紅魔鬼賽後評 熱身賽 曼聯 2-1 韋斯咸 (27-7-2025)
1. 上次對列斯聯之前都講過，熱身賽賽果唔作得準，最緊要係睇表現有冇提升。而直至到六十幾分鐘換人之前，曼聯都算係完全控制戰局，比起上場，喺場面上係有進步。
2. 但縱觀全場，都係見到上季縮影，控制到場波，但入唔到波，然後比人一個反擊收皮。好彩少少既係對面門將艾路拿送咗兩球比我哋，我哋自己製造出黎既攻勢反而唔係好入到波。
3. 艾路拿接波甩手然後情急之下撲跌咗天堂仔，送咗球十二碼比我哋；第二球就係開龍門球比文奴截咗，再傳比般奴射個世界波。不過又係喺全面控制戰局既時候突然比人反擊，天堂仔係拍慢咗，但係巴恩迪亞封咗位，點知個波都係喺手邊過飛向遠柱入波。
4. 我哋自己既攻勢，組織得最係烏加迪傳比後面攝上黎既Amad冷靜射入果球，可惜越位。其餘幾球波，都係啲夾硬做出黎既由half chances變做golden chances既機會，好似賀龍一開波接應反擊長傳硬爆入禁區射中柱、約羅接應角球近門一頂斜出、賀龍逼甩對手波之後般奴單刀射得太正比龍門用腳閘到。呢啲全部都係黃金機會，可惜全部唔入…上季攻力疲弱既問題，到底解唔解決得到？
5. 新援古拿亞唔算太突出，靈光一現既表現係有啲，但overall都仲要融入。不過，比起上場對列斯聯，佢既表現係有所提升，尤其是下半場再入局咗少少，有兩下擔住晒身位，唔止護到個波，仲推進埋，最後成功傳出，表現係慢慢上升緊。
6. 不過，六十幾分鐘換完人之後場波放咗入雪櫃了，兩邊都攻唔起，上到一半前就回返後。對面唔敢講，但我哋呢邊出咗好多青年軍級數既球員，最關鍵係另一半一隊球員帶唔起。Dalot、Mount算踢得好一般，仲有Shaw同卡斯米路難聽啲講有少少災難級，卡斯米路有冇比過一腳唔斷纜既波？Shaw作為左中堅，上咗前又將個波彈返後，又或者上咗去同啲隊友炒埋一碟，究竟佢知唔知自己做緊乜？或者，佢係咪適合做需要引球出擊既左中堅？計正式一隊球員，換完人果班應該得麥佳亞一個合格。
7. 費查仔、Obi、或者哥利亞(算半個)，喺進攻端完全無所作謂，唔怪得佢哋，始終都仲係青年軍質素，只係究竟佢哋係咪真係ready去英超呢？尤其是Obi，我哋好多人都對佢喺前線發揮寄予厚望，佢呢一刻又做唔做得到呢？
8. Leon睇得出攻守都仲好嫰，但佢精氣神好掂，打仔格咁，比個波過都唔比你過，而且又真係大隻，但夠唔夠資格做LWB後備輪換球員？要再睇，初步感覺係OK。
9. 補充多兩個球員，一個係賀龍，今場做到既嘢比上場，有球中柱，表現都算係有改善；另一個係文奴，今場幾出色，有種眼前一亮既感覺，無論防守攔截定係進攻推進都幫到手，比起佢處子登場果季，啲防守仲做得更好，入第二球就係佢截到個波再傳比般奴。
10. 賽前傳出麥保莫未ready，馬沙拉維輕傷，暫時仲未有得睇麥保莫地標住，希望佢出黎之後，真係可以解決曼聯入波問題…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 上次對列斯聯之前都講過，熱身賽賽果唔作得準，最緊要係睇表現有冇提升。而直至到六十幾分鐘換人之前，曼聯都算係完全控制戰局，比起上場，喺場面上係有進步。
2. 但縱觀全場，都係見到上季縮影，控制到場波，但入唔到波，然後比人一個反擊收皮。好彩少少既係對面門將艾路拿送咗兩球比我哋，我哋自己製造出黎既攻勢反而唔係好入到波。
3. 艾路拿接波甩手然後情急之下撲跌咗天堂仔，送咗球十二碼比我哋；第二球就係開龍門球比文奴截咗，再傳比般奴射個世界波。不過又係喺全面控制戰局既時候突然比人反擊，天堂仔係拍慢咗，但係巴恩迪亞封咗位，點知個波都係喺手邊過飛向遠柱入波。
4. 我哋自己既攻勢，組織得最係烏加迪傳比後面攝上黎既Amad冷靜射入果球，可惜越位。其餘幾球波，都係啲夾硬做出黎既由half chances變做golden chances既機會，好似賀龍一開波接應反擊長傳硬爆入禁區射中柱、約羅接應角球近門一頂斜出、賀龍逼甩對手波之後般奴單刀射得太正比龍門用腳閘到。呢啲全部都係黃金機會，可惜全部唔入…上季攻力疲弱既問題，到底解唔解決得到？
5. 新援古拿亞唔算太突出，靈光一現既表現係有啲，但overall都仲要融入。不過，比起上場對列斯聯，佢既表現係有所提升，尤其是下半場再入局咗少少，有兩下擔住晒身位，唔止護到個波，仲推進埋，最後成功傳出，表現係慢慢上升緊。
6. 不過，六十幾分鐘換完人之後場波放咗入雪櫃了，兩邊都攻唔起，上到一半前就回返後。對面唔敢講，但我哋呢邊出咗好多青年軍級數既球員，最關鍵係另一半一隊球員帶唔起。Dalot、Mount算踢得好一般，仲有Shaw同卡斯米路難聽啲講有少少災難級，卡斯米路有冇比過一腳唔斷纜既波？Shaw作為左中堅，上咗前又將個波彈返後，又或者上咗去同啲隊友炒埋一碟，究竟佢知唔知自己做緊乜？或者，佢係咪適合做需要引球出擊既左中堅？計正式一隊球員，換完人果班應該得麥佳亞一個合格。
7. 費查仔、Obi、或者哥利亞(算半個)，喺進攻端完全無所作謂，唔怪得佢哋，始終都仲係青年軍質素，只係究竟佢哋係咪真係ready去英超呢？尤其是Obi，我哋好多人都對佢喺前線發揮寄予厚望，佢呢一刻又做唔做得到呢？
8. Leon睇得出攻守都仲好嫰，但佢精氣神好掂，打仔格咁，比個波過都唔比你過，而且又真係大隻，但夠唔夠資格做LWB後備輪換球員？要再睇，初步感覺係OK。
9. 補充多兩個球員，一個係賀龍，今場做到既嘢比上場，有球中柱，表現都算係有改善；另一個係文奴，今場幾出色，有種眼前一亮既感覺，無論防守攔截定係進攻推進都幫到手，比起佢處子登場果季，啲防守仲做得更好，入第二球就係佢截到個波再傳比般奴。
10. 賽前傳出麥保莫未ready，馬沙拉維輕傷，暫時仲未有得睇麥保莫地標住，希望佢出黎之後，真係可以解決曼聯入波問題…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊