不專業足球筆記（六十八）︰ 英超爭冠激烈！曼城阿仙奴各有優勢；護級大戰同樣精彩︰熱刺、韋斯咸、森林只能活一隊！
1. 雖然我呢個筆記好多時都係講香港波，不過而家港超叫做提早曲終人散，不如傾下其他聯賽，反正呢個筆記其實我自己都冇限自己講乜，係足球就得喇。
2. 德甲拜仁攞咗，西甲同意甲睇黎都係時間問題，都係巴塞同國米拎架喇，咁就不如講下英超，因為今季爭冠真係好激烈，而護級情況一樣好好睇。
3. 講下我自己對冠軍既睇法喇，我儘量用客觀情況去分析，但利申定先我冇識波牌，只係喺度發表下自己既睇法，唔一定準，可能仲會燈，哈哈。
4. 而家阿仙奴領先緊曼城三分，但打多一場，得失球就僅僅領先曼城一球，睇落好危。之前喺social media都有提過下，話我覺得阿仙奴唔駛絕望住，因為剩低四場波既對手分別係主對富咸、客鬥韋斯咸、主對般尼、客對水晶宮；曼城就客對愛華頓、主對賓福特、客對般茅、客對維拉，主對水晶宮。
5. 睇賽程，阿仙奴其實係著數啲，撇除歐聯後顧之憂，就算作客果啲都係喺倫敦踢，舟車勞動較少，對手除咗韋斯咸要為護級而戰之外，其他都係下半板或中下遊球隊無欲無求，而論實力阿仙奴都喺韋斯咸之上。至於曼城除咗對手主要係上半板之外，仲有啲力爭歐戰既實力份子，咁當然曼城正路實力都係贏晒，但對手心態唔同，可能會惡踢好多。
6. 基本上我覺得兩隊都有機會贏晒，假設兩隊都冇自爆，咁樣既時候就要睇得失球，呢個就係曼城最唔著數既地方，佢哋對手係實力分子，就算全取三分可能分差都唔大，最慘係佢哋啱啱對般尼明明㩒住黎踢，可惜只係贏一球，而阿仙奴同樣都會對住般尼，仲要主場，佢哋會想盡情數糊，般尼輸就差唔多輸硬，但輸幾多隨時都係左右冠軍既關鍵。
7. that being said，另一個好重要既關鍵係心理因素，曼城一向季尾大爆發心理質素冇乜問題，反而係究竟阿仙奴可唔可以頂住壓力呢？啱啱對紐卡素及時反彈對佢哋黎講都好重要，雖然只係贏一球，但都叫起返身先。
8. 冠軍誰屬真係踢過先知，我覺得各有各既優勢。係，我知係廢話，sor9。
9. 護級大戰一樣精彩，熱刺而家傷兵滿營，不過有時係踢個勢既啫，佢哋一路喺2026年都未贏過波，上場對狼隊打開勝利之門，個心理包袱冇咗之後可能會隊波會順返。黎緊會對維拉、列斯、車路士同愛華頓，唔易踢，但其實都唔係想像中咁難踢，維拉、車路士近況唔好，對列斯同愛華頓有機會贏，睇下熱刺打開咗勝利之門之後，佢哋可唔可以喺季尾大爆發呢？
10. 森林近況唔錯，同降班區有5分距離，但黎緊佢哋都幾惡踢，車路士、紐卡素、曼聯、般茅，歐霸又要對維拉，實力黎講可能輸蝕，就睇下對手會唔會有收爐既心態，如果唔係都幾難打。
11. 韋斯咸近況都唔錯，佢哋對手除咗阿仙奴之外，其他都有力一戰，但客戰紐卡素同賓福特有啲難踢，主對列斯都有機。
12. 其實呢三隊波各有隱憂，亦各有優勢，但我硬係覺得熱刺最後會有驚無險護級成功。冇解既，可能純粹係覺得佢哋too big to relegate，哈哈。
13. 反而喺有五個歐聯席位之後都好易估到係邊五隊，曼城、阿仙奴顧然冇問題，曼聯、利物浦都穩陣，至於維拉，雖然近況欠佳，已經算係最有機會甩碌果隊，但仲有4輪情況下領先第6既白禮頓8分，除非佢哋之後一分都拎唔到而海鷗又贏晒架啫，如果唔係應該都好穩陣。
14. 就咁先喇，我都係純鳩UP，不專業地傾下波經，勿太認真。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 雖然我呢個筆記好多時都係講香港波，不過而家港超叫做提早曲終人散，不如傾下其他聯賽，反正呢個筆記其實我自己都冇限自己講乜，係足球就得喇。
2. 德甲拜仁攞咗，西甲同意甲睇黎都係時間問題，都係巴塞同國米拎架喇，咁就不如講下英超，因為今季爭冠真係好激烈，而護級情況一樣好好睇。
3. 講下我自己對冠軍既睇法喇，我儘量用客觀情況去分析，但利申定先我冇識波牌，只係喺度發表下自己既睇法，唔一定準，可能仲會燈，哈哈。
4. 而家阿仙奴領先緊曼城三分，但打多一場，得失球就僅僅領先曼城一球，睇落好危。之前喺social media都有提過下，話我覺得阿仙奴唔駛絕望住，因為剩低四場波既對手分別係主對富咸、客鬥韋斯咸、主對般尼、客對水晶宮；曼城就客對愛華頓、主對賓福特、客對般茅、客對維拉，主對水晶宮。
5. 睇賽程，阿仙奴其實係著數啲，撇除歐聯後顧之憂，就算作客果啲都係喺倫敦踢，舟車勞動較少，對手除咗韋斯咸要為護級而戰之外，其他都係下半板或中下遊球隊無欲無求，而論實力阿仙奴都喺韋斯咸之上。至於曼城除咗對手主要係上半板之外，仲有啲力爭歐戰既實力份子，咁當然曼城正路實力都係贏晒，但對手心態唔同，可能會惡踢好多。
6. 基本上我覺得兩隊都有機會贏晒，假設兩隊都冇自爆，咁樣既時候就要睇得失球，呢個就係曼城最唔著數既地方，佢哋對手係實力分子，就算全取三分可能分差都唔大，最慘係佢哋啱啱對般尼明明㩒住黎踢，可惜只係贏一球，而阿仙奴同樣都會對住般尼，仲要主場，佢哋會想盡情數糊，般尼輸就差唔多輸硬，但輸幾多隨時都係左右冠軍既關鍵。
7. that being said，另一個好重要既關鍵係心理因素，曼城一向季尾大爆發心理質素冇乜問題，反而係究竟阿仙奴可唔可以頂住壓力呢？啱啱對紐卡素及時反彈對佢哋黎講都好重要，雖然只係贏一球，但都叫起返身先。
8. 冠軍誰屬真係踢過先知，我覺得各有各既優勢。係，我知係廢話，sor9。
9. 護級大戰一樣精彩，熱刺而家傷兵滿營，不過有時係踢個勢既啫，佢哋一路喺2026年都未贏過波，上場對狼隊打開勝利之門，個心理包袱冇咗之後可能會隊波會順返。黎緊會對維拉、列斯、車路士同愛華頓，唔易踢，但其實都唔係想像中咁難踢，維拉、車路士近況唔好，對列斯同愛華頓有機會贏，睇下熱刺打開咗勝利之門之後，佢哋可唔可以喺季尾大爆發呢？
10. 森林近況唔錯，同降班區有5分距離，但黎緊佢哋都幾惡踢，車路士、紐卡素、曼聯、般茅，歐霸又要對維拉，實力黎講可能輸蝕，就睇下對手會唔會有收爐既心態，如果唔係都幾難打。
11. 韋斯咸近況都唔錯，佢哋對手除咗阿仙奴之外，其他都有力一戰，但客戰紐卡素同賓福特有啲難踢，主對列斯都有機。
12. 其實呢三隊波各有隱憂，亦各有優勢，但我硬係覺得熱刺最後會有驚無險護級成功。冇解既，可能純粹係覺得佢哋too big to relegate，哈哈。
13. 反而喺有五個歐聯席位之後都好易估到係邊五隊，曼城、阿仙奴顧然冇問題，曼聯、利物浦都穩陣，至於維拉，雖然近況欠佳，已經算係最有機會甩碌果隊，但仲有4輪情況下領先第6既白禮頓8分，除非佢哋之後一分都拎唔到而海鷗又贏晒架啫，如果唔係應該都好穩陣。
14. 就咁先喇，我都係純鳩UP，不專業地傾下波經，勿太認真。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊