不專業足球筆記（七十一）︰ 艾華頓宣布離開理文 下一站去邊？ ； 至尊提前奪冠 升班簽埋老細 林嘉緯復出 下季至尊有睇頭
1. 今個星期都忙忙地，本來想早少少出呢一集講下啲新聞，但足球世界都係瞬息萬變，遲幾日寫就變咗舊聞，不過都仲有啲嘢想寫出黎同大家傾下波。
2. 艾華頓要離開理文了，呢個消息並唔意外，畢竟喺球圈入面都傳咗一段時間，再加埋班主李文恩早前比出個模稜兩可既答案，都可以估到結局會係咁。
3. 先帶定頭盔，人在英國，我只係精華黨，但今季睇落艾華頓喺理文嘅影響力真係細咗，畢竟年紀大咗嘛，戰術重心轉移都正常，去到季中我成日都見到艾華頓先列後備再出場搏殺，同以前既鐵打主力唔同咗。佢走，或者對雙方黎講都有好處，理文可以徹底改革，艾華頓都可以搵個可以以佢為重心既球隊繼續球員生涯。
4. 唔知真唔真，有傳話佢會過檔去理文既勁敵傑志，下季傑志有亞冠二踢，雖然話而家唔限外援，但多一個勁人都係好事黎。艾華頓雖然已經年屆34，但我相信以佢既能力，依然係可以有一番作為。
5. 甲組冠軍至尊喺上星期頭都真係幾吸引眼球，佢哋老細王至尊喺對浩運既比賽之中以隊長身份連中三元，將對方踢落乙組，同時提前一輪捧走聯賽冠軍。王老闆都喺接受傳媒訪問時講埋組軍情況，佢就話組軍大致上都完成，簽咗24個球員，仲已經包括咗6個外援，而林學曦、黃梓豪重返甲組之餘，連林嘉緯都會復出，唔知有冇機會連盧均宜都復出踢埋一份呢（雖然暫時唔似會…）？
6. 不過最爆既都係佢話會簽埋自己，而且希望至少可以喺港超聯入到一球非十二碼嘅入波去圓夢。王老闆以甲組黎講真係踢得下，但係港超職業級真係兩個世界黎，究竟佢係咪真係會叫教練比自己出場，定只係Gimmick？出到場又入唔入到波圓夢？真係拭目以待。
7. 講起Gimmick，王老闆仲話為咗Gimmick，佢搵咗啲同傑志有牙齒印既球員，好似金球王、丹恩、伊高呢啲加盟，不過人哋就唔show佢啫。
8. 王老闆講嘢都幾有趣，睇黎下季港超都唔會缺少話題嘞。
9. 講起黎，佢哋同沙田合作搞升班一事，都仲未完全明朗。王老闆表示自己係沙田大，所以屬意用沙田區隊名義出戰，不過仲要走流程，但睇佢語氣，成功機會應該都幾大。
10. 雖然佢講到話係為咗沙田先借用沙田區隊，不過我其實覺得佢係為咗啲區隊資助，果度多成至少200萬啊，真係唔嘢少。
11. 我個人唔反對呢種做法既，多啲錢，咁升咗上港超之後，先有更好既待遇比到球員吖嘛。
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 今個星期都忙忙地，本來想早少少出呢一集講下啲新聞，但足球世界都係瞬息萬變，遲幾日寫就變咗舊聞，不過都仲有啲嘢想寫出黎同大家傾下波。
2. 艾華頓要離開理文了，呢個消息並唔意外，畢竟喺球圈入面都傳咗一段時間，再加埋班主李文恩早前比出個模稜兩可既答案，都可以估到結局會係咁。
3. 先帶定頭盔，人在英國，我只係精華黨，但今季睇落艾華頓喺理文嘅影響力真係細咗，畢竟年紀大咗嘛，戰術重心轉移都正常，去到季中我成日都見到艾華頓先列後備再出場搏殺，同以前既鐵打主力唔同咗。佢走，或者對雙方黎講都有好處，理文可以徹底改革，艾華頓都可以搵個可以以佢為重心既球隊繼續球員生涯。
4. 唔知真唔真，有傳話佢會過檔去理文既勁敵傑志，下季傑志有亞冠二踢，雖然話而家唔限外援，但多一個勁人都係好事黎。艾華頓雖然已經年屆34，但我相信以佢既能力，依然係可以有一番作為。
5. 甲組冠軍至尊喺上星期頭都真係幾吸引眼球，佢哋老細王至尊喺對浩運既比賽之中以隊長身份連中三元，將對方踢落乙組，同時提前一輪捧走聯賽冠軍。王老闆都喺接受傳媒訪問時講埋組軍情況，佢就話組軍大致上都完成，簽咗24個球員，仲已經包括咗6個外援，而林學曦、黃梓豪重返甲組之餘，連林嘉緯都會復出，唔知有冇機會連盧均宜都復出踢埋一份呢（雖然暫時唔似會…）？
6. 不過最爆既都係佢話會簽埋自己，而且希望至少可以喺港超聯入到一球非十二碼嘅入波去圓夢。王老闆以甲組黎講真係踢得下，但係港超職業級真係兩個世界黎，究竟佢係咪真係會叫教練比自己出場，定只係Gimmick？出到場又入唔入到波圓夢？真係拭目以待。
7. 講起Gimmick，王老闆仲話為咗Gimmick，佢搵咗啲同傑志有牙齒印既球員，好似金球王、丹恩、伊高呢啲加盟，不過人哋就唔show佢啫。
8. 王老闆講嘢都幾有趣，睇黎下季港超都唔會缺少話題嘞。
9. 講起黎，佢哋同沙田合作搞升班一事，都仲未完全明朗。王老闆表示自己係沙田大，所以屬意用沙田區隊名義出戰，不過仲要走流程，但睇佢語氣，成功機會應該都幾大。
10. 雖然佢講到話係為咗沙田先借用沙田區隊，不過我其實覺得佢係為咗啲區隊資助，果度多成至少200萬啊，真係唔嘢少。
11. 我個人唔反對呢種做法既，多啲錢，咁升咗上港超之後，先有更好既待遇比到球員吖嘛。
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊