紅魔鬼賽後評 英超 曼聯 2-0 阿士東維拉 (25-5-2025)
1. 終於都捱埋今季最後一場，諗返起今季場場閪波都睇足，真係要比啲掌聲自己。
2. 無可否認，輸埋歐霸盃決賽，失落下季歐聯入場券，冇咗一大筆收入，排英超排第15收尾，真係一個災難性球季，不過最尾一場以勝利去結束今個球季，都叫做拎返個安慰獎。
3. 球季總結，我諗我有機會可能會打篇文出黎，呢篇文都係講返對維拉場波先。
4. 其實睇返一啲平時睇開有質素既友page，普遍黎講都好滿意今場曼聯既表現，話佢哋喺冇壓力之下踢得放咗，係值得贏既。
5. 雖然我唔否認今場overall係佔盡優勢，但係對我黎講，呢場波我都係唔滿意，尤其是把握力果part，完全係唔合格。其實上半場都幾有今季曼聯既寫照，係爭後防無厘頭自爆送禮（好彩冇出現）。
6. 上下半場加埋我哋創造咗幾多個黃金機會？講緊係黃金機會啊，我諗淨係上半場起碼都三、四個，曼治、般奴、Amad果幾球以佢哋質素，真係唔應該失機，更加唔好啲good chances、half chances，三球中柱中楣。
7. 咁講係harsh少少，但重點係今季我哋最大既問題正正就係把握力，好少少既話唔係話爭到前5，但至少應該都仲會喺前半板…
8. Control到形勢，其實今季都唔係第一次，我哋贏形勢輸波（因為前面入唔到波）既場數真係唔少，所以對於我黎講，我依然係希望佢哋喺把握力方面可以做好少少，唔係話球球黃金機會都要入，起碼一半，冇一半，起碼都40%…好喇，冇得再低喇，你哋係曼聯黎。
9. 我承認喺贏咗維拉呢支今季黎講表現好出色既球隊都要批評，係要求高既，因為對住要爭歐聯入場券既維拉，贏到都算係唔錯，但對面十人應戰，如果把握力好少少（只係好少少…），三、四球應該冇問題。
10. 唯有講，唔計把握力果part，今場其實都唔差。
11. 轉捩點可以話係馬天尼斯蓄意撞跌單刀既賀隆領紅，不過其實維拉十人應戰之前曼聯都係控制住個形勢，反而另一個判決比較有爭議，就係巴恩迪亞比人督走個波果球，如果比維拉領先，咁以呢隊曼聯既心理質素，應該都係收皮。
12. 講返巴恩迪亞果球，爭議唔係巴恩接實個波未，而係佢係咪in control the ball，而根據球例，其中一個定議係，係in between his hands/arms。
13. 個人睇法，佢應該未算完全接實晒，但雙手係曾經掂過波皮先因為彈彈下未接實晒(但好近接實)，呢個時候督走就可能有構成犯規，VAR都check埋，咁當然，英超啲VAR其實唔係好信得過，但我自己覺得最有力既解釋就係咁。
14. 呢點要睇下遲啲有冇人補充解釋下喇。
15. 最後，呢隊曼聯近兩季都好黑，郁啲就傷人，最後一週嘞，今場賽前都傳出Shaw、Zirkzee傷咗，Yoro有小問題，今場又有Maz、Dalot同埋疑似天堂仔…有冇人搵到普巴埋喺奧脫福既巫術公仔啊…
16. 雖然我唔算好滿意把握力，但都叫做以贏波結束今個球季，只能寄望明天會更好喇。
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 終於都捱埋今季最後一場，諗返起今季場場閪波都睇足，真係要比啲掌聲自己。
2. 無可否認，輸埋歐霸盃決賽，失落下季歐聯入場券，冇咗一大筆收入，排英超排第15收尾，真係一個災難性球季，不過最尾一場以勝利去結束今個球季，都叫做拎返個安慰獎。
3. 球季總結，我諗我有機會可能會打篇文出黎，呢篇文都係講返對維拉場波先。
4. 其實睇返一啲平時睇開有質素既友page，普遍黎講都好滿意今場曼聯既表現，話佢哋喺冇壓力之下踢得放咗，係值得贏既。
5. 雖然我唔否認今場overall係佔盡優勢，但係對我黎講，呢場波我都係唔滿意，尤其是把握力果part，完全係唔合格。其實上半場都幾有今季曼聯既寫照，係爭後防無厘頭自爆送禮（好彩冇出現）。
6. 上下半場加埋我哋創造咗幾多個黃金機會？講緊係黃金機會啊，我諗淨係上半場起碼都三、四個，曼治、般奴、Amad果幾球以佢哋質素，真係唔應該失機，更加唔好啲good chances、half chances，三球中柱中楣。
7. 咁講係harsh少少，但重點係今季我哋最大既問題正正就係把握力，好少少既話唔係話爭到前5，但至少應該都仲會喺前半板…
8. Control到形勢，其實今季都唔係第一次，我哋贏形勢輸波（因為前面入唔到波）既場數真係唔少，所以對於我黎講，我依然係希望佢哋喺把握力方面可以做好少少，唔係話球球黃金機會都要入，起碼一半，冇一半，起碼都40%…好喇，冇得再低喇，你哋係曼聯黎。
9. 我承認喺贏咗維拉呢支今季黎講表現好出色既球隊都要批評，係要求高既，因為對住要爭歐聯入場券既維拉，贏到都算係唔錯，但對面十人應戰，如果把握力好少少（只係好少少…），三、四球應該冇問題。
10. 唯有講，唔計把握力果part，今場其實都唔差。
11. 轉捩點可以話係馬天尼斯蓄意撞跌單刀既賀隆領紅，不過其實維拉十人應戰之前曼聯都係控制住個形勢，反而另一個判決比較有爭議，就係巴恩迪亞比人督走個波果球，如果比維拉領先，咁以呢隊曼聯既心理質素，應該都係收皮。
12. 講返巴恩迪亞果球，爭議唔係巴恩接實個波未，而係佢係咪in control the ball，而根據球例，其中一個定議係，係in between his hands/arms。
13. 個人睇法，佢應該未算完全接實晒，但雙手係曾經掂過波皮先因為彈彈下未接實晒(但好近接實)，呢個時候督走就可能有構成犯規，VAR都check埋，咁當然，英超啲VAR其實唔係好信得過，但我自己覺得最有力既解釋就係咁。
14. 呢點要睇下遲啲有冇人補充解釋下喇。
15. 最後，呢隊曼聯近兩季都好黑，郁啲就傷人，最後一週嘞，今場賽前都傳出Shaw、Zirkzee傷咗，Yoro有小問題，今場又有Maz、Dalot同埋疑似天堂仔…有冇人搵到普巴埋喺奧脫福既巫術公仔啊…
16. 雖然我唔算好滿意把握力，但都叫做以贏波結束今個球季，只能寄望明天會更好喇。
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊