幾個轉會目標難以購入 曼聯搵強力前鋒地獄級難度 財政壓力、冇歐洲賽削其吸引力 自由身球員大多過了高峰難解燃眉之急 (紅魔日報 8-7-2025)
1. 曼聯今個轉會窗，首要既目標就係改善球隊既攻力，除咗已經加盟既古拿同埋仲喺度拉鋸緊既麥保莫之外，一個當家前鋒射手，都係必要，上季佢哋既9號仔賀隆喺所有賽事入面上陣52場但只係入咗10球，而英超更加係只得4球進帳，呢個位置真係好重要。
2. 不過，曼聯今個夏天要買前鋒真係比想像中難搞。
3. 瑞典前鋒約基奧斯一直首選都係加盟阿仙奴，而根據Fabrizio Romano既消息，佢同阿仙奴都好事近。另外本身佢哋既一個CP值高既選擇戴立都因為歐聯關係而去咗車路士。至於非Tier 1既source都有傳過奧斯美恩、卡華利雲（呢個反而有tier 2、3消息話企硬人工太貴曼聯難以出手）、莊拿芬甚至連Kean、華迪呢啲都有份，不過暫時比較可信既Tier 1 source淨係話同維拉既屈堅斯有接觸。至於法蘭克福既艾基迪基，轉會費叫價太高，Tier 1 source都講過話除非肯減價，如果唔係曼聯冇可能會出手。
4. 季前美國之旅仲有兩個半星期就開始，紅魔到而家都仲未搵到合心水嘅前鋒，睇黎都唔駛旨意搵到人可以上機一齊去美國嘞。
5. 曼聯黎緊冇歐聯踢搞到冇錢又冇吸引力，部份贊助商唔續約，令佢哋財政壓力加重，買人進展困難。
6. 曼聯已經用咗6,250萬鎊買古拿，而仲賓福特嘅麥保莫係佢哋最新既頭號目標，如果成事既話，兩個加埋都用咗一計落已經用咗超過1億2千萬鎊，唔賣人既話，好難再有錢買到正前鋒。過去兩季，曼聯喺英超都係負數嘅得失球差，所以而家急住要搵個可靠嘅射手。古拿同麥保莫（呢個仲要簽到先算）都可以入波，但兩個都唔係正宗9號位。
7. 要買人，就一定要賣人。不過到依家，曼聯今個夏天一個正式賣走嘅球員都未有。四個掛牌球員華舒福、加拿祖、辛祖同安東尼，全部既傳會都只聞樓梯響，又或者係有價冇市，吹水新聞唔少，但真係出手買既就冇，主要係因為其中有啲球員唔肯降薪，又或者係啲有興趣既球會見你好恰，就只肯借唔肯買。除咗呢四個最值錢既球員之外，馬拉西亞都應該好大機會離隊，但暫時都係無人問津。
8. 真係唯一同轉會有關既收入，係辛祖退貨車路士比既500萬鎊同埋艾蘭加轉會至車路士既二次分成大概800至1000萬鎊左右。
9. 如果真係冇錢，根據最新消息、Tier 1 source既The Athletic報導，曼聯最近有機會簽到幾位自由身球員，包括卡華利雲、華迪同哥林·韋爾遜（Callum Wilson）。
10. 但講真，佢哋都唔係曼聯心目中要嘅「答案」。卡華利雲上季英超入得3球，仲少過賀隆，而華迪下年1月就39歲，韋爾遜上次入波仲要係2024年5月。華迪同韋爾遜基本上已經過咗高峰期，卡華利雲都只係兩季英超入過雙位數。就算簽嚟做後備都會畀人質疑，更唔好講要佢哋打正選。
11. 講到底，曼聯而家最需要一個真正世界級嘅射手，但呢類球員個個都唔平。至於最後會簽邊個？老實講，依家真係估唔到，就算最後一個都簽唔到用返賀隆同舒克斯加埋青年軍既奧比應付下季賽事都唔出奇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 曼聯今個轉會窗，首要既目標就係改善球隊既攻力，除咗已經加盟既古拿同埋仲喺度拉鋸緊既麥保莫之外，一個當家前鋒射手，都係必要，上季佢哋既9號仔賀隆喺所有賽事入面上陣52場但只係入咗10球，而英超更加係只得4球進帳，呢個位置真係好重要。
2. 不過，曼聯今個夏天要買前鋒真係比想像中難搞。
3. 瑞典前鋒約基奧斯一直首選都係加盟阿仙奴，而根據Fabrizio Romano既消息，佢同阿仙奴都好事近。另外本身佢哋既一個CP值高既選擇戴立都因為歐聯關係而去咗車路士。至於非Tier 1既source都有傳過奧斯美恩、卡華利雲（呢個反而有tier 2、3消息話企硬人工太貴曼聯難以出手）、莊拿芬甚至連Kean、華迪呢啲都有份，不過暫時比較可信既Tier 1 source淨係話同維拉既屈堅斯有接觸。至於法蘭克福既艾基迪基，轉會費叫價太高，Tier 1 source都講過話除非肯減價，如果唔係曼聯冇可能會出手。
4. 季前美國之旅仲有兩個半星期就開始，紅魔到而家都仲未搵到合心水嘅前鋒，睇黎都唔駛旨意搵到人可以上機一齊去美國嘞。
5. 曼聯黎緊冇歐聯踢搞到冇錢又冇吸引力，部份贊助商唔續約，令佢哋財政壓力加重，買人進展困難。
6. 曼聯已經用咗6,250萬鎊買古拿，而仲賓福特嘅麥保莫係佢哋最新既頭號目標，如果成事既話，兩個加埋都用咗一計落已經用咗超過1億2千萬鎊，唔賣人既話，好難再有錢買到正前鋒。過去兩季，曼聯喺英超都係負數嘅得失球差，所以而家急住要搵個可靠嘅射手。古拿同麥保莫（呢個仲要簽到先算）都可以入波，但兩個都唔係正宗9號位。
7. 要買人，就一定要賣人。不過到依家，曼聯今個夏天一個正式賣走嘅球員都未有。四個掛牌球員華舒福、加拿祖、辛祖同安東尼，全部既傳會都只聞樓梯響，又或者係有價冇市，吹水新聞唔少，但真係出手買既就冇，主要係因為其中有啲球員唔肯降薪，又或者係啲有興趣既球會見你好恰，就只肯借唔肯買。除咗呢四個最值錢既球員之外，馬拉西亞都應該好大機會離隊，但暫時都係無人問津。
8. 真係唯一同轉會有關既收入，係辛祖退貨車路士比既500萬鎊同埋艾蘭加轉會至車路士既二次分成大概800至1000萬鎊左右。
9. 如果真係冇錢，根據最新消息、Tier 1 source既The Athletic報導，曼聯最近有機會簽到幾位自由身球員，包括卡華利雲、華迪同哥林·韋爾遜（Callum Wilson）。
10. 但講真，佢哋都唔係曼聯心目中要嘅「答案」。卡華利雲上季英超入得3球，仲少過賀隆，而華迪下年1月就39歲，韋爾遜上次入波仲要係2024年5月。華迪同韋爾遜基本上已經過咗高峰期，卡華利雲都只係兩季英超入過雙位數。就算簽嚟做後備都會畀人質疑，更唔好講要佢哋打正選。
11. 講到底，曼聯而家最需要一個真正世界級嘅射手，但呢類球員個個都唔平。至於最後會簽邊個？老實講，依家真係估唔到，就算最後一個都簽唔到用返賀隆同舒克斯加埋青年軍既奧比應付下季賽事都唔出奇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊