不專業足球筆記（四十四）︰大埔意外喺殘陣南區手上失分 理文竟然獲得聯賽爭冠主動權
1. 嘩嘩嘩，作為花生球迷，今季港超真係好睇過戲！進入爭標最後直路，三頭車馬前後相差都係3分，仲有3場比賽，究竟鹿死誰手都仲未知！
2. 理文其實個狀態起伏都幾大，週中佢哋出戰冠忠南區既菁英盃決賽， 估唔到慘吞四隻光蛋，諗住今季好有可能四大皆空，連班主李文恩都話要為組軍既錯誤付出代價，點知柳暗花明又一村，呢個星期過咗之後，佢哋竟升咗上榜首之餘仲掌握住爭標主動權。
3. 佢哋對住港會，都預計可以取勝，拎到呢3分並唔意外，仲要贏球大勝對手。當時贏波之後佢哋暫時超過大埔升上榜首，但就打多一場，爭標仍然被動。
4. 不過估唔到既係大埔竟然喺主場失分而回，佢哋只能夠同到訪既南區踢成2比2平手，賽後落後理文一分，大家都剩低3場比賽，咁既情況之下，情況相當被動。
5. 呢場波大埔雖然未能排出最強陣容，伊高沙托尼同埋陣中既足球先生兼核心成員陳肇鈞因傷倦勤，但仲有加比爾鎮守後防，帕特華維迪中場較炮，盧卡斯復出，奇雲巴迪、馬卡雷拿攜手攻堅，陣容比起天殘地缺既南區要好得多。南區啱啱先喺週中踢完菁英盃決賽，體力回復一定冇咁快，再加上佢哋贏完個菁英盃之後，今季已經有所交待，聯賽無欲無求，陣容又天地殘缺，慘到黎格爾傷埋之後要佐佐木周踢中堅，今場對比戰意鮮明既大埔，賽前何止睇得半線？
6. 南區不嬲都唔嘢少，升上甲組以黎，再到日後既港超聯，都係一副好難先啃到既豬頭骨，但係今場波天時(南區得3日回氣)、地利(大埔主場)、人和(對手傷兵滿營)，大埔對呢3分可謂志在必得。
7. 而事實上踢落大埔都真係佔據主動，仲早早由加比爾打開紀錄，而且攻勢仲一浪接一浪，可惜唔係過唔到門楣，就係過唔到伍瑋謙，又或者係伍瑋謙救完再中楣。
8. 下半場本來都仲係大埔既世界，但係杜國榆一下喺禁區入面拉跌基哥利，我淨係睇咗一個角度既慢鏡，其實覺得呢球都算係偏soft既十二碼，不過可能VAR有第二啲角度啩，又或者真係覺得Remi呢下有出手已經構成犯規，總之就判咗十二碼，仲要射入埋。
9. 雖然Remi因為高大，由踢深水埗時開始，當球隊人員不足或者戰術安排好多時都會放佢去中堅，但我始終覺防中先係佢最佳位置。
10. 之後情勢逆轉喎，黃浩然喺死球攻勢入面幫南區反超前，而大埔都好彩喺90分鐘由後備入替既鍾偉強扳成平手，不過雖然補時成10分鐘，但係大埔都搵唔返入波，白白葬送咗大好形勢比理文。
11. 大埔新援唔對辦，其中奇雲巴迪真係恐怖到一個點；伊高、少爺仔一傷隊波就死晒火；堅sir換人換得遲；之前力衝三冠搞到啲人搏得太盡傷咗唔少主力…要講既自毀長城既嘢，真係有唔少嘢可以講。但到咗呢一刻，大埔又係咪真係輸呢，咁又唔係既，雖然剩返三場比賽，但係佢對住理文既對賽成績佔咗絕對優勢，理文最鍾意玩自爆，尤其是今季狀態起伏咁大，再爆多幾嘢唔出奇，關鍵係做好自己，餘下三場聯賽入面，傑志係最難踢，佢哋仲有明加索夫同陳俊樂復出，對大埔黎講，真係復出得唔係時候。至於北區同流浪…理論上就一定要全取3分架喇。
12. 至於理文，剩低三場既對手分別係九龍城、北區同流浪，比起傑志易踢啲，但係理文傳統就係自爆，加上對港會時安尼亞同泰法蘇尼都傷出，潛在既危機其實都唔少，所以剩低呢三個星期，真係好睇過戲。
13. 至於東方…我係好想盧比度叔叔拎完銀牌再拎港超，但佢哋對賽成績輸晒，咁即係變相落後多前面兩隊一分，要追上去，談何容易？
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 嘩嘩嘩，作為花生球迷，今季港超真係好睇過戲！進入爭標最後直路，三頭車馬前後相差都係3分，仲有3場比賽，究竟鹿死誰手都仲未知！
2. 理文其實個狀態起伏都幾大，週中佢哋出戰冠忠南區既菁英盃決賽， 估唔到慘吞四隻光蛋，諗住今季好有可能四大皆空，連班主李文恩都話要為組軍既錯誤付出代價，點知柳暗花明又一村，呢個星期過咗之後，佢哋竟升咗上榜首之餘仲掌握住爭標主動權。
3. 佢哋對住港會，都預計可以取勝，拎到呢3分並唔意外，仲要贏球大勝對手。當時贏波之後佢哋暫時超過大埔升上榜首，但就打多一場，爭標仍然被動。
4. 不過估唔到既係大埔竟然喺主場失分而回，佢哋只能夠同到訪既南區踢成2比2平手，賽後落後理文一分，大家都剩低3場比賽，咁既情況之下，情況相當被動。
5. 呢場波大埔雖然未能排出最強陣容，伊高沙托尼同埋陣中既足球先生兼核心成員陳肇鈞因傷倦勤，但仲有加比爾鎮守後防，帕特華維迪中場較炮，盧卡斯復出，奇雲巴迪、馬卡雷拿攜手攻堅，陣容比起天殘地缺既南區要好得多。南區啱啱先喺週中踢完菁英盃決賽，體力回復一定冇咁快，再加上佢哋贏完個菁英盃之後，今季已經有所交待，聯賽無欲無求，陣容又天地殘缺，慘到黎格爾傷埋之後要佐佐木周踢中堅，今場對比戰意鮮明既大埔，賽前何止睇得半線？
6. 南區不嬲都唔嘢少，升上甲組以黎，再到日後既港超聯，都係一副好難先啃到既豬頭骨，但係今場波天時(南區得3日回氣)、地利(大埔主場)、人和(對手傷兵滿營)，大埔對呢3分可謂志在必得。
7. 而事實上踢落大埔都真係佔據主動，仲早早由加比爾打開紀錄，而且攻勢仲一浪接一浪，可惜唔係過唔到門楣，就係過唔到伍瑋謙，又或者係伍瑋謙救完再中楣。
8. 下半場本來都仲係大埔既世界，但係杜國榆一下喺禁區入面拉跌基哥利，我淨係睇咗一個角度既慢鏡，其實覺得呢球都算係偏soft既十二碼，不過可能VAR有第二啲角度啩，又或者真係覺得Remi呢下有出手已經構成犯規，總之就判咗十二碼，仲要射入埋。
9. 雖然Remi因為高大，由踢深水埗時開始，當球隊人員不足或者戰術安排好多時都會放佢去中堅，但我始終覺防中先係佢最佳位置。
10. 之後情勢逆轉喎，黃浩然喺死球攻勢入面幫南區反超前，而大埔都好彩喺90分鐘由後備入替既鍾偉強扳成平手，不過雖然補時成10分鐘，但係大埔都搵唔返入波，白白葬送咗大好形勢比理文。
11. 大埔新援唔對辦，其中奇雲巴迪真係恐怖到一個點；伊高、少爺仔一傷隊波就死晒火；堅sir換人換得遲；之前力衝三冠搞到啲人搏得太盡傷咗唔少主力…要講既自毀長城既嘢，真係有唔少嘢可以講。但到咗呢一刻，大埔又係咪真係輸呢，咁又唔係既，雖然剩返三場比賽，但係佢對住理文既對賽成績佔咗絕對優勢，理文最鍾意玩自爆，尤其是今季狀態起伏咁大，再爆多幾嘢唔出奇，關鍵係做好自己，餘下三場聯賽入面，傑志係最難踢，佢哋仲有明加索夫同陳俊樂復出，對大埔黎講，真係復出得唔係時候。至於北區同流浪…理論上就一定要全取3分架喇。
12. 至於理文，剩低三場既對手分別係九龍城、北區同流浪，比起傑志易踢啲，但係理文傳統就係自爆，加上對港會時安尼亞同泰法蘇尼都傷出，潛在既危機其實都唔少，所以剩低呢三個星期，真係好睇過戲。
13. 至於東方…我係好想盧比度叔叔拎完銀牌再拎港超，但佢哋對賽成績輸晒，咁即係變相落後多前面兩隊一分，要追上去，談何容易？
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊