不專業足球筆記（六十六）︰ 理文2比1擊敗傑志贏得冠軍 望球壇百花齊放更多有心人搞波
1. 2025-26球季香港聯賽盃曲終人散，理文以2比1擊敗傑志贏得冠軍。
2. 我唔係理文既fans，但見住佢哋既班主李文恩一季復一季咁樣倒水咁將啲錢倒落海，但成立咁耐以黎，呢個只係佢哋第三個冠軍，有時都好驚佢會冇癮唔玩。不過，年年都有人咁樣吹，但李文恩照舊係一季又一季咁揼水，出錢出力。真心，好值得尊重。
3. 呢個冠軍既含量，可能冇聯賽同埋足總盃咁高，亦都冇得代表香港出戰亞冠2，但係都叫做拎個安慰獎，尤其係面對住今季喺聯賽所向披靡既傑志。
4. 而家我喺港超都冇持定話捧邊隊波，硬要係講最鍾意既，反而可能係流浪，所以幾個唔同比賽既冠軍，由唔同既球隊去瓜分，我覺得未嘗唔係一件好事，咁樣百花齊放，先係最好既現象。
5. 有心搞波既其實都應該好好尊重，真係講返自己細個捧到出黎做嘢都係捧南華，但係佢哋喺張廣勇做足主果兩季拎唔到威淨係拎到兩個社區盃，正式錦標四大階空，佢哋唔係諗點反彈，而係伸請自降，呢種做法就真係令人非常反感。
6. 其實而家間中都有睇SNG130既直播或者精華，佢哋排緊第3，班球員係幾好既，幾有心踢，但唔好話第3，就算拎到冠軍，我相信佢哋既管理層都只會搵藉口唔升班，好似上季既港甲冠軍公民咁。
7. 真係算9數喇唉。佢哋高層話架嘛，球市好既時候，佢哋先會考慮加入，冇記錯係盧健生喺南華新主場踢第一場波時受訪講既，我心諗就係要靠有心人去搞旺個場嘛，搞旺咗駛鬼搵你咩。不過算，佢哋都冇心搞，逼佢哋都唔會升班架喇。
8. 所以早前睇拾壹言堂個Page，佢講到東方而家排第5都唔算差既時候見到有留言討論，我就諗緊，東方雖然對亞洲賽極唔重視，難聽啲真係出醜出到亞洲，6場比賽入得兩球失咗成30球，尤其最後3場夾埋失咗21球，我都係睇精華，最尾三場我唔知佢哋用乜嘢心態去踢，錯漏百出，個感覺真係冇心踢咁。
9. 但畢竟都係肯比錢搞波，咁係咪應該都值得respect呢？其實都係既，但失望真係緣於佢哋對亞洲賽既態度，參賽已經有獎金拎，但係佢哋不單止冇拎黎去強化球隊，唔夠人踢就推青年軍出去比賽，而家亞冠唔限外援，你咁踢實死喇，所以咪6場失咗30球咁多囉。再對上一季，雖然係1勝5負，但輸波球迷都會respect你哋，而唔係好似今季咁。
10. 講起肯唔肯搞波，其實私心最唔想港會降班，畢竟佢哋雖然係業餘，但主場賽事搞得有聲有色，不過呢啲嘢真係實力行頭先既，踢到而家都係得4分，又變返以前升降機時代既港會。
11. 下季如無意外至尊都會升班架喇，其實睇返搞波既人，相比起細個睇波時經歷既冰河時期，而家都算好好架喇，至少唔駛喺大陸求其搵啲乜嘢南城地產、香雪製藥呢啲黎充隊數，有心落黎踢OK既，但好似香雪咁踢到一半走咗佬，又或者南城地產咁打交就費事喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 2025-26球季香港聯賽盃曲終人散，理文以2比1擊敗傑志贏得冠軍。
2. 我唔係理文既fans，但見住佢哋既班主李文恩一季復一季咁樣倒水咁將啲錢倒落海，但成立咁耐以黎，呢個只係佢哋第三個冠軍，有時都好驚佢會冇癮唔玩。不過，年年都有人咁樣吹，但李文恩照舊係一季又一季咁揼水，出錢出力。真心，好值得尊重。
3. 呢個冠軍既含量，可能冇聯賽同埋足總盃咁高，亦都冇得代表香港出戰亞冠2，但係都叫做拎個安慰獎，尤其係面對住今季喺聯賽所向披靡既傑志。
4. 而家我喺港超都冇持定話捧邊隊波，硬要係講最鍾意既，反而可能係流浪，所以幾個唔同比賽既冠軍，由唔同既球隊去瓜分，我覺得未嘗唔係一件好事，咁樣百花齊放，先係最好既現象。
5. 有心搞波既其實都應該好好尊重，真係講返自己細個捧到出黎做嘢都係捧南華，但係佢哋喺張廣勇做足主果兩季拎唔到威淨係拎到兩個社區盃，正式錦標四大階空，佢哋唔係諗點反彈，而係伸請自降，呢種做法就真係令人非常反感。
6. 其實而家間中都有睇SNG130既直播或者精華，佢哋排緊第3，班球員係幾好既，幾有心踢，但唔好話第3，就算拎到冠軍，我相信佢哋既管理層都只會搵藉口唔升班，好似上季既港甲冠軍公民咁。
7. 真係算9數喇唉。佢哋高層話架嘛，球市好既時候，佢哋先會考慮加入，冇記錯係盧健生喺南華新主場踢第一場波時受訪講既，我心諗就係要靠有心人去搞旺個場嘛，搞旺咗駛鬼搵你咩。不過算，佢哋都冇心搞，逼佢哋都唔會升班架喇。
8. 所以早前睇拾壹言堂個Page，佢講到東方而家排第5都唔算差既時候見到有留言討論，我就諗緊，東方雖然對亞洲賽極唔重視，難聽啲真係出醜出到亞洲，6場比賽入得兩球失咗成30球，尤其最後3場夾埋失咗21球，我都係睇精華，最尾三場我唔知佢哋用乜嘢心態去踢，錯漏百出，個感覺真係冇心踢咁。
9. 但畢竟都係肯比錢搞波，咁係咪應該都值得respect呢？其實都係既，但失望真係緣於佢哋對亞洲賽既態度，參賽已經有獎金拎，但係佢哋不單止冇拎黎去強化球隊，唔夠人踢就推青年軍出去比賽，而家亞冠唔限外援，你咁踢實死喇，所以咪6場失咗30球咁多囉。再對上一季，雖然係1勝5負，但輸波球迷都會respect你哋，而唔係好似今季咁。
10. 講起肯唔肯搞波，其實私心最唔想港會降班，畢竟佢哋雖然係業餘，但主場賽事搞得有聲有色，不過呢啲嘢真係實力行頭先既，踢到而家都係得4分，又變返以前升降機時代既港會。
11. 下季如無意外至尊都會升班架喇，其實睇返搞波既人，相比起細個睇波時經歷既冰河時期，而家都算好好架喇，至少唔駛喺大陸求其搵啲乜嘢南城地產、香雪製藥呢啲黎充隊數，有心落黎踢OK既，但好似香雪咁踢到一半走咗佬，又或者南城地產咁打交就費事喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球 #香港隊 #香港隊勁揪
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊