不專業足球筆記（六十七）︰ 港超冠軍爭奪戰提早曲終人散 傑志不敗奪標；理文北區合演瘋狂補時三分鐘；港超新賽制變晒例行公事？
1. 隨住理文失分兼傑志贏出，後者提早奪得2025-26球季既港超聯冠軍，估唔到港超爭奪戰，無諗過竟然喺4月12號就分出咗勝負。
2. 不過平心而論，傑志今季既表現超晒班，真係好值得呢個冠軍，連爭標組都未開始既情況之下提早四輪奪冠，確係實致名歸。
3. 比起早幾季頻頻入錯貨（最大鑊係金球王），今季傑志組軍搵返黎啲鬼真係有料，可以帶動成隊波，尤其係前皇馬/皇蘇中場伊拿拉文迪，真係主宰成場波，甚有華杜斯當年擔起傑志成條中場既感覺。最初幾驚好似奧拿斯咁得個名氣大，落到場完全冇料到，伊拿拉文迪真係有級數的，而家傾緊會續約，相信傑志球迷真係安心晒。
4. 教練卡迪朗季前有人質疑過佢履歷唔夠，淨係帶過布里斯托流浪一季貨仔，但佢今季就話比質疑既人聽，佢係夠料做呢支班霸既領軍人物，左磋右磋戰術夠做冠軍。
5. 雖然傑志今季聯賽真係痴Q線超晒班，但係三大盃賽就已經出晒局，剩低落黎就只有挑戰全季不敗呢個任務。作為一個中立球迷，我幾鍾意睇到四個主要錦標係全部都係由唔同球隊奪得，喺香港搞波倒錢落海為乜？都係為攞威啫，多啲唔同隊拎冠軍，老細搞波開心咪繼續搞囉。
6. 我知呢個諗法唔係幾好，即係好似上集我講過既南華咁，連續兩季主要錦標四大皆空又搵唔到水魚做班主之後就索性自降，某程度上係情感勒索，不過我又唔係叫佢哋特登讓賽，今季各自既冠軍都係憑自己實力取得，各隊真係憑自己既實力百花齊放，咁先好睇嘛。
7. 理文嘛…佢哋都冠軍無望，佢哋對北區場波淨係睇咗精華，佢哋似乎都係受壓既一方。咁當然，佢哋比起啱啱場決賽作出咗唔少調動，有影響唔出奇。
8. 不過場波好睇既地方係補時之後先發生，真係好睇過戲，補時前兩隊踢成1-1平手，90+2首先北區入波、90+11理文獲得十二碼，米基爾操刀射入，90+12立花稜也再幫理文入多球反超前以為做英雄，點知90+13 艾路保利達射球角度好靚既炮彈令09梁興傑欲救無從，最後雙方3比3握手言和，真係好睇過戲。
9. 講返少少個賽制，今季分為爭標組(頭五)同挑戰組(尾五)，本身係想令個賽事更刺激，但今季傑志太勁、港會太屎，一頭一尾都毫無懸念，咁既賽制反而令之後既比賽變晒例行公事。
10. 其實爭標組同挑戰組呢個idea我覺得可行架，但個問題就係個分數拉得太開，搞到餘下比賽冇晒睇頭。其實參考返以前港甲，係有計仔可以令到個比賽更加刺激。
11. 又到出賣年齡系列，呢個講緊係我小學仲拖住老豆手入場時發生既事（而家我細路都有兩件），當時聯賽踢完雙循環之後（首階段），頭一半隊伍入爭標組，另一半入護級組再踢多轉（次階段），但同而家最大唔同之處係分數全部減半，令到分數之間咬得好緊，如果完晒聯賽之後，首階段同爭標組既榜首隊伍唔同，兩隊就要再踢多一次總決賽。我記得自己入過現場喺大球場睇南華對快譯通，果陣太細個我已經唔記得個比數，淨係記得係快譯通加時定十二碼贏，但好記得氣氛好好，周圍啲人喺度係咁鳩叫，不過我老豆就好平靜咁坐喺度睇波，哈哈。
12. 不過呢個賽制雖然刺激，但其實對首階段冠軍有啲唔公平，打生打死最後要分數減半，但正正就係呢減半既分數，先令到聯賽咁刺激。
13. 雖然過咗廿幾年，時而易世，但足總可以諗諗佢吖。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopenfacebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 隨住理文失分兼傑志贏出，後者提早奪得2025-26球季既港超聯冠軍，估唔到港超爭奪戰，無諗過竟然喺4月12號就分出咗勝負。
2. 不過平心而論，傑志今季既表現超晒班，真係好值得呢個冠軍，連爭標組都未開始既情況之下提早四輪奪冠，確係實致名歸。
3. 比起早幾季頻頻入錯貨（最大鑊係金球王），今季傑志組軍搵返黎啲鬼真係有料，可以帶動成隊波，尤其係前皇馬/皇蘇中場伊拿拉文迪，真係主宰成場波，甚有華杜斯當年擔起傑志成條中場既感覺。最初幾驚好似奧拿斯咁得個名氣大，落到場完全冇料到，伊拿拉文迪真係有級數的，而家傾緊會續約，相信傑志球迷真係安心晒。
4. 教練卡迪朗季前有人質疑過佢履歷唔夠，淨係帶過布里斯托流浪一季貨仔，但佢今季就話比質疑既人聽，佢係夠料做呢支班霸既領軍人物，左磋右磋戰術夠做冠軍。
5. 雖然傑志今季聯賽真係痴Q線超晒班，但係三大盃賽就已經出晒局，剩低落黎就只有挑戰全季不敗呢個任務。作為一個中立球迷，我幾鍾意睇到四個主要錦標係全部都係由唔同球隊奪得，喺香港搞波倒錢落海為乜？都係為攞威啫，多啲唔同隊拎冠軍，老細搞波開心咪繼續搞囉。
6. 我知呢個諗法唔係幾好，即係好似上集我講過既南華咁，連續兩季主要錦標四大皆空又搵唔到水魚做班主之後就索性自降，某程度上係情感勒索，不過我又唔係叫佢哋特登讓賽，今季各自既冠軍都係憑自己實力取得，各隊真係憑自己既實力百花齊放，咁先好睇嘛。
7. 理文嘛…佢哋都冠軍無望，佢哋對北區場波淨係睇咗精華，佢哋似乎都係受壓既一方。咁當然，佢哋比起啱啱場決賽作出咗唔少調動，有影響唔出奇。
8. 不過場波好睇既地方係補時之後先發生，真係好睇過戲，補時前兩隊踢成1-1平手，90+2首先北區入波、90+11理文獲得十二碼，米基爾操刀射入，90+12立花稜也再幫理文入多球反超前以為做英雄，點知90+13 艾路保利達射球角度好靚既炮彈令09梁興傑欲救無從，最後雙方3比3握手言和，真係好睇過戲。
9. 講返少少個賽制，今季分為爭標組(頭五)同挑戰組(尾五)，本身係想令個賽事更刺激，但今季傑志太勁、港會太屎，一頭一尾都毫無懸念，咁既賽制反而令之後既比賽變晒例行公事。
10. 其實爭標組同挑戰組呢個idea我覺得可行架，但個問題就係個分數拉得太開，搞到餘下比賽冇晒睇頭。其實參考返以前港甲，係有計仔可以令到個比賽更加刺激。
11. 又到出賣年齡系列，呢個講緊係我小學仲拖住老豆手入場時發生既事（而家我細路都有兩件），當時聯賽踢完雙循環之後（首階段），頭一半隊伍入爭標組，另一半入護級組再踢多轉（次階段），但同而家最大唔同之處係分數全部減半，令到分數之間咬得好緊，如果完晒聯賽之後，首階段同爭標組既榜首隊伍唔同，兩隊就要再踢多一次總決賽。我記得自己入過現場喺大球場睇南華對快譯通，果陣太細個我已經唔記得個比數，淨係記得係快譯通加時定十二碼贏，但好記得氣氛好好，周圍啲人喺度係咁鳩叫，不過我老豆就好平靜咁坐喺度睇波，哈哈。
12. 不過呢個賽制雖然刺激，但其實對首階段冠軍有啲唔公平，打生打死最後要分數減半，但正正就係呢減半既分數，先令到聯賽咁刺激。
13. 雖然過咗廿幾年，時而易世，但足總可以諗諗佢吖。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopenfacebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊