歐霸次回合 曼聯對皇家蘇斯達賽前傷病消息！ (紅魔日報 12-3-2025)
傷兵滿營嘅曼聯，領隊阿莫林確認至少有11個球員係唔可以喺聽日對皇家蘇斯達嘅歐霸次回合主場賽事上陣，不過至少有一個好消息，就係傷出咗兩星期嘅烏拉圭防守中場烏加迪終於可以復出。烏加迪因為傷患缺席咗上星期兩場對皇家蘇斯達同阿仙奴嘅大戰，不過佢喺星期三朝早已經復操，可以重返大軍名單。
不過，可惜嘅係，年輕中堅約羅喺對阿仙奴嗰場踢完半場就要換走，估計最快都要踢完三月國際賽期之後先可以復出，而領隊阿莫林都確認咗佢直至到週末對李斯特城嘅比賽都唔可以上陣，不過就應該唔係大傷。另一位中堅麥佳亞都一樣依然養緊傷，佢係喺3月2號足總盃第五圈對富咸嗰場受傷，趕唔切聽日踢對皇家蘇斯達，但阿莫林話佢有機會可以喺星期日對李斯特城嘅英超比賽復出。
曼聯仲有另一個好消息，就係曼治已經復操，之前佢因為大腿後肌傷勢休息咗三個月，不過阿莫林話佢今個星期都未必踢到，而家對佢黎講仲係太早，所以，除咗烏加迪可以入選聽日嘅大軍陣容之外，就再冇其他人可以復出。
另外，曼聯仲有一大堆傷兵，包括巴因迪爾、希頓、伊雲斯、梳爾、文奴，仲有長期受傷已經收咗咧嘅馬天尼斯同疑似收咗咧嘅Amad。至於對富咸一役有出色表現嘅小將智渡奧比（Chido Obi）就因為冇喺歐霸上面註冊所以冇得落場。
曼聯近3場比賽全部打和1比1，不過今季歐霸已經9場不敗，仲未試過喺主場輸波，佢哋上次歐霸喺奧脫福輸歐霸已經要數到2022年分組賽，但值得一提既係佢就正正係以0比1輸俾今場對手皇家蘇斯達。
今季曼聯英超戰績極差，排緊14位，兩個本土盃賽都出局，如果歐霸能夠奪冠，至少可以確保下季有歐聯資格。阿莫林都承認：「歐霸冠軍喺呢個情況之下好重要，對球隊士氣有幫助，雖然未必會改變下季嘅計劃，但可以令今季有唔同嘅結局。所以，聽日呢場波對我哋嚟講真係好關鍵。」
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
傷兵滿營嘅曼聯，領隊阿莫林確認至少有11個球員係唔可以喺聽日對皇家蘇斯達嘅歐霸次回合主場賽事上陣，不過至少有一個好消息，就係傷出咗兩星期嘅烏拉圭防守中場烏加迪終於可以復出。烏加迪因為傷患缺席咗上星期兩場對皇家蘇斯達同阿仙奴嘅大戰，不過佢喺星期三朝早已經復操，可以重返大軍名單。
不過，可惜嘅係，年輕中堅約羅喺對阿仙奴嗰場踢完半場就要換走，估計最快都要踢完三月國際賽期之後先可以復出，而領隊阿莫林都確認咗佢直至到週末對李斯特城嘅比賽都唔可以上陣，不過就應該唔係大傷。另一位中堅麥佳亞都一樣依然養緊傷，佢係喺3月2號足總盃第五圈對富咸嗰場受傷，趕唔切聽日踢對皇家蘇斯達，但阿莫林話佢有機會可以喺星期日對李斯特城嘅英超比賽復出。
曼聯仲有另一個好消息，就係曼治已經復操，之前佢因為大腿後肌傷勢休息咗三個月，不過阿莫林話佢今個星期都未必踢到，而家對佢黎講仲係太早，所以，除咗烏加迪可以入選聽日嘅大軍陣容之外，就再冇其他人可以復出。
另外，曼聯仲有一大堆傷兵，包括巴因迪爾、希頓、伊雲斯、梳爾、文奴，仲有長期受傷已經收咗咧嘅馬天尼斯同疑似收咗咧嘅Amad。至於對富咸一役有出色表現嘅小將智渡奧比（Chido Obi）就因為冇喺歐霸上面註冊所以冇得落場。
曼聯近3場比賽全部打和1比1，不過今季歐霸已經9場不敗，仲未試過喺主場輸波，佢哋上次歐霸喺奧脫福輸歐霸已經要數到2022年分組賽，但值得一提既係佢就正正係以0比1輸俾今場對手皇家蘇斯達。
今季曼聯英超戰績極差，排緊14位，兩個本土盃賽都出局，如果歐霸能夠奪冠，至少可以確保下季有歐聯資格。阿莫林都承認：「歐霸冠軍喺呢個情況之下好重要，對球隊士氣有幫助，雖然未必會改變下季嘅計劃，但可以令今季有唔同嘅結局。所以，聽日呢場波對我哋嚟講真係好關鍵。」
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊