冰人細仔爆頭入院手術後幸無大礙 ； Fabrizio Romano︰古拿同曼聯好事近 (紅魔日報 22-4-2025)
1. 早兩日曼聯一輸，預料之中一般媒體都拎黎大做文章，乜嘢由天堂落地獄乜乜乜，其實阿莫林咪一早講咗會出青年軍、會比激戰咗120分鐘既主力抖囉，根本就志不在此，唔係話好想佢哋輸，但權衡休息時間，我哋唔夠72小時要戰第二場比賽，咁唔出正選都正常吖。
2. 我冇睇熱刺對森林場波，但至少佢多我哋成一日半去休息，又唔似我哋踢足120分鐘，佢哋如果出正選都正常，但同時如果選擇留力都唔意外，佢哋同曼聯一樣，得返歐霸去爭，唔通為咗場無關痛癢既聯賽，risk去出一啲已經好攰既主力球員？出一陣，傷一個月，你賠返個球員比人啊？
3. 啲媒體唔係冇做功課，係曼聯輸波笑下佢哋多人睇啲啫。公海啲人笑都唔緊要，但係有啲自稱為曼迷既鳩屌球隊就太過份喇，主戰場移師歐霸四強，聯賽冇嘢爭仲搵命咩，況且呢場波其實有唔少得著，詳情睇返我上一站喇。
4. 講完廢話入正題，首先係想講下冰人連迪路夫…嚴格黎講係講佢小朋友，大家應該都記得對里昂場波有兩位中堅因為家事而要離場返屋企處理，時隔幾日，冰人太太終於開腔講發生乜嘢事。
5. 原來係冰人既細仔Francis受咗好嚴重既傷，當時係開波之前大概一個鐘，細仔喺屋企追住大仔跑，點知就跌咗落玻璃樓梯度，撞爆咗個額頭（Split his entire head open），唔係誇張，成個額頭割開咗兩邊（His forehead was into two parts），勁恐怖，我相信如果當時一個處理得唔好，分分鐘冰人仔仔連命都冇埋。
6. 好彩，最後手術成功咗，但就冇可避免會留低疤痕。呢類爆頭既傷勢有時可能會有後遺症，不過so far冇咁樣既跟進報道，而睇冰人太太出po既語氣，應該真係順利既，希望Francis早日康復唔好留手尾喇。
7. 講完呢件不幸中之大幸既意外之後，黎到季尾，又係傳會傳聞滿天飛既時候。呢度一貫既做法，鳩吹神話式既報道係唔會提，只會報下啲可信媒體、記者出既轉會消息。
8. 狼隊陣中既巴西國腳古拿，喺呢個球季既下半季其實早已經同曼聯傳出過轉會傳聞，不過近日呢單轉會有大突破，轉會專家Fabrizio Romano就喺尋日突然間出po，話曼聯喺古拿爭奪戰中處於領先位置，而且已經同球員方面傾過單轉會，古拿方面完全唔介意曼聯下季冇得踢歐聯，雖然有其他球隊好似紐卡素同諾定咸森林亦對佢有興趣，甚至有傳過阿仙奴都想要佢，但古拿方面好渴望加盟曼聯。
9. 而且只係短短一日，Fabrizio Romano就不停咁update呢單傳會既情況，仲話成事機會越黎越高，而另一個可信既記者，The Athletic既Laurie Whitwell亦都證實咗呢單消息，不過就話狼隊只願意接受古拿既6,250萬鎊解約金。
10. 以INEOS既作風黎睇，62.5M一定係貴咗少少，但古拿已經喺英超證明過自己，如果真係可以即食即用，咁其實一啲都唔貴。講到尾，一個球員貴唔貴，其實都係睇下球員表現值唔值呢個價架啫。據報阿莫林幾鍾意佢，同埋都覺得佢好適合佢343陣形入面既進攻左面10號位。
11. 不過傳會既嘢，一日未firm都唔好J住，況且真係成事，都要睇下踢出黎係點先。不過，以古拿喺狼隊既數據，我諗應該都有機會幫助到曼聯疲弱既進攻既。
12. 講起進攻球員，就一定要講曼聯既中鋒問題，賀龍繼續迷失，舒克斯唔係正宗既中鋒，奧比太嫰，曼聯係急需要一個入到波既前鋒。
13. Fabrizio Romano最新既消息，就係曼聯方面的確係對尼日利亞神鋒奧斯美恩好有興趣，不過暫時就冇任何Agreement come out到出黎，因為佢哋要等埋季尾，睇下下季有冇歐聯踢先至決定到有幾多錢洗。不過如無意外，奧斯美恩唔得就會去追葉士域治既戴立，但有趣既係，Ben Jacobs話戴立唔心急轉會，佢想睇清楚邊間球會有歐洲賽踢先，而暫時曼聯同車路士都對戴立表示出有興趣。
14. 即係一個戇鳩loop，有歐聯會揀奧斯美恩唔揀戴立，冇歐聯就揀戴立但戴立想去有歐戰既球會…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 早兩日曼聯一輸，預料之中一般媒體都拎黎大做文章，乜嘢由天堂落地獄乜乜乜，其實阿莫林咪一早講咗會出青年軍、會比激戰咗120分鐘既主力抖囉，根本就志不在此，唔係話好想佢哋輸，但權衡休息時間，我哋唔夠72小時要戰第二場比賽，咁唔出正選都正常吖。
2. 我冇睇熱刺對森林場波，但至少佢多我哋成一日半去休息，又唔似我哋踢足120分鐘，佢哋如果出正選都正常，但同時如果選擇留力都唔意外，佢哋同曼聯一樣，得返歐霸去爭，唔通為咗場無關痛癢既聯賽，risk去出一啲已經好攰既主力球員？出一陣，傷一個月，你賠返個球員比人啊？
3. 啲媒體唔係冇做功課，係曼聯輸波笑下佢哋多人睇啲啫。公海啲人笑都唔緊要，但係有啲自稱為曼迷既鳩屌球隊就太過份喇，主戰場移師歐霸四強，聯賽冇嘢爭仲搵命咩，況且呢場波其實有唔少得著，詳情睇返我上一站喇。
4. 講完廢話入正題，首先係想講下冰人連迪路夫…嚴格黎講係講佢小朋友，大家應該都記得對里昂場波有兩位中堅因為家事而要離場返屋企處理，時隔幾日，冰人太太終於開腔講發生乜嘢事。
5. 原來係冰人既細仔Francis受咗好嚴重既傷，當時係開波之前大概一個鐘，細仔喺屋企追住大仔跑，點知就跌咗落玻璃樓梯度，撞爆咗個額頭（Split his entire head open），唔係誇張，成個額頭割開咗兩邊（His forehead was into two parts），勁恐怖，我相信如果當時一個處理得唔好，分分鐘冰人仔仔連命都冇埋。
6. 好彩，最後手術成功咗，但就冇可避免會留低疤痕。呢類爆頭既傷勢有時可能會有後遺症，不過so far冇咁樣既跟進報道，而睇冰人太太出po既語氣，應該真係順利既，希望Francis早日康復唔好留手尾喇。
7. 講完呢件不幸中之大幸既意外之後，黎到季尾，又係傳會傳聞滿天飛既時候。呢度一貫既做法，鳩吹神話式既報道係唔會提，只會報下啲可信媒體、記者出既轉會消息。
8. 狼隊陣中既巴西國腳古拿，喺呢個球季既下半季其實早已經同曼聯傳出過轉會傳聞，不過近日呢單轉會有大突破，轉會專家Fabrizio Romano就喺尋日突然間出po，話曼聯喺古拿爭奪戰中處於領先位置，而且已經同球員方面傾過單轉會，古拿方面完全唔介意曼聯下季冇得踢歐聯，雖然有其他球隊好似紐卡素同諾定咸森林亦對佢有興趣，甚至有傳過阿仙奴都想要佢，但古拿方面好渴望加盟曼聯。
9. 而且只係短短一日，Fabrizio Romano就不停咁update呢單傳會既情況，仲話成事機會越黎越高，而另一個可信既記者，The Athletic既Laurie Whitwell亦都證實咗呢單消息，不過就話狼隊只願意接受古拿既6,250萬鎊解約金。
10. 以INEOS既作風黎睇，62.5M一定係貴咗少少，但古拿已經喺英超證明過自己，如果真係可以即食即用，咁其實一啲都唔貴。講到尾，一個球員貴唔貴，其實都係睇下球員表現值唔值呢個價架啫。據報阿莫林幾鍾意佢，同埋都覺得佢好適合佢343陣形入面既進攻左面10號位。
11. 不過傳會既嘢，一日未firm都唔好J住，況且真係成事，都要睇下踢出黎係點先。不過，以古拿喺狼隊既數據，我諗應該都有機會幫助到曼聯疲弱既進攻既。
12. 講起進攻球員，就一定要講曼聯既中鋒問題，賀龍繼續迷失，舒克斯唔係正宗既中鋒，奧比太嫰，曼聯係急需要一個入到波既前鋒。
13. Fabrizio Romano最新既消息，就係曼聯方面的確係對尼日利亞神鋒奧斯美恩好有興趣，不過暫時就冇任何Agreement come out到出黎，因為佢哋要等埋季尾，睇下下季有冇歐聯踢先至決定到有幾多錢洗。不過如無意外，奧斯美恩唔得就會去追葉士域治既戴立，但有趣既係，Ben Jacobs話戴立唔心急轉會，佢想睇清楚邊間球會有歐洲賽踢先，而暫時曼聯同車路士都對戴立表示出有興趣。
14. 即係一個戇鳩loop，有歐聯會揀奧斯美恩唔揀戴立，冇歐聯就揀戴立但戴立想去有歐戰既球會…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊