不專業足球筆記（七十）︰ 聯賽早已無懸念 港超最後焦點為足總盃；初級組足總盃 兩支老牌球會南華、東昇爭冠
1. 早幾集講過話港超爭標組、挑戰組既問題，咁啱又睇到其他地方有留言，覺得整個爭標組出黎變例行公事，我都係維持返自己既睇法，我覺得呢個玩法幾刺激，但最好就好似以前咁，將爭標組、護級組分數減半，然後如果兩個階段既冠軍球隊唔同，就再整個總決賽出黎決一勝負。
2. 畢竟其實如果唔係傑志今季一枝獨秀，呢個賽制應該會好刺激，吸引到人入場睇爭標組既強強對碰，要再防止而家呢個帶得太遠既情況發生，咪唯有好似九十年代末期既賽制咁將分數除以二先開始踢第二階段囉。不過刺激還刺激，我呢啲花生友梗係覺得好睇，但球隊fans就未必咁諗，所以而家呢個賽制其實算係平衡到兩方面，冇人估到傑志咁痴線、其他球隊又有啲失準架嘛。下季點搞，又再睇下囉。
3. 既然聯賽冇嘢好睇，傑志喺派年輕球員取經之下不敗金身都早已被打破，今季焦點就得返3場足總盃賽事。而家港超球隊入面，個人幾鍾意流浪，但佢哋四強面對大埔，再睇埋佢哋近況同實力，真係應該會輸。不過足球一場一場計既，睇下佢哋有冇機會爆冷囉，盃賽都成日有呢啲情況出現。至於東區對北區，除非東區有超水準演出，如果唔係決賽九成係大埔對北區，又睇下呢個心水預測準唔準。
4. 足總盃就唔止港超球會有得踢，初級組足總盃都有份比甲乙丙組會踢，決賽將會由兩支老牌球會對戰，南華對東昇。
5. 個人對南華高層非常不滿，但對佢哋球員就冇乜嘢既，都幾欣賞佢哋，要知道佢哋既陣容同至尊、和富社企相比，其實都爭得遠。至尊既華人球員真係可以話粒粒皆星，盧均宜、林嘉緯、陳文輝、鞠盈智等等，全部都係啱啱退休之前入選過香港隊有啲仲要係當年港隊主力成員，而和富社企華人陣容弱少少，但佢哋都有前港超腳廖偉業、彭梓鍵、喺泰國外流過既梁𧙗維，仲有甲組球王汪雙財，夠喺港超立足既大衛巴拉等等。當然南華既陣容以甲組黎講實力算唔錯，好似隊長伊藤紘平、坦克車禾達都係港甲頂級，不過衝超既話就遠遠不夠咁囉。
6. 扯得太遠，其實我有睇到南華對中西區既精華(SNG130 youtube有得睇)，南華有幾位主力缺陣，禾達骨裂可能收咧、溫俊受傷、丘仲軒缺陣，陣容上真係缺少咗主力連幾個入得波既前鋒都冇咗，反而中西區就強陣出擊，佢哋陣中有基奧雲尼，其他主力都可以正選上陣，我冇記錯既話今季南華喺聯賽好似雙殺中西區，呢場咁重要既盃賽四強，中西區應該好大機會啅返場。
7. 不過人算不如天算，呢句係真冇誇張架，因為當日南華受壓下由何誠淵先入一球，之後中西區傾力反撲，但係果日身處香港既都知落幾大雨，末段球場積水嚴重，影響雙方發揮，但個波連推進都有困難，咁樣對落後緊既中西區反而好不利，唔敢話冇落雨佢哋一定追到，但要喺最需要入波既時候，呢場大雨可以將佢哋追平既希望都沖走埋。
8. 諷刺既係，根據還看港甲專頁所講，原來開波之前由於賽大雨傾盆及場地積水，南華提議改期，但中西區就唔肯，最終反而自食其果。當然站在中西區既立場明白既，南華呢場波陣容不整，球員有啲因為傷、有啲因為私事唔喺香港所以實力大打折扣，自己陣容就完整，比著我係佢哋都會反對改期，但最後咁大雨影響佢哋進攻部署，只能講句人算不如天算。
9. 另一場我冇咁神心睇精華，只係睇還看港甲專頁報導，但如果以花生球迷角度，呢場應該好精彩！東昇本身落後兩球，但蘇沙呢名前港超巴西腳憑住兩個入球一個助攻，幫東昇連追三球，反勝有李康廉、安基斯助陣既凱景，進軍斧山道足總盃決賽！
10. 東昇威水我就未出世，但我細個跟老豆睇波時係擁南躉黎，大咗少少讀書時候個個星期同女朋友（而家既老婆）入場睇波，全部都係一啲幾美好既回憶，估唔到兩支老牌球會最後係響次級聯賽既盃賽決賽聚首一堂，都真係有啲唏噓。
11. 雖然話都想南華升返上去，但講真吖，一降就走咗差唔多十年，啲fans應該走咗唔少，上返黎仲可唔可以好似當年咁帶動到球市，我就唔係咁樂觀。幫助一定有，但冇可能再好似喺羅神時代咁呼風喚雨架喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 早幾集講過話港超爭標組、挑戰組既問題，咁啱又睇到其他地方有留言，覺得整個爭標組出黎變例行公事，我都係維持返自己既睇法，我覺得呢個玩法幾刺激，但最好就好似以前咁，將爭標組、護級組分數減半，然後如果兩個階段既冠軍球隊唔同，就再整個總決賽出黎決一勝負。
2. 畢竟其實如果唔係傑志今季一枝獨秀，呢個賽制應該會好刺激，吸引到人入場睇爭標組既強強對碰，要再防止而家呢個帶得太遠既情況發生，咪唯有好似九十年代末期既賽制咁將分數除以二先開始踢第二階段囉。不過刺激還刺激，我呢啲花生友梗係覺得好睇，但球隊fans就未必咁諗，所以而家呢個賽制其實算係平衡到兩方面，冇人估到傑志咁痴線、其他球隊又有啲失準架嘛。下季點搞，又再睇下囉。
3. 既然聯賽冇嘢好睇，傑志喺派年輕球員取經之下不敗金身都早已被打破，今季焦點就得返3場足總盃賽事。而家港超球隊入面，個人幾鍾意流浪，但佢哋四強面對大埔，再睇埋佢哋近況同實力，真係應該會輸。不過足球一場一場計既，睇下佢哋有冇機會爆冷囉，盃賽都成日有呢啲情況出現。至於東區對北區，除非東區有超水準演出，如果唔係決賽九成係大埔對北區，又睇下呢個心水預測準唔準。
4. 足總盃就唔止港超球會有得踢，初級組足總盃都有份比甲乙丙組會踢，決賽將會由兩支老牌球會對戰，南華對東昇。
5. 個人對南華高層非常不滿，但對佢哋球員就冇乜嘢既，都幾欣賞佢哋，要知道佢哋既陣容同至尊、和富社企相比，其實都爭得遠。至尊既華人球員真係可以話粒粒皆星，盧均宜、林嘉緯、陳文輝、鞠盈智等等，全部都係啱啱退休之前入選過香港隊有啲仲要係當年港隊主力成員，而和富社企華人陣容弱少少，但佢哋都有前港超腳廖偉業、彭梓鍵、喺泰國外流過既梁𧙗維，仲有甲組球王汪雙財，夠喺港超立足既大衛巴拉等等。當然南華既陣容以甲組黎講實力算唔錯，好似隊長伊藤紘平、坦克車禾達都係港甲頂級，不過衝超既話就遠遠不夠咁囉。
6. 扯得太遠，其實我有睇到南華對中西區既精華(SNG130 youtube有得睇)，南華有幾位主力缺陣，禾達骨裂可能收咧、溫俊受傷、丘仲軒缺陣，陣容上真係缺少咗主力連幾個入得波既前鋒都冇咗，反而中西區就強陣出擊，佢哋陣中有基奧雲尼，其他主力都可以正選上陣，我冇記錯既話今季南華喺聯賽好似雙殺中西區，呢場咁重要既盃賽四強，中西區應該好大機會啅返場。
7. 不過人算不如天算，呢句係真冇誇張架，因為當日南華受壓下由何誠淵先入一球，之後中西區傾力反撲，但係果日身處香港既都知落幾大雨，末段球場積水嚴重，影響雙方發揮，但個波連推進都有困難，咁樣對落後緊既中西區反而好不利，唔敢話冇落雨佢哋一定追到，但要喺最需要入波既時候，呢場大雨可以將佢哋追平既希望都沖走埋。
8. 諷刺既係，根據還看港甲專頁所講，原來開波之前由於賽大雨傾盆及場地積水，南華提議改期，但中西區就唔肯，最終反而自食其果。當然站在中西區既立場明白既，南華呢場波陣容不整，球員有啲因為傷、有啲因為私事唔喺香港所以實力大打折扣，自己陣容就完整，比著我係佢哋都會反對改期，但最後咁大雨影響佢哋進攻部署，只能講句人算不如天算。
9. 另一場我冇咁神心睇精華，只係睇還看港甲專頁報導，但如果以花生球迷角度，呢場應該好精彩！東昇本身落後兩球，但蘇沙呢名前港超巴西腳憑住兩個入球一個助攻，幫東昇連追三球，反勝有李康廉、安基斯助陣既凱景，進軍斧山道足總盃決賽！
10. 東昇威水我就未出世，但我細個跟老豆睇波時係擁南躉黎，大咗少少讀書時候個個星期同女朋友（而家既老婆）入場睇波，全部都係一啲幾美好既回憶，估唔到兩支老牌球會最後係響次級聯賽既盃賽決賽聚首一堂，都真係有啲唏噓。
11. 雖然話都想南華升返上去，但講真吖，一降就走咗差唔多十年，啲fans應該走咗唔少，上返黎仲可唔可以好似當年咁帶動到球市，我就唔係咁樂觀。幫助一定有，但冇可能再好似喺羅神時代咁呼風喚雨架喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊