卡斯米路重獲正選 阿莫林對其讚不絕口 (紅魔日報 7-4-2025)
1. 最近卡斯米路好似重新坐穩返正選，之前喺12月30號到2月16號之間，只係喺歐霸同足總盃合共踢咗19分鐘，有時甚至小將哥利亞都排喺佢之前。
2. 但係之前哥利亞、烏加迪、文奴個個輪住受傷，防守中場個位告急，卡斯米路臨危受命之餘亦交出好表現，就算其他傷兵慢慢復出，佢喺過去六場比賽入面，有五場都打正選，慢慢地憑表現重新贏得領隊阿莫林嘅信任。
3. 其實阿莫林上任之後，有幾位球員係被棄用，除咗卡斯米路之外，仲有華舒福同埋加拿祖都係咁。當然，阿莫林冇講到死永遠唔出佢哋，只要可以喺練波時展現出現有既態度，比佢睇到有改善，咁就仲有上陣既機會。
4. 就住之前冇用卡斯米路果段時間，阿莫林話，話卡斯米路雖然係五屆歐聯冠軍得主，經驗十足，但佢覺得卡斯米路踢波嘅強度同節奏，唔夠配合曼聯而家想打嘅高壓踢法，所以先至揀咗其他球員上陣。
5. 同福仔唔同，佢冇好似前者咁喺果段時間又話病而缺操（但同時去咗派飯同受訪問話自己準備好離隊尋求新挑戰），反而默默努力，喺訓練場度提升自己，針對領隊要求嘅地方去改善。
6. 卡斯米路既表現回勇，而喺尋日對住曼城嘅比賽，卡斯米路表現非常出色，喺中場起到穩定軍心嘅作用，仲打足全場。
7. 卡斯米路今場踢足90分鐘，防守方面交足功課，佢全場有2次搶斷、1次解圍和11次攔截。值得一提既係11次攔截係哥迪奧拿成為曼城領隊9年以黎，喺英超單場錄得最多攔截既敵方球員，亦係自從2008年艾夫拿之後，單場有最多攔截既曼聯球員。
8. 就連賽後阿莫林對卡斯米路既表現都讚不絕口：「最重要嘅係，卡斯米路以前喺皇馬已經贏晒所有嘢，佢嘅履歷唔使懷疑。之前唔揀佢，只係因為當時我覺得佢唔係最啱我哋踢法嘅人。但佢冇因為咁就氣餒，繼續練波，專注改善自己。喺我眼中，所有球員都一樣，只要肯改、肯進步，就一定會有機會。卡斯米路就係做咗呢樣嘢。成件事嘅功勞都係屬於卡斯米路自己，佢係我哋嘅球員，將來都會繼續係我哋嘅人。」
9. 其實卡斯米路今季整體表現，我覺得係OK既，之前我啲評論入面就提過，其實比起上季，卡斯米路有回勇既表現，不過比較大鑊既係卡斯米路喺大戰既時候表現失色，就好似季初對利物浦果場佢幾個錯誤直接令曼聯失波，咁踢曼聯，呢啲失誤一定會被無限放大，其實今季成隊表現都唔理想，卡斯米路都仲係唔夠佢第一季黎既時候表現得咁好，尤其是阿莫林一度將佢投閒置散，但實際上，其實佢並唔係真係咁差。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 最近卡斯米路好似重新坐穩返正選，之前喺12月30號到2月16號之間，只係喺歐霸同足總盃合共踢咗19分鐘，有時甚至小將哥利亞都排喺佢之前。
2. 但係之前哥利亞、烏加迪、文奴個個輪住受傷，防守中場個位告急，卡斯米路臨危受命之餘亦交出好表現，就算其他傷兵慢慢復出，佢喺過去六場比賽入面，有五場都打正選，慢慢地憑表現重新贏得領隊阿莫林嘅信任。
3. 其實阿莫林上任之後，有幾位球員係被棄用，除咗卡斯米路之外，仲有華舒福同埋加拿祖都係咁。當然，阿莫林冇講到死永遠唔出佢哋，只要可以喺練波時展現出現有既態度，比佢睇到有改善，咁就仲有上陣既機會。
4. 就住之前冇用卡斯米路果段時間，阿莫林話，話卡斯米路雖然係五屆歐聯冠軍得主，經驗十足，但佢覺得卡斯米路踢波嘅強度同節奏，唔夠配合曼聯而家想打嘅高壓踢法，所以先至揀咗其他球員上陣。
5. 同福仔唔同，佢冇好似前者咁喺果段時間又話病而缺操（但同時去咗派飯同受訪問話自己準備好離隊尋求新挑戰），反而默默努力，喺訓練場度提升自己，針對領隊要求嘅地方去改善。
6. 卡斯米路既表現回勇，而喺尋日對住曼城嘅比賽，卡斯米路表現非常出色，喺中場起到穩定軍心嘅作用，仲打足全場。
7. 卡斯米路今場踢足90分鐘，防守方面交足功課，佢全場有2次搶斷、1次解圍和11次攔截。值得一提既係11次攔截係哥迪奧拿成為曼城領隊9年以黎，喺英超單場錄得最多攔截既敵方球員，亦係自從2008年艾夫拿之後，單場有最多攔截既曼聯球員。
8. 就連賽後阿莫林對卡斯米路既表現都讚不絕口：「最重要嘅係，卡斯米路以前喺皇馬已經贏晒所有嘢，佢嘅履歷唔使懷疑。之前唔揀佢，只係因為當時我覺得佢唔係最啱我哋踢法嘅人。但佢冇因為咁就氣餒，繼續練波，專注改善自己。喺我眼中，所有球員都一樣，只要肯改、肯進步，就一定會有機會。卡斯米路就係做咗呢樣嘢。成件事嘅功勞都係屬於卡斯米路自己，佢係我哋嘅球員，將來都會繼續係我哋嘅人。」
9. 其實卡斯米路今季整體表現，我覺得係OK既，之前我啲評論入面就提過，其實比起上季，卡斯米路有回勇既表現，不過比較大鑊既係卡斯米路喺大戰既時候表現失色，就好似季初對利物浦果場佢幾個錯誤直接令曼聯失波，咁踢曼聯，呢啲失誤一定會被無限放大，其實今季成隊表現都唔理想，卡斯米路都仲係唔夠佢第一季黎既時候表現得咁好，尤其是阿莫林一度將佢投閒置散，但實際上，其實佢並唔係真係咁差。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊