紅魔鬼賽後評 歐霸 曼聯 4-1 畢爾包 (8-5-2025)
1. 60分鐘之前你同我講曼聯最後會贏畢爾包4比1，我可能會問你係咪食錯藥鳩UP，但結果就係60分鐘換人神調動，將曼聯既劣勢完全扭轉。
2. 唔知係咪領先3球在手，所以曼聯刻意縮後，定純粹曼聯班球員驚輸先龜縮，上半場佢哋受壓得好緊要。而且佢哋喺自己既危險地區送球權比人既次數真係不計其數，我會話人哋真係自己組織到既攻勢唔算太多，唔係話佢哋冇攻勢，而佢哋啲攻勢全部都係我哋送既，已經數唔清冇壓力之下我哋傳失咗幾多球，又有幾多球係喺危險地帶比人截到。
3. 就好似失果球咁，人哋係射得靚，但第一下係麥佳亞傳返去中間唔啱位比人截咗先，呢下其實點解唔比返Onana呢？好似呢下咁樣既失誤喺60分鐘之前真係唔少，但人哋始終三個前線主力受傷，把握力差到一個點，如果唔係曼聯真係大鑊，去到60分鐘都只係入得一球，畢爾包真係放虎歸山。
4. 60分鐘前，唔好講後生仔，連般奴、卡斯米路、麥佳亞呢啲沙場老將踢得患得患失，失誤連連，又點可以怪其他後生仔呢？
5. 球場形勢咁惡劣，究竟係咪死守埋果30分鐘，保住兩球優勢？阿摩連就話比你知唔係，佢收起防中烏加迪、偏向防守型既右翼衛馬沙拉維，而派上曼治同埋Amad，再加埋左面用上Shaw，成個局面即刻唔同晒！
6. 曼治同埋Amad真係形勢逆轉既大功臣，前者處理1比1果下轉身再射門，真係冷靜、球商及技術兼備，而最尾笠死龍門果球，有啲似碧咸對溫布頓果球半場笠死龍果球…當然碧咸果球係遠啲，難度又高啲喇。至於Amad，佢出黎之後，喺右路係咁搞破壞，仲有一球靚助攻，幫助信心麻麻既賀龍入埋波，呢球靚到，真係餵埋口邊送比賀龍食，希望呢下真係可以提升賀龍既自信心。
7. 喺正選果班球員入面，因為有埋前60分鐘踢到pat屎既表現考慮在內，我真係覺得大部份球員最多比啱啱合格佢哋。但有兩個球員就真係More than合格，佢哋係卡斯米路同埋Yoro，尤其是後者，喺入球方面真係貢獻良多，第一同第三球都係佢參與。而卡斯米路上半場都有斷纜交失波，但整體黎講佢防守都叫補返鑊，之後仲入多球反超前既入波，喺正選既球員入面，我唯二滿意既兩位球員就係得佢哋。
8. 嚴格黎講，今場係連般奴都唔合格。
9. 但有啲想提提多古，呢個後生仔其實防守、overlap走位做得好好，但係傳中同埋射波既質素真係好撚恐怖…20歲，繼續練下喇。
10. 當然唔可以唔提加拿祖，佢係上半場曼聯唯一一個有啲威脅既球員，但佢依舊係老問題…把握力差，呢球係完全單刀，佢咁都唔入，要打蘿友。
11. 馬後炮，曼治果下追成平手真係好重要，由扳平果下開始，個勢已經完全去咗曼聯度，連本身踢到pat屎既球員都開始入局。
12. 決賽係今季第四次對熱刺...
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopenfacebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 60分鐘之前你同我講曼聯最後會贏畢爾包4比1，我可能會問你係咪食錯藥鳩UP，但結果就係60分鐘換人神調動，將曼聯既劣勢完全扭轉。
2. 唔知係咪領先3球在手，所以曼聯刻意縮後，定純粹曼聯班球員驚輸先龜縮，上半場佢哋受壓得好緊要。而且佢哋喺自己既危險地區送球權比人既次數真係不計其數，我會話人哋真係自己組織到既攻勢唔算太多，唔係話佢哋冇攻勢，而佢哋啲攻勢全部都係我哋送既，已經數唔清冇壓力之下我哋傳失咗幾多球，又有幾多球係喺危險地帶比人截到。
3. 就好似失果球咁，人哋係射得靚，但第一下係麥佳亞傳返去中間唔啱位比人截咗先，呢下其實點解唔比返Onana呢？好似呢下咁樣既失誤喺60分鐘之前真係唔少，但人哋始終三個前線主力受傷，把握力差到一個點，如果唔係曼聯真係大鑊，去到60分鐘都只係入得一球，畢爾包真係放虎歸山。
4. 60分鐘前，唔好講後生仔，連般奴、卡斯米路、麥佳亞呢啲沙場老將踢得患得患失，失誤連連，又點可以怪其他後生仔呢？
5. 球場形勢咁惡劣，究竟係咪死守埋果30分鐘，保住兩球優勢？阿摩連就話比你知唔係，佢收起防中烏加迪、偏向防守型既右翼衛馬沙拉維，而派上曼治同埋Amad，再加埋左面用上Shaw，成個局面即刻唔同晒！
6. 曼治同埋Amad真係形勢逆轉既大功臣，前者處理1比1果下轉身再射門，真係冷靜、球商及技術兼備，而最尾笠死龍門果球，有啲似碧咸對溫布頓果球半場笠死龍果球…當然碧咸果球係遠啲，難度又高啲喇。至於Amad，佢出黎之後，喺右路係咁搞破壞，仲有一球靚助攻，幫助信心麻麻既賀龍入埋波，呢球靚到，真係餵埋口邊送比賀龍食，希望呢下真係可以提升賀龍既自信心。
7. 喺正選果班球員入面，因為有埋前60分鐘踢到pat屎既表現考慮在內，我真係覺得大部份球員最多比啱啱合格佢哋。但有兩個球員就真係More than合格，佢哋係卡斯米路同埋Yoro，尤其是後者，喺入球方面真係貢獻良多，第一同第三球都係佢參與。而卡斯米路上半場都有斷纜交失波，但整體黎講佢防守都叫補返鑊，之後仲入多球反超前既入波，喺正選既球員入面，我唯二滿意既兩位球員就係得佢哋。
8. 嚴格黎講，今場係連般奴都唔合格。
9. 但有啲想提提多古，呢個後生仔其實防守、overlap走位做得好好，但係傳中同埋射波既質素真係好撚恐怖…20歲，繼續練下喇。
10. 當然唔可以唔提加拿祖，佢係上半場曼聯唯一一個有啲威脅既球員，但佢依舊係老問題…把握力差，呢球係完全單刀，佢咁都唔入，要打蘿友。
11. 馬後炮，曼治果下追成平手真係好重要，由扳平果下開始，個勢已經完全去咗曼聯度，連本身踢到pat屎既球員都開始入局。
12. 決賽係今季第四次對熱刺...
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopenfacebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊