港隊賽後評
東亞足球錦標賽決賽週 中國 1-0 香港 (15-7-2025)
1. 係既，我賽前都知中國就算而家差咗幾多都好，始終都至少高香港一、兩線，但係你話我冇期望喺佢哋身上攞到分，我都係呃你，對住決賽週三隊之中最弱既中國，要攞分係呢場。
2. 開波頭廿五分鐘大家快打快，節奏唔錯，快上快落，係幾好睇，中國稍為佔優，但香港都有攻勢。
3. 不過上場上晒身既葉鴻輝，今日上半場就有少少失準，先有一下比人射正甩手，對面張玉寧執雞射中網側，第二下就出事，對手一個唔錯既配合，周緣德好似跣一跣腳，黃政宇突破後射個遠柱，個波勁冇力，但慢流尾袋入。點解話呢下葉鴻輝有責任，因為佢出迎既時間已經企過咗近柱，可以話封晒，點知人哋未射就射果下佢捉路撲近柱，但慢鏡睇得好清楚，佢己經企得太過近柱，係完全封晒，同埋唔應該捉路，就算捉都應該捉遠柱…
4. 但係葉鴻輝下半場就好神勇，有球飛身橫救到對手近門勁射，將功補過。
5. 今場港隊都面對好多突發情況，除咗有陳晉一臨時被召回，多位主力包括茹子楠同米高都喺比賽進行途中受咗傷，後備入黎既賓紀文表現唔錯，不過劉家喬雖然好勤力，但佢做唔到米高做既嘢。
6. 講起米高，佢自從對印度果場之後，好似真係開咗竅咁，好識利用自己身位同速度，今日佢喺場上面果三十幾分鐘，就多次用身位速度硬爆對方後衛，黎緊佢會加盟中甲蘇州東吳，希望有機會更上一層樓。
7. 防守方面除咗失球之外算係做得唔錯，中國雖然好多射波，但多數都係鳩射，反擊偶有睇頭，但都過唔到港隊防線。
8. 進攻方面上半場有兩個好機會，其中一個係艾華想要接應費蘭度妙傳中，但可惜佢生得矮咗少少，基本上果個位已經越過守門員，頂中龍就有，可惜；第二下孫銘謙左路一個過兩個定三個，再地波傳中，但費蘭度控一下射先射就浪費咗，比對面截到解圍。下半場有球Junior右面傳去禁區頂，但黃威無人看管下控離咗腳，再修正時對面到，只能夠硬射一腳中龍波。
9. 進攻方面算係睇得出想用兩面側擊傳中，同埋長傳反擊直接製造機會，不過效果唔算太好，中間成日搵唔到人接應，但至少都睇得有少少套路，對高自己半班波既球隊黎講，至少唔會淨係諗住防守反擊嘢嘢長傳。
10. 表現其實唔差，係對賽果有少少失望，有時足球就係咁，一個失誤，就係呢一球就輸咗場波。
11. 不過今次比西木對陣啲比自己強既對手，睇得出呢條友雖然寸寸貢面目可憎，但佢係識得吸收經驗去調整戰術，當然有冇效果見仁見智，好似今場咁，唔計因為受傷而被逼換人之外，幾個調動其實冇乜用，肥彭、尼高拉斯頂替艾華同孫銘仲好似自斷一臂咁，下半場有啲老鼠拉龜。所以呢三場波，更重要既係比西木睇到隊波有乜嘢不足，去迎接真正既重頭戲︰亞洲盃外圍賽。
#不專業足球筆記 #足球專欄 #專欄 #我愛本地波 #東亞足球錦標賽決賽週
#香港 #香港隊 #中國 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
東亞足球錦標賽決賽週 中國 1-0 香港 (15-7-2025)
1. 係既，我賽前都知中國就算而家差咗幾多都好，始終都至少高香港一、兩線，但係你話我冇期望喺佢哋身上攞到分，我都係呃你，對住決賽週三隊之中最弱既中國，要攞分係呢場。
2. 開波頭廿五分鐘大家快打快，節奏唔錯，快上快落，係幾好睇，中國稍為佔優，但香港都有攻勢。
3. 不過上場上晒身既葉鴻輝，今日上半場就有少少失準，先有一下比人射正甩手，對面張玉寧執雞射中網側，第二下就出事，對手一個唔錯既配合，周緣德好似跣一跣腳，黃政宇突破後射個遠柱，個波勁冇力，但慢流尾袋入。點解話呢下葉鴻輝有責任，因為佢出迎既時間已經企過咗近柱，可以話封晒，點知人哋未射就射果下佢捉路撲近柱，但慢鏡睇得好清楚，佢己經企得太過近柱，係完全封晒，同埋唔應該捉路，就算捉都應該捉遠柱…
4. 但係葉鴻輝下半場就好神勇，有球飛身橫救到對手近門勁射，將功補過。
5. 今場港隊都面對好多突發情況，除咗有陳晉一臨時被召回，多位主力包括茹子楠同米高都喺比賽進行途中受咗傷，後備入黎既賓紀文表現唔錯，不過劉家喬雖然好勤力，但佢做唔到米高做既嘢。
6. 講起米高，佢自從對印度果場之後，好似真係開咗竅咁，好識利用自己身位同速度，今日佢喺場上面果三十幾分鐘，就多次用身位速度硬爆對方後衛，黎緊佢會加盟中甲蘇州東吳，希望有機會更上一層樓。
7. 防守方面除咗失球之外算係做得唔錯，中國雖然好多射波，但多數都係鳩射，反擊偶有睇頭，但都過唔到港隊防線。
8. 進攻方面上半場有兩個好機會，其中一個係艾華想要接應費蘭度妙傳中，但可惜佢生得矮咗少少，基本上果個位已經越過守門員，頂中龍就有，可惜；第二下孫銘謙左路一個過兩個定三個，再地波傳中，但費蘭度控一下射先射就浪費咗，比對面截到解圍。下半場有球Junior右面傳去禁區頂，但黃威無人看管下控離咗腳，再修正時對面到，只能夠硬射一腳中龍波。
9. 進攻方面算係睇得出想用兩面側擊傳中，同埋長傳反擊直接製造機會，不過效果唔算太好，中間成日搵唔到人接應，但至少都睇得有少少套路，對高自己半班波既球隊黎講，至少唔會淨係諗住防守反擊嘢嘢長傳。
10. 表現其實唔差，係對賽果有少少失望，有時足球就係咁，一個失誤，就係呢一球就輸咗場波。
11. 不過今次比西木對陣啲比自己強既對手，睇得出呢條友雖然寸寸貢面目可憎，但佢係識得吸收經驗去調整戰術，當然有冇效果見仁見智，好似今場咁，唔計因為受傷而被逼換人之外，幾個調動其實冇乜用，肥彭、尼高拉斯頂替艾華同孫銘仲好似自斷一臂咁，下半場有啲老鼠拉龜。所以呢三場波，更重要既係比西木睇到隊波有乜嘢不足，去迎接真正既重頭戲︰亞洲盃外圍賽。
#不專業足球筆記 #足球專欄 #專欄 #我愛本地波 #東亞足球錦標賽決賽週
#香港 #香港隊 #中國 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊