24-25 曼聯球員評分 (二)
仆街，操都開埋，一半都未寫完😂其實呢個系列喺我既曼聯page已經開始咗一段時間，不過都係未寫晒，開季前寫得幾多得幾多喇，唔知寫唔寫得晒，盡量喇。每個球員表現好唔好除咗場上既表現之外，仲會考慮埋佢哋本身喺球會既定位，即係青年軍既Amass如果用佢青年軍身份去睇，咁上季就梗係合格，但如果用Shaw既水準去睇，咁就唔夠好喇，最後頭盔︰篇文當然只係我個人睇法，歡迎大家分享自己意見，如果我同你既意見有唔同，以閣下自己既意見為準。仲有，就係評分次序我係跟號碼去排既。
4. 迪列治 6.5/10
如果淨係計個人表現，值得比個7分，但係隊波上季踢到咁，作為長期正選既迪列治黎講，都需要共同承擔返啲責任，而事實上佢喺某啲失波上面又真係可以再做得好少少，所以即使曼聯上季最大既問題並唔係防守，但作為共業呢度扣0.5分，咁最後比個6.5分佢喇。
作為重磅收購中堅，頭頂腳踢樣樣齊，犯重大錯誤既時候其實一啲都唔多，都冇乜嘢好挑剔，如果最尾既時候佢係出得既話，我覺得曼聯係可以贏埋個歐霸盃，不過…冇得咁講既，傷患既嘢隊隊都有，但係同時我咁講都突顯出迪列治喺陣中既重要性，我好記得Yoro啱啱復出，有一場好似係對修咸頓踢右中堅，比人爆到九彩，講速度，迪列治一定唔夠約羅黎，但係喺約羅被調離場之後佢踢右中堅，佢用企位、經驗完全彌補到速度上既不足，將果條硬爆約羅既右翼守到收晒皮，真係好印象深刻。
5. 麥佳亞 7/10
其實如果淨係計個人表現，我想比個8分，只係同迪列治一樣，隊波上季踢到咁，作為長期正選既麥佳黎講，都需要共同承擔返啲責任，而且季尾既時候表現亦都有少少回落，前面扣0.5後面又扣0.5，咁我就比7分喇。
雖然話佢真正大爆發係喺阿摩連黎到之後，佢作為三中堅既中間位，有住出色既表現，但其實佢上季喺坦克手下既時候已經開始回復返水準，佢唔係坦克主力，不過每次臨危受命都有極好既表現。季尾多返少少蝦碌，但同時做英雄既次數都唔少，多次客串中鋒救駕，以一度跌落谷底既球員黎講，佢完美表現出乜嘢係come back stronger。所以點解我之前喺度都有講過，無論係賀隆又好、Onana又好，喺佢哋踢到pat屎既時候，應該bench一下佢哋，調整返個狀態，咁樣抖一抖，我認為係有用既，不過可惜…人手唔夠，賀隆同Onana都冇得抖，關於佢哋果part，等寫到佢哋既時候再講喇。
6. 馬天尼斯 6/10
就算喺呢一刻問我，我都依然係覺得馬天尼斯係我哋最重要既中堅，佢引球出擊能力極出色，而且防守心態強悍，下下都同你搏到盡，雖然係矮咗少少，但自從第一季作客賓福特之後，佢既身高都未試過直接比人屈機，今季表現其實都唔錯，所以如果唔係傷，我絕對覺得佢係必然正選既一個。
但係，佢真係好易傷。
第一季，其實佢好似鐵人咁，踢極都冇問題，但自從歐霸盃首回合對西維爾傷完之後，就好似開啟咗佢既玻璃屬性咁。
老實，我唔想比6分咁少，但事實係，我比分既時候，都要考慮埋呢一點，講緊成季既表現，但原來你有一半以上時間係出唔到場既，咁點搞？我其實都好相信，如果馬天尼斯冇傷，今季曼聯一定唔會排第15咁低，如果講進攻核心係般奴，防守體系（唔係防守，而包含後衛整體喺戰術上面既參與）核心就一定係馬天尼斯。
唯有祈禱馬天尼斯早日康復，而且之後都遠離傷患（但真係唔樂觀）
仆街，操都開埋，一半都未寫完😂其實呢個系列喺我既曼聯page已經開始咗一段時間，不過都係未寫晒，開季前寫得幾多得幾多喇，唔知寫唔寫得晒，盡量喇。每個球員表現好唔好除咗場上既表現之外，仲會考慮埋佢哋本身喺球會既定位，即係青年軍既Amass如果用佢青年軍身份去睇，咁上季就梗係合格，但如果用Shaw既水準去睇，咁就唔夠好喇，最後頭盔︰篇文當然只係我個人睇法，歡迎大家分享自己意見，如果我同你既意見有唔同，以閣下自己既意見為準。仲有，就係評分次序我係跟號碼去排既。
4. 迪列治 6.5/10
如果淨係計個人表現，值得比個7分，但係隊波上季踢到咁，作為長期正選既迪列治黎講，都需要共同承擔返啲責任，而事實上佢喺某啲失波上面又真係可以再做得好少少，所以即使曼聯上季最大既問題並唔係防守，但作為共業呢度扣0.5分，咁最後比個6.5分佢喇。
作為重磅收購中堅，頭頂腳踢樣樣齊，犯重大錯誤既時候其實一啲都唔多，都冇乜嘢好挑剔，如果最尾既時候佢係出得既話，我覺得曼聯係可以贏埋個歐霸盃，不過…冇得咁講既，傷患既嘢隊隊都有，但係同時我咁講都突顯出迪列治喺陣中既重要性，我好記得Yoro啱啱復出，有一場好似係對修咸頓踢右中堅，比人爆到九彩，講速度，迪列治一定唔夠約羅黎，但係喺約羅被調離場之後佢踢右中堅，佢用企位、經驗完全彌補到速度上既不足，將果條硬爆約羅既右翼守到收晒皮，真係好印象深刻。
5. 麥佳亞 7/10
其實如果淨係計個人表現，我想比個8分，只係同迪列治一樣，隊波上季踢到咁，作為長期正選既麥佳黎講，都需要共同承擔返啲責任，而且季尾既時候表現亦都有少少回落，前面扣0.5後面又扣0.5，咁我就比7分喇。
雖然話佢真正大爆發係喺阿摩連黎到之後，佢作為三中堅既中間位，有住出色既表現，但其實佢上季喺坦克手下既時候已經開始回復返水準，佢唔係坦克主力，不過每次臨危受命都有極好既表現。季尾多返少少蝦碌，但同時做英雄既次數都唔少，多次客串中鋒救駕，以一度跌落谷底既球員黎講，佢完美表現出乜嘢係come back stronger。所以點解我之前喺度都有講過，無論係賀隆又好、Onana又好，喺佢哋踢到pat屎既時候，應該bench一下佢哋，調整返個狀態，咁樣抖一抖，我認為係有用既，不過可惜…人手唔夠，賀隆同Onana都冇得抖，關於佢哋果part，等寫到佢哋既時候再講喇。
6. 馬天尼斯 6/10
就算喺呢一刻問我，我都依然係覺得馬天尼斯係我哋最重要既中堅，佢引球出擊能力極出色，而且防守心態強悍，下下都同你搏到盡，雖然係矮咗少少，但自從第一季作客賓福特之後，佢既身高都未試過直接比人屈機，今季表現其實都唔錯，所以如果唔係傷，我絕對覺得佢係必然正選既一個。
但係，佢真係好易傷。
第一季，其實佢好似鐵人咁，踢極都冇問題，但自從歐霸盃首回合對西維爾傷完之後，就好似開啟咗佢既玻璃屬性咁。
老實，我唔想比6分咁少，但事實係，我比分既時候，都要考慮埋呢一點，講緊成季既表現，但原來你有一半以上時間係出唔到場既，咁點搞？我其實都好相信，如果馬天尼斯冇傷，今季曼聯一定唔會排第15咁低，如果講進攻核心係般奴，防守體系（唔係防守，而包含後衛整體喺戰術上面既參與）核心就一定係馬天尼斯。
唯有祈禱馬天尼斯早日康復，而且之後都遠離傷患（但真係唔樂觀）
請按此登錄後留言。未成為會員? 立即註冊