加拿祖賣樓又黎傳言準備轉會？ 曼聯U18血洗列斯13比1，14歲新星首上陣獨取兩球 (紅魔日報 5-4-2025)
1. 做曼聯嘅球員，佢哋做既每一件事都好容易就被無限放大，就好似上季奧拿拿跌咗條車匙都會係新聞黎。
2. 今次主角就到加拿祖，今次係有關佢會賣樓既新聞，本來球員買樓賣樓好平常，甚至乎有球員或者領隊喺效力果隊球會期間，淨係住酒店都唔係乜嘢奇事，但由於冬季轉會既時候，加拿祖曾經係傳會新聞之中既紅人，加上最近佢喺曼聯發揮唔算理想，於是佢賣咗位於曼徹斯特Bowdon既樓就引人暇想。
3. 最初係太陽報報出黎，仲引發起唔少傳媒引述，令到沉寂咗一排既加拿祖轉會傳聞又再升溫。
4. 不過都唔駛兩個鐘，另一份神話報紙每日郵報Chris Wheeler又有內幕爆，話加拿祖喺2024年4月搬入呢間別墅，係因為除了佢哋一家三口之外，仲有父母兄弟都搬咗嚟英國，幫手照顧SON仔，再加埋兩口隻狗，所以先會住咁大間屋。之後黎到而家2025年4月，加拿祖父母兄弟都返咗西班牙，加拿祖唔再需要咁大間屋，所以先決定換一間位置更好，但就細啲嘅屋。
5. 著名網媒The United Stand記者Sam C同樣都係引用相同講法，仲話加拿祖仍然致力於曼聯。
6. 講真，我都唔敢講加拿祖黎緊會唔會走，但係如果用賣樓黎去推斷一個球員既去留又好似唔太make sense，講真佢哋咁有米，要走既話都唔爭在自己賣樓果啲錢，甚至走咗都會有專人同佢搞架喇，而家住好少少然後真係轉會先賣唔好？唔通佢賣樓換樓就代表佢走，佢買樓或者唔放層樓就代表佢一定留？加上消息來源只係The Sun、Daily Mail仲有網媒，大家當聽咗條新聞，得個知字囉。
7. 上集講咗曼聯U18喺青年足總盃四強佔盡優勢既情況下，比維拉逼到射十二碼出局，今日佢哋就拎榜尾既列斯聯U18出氣，血洗對手13比1。
8. 當然，早前先講過沙維治親身分享自身經歷，講緊啲U隊既比賽質素其實連英甲都唔到，所以見到呢啲比分可以開心下，但都唔駛太認真住。
9. 其中Victor Musa入咗6球，不過呢個球員其實並唔多聽，反而今日有個14歲既球員JJ Gabriel就創下咗曼聯U18最年輕既上陣紀錄，佢喺比賽既第63分鐘後備上陣，仲要入咗兩球添。
10. 講起佢，就係當年C朗個仔加入曼聯U隊既時候，同佢一齊影入隊照果個靚仔。據報一直以黎曼聯都對佢重點培育，今季主力踢U15、U16比賽，13場上陣入咗15球6個助攻。
11. 今日只係佢第一場U18既比賽，雖然對手係榜尾既列斯聯U18，但係可以入到波，仲要兩球都唔易，據報其實仲有其他大球會好似巴塞想挖走佢，距離JJ Gabriel簽到職業合約仲有一段唔短既時間，曼聯要留住佢，似乎都可能要花少少力氣。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 做曼聯嘅球員，佢哋做既每一件事都好容易就被無限放大，就好似上季奧拿拿跌咗條車匙都會係新聞黎。
2. 今次主角就到加拿祖，今次係有關佢會賣樓既新聞，本來球員買樓賣樓好平常，甚至乎有球員或者領隊喺效力果隊球會期間，淨係住酒店都唔係乜嘢奇事，但由於冬季轉會既時候，加拿祖曾經係傳會新聞之中既紅人，加上最近佢喺曼聯發揮唔算理想，於是佢賣咗位於曼徹斯特Bowdon既樓就引人暇想。
3. 最初係太陽報報出黎，仲引發起唔少傳媒引述，令到沉寂咗一排既加拿祖轉會傳聞又再升溫。
4. 不過都唔駛兩個鐘，另一份神話報紙每日郵報Chris Wheeler又有內幕爆，話加拿祖喺2024年4月搬入呢間別墅，係因為除了佢哋一家三口之外，仲有父母兄弟都搬咗嚟英國，幫手照顧SON仔，再加埋兩口隻狗，所以先會住咁大間屋。之後黎到而家2025年4月，加拿祖父母兄弟都返咗西班牙，加拿祖唔再需要咁大間屋，所以先決定換一間位置更好，但就細啲嘅屋。
5. 著名網媒The United Stand記者Sam C同樣都係引用相同講法，仲話加拿祖仍然致力於曼聯。
6. 講真，我都唔敢講加拿祖黎緊會唔會走，但係如果用賣樓黎去推斷一個球員既去留又好似唔太make sense，講真佢哋咁有米，要走既話都唔爭在自己賣樓果啲錢，甚至走咗都會有專人同佢搞架喇，而家住好少少然後真係轉會先賣唔好？唔通佢賣樓換樓就代表佢走，佢買樓或者唔放層樓就代表佢一定留？加上消息來源只係The Sun、Daily Mail仲有網媒，大家當聽咗條新聞，得個知字囉。
7. 上集講咗曼聯U18喺青年足總盃四強佔盡優勢既情況下，比維拉逼到射十二碼出局，今日佢哋就拎榜尾既列斯聯U18出氣，血洗對手13比1。
8. 當然，早前先講過沙維治親身分享自身經歷，講緊啲U隊既比賽質素其實連英甲都唔到，所以見到呢啲比分可以開心下，但都唔駛太認真住。
9. 其中Victor Musa入咗6球，不過呢個球員其實並唔多聽，反而今日有個14歲既球員JJ Gabriel就創下咗曼聯U18最年輕既上陣紀錄，佢喺比賽既第63分鐘後備上陣，仲要入咗兩球添。
10. 講起佢，就係當年C朗個仔加入曼聯U隊既時候，同佢一齊影入隊照果個靚仔。據報一直以黎曼聯都對佢重點培育，今季主力踢U15、U16比賽，13場上陣入咗15球6個助攻。
11. 今日只係佢第一場U18既比賽，雖然對手係榜尾既列斯聯U18，但係可以入到波，仲要兩球都唔易，據報其實仲有其他大球會好似巴塞想挖走佢，距離JJ Gabriel簽到職業合約仲有一段唔短既時間，曼聯要留住佢，似乎都可能要花少少力氣。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊