青年足總盃四強曼聯U18互射十二碼不敵維拉U18 今晚對戰森林只有約羅、麥佳亞可復出 (紅魔日報 1-4-2025)
1. 今日4月1號愚人節，一起身就睇到唔少搞笑既曼聯新聞，例如新球場會冠名做王老吉球場、新贊助商係costcutter之類，仲有啲真真假假既轉會新聞，好似話普巴重返曼聯、皇馬9000萬鎊買般奴等等。
2. 話說回來，般奴當然係曼聯陣中鐵打既主力，甚至可以話係而家最不可或缺既一員，但如果皇馬真係諗住買佢，而家要係咁開源節流既高層要制唔制？
3. 講返啲正經新聞先，同一隊唔同，曼聯U18今季表現出色，上半季係全勝，而下半季話就話有所回落，咁同幾個主力抽咗上一隊比賽以致缺席咗某啲比賽有關，咁當然佢哋狀態真係有少少回落既，但呢一刻佢哋都仲排緊喺North聯賽第2位，打少一場落後曼城U18五分。
4. 而喺盃賽佢哋都高歌猛進，殺到入FA Youth Cup四強，喺尋日作客維拉公園對維拉U18，決定決賽門券係屬於邊隊。
5. 曼聯U18開波冇耐就失第一球，同一隊一樣失死球，但就有啲唔好彩，維拉罰球省中人牆反而變咗個斜前靚直線，比維拉先開紀錄。
6. 不過曼聯U18整體實力睇得出係喺維拉U18之上，22分鐘由James Scanlon追返一球，全場都壓住維拉黎踢，可惜自己把握唔到機會，而維拉U18其實都唔係冇機會，不過佢哋搏到曼聯U18犯規之後炒咗球十二碼。
7. 最後比維拉U18拖到加時守埋去到互射十二碼階段，我哋呢面有三個射失，最後就黯然出局。
8. 足球就係咁，就好似喺坦克時代最常發生，創造咗無限個機會但係把握唔到，人哋最後只會多謝你，不過呢班仔仲細，希望佢哋好好成長，有機會升上一隊為曼聯效力。
9. 今晚仲有場英超既比賽，曼聯會作客諾定咸森林。
10. 據阿莫林記者會所講，今日可以復出既就只有麥佳亞同埋約羅，而之前懷疑傷勢set back既天堂仔希雲就仲未得，不過好消息係佢既傷勢經阿莫林確認，並冇想像之中咁嚴重，今季內應該可以復出。至於Amad、馬天尼斯就當然出唔到，不過Shaw、Mainoo就應該近架喇。
11. 至於喺記者會上面阿莫林特別被問到Amad既事，佢就覺得Amad今季應該會復出到，我就覺得唔好操之過急，唔好重演兩年前馬天尼斯原來未好返晒就復出既事，欲速則不達，上季佢急住復出，結果冇耐又要做手術根治，抖咗半季，而家佢咁玻璃都唔知同當時治療不當有冇關係。
12. 今晚作客森林，對面今季強勢，希望曼聯踢出好表現喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 今日4月1號愚人節，一起身就睇到唔少搞笑既曼聯新聞，例如新球場會冠名做王老吉球場、新贊助商係costcutter之類，仲有啲真真假假既轉會新聞，好似話普巴重返曼聯、皇馬9000萬鎊買般奴等等。
2. 話說回來，般奴當然係曼聯陣中鐵打既主力，甚至可以話係而家最不可或缺既一員，但如果皇馬真係諗住買佢，而家要係咁開源節流既高層要制唔制？
3. 講返啲正經新聞先，同一隊唔同，曼聯U18今季表現出色，上半季係全勝，而下半季話就話有所回落，咁同幾個主力抽咗上一隊比賽以致缺席咗某啲比賽有關，咁當然佢哋狀態真係有少少回落既，但呢一刻佢哋都仲排緊喺North聯賽第2位，打少一場落後曼城U18五分。
4. 而喺盃賽佢哋都高歌猛進，殺到入FA Youth Cup四強，喺尋日作客維拉公園對維拉U18，決定決賽門券係屬於邊隊。
5. 曼聯U18開波冇耐就失第一球，同一隊一樣失死球，但就有啲唔好彩，維拉罰球省中人牆反而變咗個斜前靚直線，比維拉先開紀錄。
6. 不過曼聯U18整體實力睇得出係喺維拉U18之上，22分鐘由James Scanlon追返一球，全場都壓住維拉黎踢，可惜自己把握唔到機會，而維拉U18其實都唔係冇機會，不過佢哋搏到曼聯U18犯規之後炒咗球十二碼。
7. 最後比維拉U18拖到加時守埋去到互射十二碼階段，我哋呢面有三個射失，最後就黯然出局。
8. 足球就係咁，就好似喺坦克時代最常發生，創造咗無限個機會但係把握唔到，人哋最後只會多謝你，不過呢班仔仲細，希望佢哋好好成長，有機會升上一隊為曼聯效力。
9. 今晚仲有場英超既比賽，曼聯會作客諾定咸森林。
10. 據阿莫林記者會所講，今日可以復出既就只有麥佳亞同埋約羅，而之前懷疑傷勢set back既天堂仔希雲就仲未得，不過好消息係佢既傷勢經阿莫林確認，並冇想像之中咁嚴重，今季內應該可以復出。至於Amad、馬天尼斯就當然出唔到，不過Shaw、Mainoo就應該近架喇。
11. 至於喺記者會上面阿莫林特別被問到Amad既事，佢就覺得Amad今季應該會復出到，我就覺得唔好操之過急，唔好重演兩年前馬天尼斯原來未好返晒就復出既事，欲速則不達，上季佢急住復出，結果冇耐又要做手術根治，抖咗半季，而家佢咁玻璃都唔知同當時治療不當有冇關係。
12. 今晚作客森林，對面今季強勢，希望曼聯踢出好表現喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊