青訓新星伊巴仔同曼聯簽下職業合約 David Ornstein︰曼治下季會留喺曼聯 (紅魔日報 4-4-2025)
1. 今日有關曼聯既最主要新聞有兩個，第一個係喺青年軍備受矚目既17歲翼鋒伊巴基莫夫Amir Ibragimov同曼聯簽咗佢人生首份職業合約。
2. 今季主力為曼聯U18上陣既伊巴，如果係曼聯fans，應該都會喺唔同既渠道聽過呢位同伊巴謙莫域頭幾隻字母相同既球員。嗱，我認既，我最初真係因為Ibra呢幾隻字而留意佢，不過佢同伊巴謙莫域梗係冇關係喇，Ibragimov係俄羅斯人，不過11歲嘅時候就同家人移居英國，可以選擇代表俄羅斯或者英格蘭，而家佢其實已經為英格蘭U15及U16上陣，總共上陣3場入咗1球。
3. 當然留意佢除咗因為佢同伊巴謙莫域有少少似之外，佢既表現都係值得留意既地方喇。我本身like咗唔少曼聯既英國pages，間中會po啲青年軍比賽精華，而佢哋對呢位Ibragimov都高度讚揚，一得閒就會出下po講佢幾好幾好，今季U18聯賽，佢為曼聯上陣16場入咗6球交出4個助攻，而且都試過越級挑戰為曼聯U21喺Premier League 2上陣。
4. Ibragimov簽完職業合約之後受訪表示佢好高興同曼聯簽第一份職業合約，不過一切都唔會改變，自己仍然需要繼續努力工作。
5. 態度正確既，沙維治二世喺轉投雷丁之後都講過，而家社交媒體發達，青年聯賽水平其實唔高，偏偏有好多足球專頁好容易就將一啲喺青年聯賽幾場踢得好既球捧到新C朗、新美斯，搞到球員自己都心雄埋，但其實佢哋連英甲都唔夠踢。暫時睇Ibragimov應該係幾有潛質(如果唔係曼聯都唔同你簽約喇)，但係未來係咪真係可以發光發熱，咁就要睇下佢本身態度同際遇係點喇，前者尤其重要。
6. 另一單新聞係關於曼治既，但唔係有關佢又受傷或者係咪會轉會，而係The Athletic轉會專家David Ornstein話曼治呢個夏天唔會離開曼聯。
7. 原因主要有兩個喇，第一係曼聯方面認為曼治完美配搭阿莫林既343戰術，而另一個原因就係當年佢哋用咗5,500萬鎊買佢返黎，唔會有人用啲靚價買返佢，而且曼治人工有成25萬鎊，真係搵鬼同你接貨，所以如果低價出售，先唔好話蝕硬，曼治都唔會肯減人工走。
8. 講過唔少次，我好欣賞呢位前車仔中場喺比賽時所展現出黎既態度，只係問題係佢加盟咗曼聯之後實在太易傷，而佢唔經唔覺都26歲，我都驚佢既玻璃屬性係咪會成型。
9. 佢加盟曼聯之後傷咗四次，每次都傷成幾個月，而家叫做啱啱復出，但對上次傷之前既出場係首循環對曼城，然後不經不覺曼聯下場波就又係對曼城了，粗略咁估計，即係佢抖咗差唔多半季…
10. 據報導，曼聯內部對曼治受傷呢個問題好concern，之前幾個月，隊醫部門甚至討論過係咪應該將曼治送去瑞士一家私人診所為進行特殊治療，避免未來繼續傷病不斷，曼聯認為，理論上呢個係可行方案，有助降低曼治嘅受傷次數。只係如果要咁做，曼治就要缺席大約6個月時間，所以最後先冇咁做到。
11. 其實如果真係有效，與其長期係咁傷黎傷去，不如短痛一次過醫好佢，反正今季都玩完，不如比佢一早抖半年，下季砍掉重練算數喇。
12. 但點都好，我都希望曼治呢個曼聯新7號真係可以擺脫傷患困擾，正正經經咁幫曼聯上場比賽，佢比賽態度真係好又勤力，呢啲可以感染到身邊既隊友架。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 今日有關曼聯既最主要新聞有兩個，第一個係喺青年軍備受矚目既17歲翼鋒伊巴基莫夫Amir Ibragimov同曼聯簽咗佢人生首份職業合約。
2. 今季主力為曼聯U18上陣既伊巴，如果係曼聯fans，應該都會喺唔同既渠道聽過呢位同伊巴謙莫域頭幾隻字母相同既球員。嗱，我認既，我最初真係因為Ibra呢幾隻字而留意佢，不過佢同伊巴謙莫域梗係冇關係喇，Ibragimov係俄羅斯人，不過11歲嘅時候就同家人移居英國，可以選擇代表俄羅斯或者英格蘭，而家佢其實已經為英格蘭U15及U16上陣，總共上陣3場入咗1球。
3. 當然留意佢除咗因為佢同伊巴謙莫域有少少似之外，佢既表現都係值得留意既地方喇。我本身like咗唔少曼聯既英國pages，間中會po啲青年軍比賽精華，而佢哋對呢位Ibragimov都高度讚揚，一得閒就會出下po講佢幾好幾好，今季U18聯賽，佢為曼聯上陣16場入咗6球交出4個助攻，而且都試過越級挑戰為曼聯U21喺Premier League 2上陣。
4. Ibragimov簽完職業合約之後受訪表示佢好高興同曼聯簽第一份職業合約，不過一切都唔會改變，自己仍然需要繼續努力工作。
5. 態度正確既，沙維治二世喺轉投雷丁之後都講過，而家社交媒體發達，青年聯賽水平其實唔高，偏偏有好多足球專頁好容易就將一啲喺青年聯賽幾場踢得好既球捧到新C朗、新美斯，搞到球員自己都心雄埋，但其實佢哋連英甲都唔夠踢。暫時睇Ibragimov應該係幾有潛質(如果唔係曼聯都唔同你簽約喇)，但係未來係咪真係可以發光發熱，咁就要睇下佢本身態度同際遇係點喇，前者尤其重要。
6. 另一單新聞係關於曼治既，但唔係有關佢又受傷或者係咪會轉會，而係The Athletic轉會專家David Ornstein話曼治呢個夏天唔會離開曼聯。
7. 原因主要有兩個喇，第一係曼聯方面認為曼治完美配搭阿莫林既343戰術，而另一個原因就係當年佢哋用咗5,500萬鎊買佢返黎，唔會有人用啲靚價買返佢，而且曼治人工有成25萬鎊，真係搵鬼同你接貨，所以如果低價出售，先唔好話蝕硬，曼治都唔會肯減人工走。
8. 講過唔少次，我好欣賞呢位前車仔中場喺比賽時所展現出黎既態度，只係問題係佢加盟咗曼聯之後實在太易傷，而佢唔經唔覺都26歲，我都驚佢既玻璃屬性係咪會成型。
9. 佢加盟曼聯之後傷咗四次，每次都傷成幾個月，而家叫做啱啱復出，但對上次傷之前既出場係首循環對曼城，然後不經不覺曼聯下場波就又係對曼城了，粗略咁估計，即係佢抖咗差唔多半季…
10. 據報導，曼聯內部對曼治受傷呢個問題好concern，之前幾個月，隊醫部門甚至討論過係咪應該將曼治送去瑞士一家私人診所為進行特殊治療，避免未來繼續傷病不斷，曼聯認為，理論上呢個係可行方案，有助降低曼治嘅受傷次數。只係如果要咁做，曼治就要缺席大約6個月時間，所以最後先冇咁做到。
11. 其實如果真係有效，與其長期係咁傷黎傷去，不如短痛一次過醫好佢，反正今季都玩完，不如比佢一早抖半年，下季砍掉重練算數喇。
12. 但點都好，我都希望曼治呢個曼聯新7號真係可以擺脫傷患困擾，正正經經咁幫曼聯上場比賽，佢比賽態度真係好又勤力，呢啲可以感染到身邊既隊友架。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊