哥利亞加入傷兵行列 迪列治歐霸復出成疑 ； 般奴推動 漸凍人症小童成曼聯史上首位電動輪椅球僮 (紅魔日報 ９-4-2025)
1. 啱啱確定咗，因為阿仙奴主場三比零大炒皇馬，令英超提早鎖定歐洲賽系數前2位，所以下季頭5名都可以踢到歐聯！
2. 不過這些機會…
3. 唔好講啲衰嘢喇，正面啲睇，我哋唔好理英超，如果贏到歐霸既，都仲有機會踢到下季歐聯，所以黎緊歐霸八強兩個回合對里昂變得非常重要。
4. 不過除咗迪列治之外，連哥利亞都傷埋，而喺今日卡靈頓既訓練場上面，迪列治依舊係冇踪影，意味住呢個今季踢得好好既後防大將，似乎好大機會喺聽日作客里昂既歐霸首回合賽事缺陣。而家曼聯最勁既中堅入面，有兩個將會因傷缺陣，你都咪話唔擔心。
5. 而且除咗防守之外，進攻都係大問題，Amad仲係未有復出時間表，賀龍同舒克斯既入球數偏低，加拿祖啲把握力太恐怖，萬一剩返落黎既進攻泉源般奴都啞埋火就大鑊。相信里昂都會有針對性部署，聽晚場波唔易踢。
6. 都係講返啲好人好事喇，最近睇到友page奧脫陳春福報一單新聞，從中就睇得出曼聯隊長般奴其實好有愛心。
7. 有睇場波既朋友，應該都會見到球員步出球場時，般奴旁邊有位坐住電動輪椅嘅球僮，係曼聯史上首位以呢個方式出場嘅球僮。事實上，我like咗唔少外國page，其實有唔少都有出post講呢件事，甚至連Telegraph都有專題報導講呢件事。不過香港就冇乜，咁你唔講，咪我講囉。
8. 呢位球僮係來自北愛爾蘭Belfast既7歲曼迷Bobby Moore，佢好不幸地患有脊髓性肌肉萎縮症（即係漸凍人症），佢全家都係曼迷黎，喺屋企睇首循環曼市打吡時，慶祝曼聯入球嘅片段被廣傳，同時亦有聯絡英超嘅Fan Mail，所以般奴都有留意佢，仲推動佢一家參觀曼聯，又去埋卡靈頓見下佢啲隊友。當時Bobby仔好開心，般奴就問埋佢想唔想做球僮。
9. Bobby梗係話好喇，於是乎就有咗曼聯史上首位坐住電動輪椅出場既球僮，Telegraph仲以"Manchester United welcomes Belfast boy as first wheelchair mascot for club" 大字標題報道添。
10. 脊髓性肌肉萎縮症既患者，好多時2、30歲都會死，雖然真係好慘，但希望呢次，可以成為佢人生之中最珍貴既回憶。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 啱啱確定咗，因為阿仙奴主場三比零大炒皇馬，令英超提早鎖定歐洲賽系數前2位，所以下季頭5名都可以踢到歐聯！
2. 不過這些機會…
3. 唔好講啲衰嘢喇，正面啲睇，我哋唔好理英超，如果贏到歐霸既，都仲有機會踢到下季歐聯，所以黎緊歐霸八強兩個回合對里昂變得非常重要。
4. 不過除咗迪列治之外，連哥利亞都傷埋，而喺今日卡靈頓既訓練場上面，迪列治依舊係冇踪影，意味住呢個今季踢得好好既後防大將，似乎好大機會喺聽日作客里昂既歐霸首回合賽事缺陣。而家曼聯最勁既中堅入面，有兩個將會因傷缺陣，你都咪話唔擔心。
5. 而且除咗防守之外，進攻都係大問題，Amad仲係未有復出時間表，賀龍同舒克斯既入球數偏低，加拿祖啲把握力太恐怖，萬一剩返落黎既進攻泉源般奴都啞埋火就大鑊。相信里昂都會有針對性部署，聽晚場波唔易踢。
6. 都係講返啲好人好事喇，最近睇到友page奧脫陳春福報一單新聞，從中就睇得出曼聯隊長般奴其實好有愛心。
7. 有睇場波既朋友，應該都會見到球員步出球場時，般奴旁邊有位坐住電動輪椅嘅球僮，係曼聯史上首位以呢個方式出場嘅球僮。事實上，我like咗唔少外國page，其實有唔少都有出post講呢件事，甚至連Telegraph都有專題報導講呢件事。不過香港就冇乜，咁你唔講，咪我講囉。
8. 呢位球僮係來自北愛爾蘭Belfast既7歲曼迷Bobby Moore，佢好不幸地患有脊髓性肌肉萎縮症（即係漸凍人症），佢全家都係曼迷黎，喺屋企睇首循環曼市打吡時，慶祝曼聯入球嘅片段被廣傳，同時亦有聯絡英超嘅Fan Mail，所以般奴都有留意佢，仲推動佢一家參觀曼聯，又去埋卡靈頓見下佢啲隊友。當時Bobby仔好開心，般奴就問埋佢想唔想做球僮。
9. Bobby梗係話好喇，於是乎就有咗曼聯史上首位坐住電動輪椅出場既球僮，Telegraph仲以"Manchester United welcomes Belfast boy as first wheelchair mascot for club" 大字標題報道添。
10. 脊髓性肌肉萎縮症既患者，好多時2、30歲都會死，雖然真係好慘，但希望呢次，可以成為佢人生之中最珍貴既回憶。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊