曼聯對里昂所失兩球 奧拿拿應否負責？ 每日郵報︰阿莫林考慮對紐記出巴恩迪阿 (紅魔日報 11-4-2025)
1. 尋日曼聯作客里昂場波真係夠晒話題性，今日喺曼聯page度同唔少曼迷傾，大家對奧拿拿係咪需要對兩個失波負全責，都有唔同意見。
2. 其實各方都有唔同意見，我尊重，亦唔強求個個都要認同我既諗法，畢竟作為一個專頁，我得有唔同意見，大家討論下都幾好，喺我個page入面，有唔同聲音討論下，大家有唔同意見交流下都唔錯。
3. 支持Onana既聲音，就大概係話第一球佢比前面里昂既球員影響咗，佢做好準備要去救波，點知去到好近個波都冇人掂過、冇改變過個方向，所以呢球就算幾快反應都救唔到，係要屌防守球員點解mark唔到人，比佢哋影響到門將之類既原因。
4. 我從來都係有果句講果句，之前Onana踢得好我一直有講，甚至試過出咗一集係講佢其實係比人嚴重低估。不過有一說一，自從坦克離隊， 龍門教練跟住一齊走埋之後，佢既表現真係一落千仗。點解我會唔認同第三點既觀點，係因為我睇慢鏡既時候，就佢比人fake咗而起動慢咗，其實佢個位係到架，個波係佢手掌隔離飛入，但呢種飛入唔係撲到盡救唔到果隻飛入，更加似係手掌預錯位比人射入果種飛入。同埋佢呢下有做到撲救動作，但就好似原地撲咁，移動得唔多，所以我既觀點始終係認為呢球Onana係要負上最大責任。
5. 第二球就比較少討論，但我又係睇過幾次慢鏡，個波話勁，但其實又唔係真係咁勁，佢完全有本錢接實（而佢個動作似係想接實），就算當下冇信心接實，佢都唔應該咁直接撲去前面比人任射。佢唔係第一次將個波撲比人執雞，今季失唔少波係咁，有時我會覺得佢救到第一下已經係反應快神救，但尋日呢球擺明唔係，佢個波係直射落佢面前，唔駛佢郁。
6. 防線有冇責任？梗係有喇，阿莫林都話，Mistake，唔係一個人既Mistake，而係全隊人既mistake。尤其是第二球，明明自己禁區塞滿晒人，都比人有空位起到腳，而Onana救出咗第一球之後，得白衫有反應衝前補射，曼聯既全部都停咗喺度睇波。
7. 當然，上面全部都只係我既睇法，你完全有權唔同意，亦都係以你哋自己既觀點為準。不過，我follow睇曼聯新聞既，大部份都係英國pages、youtuber，佢哋無一例外一面倒屌爆Onana，可想而知，單係喺英國黎講，Onana就算返到主場，佢究竟會承受幾多壓力。
8. 姑勿論點都好，我認為暫時比Onana坐下bench係合適做法，佢咁踢落去，壓力遲早爆煲，而下星期四既比賽，係關係到曼聯今季成敗得失既其中一場比賽，贏咗， 仲有機會爭歐霸，輸咗，今季就真真正正係災難級，喺呢個咁既時候，仲應唔應該比Onana擔正呢？
9. 巴恩迪阿喺傷咗接近兩個月之後，終於復出。喺Onana之前最唔穩定既時候傷咗，隨住Onana之前狀態回升返少少，佢啱啱復出狀態成疑，所以出Onana係正常，但而家情況唔同，巴恩迪阿我暫時仲係唔敢評論佢，之前對熱刺，又或者代表土耳其都試過錯漏百出，但對阿仙奴時係致勝功臣，如果真係要喺下星期四出佢，黎緊星期日對紐卡素係一個好好既機會比佢試練下。
10. 吹水唔抹咀既Daily Mail記者Chris Wheelers已經放風話阿莫林considering緊要bench Onana，當然CW佢講既嘢其實無敵，considering，我諗下半秒都叫consider咗，但如果阿莫林真係bench Onana，其實係一個機會去比迪恩試下。
11. 究竟下星期四生死戰，阿莫林會出邊個？黎緊對紐卡素場波應該睇到端倪。
12. 最後都要講，我上面係批評Onana，但只要Onana仲係幫曼聯出場，我都仲係會支持佢，想佢踢得好，不過現實情況係，我覺得比佢抖抖先對佢有好處。bench佢，唔代表佢玩完，但有時球員承受巨大壓力既時候係應該抖下，坐完一輪出返黎再拼過，麥佳亞得、卡斯米路得，話唔定Onana都得？
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 尋日曼聯作客里昂場波真係夠晒話題性，今日喺曼聯page度同唔少曼迷傾，大家對奧拿拿係咪需要對兩個失波負全責，都有唔同意見。
2. 其實各方都有唔同意見，我尊重，亦唔強求個個都要認同我既諗法，畢竟作為一個專頁，我得有唔同意見，大家討論下都幾好，喺我個page入面，有唔同聲音討論下，大家有唔同意見交流下都唔錯。
3. 支持Onana既聲音，就大概係話第一球佢比前面里昂既球員影響咗，佢做好準備要去救波，點知去到好近個波都冇人掂過、冇改變過個方向，所以呢球就算幾快反應都救唔到，係要屌防守球員點解mark唔到人，比佢哋影響到門將之類既原因。
4. 我從來都係有果句講果句，之前Onana踢得好我一直有講，甚至試過出咗一集係講佢其實係比人嚴重低估。不過有一說一，自從坦克離隊， 龍門教練跟住一齊走埋之後，佢既表現真係一落千仗。點解我會唔認同第三點既觀點，係因為我睇慢鏡既時候，就佢比人fake咗而起動慢咗，其實佢個位係到架，個波係佢手掌隔離飛入，但呢種飛入唔係撲到盡救唔到果隻飛入，更加似係手掌預錯位比人射入果種飛入。同埋佢呢下有做到撲救動作，但就好似原地撲咁，移動得唔多，所以我既觀點始終係認為呢球Onana係要負上最大責任。
5. 第二球就比較少討論，但我又係睇過幾次慢鏡，個波話勁，但其實又唔係真係咁勁，佢完全有本錢接實（而佢個動作似係想接實），就算當下冇信心接實，佢都唔應該咁直接撲去前面比人任射。佢唔係第一次將個波撲比人執雞，今季失唔少波係咁，有時我會覺得佢救到第一下已經係反應快神救，但尋日呢球擺明唔係，佢個波係直射落佢面前，唔駛佢郁。
6. 防線有冇責任？梗係有喇，阿莫林都話，Mistake，唔係一個人既Mistake，而係全隊人既mistake。尤其是第二球，明明自己禁區塞滿晒人，都比人有空位起到腳，而Onana救出咗第一球之後，得白衫有反應衝前補射，曼聯既全部都停咗喺度睇波。
7. 當然，上面全部都只係我既睇法，你完全有權唔同意，亦都係以你哋自己既觀點為準。不過，我follow睇曼聯新聞既，大部份都係英國pages、youtuber，佢哋無一例外一面倒屌爆Onana，可想而知，單係喺英國黎講，Onana就算返到主場，佢究竟會承受幾多壓力。
8. 姑勿論點都好，我認為暫時比Onana坐下bench係合適做法，佢咁踢落去，壓力遲早爆煲，而下星期四既比賽，係關係到曼聯今季成敗得失既其中一場比賽，贏咗， 仲有機會爭歐霸，輸咗，今季就真真正正係災難級，喺呢個咁既時候，仲應唔應該比Onana擔正呢？
9. 巴恩迪阿喺傷咗接近兩個月之後，終於復出。喺Onana之前最唔穩定既時候傷咗，隨住Onana之前狀態回升返少少，佢啱啱復出狀態成疑，所以出Onana係正常，但而家情況唔同，巴恩迪阿我暫時仲係唔敢評論佢，之前對熱刺，又或者代表土耳其都試過錯漏百出，但對阿仙奴時係致勝功臣，如果真係要喺下星期四出佢，黎緊星期日對紐卡素係一個好好既機會比佢試練下。
10. 吹水唔抹咀既Daily Mail記者Chris Wheelers已經放風話阿莫林considering緊要bench Onana，當然CW佢講既嘢其實無敵，considering，我諗下半秒都叫consider咗，但如果阿莫林真係bench Onana，其實係一個機會去比迪恩試下。
11. 究竟下星期四生死戰，阿莫林會出邊個？黎緊對紐卡素場波應該睇到端倪。
12. 最後都要講，我上面係批評Onana，但只要Onana仲係幫曼聯出場，我都仲係會支持佢，想佢踢得好，不過現實情況係，我覺得比佢抖抖先對佢有好處。bench佢，唔代表佢玩完，但有時球員承受巨大壓力既時候係應該抖下，坐完一輪出返黎再拼過，麥佳亞得、卡斯米路得，話唔定Onana都得？
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊