曼聯迷對阿莫林前途意見分歧：有人主張耐心，有人要求換帥

曼聯迷對阿莫林前途意見分歧：有人主張耐心，有人要求換帥


曼聯主帥阿莫林（Ruben Amorim）在英超開季表現不佳，令其前途再度成為焦點。球隊上周末以1:3不敵賓福特，阿莫林自上任以來仍未能帶領曼聯在英超取得連勝。雖然管理層仍表態支持，但外界批評聲音持續升溫。

據《曼徹斯特晚報》（Manchester Evening News）報道，多名曼聯球迷近日表達對阿莫林的看法。有球迷認為應給予時間，但亦有人直言換帥或許更合適。

終身曼聯球迷托特·巴林（Tot Barling）坦言：「呢個開局令人失望。我知道費格遜（Alex Ferguson）同高普（Jurgen Klopp）都用咗五年先成功，但現代足球已經唔同。阿莫林好似失去咗最初嗰份火花，球員亦冇動力。」
巴林指出，阿莫林戰術過於固執，未能因應英超特性調整：「成日用同一個陣式，結果卻期望有唔同嘅結果，真係令人費解。好似般奴·費南迪斯（Bruno Fernandes）就畀佢擺錯位置，成效有限。」佢甚至認為，曼聯過去幾任領隊都無法扭轉頹勢：「我唔肯定即使換人會唔會好，但依家球員明顯對佢冇反應。」

另一名坐在Stretford End嘅季票持有人馬特·皮基特（Matt Pickett）則話：「數據唔會呃人，咁耐無英超連勝喺任何大球會都係唔可接受。我唔係希望佢即刻走，但如果今日辭職，我亦唔會失望。」

皮基特批評阿莫林排陣死板：「球隊後衛表現差，佢卻堅持唔改戰術，好似去到坦克（Erik ten Hag）時代咁。再加上球隊輸畀賓福特，甚至排位比新特蘭仲低，球迷真係好難再忍。」
來自Salford的威爾·古柏（Will Cooper）則持相對溫和態度：「球隊確實好唔穩定，但我覺得唔應該炒佢。我見到佢嘗試建立一個以中場為核心嘅體系，雖然人腳未齊，但仲需要時間去磨合。」

目前曼聯方面強調，冇計劃物色新領隊。阿莫林嘅未來雖然仍然獲高層支持，但隨著戰績持續低迷，球迷耐性恐怕逐漸耗盡。

新聞來源︰Manchester Evening News