艾蘭加倒戈曼聯建功 放走佢係錯誤決定？ 淺談曼聯環境是否有利年輕球員發揮 (紅魔日報 2-4-2025)
1. 今日啲媒體話題一定仲係尋晚場英超，咁場波我已經有賽後評分析過，今日就吹下水講下啲花邊嘢喇。都係果句，冇識波牌，純吹水，啱睇就睇，唔啱睇既以你哋自己意見為準。
2. 艾蘭加既問題，領隊阿莫林賽後受訪時被問到見到佢咁好表現時有冇覺得難受，佢就咁答︰"No, they have to perform at (Manchester United). We can't look at the players that go away. They had their chance at Manchester United."
3. 大致上我都認同，呢句嘢都合適用落所有離隊既曼聯球員身上，只係艾蘭加既話其實有啲可惜，係曼迷既話其實唔會對呢位球員陌生，當年Greenwood出事之後，蘭歷克發掘咗呢位小將出黎，並且加以重用，仲讚到佢不得了。
4. 離開曼聯之前既艾蘭加充其量只可以話係半成品，佢既速度當時已經驚人，而且態度好，勤力肯回防，只係把握力、處理個波既決定等等，都好明顯係唔夠而家好。
5. 所以唔放走佢，佢係咪可以達到今日既高度？好難講。當時艾蘭加機會並唔少，事實上佢喺升咗上一隊之後頭兩季加埋都有成37次上陣機會，尤其是喺蘭sir暫代教練時機會仲多，兩季加埋卻只係得3球2助攻，呢個數據放喺前鋒球員度絕對唔係亮眼。所以當時森林想買佢，佢自己都想走，咁曼聯放人都係好合理既事。
6. 老實講，每當有呢啲態度好、但當時實力不足以為曼聯長期正選披甲既球員走，我都唔係幾開心，麥湯果陣係咁，其實艾蘭加果陣都有啲，但當然都係有分別，因為麥湯後備出黎真係有貨交，但艾蘭加除咗跑同勤力就冇乜建樹。
7. 艾蘭加喺上年十二月接受The Athletic訪問時講到點解要轉會，當時佢提到既除咗係出場機會少，仲提到心態問題，因為曼聯係一隊掙扎緊既球隊，有得出場既時候佢自己都好迷失好似踢緊交差波，反而去到森林就有正選踢，起碼每場踢到60分鐘先。
8. 其實佢呢個訪問，都間接印證咗曼聯陣中既一啲情況。年輕球員絕對唔係冇機會，你睇加拿祖、文奴、約羅，甚至開始慢慢有唔少出場機會既哥利亞，但問題係喺曼聯呢個環境入面，佢哋有冇人帶住去進步？曼聯同其他英超球會唔同，like it or not，無論係鍾意定討厭佢既人都好多，抽曼水、將一件小事化到無限大、係咁有秘密新聞流出，呢啲壓力唔係年輕球員咁易面對，好彩既至少可以做到麥湯文尼咁，唔好彩既，就會變到好似福仔咁沉迷喺夜夜笙歌既靡爛生活入面，好彩既仲可以外借、轉會改變自己態度鹹魚返生，唔好彩既就只有被放棄一途。
9. 好似係傑斯講過（有錯請指正），青訓球員一旦喺英超出場，佢身邊就突然間出現好多之前見到未見過既朋友，帶你花天酒地，到你失敗要人幫手時，呢班人拎完著數之後又會消失得無影無蹤。我諗你喺曼聯，就更加係咁既情況，曼聯喎、世界級大會喎，唔搵你笨幾時搵啊？
10. 所以華拉尼之前既專訪，儘管佢既內容有啲地方我唔太認同佢既睇法，但佢講年青球員果part我好認同。佢話喺皇馬，年青球員去到係學習，因為球會已經有個明確方向又有啲有經驗既前輩帶住，但係曼聯唔同，方向唔明確之餘，啲年青球員仲要擔大旗，面對巨大壓力，一有失誤就比人無限放大。我覺得係而家呢個社會風氣，後者尤其嚴重，之前先有IG網紅喺奧脫福搵加拿祖簽名既時候屌鳩加拿祖引佢比反應拍片搏流量，之後又有賀龍喺IG同一個話佢廢既球迷鬥屌。
11. 所以有時都諗一諗，曼聯班年青球員踢得差冇錯一定係自己責任最大，但係個環境因素，甚至球迷係咪都有份做成？球會既方針又有冇責任？加拿祖、賀龍呢啲，其實又應唔應該出黎做戰靶？陣中既老球員，有冇做好前輩本份？
12. 艾蘭加喺森林既第一季，開始慢慢成為正選，單季上陣36次，5入球9助攻，其實已經開始慢慢進步，黎到今季更加係表現出色，而家踢咗30場已經入咗6球，破咗上季入球記錄，助攻都有8個。
13. 我其實都好大膽估計，如果佢而家仲喺曼聯，佢既表現唔會咁好，甚至就算有得出場，進步都唔會咁大，所以雖然會有唔捨得既感覺，但係佢有得出場、戰術啱佢發揮，其實艾蘭加既轉會，可以話係曼聯、森林同埋最緊要係對艾蘭加自己，都係三贏局面。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 今日啲媒體話題一定仲係尋晚場英超，咁場波我已經有賽後評分析過，今日就吹下水講下啲花邊嘢喇。都係果句，冇識波牌，純吹水，啱睇就睇，唔啱睇既以你哋自己意見為準。
2. 艾蘭加既問題，領隊阿莫林賽後受訪時被問到見到佢咁好表現時有冇覺得難受，佢就咁答︰"No, they have to perform at (Manchester United). We can't look at the players that go away. They had their chance at Manchester United."
3. 大致上我都認同，呢句嘢都合適用落所有離隊既曼聯球員身上，只係艾蘭加既話其實有啲可惜，係曼迷既話其實唔會對呢位球員陌生，當年Greenwood出事之後，蘭歷克發掘咗呢位小將出黎，並且加以重用，仲讚到佢不得了。
4. 離開曼聯之前既艾蘭加充其量只可以話係半成品，佢既速度當時已經驚人，而且態度好，勤力肯回防，只係把握力、處理個波既決定等等，都好明顯係唔夠而家好。
5. 所以唔放走佢，佢係咪可以達到今日既高度？好難講。當時艾蘭加機會並唔少，事實上佢喺升咗上一隊之後頭兩季加埋都有成37次上陣機會，尤其是喺蘭sir暫代教練時機會仲多，兩季加埋卻只係得3球2助攻，呢個數據放喺前鋒球員度絕對唔係亮眼。所以當時森林想買佢，佢自己都想走，咁曼聯放人都係好合理既事。
6. 老實講，每當有呢啲態度好、但當時實力不足以為曼聯長期正選披甲既球員走，我都唔係幾開心，麥湯果陣係咁，其實艾蘭加果陣都有啲，但當然都係有分別，因為麥湯後備出黎真係有貨交，但艾蘭加除咗跑同勤力就冇乜建樹。
7. 艾蘭加喺上年十二月接受The Athletic訪問時講到點解要轉會，當時佢提到既除咗係出場機會少，仲提到心態問題，因為曼聯係一隊掙扎緊既球隊，有得出場既時候佢自己都好迷失好似踢緊交差波，反而去到森林就有正選踢，起碼每場踢到60分鐘先。
8. 其實佢呢個訪問，都間接印證咗曼聯陣中既一啲情況。年輕球員絕對唔係冇機會，你睇加拿祖、文奴、約羅，甚至開始慢慢有唔少出場機會既哥利亞，但問題係喺曼聯呢個環境入面，佢哋有冇人帶住去進步？曼聯同其他英超球會唔同，like it or not，無論係鍾意定討厭佢既人都好多，抽曼水、將一件小事化到無限大、係咁有秘密新聞流出，呢啲壓力唔係年輕球員咁易面對，好彩既至少可以做到麥湯文尼咁，唔好彩既，就會變到好似福仔咁沉迷喺夜夜笙歌既靡爛生活入面，好彩既仲可以外借、轉會改變自己態度鹹魚返生，唔好彩既就只有被放棄一途。
9. 好似係傑斯講過（有錯請指正），青訓球員一旦喺英超出場，佢身邊就突然間出現好多之前見到未見過既朋友，帶你花天酒地，到你失敗要人幫手時，呢班人拎完著數之後又會消失得無影無蹤。我諗你喺曼聯，就更加係咁既情況，曼聯喎、世界級大會喎，唔搵你笨幾時搵啊？
10. 所以華拉尼之前既專訪，儘管佢既內容有啲地方我唔太認同佢既睇法，但佢講年青球員果part我好認同。佢話喺皇馬，年青球員去到係學習，因為球會已經有個明確方向又有啲有經驗既前輩帶住，但係曼聯唔同，方向唔明確之餘，啲年青球員仲要擔大旗，面對巨大壓力，一有失誤就比人無限放大。我覺得係而家呢個社會風氣，後者尤其嚴重，之前先有IG網紅喺奧脫福搵加拿祖簽名既時候屌鳩加拿祖引佢比反應拍片搏流量，之後又有賀龍喺IG同一個話佢廢既球迷鬥屌。
11. 所以有時都諗一諗，曼聯班年青球員踢得差冇錯一定係自己責任最大，但係個環境因素，甚至球迷係咪都有份做成？球會既方針又有冇責任？加拿祖、賀龍呢啲，其實又應唔應該出黎做戰靶？陣中既老球員，有冇做好前輩本份？
12. 艾蘭加喺森林既第一季，開始慢慢成為正選，單季上陣36次，5入球9助攻，其實已經開始慢慢進步，黎到今季更加係表現出色，而家踢咗30場已經入咗6球，破咗上季入球記錄，助攻都有8個。
13. 我其實都好大膽估計，如果佢而家仲喺曼聯，佢既表現唔會咁好，甚至就算有得出場，進步都唔會咁大，所以雖然會有唔捨得既感覺，但係佢有得出場、戰術啱佢發揮，其實艾蘭加既轉會，可以話係曼聯、森林同埋最緊要係對艾蘭加自己，都係三贏局面。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊