福仔外借維拉後終開齋 稱自己終於有波踢 曼聯明晚對戰森林前最新軍情 (紅魔日報 31-3-2025)
1. 話說華舒福喺足總盃八強（包括一球十二碼）之後，向記者表示話自己喺去維拉之前無乜機會落場踢波，但而家自己嘅身體感覺好好，亦享受足球。
2. 有一說一，的確佢外借去維拉之後既表現唔錯（咁都希望維拉會買斷佢喇），之前交出咗唔少次助攻，尋日終於開埋齋，不過佢講呢句既時候，我覺得都係有少少說話要比阿莫林聽。
3. 其實阿莫林唔係冇比機會你，唔止佢，坦克果陣直頭係攬實你，你冇表現都係咁出你，最後自己落埋地獄比人炒魷。阿莫林雪佢主要係佢態度同紀律有問題，而當時加拿祖都有份比人雪，但好彩佢爭氣，改變自己態度同埋比心機練波，最後得到唔少機會。至於福仔…對愛華頓賽前夜蒲單嘢係其一，比人雪之後佢諗既第一日樣嘢唔係比心機練波，而係話自己病，但係病緊既時候又去咗派飯同埋接受訪問，仲講到明已經ready接受新挑戰。
4. 我唔肯定福頭有冇諗過自己喺曼聯無波踢，自己都有責任，定還是係果陣佢已經鐵咗心要離開曼聯所以WFC，的確，無論係香港又好、英國又好，佢踢得唔好一定好多人鬧，可能佢真係踢得唔開心想走，但喺鬧既同時其實中間有唔少係善意批評，同埋你要留意，你逗緊三十幾萬鎊週薪，唔係三萬鎊，你踢一個月夠買太古城一個單位仲有錢找，咁你踢得唔好比人鬧係正常。
5. 福頭到而家表現有回升，第一踢維拉壓力細啲，至少喺曼聯你真係做乜都會比人放大黎睇，唔係個個球員抗壓力都咁好。第二，就係你喺曼聯做慣大佬，試過喺曼聯練波既時候同助教起扛（麥卡倫隊內練習賽事件，有興趣上返呢度︰ https://s.fanpiece.com/AhqDuXz ），而家去到新環境，冇得做大佬可能仲要聽艾馬利點，肯聽教練話咁喺場上表現會有改善唔奇。不過以佢性格，會唔會之後都係咁？定係會好似Greenwood最近喺馬賽咁同迪沙比有意見？Time will tell喇。
6. 如果佢喺維拉真係改到既，咁都恭喜佢。我唔止一次喺度講過，我對福頭真係失望，但更多既係可惜，我覺得青訓出身既佢本來真係可以喺曼聯擔到大旗，只可惜佢越踢越沉，坦克第一季已經係佢喺曼聯最後既高光時刻。
7. 冇既，同拍拖一樣，有時timing都唔啱，又或者因為喺曼聯時期最後既經歷，令到佢真正成長起黎。人既際遇真係好難講，好似幫人哋教仔、又或者經一事蔡一智，係好可惜，但都係時候要move on。
8. 講完福仔，講返聽日場波，我哋會作客森林，森林啱啱先喺足總盃八強賽事激戰120分鐘射埋十二碼淘汰白禮頓，體力上面係我哋勝一籌。
9. 不過森林而家排緊第三，領先緊第四既車路士5分、第五既曼城6分，真係隨時拎到歐聯席位，一定同你搏老命，而曼聯喺聯賽冇所求，戰意反而差一截，仲要作客，相信呢場波一定難踢。
10. 曼聯目前都仲係有唔少傷兵，但據報除咗曼治同麥佳亞應該係出得場之外，文奴同Shaw都開始踩草，連約羅終於都回歸訓練場，咁都係好消息。
11. 相比之下，森林得兩位傷兵，但其中一位Wood真係今季森林既重要一員，傷咗佢森林都幾頭痕，不過據報佢仍然有機會上陣，所以森林迷都唔駛咁擔心住。
12. 就算Wood真係唔出得，曼聯陣中既重心唔通又傷得少咩，冇咗Amad、馬天尼斯，曼聯就好似斷咗雙臂咁，所以我雖然係曼迷，但真心對聽日場波唔樂觀。事實上睇個聯賽榜就知今季英超，兩隊既表現係有幾大分別。
13. 不過身為球隊支持者，點都撐架喇，right？
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 話說華舒福喺足總盃八強（包括一球十二碼）之後，向記者表示話自己喺去維拉之前無乜機會落場踢波，但而家自己嘅身體感覺好好，亦享受足球。
2. 有一說一，的確佢外借去維拉之後既表現唔錯（咁都希望維拉會買斷佢喇），之前交出咗唔少次助攻，尋日終於開埋齋，不過佢講呢句既時候，我覺得都係有少少說話要比阿莫林聽。
3. 其實阿莫林唔係冇比機會你，唔止佢，坦克果陣直頭係攬實你，你冇表現都係咁出你，最後自己落埋地獄比人炒魷。阿莫林雪佢主要係佢態度同紀律有問題，而當時加拿祖都有份比人雪，但好彩佢爭氣，改變自己態度同埋比心機練波，最後得到唔少機會。至於福仔…對愛華頓賽前夜蒲單嘢係其一，比人雪之後佢諗既第一日樣嘢唔係比心機練波，而係話自己病，但係病緊既時候又去咗派飯同埋接受訪問，仲講到明已經ready接受新挑戰。
4. 我唔肯定福頭有冇諗過自己喺曼聯無波踢，自己都有責任，定還是係果陣佢已經鐵咗心要離開曼聯所以WFC，的確，無論係香港又好、英國又好，佢踢得唔好一定好多人鬧，可能佢真係踢得唔開心想走，但喺鬧既同時其實中間有唔少係善意批評，同埋你要留意，你逗緊三十幾萬鎊週薪，唔係三萬鎊，你踢一個月夠買太古城一個單位仲有錢找，咁你踢得唔好比人鬧係正常。
5. 福頭到而家表現有回升，第一踢維拉壓力細啲，至少喺曼聯你真係做乜都會比人放大黎睇，唔係個個球員抗壓力都咁好。第二，就係你喺曼聯做慣大佬，試過喺曼聯練波既時候同助教起扛（麥卡倫隊內練習賽事件，有興趣上返呢度︰ https://s.fanpiece.com/AhqDuXz ），而家去到新環境，冇得做大佬可能仲要聽艾馬利點，肯聽教練話咁喺場上表現會有改善唔奇。不過以佢性格，會唔會之後都係咁？定係會好似Greenwood最近喺馬賽咁同迪沙比有意見？Time will tell喇。
6. 如果佢喺維拉真係改到既，咁都恭喜佢。我唔止一次喺度講過，我對福頭真係失望，但更多既係可惜，我覺得青訓出身既佢本來真係可以喺曼聯擔到大旗，只可惜佢越踢越沉，坦克第一季已經係佢喺曼聯最後既高光時刻。
7. 冇既，同拍拖一樣，有時timing都唔啱，又或者因為喺曼聯時期最後既經歷，令到佢真正成長起黎。人既際遇真係好難講，好似幫人哋教仔、又或者經一事蔡一智，係好可惜，但都係時候要move on。
8. 講完福仔，講返聽日場波，我哋會作客森林，森林啱啱先喺足總盃八強賽事激戰120分鐘射埋十二碼淘汰白禮頓，體力上面係我哋勝一籌。
9. 不過森林而家排緊第三，領先緊第四既車路士5分、第五既曼城6分，真係隨時拎到歐聯席位，一定同你搏老命，而曼聯喺聯賽冇所求，戰意反而差一截，仲要作客，相信呢場波一定難踢。
10. 曼聯目前都仲係有唔少傷兵，但據報除咗曼治同麥佳亞應該係出得場之外，文奴同Shaw都開始踩草，連約羅終於都回歸訓練場，咁都係好消息。
11. 相比之下，森林得兩位傷兵，但其中一位Wood真係今季森林既重要一員，傷咗佢森林都幾頭痕，不過據報佢仍然有機會上陣，所以森林迷都唔駛咁擔心住。
12. 就算Wood真係唔出得，曼聯陣中既重心唔通又傷得少咩，冇咗Amad、馬天尼斯，曼聯就好似斷咗雙臂咁，所以我雖然係曼迷，但真心對聽日場波唔樂觀。事實上睇個聯賽榜就知今季英超，兩隊既表現係有幾大分別。
13. 不過身為球隊支持者，點都撐架喇，right？
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊