不專業足球筆記（六十九）︰ 至尊升班同沙田區隊互換會籍？ ； 英超爭標及護級形勢漸明朗 熱刺大機逃出生天 曼城對愛華頓爆冷自爆式失分勢危
1. 每逢去到季尾，香港球壇一定例牌有好多球會既去留（你冇睇錯，唔係球員，係球會！）消息流出黎。
2. 今季喺甲組實力超晒班，有一堆前港腳、前港超腳坐陣既至尊拎咗甲組冠軍之後，老闆王至尊已經一早放晒風話會升班，冇記錯話班費打算500至700萬左右。
3. 十幾年前我仲讀緊書既時候，呢個班費仲可以組到中型班，但而家500至700萬可能只夠組蚊型班。當然細有細搞、大有大搞，畢竟王至尊我只係聽過佢搞演唱會生意，應該唔係有錢到有一擲千金既能力，肯喺香港燒錢搞波已經好好。
4. 不過根據最新傳出黎既消息，體路訪問甲組球會沙田主帥李偉文時，李偉文表示王老闆同緊沙田傾緊合作計劃，「有意將至尊變成沙田區區隊，故今次合作形式類似『會籍上互換身份』」。
5. 講得有啲含糊，我會理解為至尊原有會藉放棄升班，但所有職球員全部過檔沙田，沙田既職球員就過檔去至尊，由沙田代替至尊去升班。
6. 點解要咁搞？李偉文話王老闆喺沙田長大，所以想將至尊打造成沙田區隊，凝聚區內沙田街坊咁話。
7. 不過，根據Come! Hong Kong Football專頁搵返黎既資料顯示，區隊出戰港超聯，球會每個球季係會有多約200萬既資助作為班費，仲會有多於36節既免費訓練場地提供。諗下500至700萬加多200萬，就變咗700至900萬，再加埋訓練場地，用沙田名義出戰港超聯真係有著數。
8. 當然，如果真係咁既玩法，即係至尊呢間球隊最後唔會升班，而由沙田代為升班，咁就失去咗至尊用咗成季去招兵買馬衝超既原意。但企喺實際角度黎睇，其實又係一個雙贏既局面，有心人可以慳少少荷包，又可以凝聚街坊吸引新客，何樂而不為？反正東區果啲都係想升就申請升班，公民上季拎冠軍話留甲就留，甚至港超有啲球會話降就降、話解散就解散（係啊，話緊你啊南華班垃圾管理層），喺錢銀既現實條件之下，好難有完整既升降制度。
9. 係咪真係會籍互換真係有待公佈，個人係唔反對呢種合作方法就是了。
10. 又講少少英超，過埋呢一個禮拜，護級同埋爭標形勢都出現大變化。
11. 熱刺如我所料，只要衝破咗心理關口，贏咗一場之後，佢哋個勢應該起咗唔少，球員們既心理壓力都細咗，會相信自己係做得到。誠然，維拉收起咗唔少主力備戰週中歐霸，但如果係之前既熱刺，我諗都唔可能全取三分。
12. 韋斯咸作客賓福特吞咗三隻光蛋就夠晒大鑊，之後仲要對阿仙奴同埋紐卡素，得返3場既情況下，都半隻腳踩咗入英冠。熱刺賽程都唔算輕鬆，但當中最強既對手都只係頹爆既車路士，加上氣勢此消彼長，熱刺最後我認為會有驚無險護級成功。
13. 森林？贏完車路士之後已經上岸喇，唔係咩？
14. 至於爭標形勢，我之前話過阿仙奴其實唔駛咁驚，因為佢哋既賽程對手比較弱，只要及時反彈，係有機會最後可以憑得失球力壓曼城奪冠，事實上佢哋今次係做得唔錯，輸比曼城之後對紐卡素、富咸都全取三分，對富咸更加係大炒三球，拉開得失球差。
15. 我估唔到既係曼城呢邊啫。雖然對手係強過阿仙奴，但以曼城以往既經驗同氣勢，呢個時候佢哋剩低落黎既比賽全勝似乎唔係問題，係睇下得失球差果度點追啫，畢竟對般尼咁好形勢都係贏得一球，其實好傷。
16. 點知最後出乎我所料，佢哋竟然爭啲輸埋比愛華頓，仲要都幾送禮feel，但咁樣失落呢三分，根本就係自爆拎黎，輸埋啲自己失誤既波，萬一最後咁樣失落英超，只可以怪責自己。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 每逢去到季尾，香港球壇一定例牌有好多球會既去留（你冇睇錯，唔係球員，係球會！）消息流出黎。
2. 今季喺甲組實力超晒班，有一堆前港腳、前港超腳坐陣既至尊拎咗甲組冠軍之後，老闆王至尊已經一早放晒風話會升班，冇記錯話班費打算500至700萬左右。
3. 十幾年前我仲讀緊書既時候，呢個班費仲可以組到中型班，但而家500至700萬可能只夠組蚊型班。當然細有細搞、大有大搞，畢竟王至尊我只係聽過佢搞演唱會生意，應該唔係有錢到有一擲千金既能力，肯喺香港燒錢搞波已經好好。
4. 不過根據最新傳出黎既消息，體路訪問甲組球會沙田主帥李偉文時，李偉文表示王老闆同緊沙田傾緊合作計劃，「有意將至尊變成沙田區區隊，故今次合作形式類似『會籍上互換身份』」。
5. 講得有啲含糊，我會理解為至尊原有會藉放棄升班，但所有職球員全部過檔沙田，沙田既職球員就過檔去至尊，由沙田代替至尊去升班。
6. 點解要咁搞？李偉文話王老闆喺沙田長大，所以想將至尊打造成沙田區隊，凝聚區內沙田街坊咁話。
7. 不過，根據Come! Hong Kong Football專頁搵返黎既資料顯示，區隊出戰港超聯，球會每個球季係會有多約200萬既資助作為班費，仲會有多於36節既免費訓練場地提供。諗下500至700萬加多200萬，就變咗700至900萬，再加埋訓練場地，用沙田名義出戰港超聯真係有著數。
8. 當然，如果真係咁既玩法，即係至尊呢間球隊最後唔會升班，而由沙田代為升班，咁就失去咗至尊用咗成季去招兵買馬衝超既原意。但企喺實際角度黎睇，其實又係一個雙贏既局面，有心人可以慳少少荷包，又可以凝聚街坊吸引新客，何樂而不為？反正東區果啲都係想升就申請升班，公民上季拎冠軍話留甲就留，甚至港超有啲球會話降就降、話解散就解散（係啊，話緊你啊南華班垃圾管理層），喺錢銀既現實條件之下，好難有完整既升降制度。
9. 係咪真係會籍互換真係有待公佈，個人係唔反對呢種合作方法就是了。
10. 又講少少英超，過埋呢一個禮拜，護級同埋爭標形勢都出現大變化。
11. 熱刺如我所料，只要衝破咗心理關口，贏咗一場之後，佢哋個勢應該起咗唔少，球員們既心理壓力都細咗，會相信自己係做得到。誠然，維拉收起咗唔少主力備戰週中歐霸，但如果係之前既熱刺，我諗都唔可能全取三分。
12. 韋斯咸作客賓福特吞咗三隻光蛋就夠晒大鑊，之後仲要對阿仙奴同埋紐卡素，得返3場既情況下，都半隻腳踩咗入英冠。熱刺賽程都唔算輕鬆，但當中最強既對手都只係頹爆既車路士，加上氣勢此消彼長，熱刺最後我認為會有驚無險護級成功。
13. 森林？贏完車路士之後已經上岸喇，唔係咩？
14. 至於爭標形勢，我之前話過阿仙奴其實唔駛咁驚，因為佢哋既賽程對手比較弱，只要及時反彈，係有機會最後可以憑得失球力壓曼城奪冠，事實上佢哋今次係做得唔錯，輸比曼城之後對紐卡素、富咸都全取三分，對富咸更加係大炒三球，拉開得失球差。
15. 我估唔到既係曼城呢邊啫。雖然對手係強過阿仙奴，但以曼城以往既經驗同氣勢，呢個時候佢哋剩低落黎既比賽全勝似乎唔係問題，係睇下得失球差果度點追啫，畢竟對般尼咁好形勢都係贏得一球，其實好傷。
16. 點知最後出乎我所料，佢哋竟然爭啲輸埋比愛華頓，仲要都幾送禮feel，但咁樣失落呢三分，根本就係自爆拎黎，輸埋啲自己失誤既波，萬一最後咁樣失落英超，只可以怪責自己。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊