺得唔係，雖然係有啲唔錯既撲救，但兩球波都可以做得更好（唔係屌佢失誤，唔好誤會，可以做得再好啲同派膠係兩回事），但佢果種心態、為香港搏盡既精神，果一刻，我真係好尊敬佢。
4. 我有啲覺得王振鵬同當年效力巴塞既域陀華迪斯處境有啲似，正常時候好正常，亦都有過精彩表現既時刻，但派膠時候又可以好膠。
5. 有趣既係，我搵關於鵬哥既資料時搵到一篇官網既訪問，其實鵬哥講過「我當然知道有人說我是伍先生的乾兒子，認為我在隊中能夠佔一席位，全因為他的原故」，所以佢係知道外界對佢既嘲笑，老實講，龍門呢個位承受既壓力係好大，佢可以喺咁樣既環境之中仲交到功課，心理質素其實好好。
6. 由出面好多雜音批評，到今時今日大部份人無論鍾唔鍾意佢都會佩服佢，一路走來真係唔易，王振鵬黎緊會加入傑志既教練團，祝佢生活愉快喇。
7. 講完港超講英超，我自己就真係有少少跌眼鏡，喺最後一輪之前，英超就已經決定咗花落誰家。
8. 坦白講，最後邊隊拎冠軍，對我黎講都唔意外，令我有少少跌眼鏡既，係我一直認為曼城可以咬到最後一輪先可以分出勝負。
9. 幾集前分析過，阿仙奴可以及時反彈兼且最後幾場對手較弱，贏晒都唔係問題，而且所有英超賽事都係喺倫敦踢，只要果陣捱過咗歐聯馬體會，佢哋會少咗好多舟車勞頓有優勢；而曼城既優勢就係佢哋爭冠經驗豐富，所以對手較強都好，佢哋心理質素都可以幫佢哋撐過難關，加上古希同施曼尤來投後迅即擔到大旗，為球隊提升實力，所以我當時預計兩隊會鬥到最後一輪，隨時要用得失球決勝負。
10. 結果前半部份我就估得啱，反而曼城果part就估錯咗，喺關鍵時刻接連失咗四分，結果回天乏術。
11. 事後孔明可以好多嘢講既，曼城主要輸自爆尤其是對愛華頓果場捉到鹿唔識脫角係其一，其二係佢哋賽程喺爭標直路時轉密，要兼顧一場盃賽決賽仲要喺週中補賽保持整體水準唔易，但第三點係我覺得最攞命既一點︰喺對般尼茅夫之前果一晚，太陽報率先爆出哥迪奧拿教埋今季唔教，本身以為太陽報係神話，但隨後多份有公信力既傳媒好似The Athletic同埋名記Fabrizio Romano等等相繼確認消息，大神連接手既會係馬列斯卡都here we go埋。
12. 老實講，咁大件事喺呢個時候爆出黎，你話冇影響就真係假，仲要據報哥帥喺賽前先至同班球員派晒定心丸話佢唔會走，呢個消息喺呢個時間點爆出黎，我甚至覺得係有人想做鳩曼城影響佢哋。
13. 同個friend傾計，佢果陣就覺得可能班球員會打場爭氣波送份大禮歡送哥帥，但我睇法係事出太突然，球員都未消化到個消息，可能仲係一片混亂，結果真係送份大禮歡送哥帥，不過係由般茅送咗份大禮比曼城，令哥帥喺曼城既最後一季都要失落英超。
14. 隨住曼城同般茅各取一分，聯賽冠軍同歐聯席位都已經定晒（因為得失球差既關係，就算利物浦真係全失三分般茅都應該搶唔到第5，隨非佢真係炒人十鳩幾球喇），但係英超最後一輪仲有刺激嘅地方值得留意，護級大戰，喺尾二呢一輪，韋斯咸同熱刺都全失三分，大家最後一輪對既都係無欲無求既球隊，究竟邊隊可以護級成功呢？
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 王振鵬退休了，都真係一個時代既落幕，而鵬哥本身都係一個幾傳奇既球員。講緊喺鵬哥當打既時候，都有幾多爭議性，主要係因為佢都算常出現啲唔集中派膠既事件，搞到有時連傑志自己球迷都會鬧佢，但隨住時間既推移，慢慢地呢啲爭議聲音都變成一種敬佩既聲音。雖然唔係傑志出身、甚至都唔係香港青訓出黎，但係由佢黎咗香港開始之後，踢咗21年，都淨係效力傑志一間球會，都叫做係one man one club。
2. 雖然話佢喺傑志咁多年黎都可以叫做主力門將，最初佢搶去蕭國基主力位置，但表現其實又未至於係非常出色得閒就派下膠咁，於是傑志慢慢成為強隊之後，喺不同時期其實都有搵過唔同既門將去代替佢，由遠少少既盧斯奧、奧利，到試用下睇落幾穩陣既郭劍橋，再到近代少少既保羅、泰利，今季睇黎應該可以接班既Bear龐焯熙，但兜兜轉轉王振鵬依然喺傑志屹立不倒，總之喺球隊有需要時，佢總會挺身而出。
3. 唔止喺傑志，喺香港隊都唔例外。喺亞洲盃外圍賽對新加坡一戰，謝家榮淆底、保羅又唔肯復出，又冇理由去到危急關頭派出國際賽經驗好少既伍瑋謙，呢個時候，係王振鵬企出黎幫香港隊鎮守大門。果場波佢表現係咪好好，我覺得唔係，雖然係有啲唔錯既撲救，但兩球波都可以做得更好（唔係屌佢失誤，唔好誤會，可以做得再好啲同派膠係兩回事），但佢果種心態、為香港搏盡既精神，果一刻，我真係好尊敬佢。
4. 我有啲覺得王振鵬同當年效力巴塞既域陀華迪斯處境有啲似，正常時候好正常，亦都有過精彩表現既時刻，但派膠時候又可以好膠。
5. 有趣既係，我搵關於鵬哥既資料時搵到一篇官網既訪問，其實鵬哥講過「我當然知道有人說我是伍先生的乾兒子，認為我在隊中能夠佔一席位，全因為他的原故」，所以佢係知道外界對佢既嘲笑，老實講，龍門呢個位承受既壓力係好大，佢可以喺咁樣既環境之中仲交到功課，心理質素其實好好。
6. 由出面好多雜音批評，到今時今日大部份人無論鍾唔鍾意佢都會佩服佢，一路走來真係唔易，王振鵬黎緊會加入傑志既教練團，祝佢生活愉快喇。
7. 講完港超講英超，我自己就真係有少少跌眼鏡，喺最後一輪之前，英超就已經決定咗花落誰家。
8. 坦白講，最後邊隊拎冠軍，對我黎講都唔意外，令我有少少跌眼鏡既，係我一直認為曼城可以咬到最後一輪先可以分出勝負。
9. 幾集前分析過，阿仙奴可以及時反彈兼且最後幾場對手較弱，贏晒都唔係問題，而且所有英超賽事都係喺倫敦踢，只要果陣捱過咗歐聯馬體會，佢哋會少咗好多舟車勞頓有優勢；而曼城既優勢就係佢哋爭冠經驗豐富，所以對手較強都好，佢哋心理質素都可以幫佢哋撐過難關，加上古希同施曼尤來投後迅即擔到大旗，為球隊提升實力，所以我當時預計兩隊會鬥到最後一輪，隨時要用得失球決勝負。
10. 結果前半部份我就估得啱，反而曼城果part就估錯咗，喺關鍵時刻接連失咗四分，結果回天乏術。
11. 事後孔明可以好多嘢講既，曼城主要輸自爆尤其是對愛華頓果場捉到鹿唔識脫角係其一，其二係佢哋賽程喺爭標直路時轉密，要兼顧一場盃賽決賽仲要喺週中補賽保持整體水準唔易，但第三點係我覺得最攞命既一點︰喺對般尼茅夫之前果一晚，太陽報率先爆出哥迪奧拿教埋今季唔教，本身以為太陽報係神話，但隨後多份有公信力既傳媒好似The Athletic同埋名記Fabrizio Romano等等相繼確認消息，大神連接手既會係馬列斯卡都here we go埋。
12. 老實講，咁大件事喺呢個時候爆出黎，你話冇影響就真係假，仲要據報哥帥喺賽前先至同班球員派晒定心丸話佢唔會走，呢個消息喺呢個時間點爆出黎，我甚至覺得係有人想做鳩曼城影響佢哋。
13. 同個friend傾計，佢果陣就覺得可能班球員會打場爭氣波送份大禮歡送哥帥，但我睇法係事出太突然，球員都未消化到個消息，可能仲係一片混亂，結果真係送份大禮歡送哥帥，不過係由般茅送咗份大禮比曼城，令哥帥喺曼城既最後一季都要失落英超。
14. 隨住曼城同般茅各取一分，聯賽冠軍同歐聯席位都已經定晒（因為得失球差既關係，就算利物浦真係全失三分般茅都應該搶唔到第5，隨非佢真係炒人十鳩幾球喇），但係英超最後一輪仲有刺激嘅地方值得留意，護級大戰，喺尾二呢一輪，韋斯咸同熱刺都全失三分，大家最後一輪對既都係無欲無求既球隊，究竟邊隊可以護級成功呢？
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊