希雲再次帶上腳套冇咁快復出？ David Ornstein大談曼聯夏季組軍方向 (紅魔日報 28-3-2025)
1. 早果輪先話希雲除咗個腳套，仲話佢有望喺國際賽期復出，點知尋日就又再影到幅相，係天堂仔著住保護腳套出現喺卡靈頓訓練基地。
2. 如果話係一路都冇帶住個腳套都還好，最驚佢係傷勢set back，到時又唔知要抖幾耐。
3. 暫時都係冇最新既球員回歸消息，MEN報道過兩位中堅麥佳亞同約羅都有望喺對戰諾定咸森林既英超比賽之中復出，不過依我目前睇晒咁多媒體報道，麥佳亞應該真係冇問題，不過約羅我就有保留，至少一則佢踩草復出既消息都冇，下星期二（遷就森林足總盃）就要比賽，究竟趕唔趕得切復出？真係好難講，而且而家將重心擺喺歐霸既時候，都唔應該咁急要約羅復出。
4. 又睇下曼聯既轉會消息喇，要睇就梗係睇啲信得過既，The Athletic記者David Ornstein絕對係其中一個。
5. 根據David Ornstein收到既風，曼聯黎緊既轉會窗應該唔會再行水魚方向，佢哋會延續返最近所採取既方式，即係用低少少既轉會費去買啲人工低少少既後生仔，就好似多古咁。
6. 多古加盟曼聯之前只係意甲護級球隊一個名不經傳（至少對我黎講係喇）既左閘，轉會費大約二千五百萬英鎊，人工3萬週薪，對比而家佢既隊友真係少到不得了，不過佢踢出黎so far有板有眼，而且都幾融入阿莫林既343體系(希望佢唔係曼聯化)。
7. 即係其實都有少少刮彩票既方式去買啲平少少既球員，希望佢哋可以成長為頂級球員兼提升自身市場價值囉。
8. 亦都係咁，之前吹到好勁話會買既奧斯美恩同阿莫林既愛徒基奧基尼斯就未必可能發生，不過DO都帶晒頭盔，佢話未來乜都有可能發生，只係目前佢收到風曼聯收購新方向就係咁。
9. 至於離隊方面應該會有唔少人，好似艾歷臣、伊雲斯、希頓及連迪洛夫的合約都會喺球季完結之後到期，所以預計佢哋部分或者全部都會離隊。我覺得佢講得太保守喇，佢哋如無意外，係全部都會離隊先啱。
10. 另外，安東尼、馬拉西亞、拉舒福特及辛祖呢啲外借緊既球員，曼聯都係應該準備放走既。喺呢班球員入面，我覺得比較可惜既係福仔同安東尼。前者喺曼聯做慣大佬太過安於逸，晚晚出去花天酒地，無辦法兌現我哋對佢既期望；而後者鬥志可嘉但喺英超水土不服，或者好似而家咁喺技術流既西甲先係佢大放異彩既舞台。
11. DO仲提到卡斯米路，不過要搵水魚接手呢個咁高人工既球員並唔易。最近西米既表現有所回升，不過始終人工太貴，佢既表現暫時都值唔返呢個價。
12. 至於文奴同加拿祖，曼聯唔會積極推動賣佢哋，但如果收到合適的報價，而球會從競技及財政角度考慮既時候，就算發生都唔奇，就好似冬天果陣加拿祖既傳聞咁。不過，我覺得真係除非收到天價，如果唔係唔好賣佢哋喇，等佢哋慢慢成長為球隊主力唔好咩…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 早果輪先話希雲除咗個腳套，仲話佢有望喺國際賽期復出，點知尋日就又再影到幅相，係天堂仔著住保護腳套出現喺卡靈頓訓練基地。
2. 如果話係一路都冇帶住個腳套都還好，最驚佢係傷勢set back，到時又唔知要抖幾耐。
3. 暫時都係冇最新既球員回歸消息，MEN報道過兩位中堅麥佳亞同約羅都有望喺對戰諾定咸森林既英超比賽之中復出，不過依我目前睇晒咁多媒體報道，麥佳亞應該真係冇問題，不過約羅我就有保留，至少一則佢踩草復出既消息都冇，下星期二（遷就森林足總盃）就要比賽，究竟趕唔趕得切復出？真係好難講，而且而家將重心擺喺歐霸既時候，都唔應該咁急要約羅復出。
4. 又睇下曼聯既轉會消息喇，要睇就梗係睇啲信得過既，The Athletic記者David Ornstein絕對係其中一個。
5. 根據David Ornstein收到既風，曼聯黎緊既轉會窗應該唔會再行水魚方向，佢哋會延續返最近所採取既方式，即係用低少少既轉會費去買啲人工低少少既後生仔，就好似多古咁。
6. 多古加盟曼聯之前只係意甲護級球隊一個名不經傳（至少對我黎講係喇）既左閘，轉會費大約二千五百萬英鎊，人工3萬週薪，對比而家佢既隊友真係少到不得了，不過佢踢出黎so far有板有眼，而且都幾融入阿莫林既343體系(希望佢唔係曼聯化)。
7. 即係其實都有少少刮彩票既方式去買啲平少少既球員，希望佢哋可以成長為頂級球員兼提升自身市場價值囉。
8. 亦都係咁，之前吹到好勁話會買既奧斯美恩同阿莫林既愛徒基奧基尼斯就未必可能發生，不過DO都帶晒頭盔，佢話未來乜都有可能發生，只係目前佢收到風曼聯收購新方向就係咁。
9. 至於離隊方面應該會有唔少人，好似艾歷臣、伊雲斯、希頓及連迪洛夫的合約都會喺球季完結之後到期，所以預計佢哋部分或者全部都會離隊。我覺得佢講得太保守喇，佢哋如無意外，係全部都會離隊先啱。
10. 另外，安東尼、馬拉西亞、拉舒福特及辛祖呢啲外借緊既球員，曼聯都係應該準備放走既。喺呢班球員入面，我覺得比較可惜既係福仔同安東尼。前者喺曼聯做慣大佬太過安於逸，晚晚出去花天酒地，無辦法兌現我哋對佢既期望；而後者鬥志可嘉但喺英超水土不服，或者好似而家咁喺技術流既西甲先係佢大放異彩既舞台。
11. DO仲提到卡斯米路，不過要搵水魚接手呢個咁高人工既球員並唔易。最近西米既表現有所回升，不過始終人工太貴，佢既表現暫時都值唔返呢個價。
12. 至於文奴同加拿祖，曼聯唔會積極推動賣佢哋，但如果收到合適的報價，而球會從競技及財政角度考慮既時候，就算發生都唔奇，就好似冬天果陣加拿祖既傳聞咁。不過，我覺得真係除非收到天價，如果唔係唔好賣佢哋喇，等佢哋慢慢成長為球隊主力唔好咩…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊