港隊賽後評
東亞足球錦標賽決賽週 日本 6-1 香港 (8-7-2025)
1. 如果賽前齋睇比數，雖然失咗6球，但港隊入到一球我都會勉強收貨，畢竟原來大港腳係40年以黎第一次入日本波，而對住日本，即使只係J League球員為主，都係有實力上差距，輸六球都算多，但唔叫做離晒譜。
2. 不過現實係上半場港隊既發揮慘不忍睹，失既六球入面，至少有五球係走甩人、自己失誤比人射入。下半場經過調整之後係好返好多既，果隊拼命防守既先係我哋熟悉既港隊。
3. 日本雖然係派出國內球員踢呢次比賽，但咁樣呢班波先至會出心出力踢，黎緊就世界盃，如果仲想入選決賽周大軍名單，呢班邊緣球員點會唔搏命？
4. 但無論點講都好，上半場既表現真係完全講唔過去。有個友page Come Hong Kong Football版主提到，對住日本，西木既正選陣容真係幾大問題，上次對印度醒水唔用費蘭度打中堅有唔錯表現，點知你對強隊日本反而又再搵佢打中堅+自由人，跟住繼續強調傳控，結果攻唔到上去之餘後防受壓逼之下係咁出現醫院波，仲導致其中一球失波，而343既陣式入面，兩隻翼衛對住日本隊兩側傳中完全疲於奔命，大轉向、傳中入波全部都有，所以正選同埋戰術我認同友page講係錯晒。
5. 戰術係問題，其次球員上半場都失準得好勁，其中費蘭度走甩人既情況最明顯，另外左右翼衛防守時有時跟唔貼比對手輕易傳中，而中間三個中堅走漏咗對手起碼有五、六球，頭25分鐘人哋差唔多一射就入咁，連可靠既門神葉鴻輝都有一下醫院跣陳俊樂，比人哋搶走樂仔腳下球（然後竟然冇人追同逼對手！），之後直接遠射中間，個波勁度好夠，但完全冇角度，我覺得葉鴻輝應該要救到。
6. 場波既轉捩點係米高入替顏卓彬，後者係踢得差，對手係日本技術差距太多，加上有啲力不足心既感覺，冇計，上半場被換走係合理。之前講過米高喺早前啲比賽唔係太識利用自己既身位、速度，但自從上場對印度之後已有進步，今場後備入替效果好好，對住對面日本後衛，佢充分展示咗黑人既力量，多次頭鎚爭頂贏晒，而且踢落冇之前咁漫不經心，今場表現有目共睹。
7. 另一個轉捩點係西木半場所作出既調整，佢正選排陣同戰術係唔理想，但佢真係肯轉陣，冇堅持己見，首先收起隱形中堅費蘭度，將343改成442，唔再追求傳控，下半場少咗好多自己半場無謂控球等人逼甩，再加上睇到上半場啲翼衛唔夠守日本兩側攻擊，係咁比人輕鬆傳中，下半場就兩隻閘加上兩隻翼一齊做防守，再加埋球員心態大有改善，展現鐵血防守精神，如果上半場我比10分，咁下半場我會比80分，根本就係兩隊波黎。
8. 我唔敢話日本隊下半揸流灘，但領隊森保一有收油就應該冇錯，收起咗前面最有威脅既13號黑人Germain良，跟住日本隊既埋門把握力就直線下降，唔係冇攻勢，但唔係比港隊鐵血防守成功，就係自己敗家或者拎到甩晒腳比人清走。
9. 弱隊靠死球，香港既入波就係陳俊樂靚角球，由伏兵尾柱既安永佳近門頂入，呢球陳俊樂傳得靚、佳佳攝位攝得靚之外，日本隊竟然走漏咗尾柱既佳佳，造就港隊近40年黎對住日本大國腳第一次入波。
10. 而且之後港隊仲有一次由劉家喬反擊推橫chok射遠柱，靚到不得了，可惜條柱救返日本一命。
11. 講過日本隊下半場唔係冇攻勢，係自己把握唔到，角球既入波雖然因為個波喺空中出界所以唔計，但係你把握唔到，港隊就喺臨完場唔集中送返球禮比你，界外球鳩掟比中村草太搶走再長驅直進，最後佢好似個人show咁扭扭射射，雖然有啲跌跌撞撞但都入到波…
12. 賽果可接受、下半場表現雖然因為自己失誤送咗一球比人但仍然係超水準，唯獨上半場出現既問題，西木真係要正視下，黎緊仲有對韓國同中國，想要有好表現，就一定要改善呢啲問題。
#不專業足球筆記 #足球專欄 #專欄 #我愛本地波 #東亞足球錦標賽決賽週
#香港 #香港隊 #日本 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
東亞足球錦標賽決賽週 日本 6-1 香港 (8-7-2025)
1. 如果賽前齋睇比數，雖然失咗6球，但港隊入到一球我都會勉強收貨，畢竟原來大港腳係40年以黎第一次入日本波，而對住日本，即使只係J League球員為主，都係有實力上差距，輸六球都算多，但唔叫做離晒譜。
2. 不過現實係上半場港隊既發揮慘不忍睹，失既六球入面，至少有五球係走甩人、自己失誤比人射入。下半場經過調整之後係好返好多既，果隊拼命防守既先係我哋熟悉既港隊。
3. 日本雖然係派出國內球員踢呢次比賽，但咁樣呢班波先至會出心出力踢，黎緊就世界盃，如果仲想入選決賽周大軍名單，呢班邊緣球員點會唔搏命？
4. 但無論點講都好，上半場既表現真係完全講唔過去。有個友page Come Hong Kong Football版主提到，對住日本，西木既正選陣容真係幾大問題，上次對印度醒水唔用費蘭度打中堅有唔錯表現，點知你對強隊日本反而又再搵佢打中堅+自由人，跟住繼續強調傳控，結果攻唔到上去之餘後防受壓逼之下係咁出現醫院波，仲導致其中一球失波，而343既陣式入面，兩隻翼衛對住日本隊兩側傳中完全疲於奔命，大轉向、傳中入波全部都有，所以正選同埋戰術我認同友page講係錯晒。
5. 戰術係問題，其次球員上半場都失準得好勁，其中費蘭度走甩人既情況最明顯，另外左右翼衛防守時有時跟唔貼比對手輕易傳中，而中間三個中堅走漏咗對手起碼有五、六球，頭25分鐘人哋差唔多一射就入咁，連可靠既門神葉鴻輝都有一下醫院跣陳俊樂，比人哋搶走樂仔腳下球（然後竟然冇人追同逼對手！），之後直接遠射中間，個波勁度好夠，但完全冇角度，我覺得葉鴻輝應該要救到。
6. 場波既轉捩點係米高入替顏卓彬，後者係踢得差，對手係日本技術差距太多，加上有啲力不足心既感覺，冇計，上半場被換走係合理。之前講過米高喺早前啲比賽唔係太識利用自己既身位、速度，但自從上場對印度之後已有進步，今場後備入替效果好好，對住對面日本後衛，佢充分展示咗黑人既力量，多次頭鎚爭頂贏晒，而且踢落冇之前咁漫不經心，今場表現有目共睹。
7. 另一個轉捩點係西木半場所作出既調整，佢正選排陣同戰術係唔理想，但佢真係肯轉陣，冇堅持己見，首先收起隱形中堅費蘭度，將343改成442，唔再追求傳控，下半場少咗好多自己半場無謂控球等人逼甩，再加上睇到上半場啲翼衛唔夠守日本兩側攻擊，係咁比人輕鬆傳中，下半場就兩隻閘加上兩隻翼一齊做防守，再加埋球員心態大有改善，展現鐵血防守精神，如果上半場我比10分，咁下半場我會比80分，根本就係兩隊波黎。
8. 我唔敢話日本隊下半揸流灘，但領隊森保一有收油就應該冇錯，收起咗前面最有威脅既13號黑人Germain良，跟住日本隊既埋門把握力就直線下降，唔係冇攻勢，但唔係比港隊鐵血防守成功，就係自己敗家或者拎到甩晒腳比人清走。
9. 弱隊靠死球，香港既入波就係陳俊樂靚角球，由伏兵尾柱既安永佳近門頂入，呢球陳俊樂傳得靚、佳佳攝位攝得靚之外，日本隊竟然走漏咗尾柱既佳佳，造就港隊近40年黎對住日本大國腳第一次入波。
10. 而且之後港隊仲有一次由劉家喬反擊推橫chok射遠柱，靚到不得了，可惜條柱救返日本一命。
11. 講過日本隊下半場唔係冇攻勢，係自己把握唔到，角球既入波雖然因為個波喺空中出界所以唔計，但係你把握唔到，港隊就喺臨完場唔集中送返球禮比你，界外球鳩掟比中村草太搶走再長驅直進，最後佢好似個人show咁扭扭射射，雖然有啲跌跌撞撞但都入到波…
12. 賽果可接受、下半場表現雖然因為自己失誤送咗一球比人但仍然係超水準，唯獨上半場出現既問題，西木真係要正視下，黎緊仲有對韓國同中國，想要有好表現，就一定要改善呢啲問題。
#不專業足球筆記 #足球專欄 #專欄 #我愛本地波 #東亞足球錦標賽決賽週
#香港 #香港隊 #日本 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊