趁國際賽期閒談 坦克時代收購球員好與壞 (一) (紅魔日報 18-3-2025)
1. 其實想做呢樣嘢好耐，咁啱國際賽期，曼聯同港足既比賽相對冇咁多，可以寫下啲特別題材。
2. 究竟點解會有呢個諗頭既呢？其實主要係有次喺某個足球group（公海類，非曼迷group）有人屌坦克三年以黎既收購都係垃圾，三年以黎洗咗幾億，但就將隊波進一步削弱，所以坦克係而家曼聯搞成咁既罪人，於是我就真係想自己做個review，睇下呢三年以黎佢收購既球員究竟係點，又係咪真係咁差。呢個專題會分開三期黎做，分別係2022-2023、2023-2024同2024-2025，每季講一期。
3. 講到明先，我自己綜合返可信媒體，我相信坦克喺轉會上面係有一定影響力，尤其是係頭兩季。但又未至於去到玩FM咁佢話買乜嘢人就買乜嘢，仲吹到收回佣。佢應該係有得比意見，但高層係有機會唔聽(好似麥卡菲專訪時話哈利簡尼個case)，同埋INEOS入主之前佢應該係有權否決邊啲球員唔想佢黎，係咁多。所以收購成功同失敗，都未必真係完全關坦克事，我只係評論呢個時期收購既球員表現，唔係要問責。
4. 都係果句，以下呢啲係我既睇法，如果同你既睇法有唔同，以你既睇法為準。
4.1. 馬拉西亞
馬拉仔我會評為係失敗既收購，除咗2023-24球季全部拎黎養傷之外，其實佢出場既時候表現都唔算太好，偶而一、兩場有稍為好少少既表現，但overall黎講，一場令我印象深刻有好表現既比賽都冇，反而踢到pat屎既比賽就唔少。初期曾經有幾場壓倒Shaw做正選，但好快就無以為計，攻守都唔太好，尤其是今季復出之後底線傳底經常發生，防守經常失位，尤其是高波成日漏往身後，對西維爾場歐霸就係因為佢咁失而埋下出局既伏線，事實上唔止呢球，好多球都係咁，但呢球太重要，所以我印象特別深刻。不過考慮到佢只係用咗£13.5M轉會費，都唔算太過失敗既。
4.2. 艾歷臣其實考慮埋免費轉會同埋佢年紀漸長，喺球隊角色既轉變，三季以黎我會將大力神評為合格既收購。如果以佢第一季喺球隊既表現，呢筆轉會直頭係大成功，但之後兩季因為傷患同年紀漸長，慢慢喪失主力位置，但係喺關鍵時刻或者落後既時候，我覺得佢出到黎都有貨交，佢既傳球眼界、視野仲keep到，只係體能狀況未可以維持到啫。今季之後佢應該走架喇，睇得幾多得幾多喇。
4.3. 馬天尼斯
如果唔係佢成日傷，呢單收購可以話係大成功！超強既後場出擊能力、下下同你搏到盡既心態、喺英超之中都屬於好唔錯既防守能力，呢啲都彌補到呢位中堅身高不足既地方。你問我，無論係坦克時期又好、阿莫林時期又好，佢都係後防上面最重要既一個，連上季哥迪奧拿都讚過馬天尼斯係世界頂級中堅，有冇佢既曼聯係兩隊波。可惜，可能係因為佢既打法去得太盡，變咗傷追人，玻璃體質令呢單收購扣咗分，但整體而言，我仍然覺得係成功既收購。
4.4. 卡斯米路
好具爭議，但考慮晒三季兼唔睇佢人工，我諗我會勉強比呢單轉會合格…勉強合格。第一季銅牆鐵壁，陣中第一大腿當之無愧，如果故事停喺度，會係相當完美既結局。但係第二季開始，傷下、踢下、被逼客串中堅、速度下降，成季差唔多去到災難級既表現。第三季其實overall水準有所回升，但係幾場大戰入面突然失準，扣分位唔少，之後阿莫林上任之後仲要打咗入冷宮一排，但最近出返黎又有所回升。如前述呢單係勉強合格既轉會，但考慮埋人工35萬鎊週菥同£70M轉會費，呢單轉會就真係失敗喇。
4.5. 安東尼
一億歐元身價唔係佢錯，但三季落黎我諗佢既身價唔好話對得一億歐元，連3000萬歐元都好勉強。簡單而言，大失敗既轉會，第一季還算OK，有唔少精彩表現，但係好快比人睇穿咗之後就無以為計，三季以來係有過靈光一現既比賽表現，但overall黎講真係災難級既居多。佢落到場一定出盡120分力，呢點我無庸置疑，但呢種心態，最多只可以為佢帶黎防守型翼鋒既稱號，仲要唔知係寸佢定讚佢…而家去到西班牙發揮得好好，或者今季季尾之後轉會，對佢同曼聯黎講都係好事。
5. 跟住簡評下當季外借既球員喇，因為唔影響球會長遠發展，所以都係簡單講下算︰
5.1. 杜巴卡
好似聯賽盃出過一場就返咗紐卡素，冇乜好講。
5.2 韋賀斯
高大中鋒，但把握力欠佳，努力跑動但入球效率低，不過雖然入唔到波，但係佢鳩跑鳩走好勤力，其實我幾鍾意佢。
5.3 沙比薩
有啲驚喜既轉會，不過雖然偶有亮麗表現，但傷患影響發揮，最後冇得留底都正常。
6. 第一季既轉會，如果淨係睇第一季呢班球員既表現，你仲以為呢個終於係兩個成功既轉會窗，點知第二季開始，對呢班球員黎講先係惡夢開始…下期我哋繼續講。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 其實想做呢樣嘢好耐，咁啱國際賽期，曼聯同港足既比賽相對冇咁多，可以寫下啲特別題材。
2. 究竟點解會有呢個諗頭既呢？其實主要係有次喺某個足球group（公海類，非曼迷group）有人屌坦克三年以黎既收購都係垃圾，三年以黎洗咗幾億，但就將隊波進一步削弱，所以坦克係而家曼聯搞成咁既罪人，於是我就真係想自己做個review，睇下呢三年以黎佢收購既球員究竟係點，又係咪真係咁差。呢個專題會分開三期黎做，分別係2022-2023、2023-2024同2024-2025，每季講一期。
3. 講到明先，我自己綜合返可信媒體，我相信坦克喺轉會上面係有一定影響力，尤其是係頭兩季。但又未至於去到玩FM咁佢話買乜嘢人就買乜嘢，仲吹到收回佣。佢應該係有得比意見，但高層係有機會唔聽(好似麥卡菲專訪時話哈利簡尼個case)，同埋INEOS入主之前佢應該係有權否決邊啲球員唔想佢黎，係咁多。所以收購成功同失敗，都未必真係完全關坦克事，我只係評論呢個時期收購既球員表現，唔係要問責。
4. 都係果句，以下呢啲係我既睇法，如果同你既睇法有唔同，以你既睇法為準。
4.1. 馬拉西亞
馬拉仔我會評為係失敗既收購，除咗2023-24球季全部拎黎養傷之外，其實佢出場既時候表現都唔算太好，偶而一、兩場有稍為好少少既表現，但overall黎講，一場令我印象深刻有好表現既比賽都冇，反而踢到pat屎既比賽就唔少。初期曾經有幾場壓倒Shaw做正選，但好快就無以為計，攻守都唔太好，尤其是今季復出之後底線傳底經常發生，防守經常失位，尤其是高波成日漏往身後，對西維爾場歐霸就係因為佢咁失而埋下出局既伏線，事實上唔止呢球，好多球都係咁，但呢球太重要，所以我印象特別深刻。不過考慮到佢只係用咗£13.5M轉會費，都唔算太過失敗既。
4.2. 艾歷臣其實考慮埋免費轉會同埋佢年紀漸長，喺球隊角色既轉變，三季以黎我會將大力神評為合格既收購。如果以佢第一季喺球隊既表現，呢筆轉會直頭係大成功，但之後兩季因為傷患同年紀漸長，慢慢喪失主力位置，但係喺關鍵時刻或者落後既時候，我覺得佢出到黎都有貨交，佢既傳球眼界、視野仲keep到，只係體能狀況未可以維持到啫。今季之後佢應該走架喇，睇得幾多得幾多喇。
4.3. 馬天尼斯
如果唔係佢成日傷，呢單收購可以話係大成功！超強既後場出擊能力、下下同你搏到盡既心態、喺英超之中都屬於好唔錯既防守能力，呢啲都彌補到呢位中堅身高不足既地方。你問我，無論係坦克時期又好、阿莫林時期又好，佢都係後防上面最重要既一個，連上季哥迪奧拿都讚過馬天尼斯係世界頂級中堅，有冇佢既曼聯係兩隊波。可惜，可能係因為佢既打法去得太盡，變咗傷追人，玻璃體質令呢單收購扣咗分，但整體而言，我仍然覺得係成功既收購。
4.4. 卡斯米路
好具爭議，但考慮晒三季兼唔睇佢人工，我諗我會勉強比呢單轉會合格…勉強合格。第一季銅牆鐵壁，陣中第一大腿當之無愧，如果故事停喺度，會係相當完美既結局。但係第二季開始，傷下、踢下、被逼客串中堅、速度下降，成季差唔多去到災難級既表現。第三季其實overall水準有所回升，但係幾場大戰入面突然失準，扣分位唔少，之後阿莫林上任之後仲要打咗入冷宮一排，但最近出返黎又有所回升。如前述呢單係勉強合格既轉會，但考慮埋人工35萬鎊週菥同£70M轉會費，呢單轉會就真係失敗喇。
4.5. 安東尼
一億歐元身價唔係佢錯，但三季落黎我諗佢既身價唔好話對得一億歐元，連3000萬歐元都好勉強。簡單而言，大失敗既轉會，第一季還算OK，有唔少精彩表現，但係好快比人睇穿咗之後就無以為計，三季以來係有過靈光一現既比賽表現，但overall黎講真係災難級既居多。佢落到場一定出盡120分力，呢點我無庸置疑，但呢種心態，最多只可以為佢帶黎防守型翼鋒既稱號，仲要唔知係寸佢定讚佢…而家去到西班牙發揮得好好，或者今季季尾之後轉會，對佢同曼聯黎講都係好事。
5. 跟住簡評下當季外借既球員喇，因為唔影響球會長遠發展，所以都係簡單講下算︰
5.1. 杜巴卡
好似聯賽盃出過一場就返咗紐卡素，冇乜好講。
5.2 韋賀斯
高大中鋒，但把握力欠佳，努力跑動但入球效率低，不過雖然入唔到波，但係佢鳩跑鳩走好勤力，其實我幾鍾意佢。
5.3 沙比薩
有啲驚喜既轉會，不過雖然偶有亮麗表現，但傷患影響發揮，最後冇得留底都正常。
6. 第一季既轉會，如果淨係睇第一季呢班球員既表現，你仲以為呢個終於係兩個成功既轉會窗，點知第二季開始，對呢班球員黎講先係惡夢開始…下期我哋繼續講。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊