舒米高讚麥湯文尼與賀隆有前途 並稱有人助攻，賀隆將成為每季25球射手
前曼聯（Manchester United）門將舒米高（Peter Schmeichel）表示，麥湯文尼（Scott McTominay）去年被球會放走是錯誤決定，而他的前隊友、現效力拿玻里（Napoli）的丹麥前鋒賀隆（Rasmus Hojlund）本季亦有望重演同樣的成功。
現年22歲的賀隆自夏季外借加盟拿玻里以來，六場比賽已攻入四球，合約中包含買斷條款。這個入球數與他上季在曼聯的英超入球數相同。
舒米高指出，麥湯文尼早一年轉會意大利，憑藉出色表現奪得意甲年度最佳球員，更獲金球獎提名。
這位曾在奧脫福贏得五次英超冠軍的名宿坦言，至今仍對曼聯出售麥湯文尼及賀隆、改為引入錫斯高（Benjamin Sesko）的決定感到不解。他在BBC節目《Sacked in the Morning》中說：
「而家喺曼聯，有領隊、足球總監、技術總監同埋招聘主管，每個人都有話事權。咁多人一齊決定引援，結果亂晒龍。」
「例如簽入錫斯高對我嚟講好奇怪，因為我哋本身已經有賀隆，只係兩年嚟冇人畀佢足夠助攻。睇吓佢喺拿玻里同奇雲·迪布尼（Kevin de Bruyne）同麥湯文尼合作，立刻開始入波。我一直講，賀隆只要有支援，每季一定有能力攻入25球。」
舒米高批評曼聯根據上季入球數據放走賀隆，卻同時簽入錫斯高，又引入古拿亞（Matheus Cunha）同麥般姆（Bryan Mbuemo），原本佢哋都可以為賀隆提供頂級助攻。
「球會花咗七千萬鎊簽錫斯高，但冇簽應該有嘅防守中場，門將位置仲問題多多。今季單係門將失誤就輸咗九球。以前我、雲達沙（Edwin van der Sar）或者迪基亞（David de Gea）把關，要求係每季幫球隊多贏十分，唔可以送分。」
「而家變咗由唔同人、有唔同目的去決定引援，咁點樣可以建立穩定嘅環境，令球隊場場想贏波？」
麥湯文尼加盟拿玻里首季即攻入13球並有6次助攻，本季至今亦已有1球1助攻。舒米高稱讚：「佢喺拿玻里嘅表現，完全有曼聯球員嘅影子。佢嘅問題反而係太多才多藝，因為有啲領隊只信任固定位置嘅球員，唔願圍繞佢去建隊。」
他又補充：「你搵唔到比賀隆更愛曼聯嘅球員，佢十歲時已經寫文話想為曼聯效力。佢比賽時永遠落力、從不埋怨，所以球迷咁鍾意佢。」
文章來源︰BBC Sport
前曼聯（Manchester United）門將舒米高（Peter Schmeichel）表示，麥湯文尼（Scott McTominay）去年被球會放走是錯誤決定，而他的前隊友、現效力拿玻里（Napoli）的丹麥前鋒賀隆（Rasmus Hojlund）本季亦有望重演同樣的成功。
現年22歲的賀隆自夏季外借加盟拿玻里以來，六場比賽已攻入四球，合約中包含買斷條款。這個入球數與他上季在曼聯的英超入球數相同。
舒米高指出，麥湯文尼早一年轉會意大利，憑藉出色表現奪得意甲年度最佳球員，更獲金球獎提名。
這位曾在奧脫福贏得五次英超冠軍的名宿坦言，至今仍對曼聯出售麥湯文尼及賀隆、改為引入錫斯高（Benjamin Sesko）的決定感到不解。他在BBC節目《Sacked in the Morning》中說：
「而家喺曼聯，有領隊、足球總監、技術總監同埋招聘主管，每個人都有話事權。咁多人一齊決定引援，結果亂晒龍。」
「例如簽入錫斯高對我嚟講好奇怪，因為我哋本身已經有賀隆，只係兩年嚟冇人畀佢足夠助攻。睇吓佢喺拿玻里同奇雲·迪布尼（Kevin de Bruyne）同麥湯文尼合作，立刻開始入波。我一直講，賀隆只要有支援，每季一定有能力攻入25球。」
舒米高批評曼聯根據上季入球數據放走賀隆，卻同時簽入錫斯高，又引入古拿亞（Matheus Cunha）同麥般姆（Bryan Mbuemo），原本佢哋都可以為賀隆提供頂級助攻。
「球會花咗七千萬鎊簽錫斯高，但冇簽應該有嘅防守中場，門將位置仲問題多多。今季單係門將失誤就輸咗九球。以前我、雲達沙（Edwin van der Sar）或者迪基亞（David de Gea）把關，要求係每季幫球隊多贏十分，唔可以送分。」
「而家變咗由唔同人、有唔同目的去決定引援，咁點樣可以建立穩定嘅環境，令球隊場場想贏波？」
麥湯文尼加盟拿玻里首季即攻入13球並有6次助攻，本季至今亦已有1球1助攻。舒米高稱讚：「佢喺拿玻里嘅表現，完全有曼聯球員嘅影子。佢嘅問題反而係太多才多藝，因為有啲領隊只信任固定位置嘅球員，唔願圍繞佢去建隊。」
他又補充：「你搵唔到比賀隆更愛曼聯嘅球員，佢十歲時已經寫文話想為曼聯效力。佢比賽時永遠落力、從不埋怨，所以球迷咁鍾意佢。」
文章來源︰BBC Sport
請按此登錄後留言。未成為會員? 立即註冊