紅魔鬼賽後評 足總盃 曼聯 1-1 富咸 (Pen 3-4) (2-3-2025)
1. 十六強畢業，衛冕失敗，以曼聯今季既表現加埋傷兵滿營，其實有咁既結果唔意外。
2. 整體而言，上半場冇乜創造到乜嘢機會，下半場同加時有改善，但咁多攻門最後只係入得一球。不過對面富咸都唔差，有幾下有威脅射門，好彩今日既Onana正常返，加埋迪列治真係好似上咗身咁，好似邊度需要防守時都會見到佢出現咁，所以雙方都只係各自入得一球。
3. 上半場如果講形勢我覺得四六波，曼聯四、富咸六，早段艾歷臣發揮唔錯，但隨住比賽進行，慢慢開始沉咗落黎，連帶曼聯既表現都一齊下跌。
4. 其實上半場雙方都冇乜特別好既攻勢，賀隆有一下近門搶點但比人力壓之下射咗出界，而佢除咗呢球之外，之後一樣係咁迷失，延續佢既入球荒。
5. 輸果球又係輸角球，幾時先解決到死球防守問題？完全冇人留意到喺角球攻勢入面對方巴斯既走位，最後馬莎拉維係唯一起動果個，但已經太遲。
6. 下半場阿莫林調動好大膽，收起唯一防中烏加迪換入加拿祖。誠然，加拿祖係仲有好多改善既地方，但入波果球佢同Dalot既配合好靚，只係跟住佢又開始敗家，有兩三下單刀比人力壓之下射比龍，就算唔講呢樣，佢前插入左面禁區時啲決定又係差，如果佢有幾球肯傳，話唔定可能入咗，你射唔係唔得，但你可唔可以搵球射中龍。
7. 最後又係要靠般奴挺身而出，呢球入攝得靚，但其實唔易射，講堅般奴都算係咁了，有時表現未必好好，但態度一定係100分。
8. Chido Obi入替賀隆之後有一段時間都唔係好見影，但隨住時間開始入局，啲走位非常唔錯，比起賀隆出色，但佢處理射門，我依然覺得佢實在太緊張，4次射門機會得最尾果次射得算似樣，但係比Leno反應勁快救出。其實一路睇我一路好想Obi入波，佢今場既發揮黎講值得一個入波，但佢自己把握唔到其實都係有少少自己攞黎。但點都好，以一個17歲年青球員黎講，佢今場真係唔止合格，仲算係超額完成。
9. Obi個老友天堂仔希雲都上演地標戰，而佢既表現都實在表現得唔錯，仲出色過連迪路夫，冰人老實講，真係算差，有下解圍撻Q勁肉酸差啲出事。
10. 我睇法就係Obi同天堂仔都ready踢一隊，唔好將個重擔加比佢哋住，咁樣係拔苗助長，但每場比三十分鐘佢兩個，等佢哋慢慢進步，甚至間中有正選踢，我覺得係可以的。
11. 另外，舒克斯真係越踢越好，加時有幾球直頭球王級咁款，將個波玩到好似自己身體一部份咁，只係可惜去到互射十二碼時怇射得算核突。
12. 輸十二碼冇得好講，但冰人同舒克斯呢兩球其實又冇力度又冇角度（尤其冰人果球），真係搏龍門捉錯路，偏偏Leno兩下都捉到。
13. 最後可以捱到入十二碼大戰，其實Onana居功不少，之前踢得差要彈，但今場佢踢得好係要讚，佢今日救咗三下靚波，果三下雖然未必至於神救，但係角度都刁鑽，我懷疑前幾場發波瘟既佢應該救唔到，雖然輸波，但希望呢場波可以幫佢提升返自信，因為巴恩迪亞都唔知仲要抖幾耐…我覺得如果係巴恩佢傷咗，以阿莫林手起刀落既做法，之前越踢越差既Onana應該會坐下先，比巴恩迪亞踢正選，只可惜巴恩真係傷得唔合時。
14. 另外同樣要大讚迪列特，條友真係食咗藥咁款，下半場開始包咗、截咗勁多有威脅既波。
15. 而家唯一爭標希望就係歐霸，但係以佢哋今季既表現加埋傷兵滿營，我一啲都唔樂觀，如無意外應該四大雞胸了。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 十六強畢業，衛冕失敗，以曼聯今季既表現加埋傷兵滿營，其實有咁既結果唔意外。
2. 整體而言，上半場冇乜創造到乜嘢機會，下半場同加時有改善，但咁多攻門最後只係入得一球。不過對面富咸都唔差，有幾下有威脅射門，好彩今日既Onana正常返，加埋迪列治真係好似上咗身咁，好似邊度需要防守時都會見到佢出現咁，所以雙方都只係各自入得一球。
3. 上半場如果講形勢我覺得四六波，曼聯四、富咸六，早段艾歷臣發揮唔錯，但隨住比賽進行，慢慢開始沉咗落黎，連帶曼聯既表現都一齊下跌。
4. 其實上半場雙方都冇乜特別好既攻勢，賀隆有一下近門搶點但比人力壓之下射咗出界，而佢除咗呢球之外，之後一樣係咁迷失，延續佢既入球荒。
5. 輸果球又係輸角球，幾時先解決到死球防守問題？完全冇人留意到喺角球攻勢入面對方巴斯既走位，最後馬莎拉維係唯一起動果個，但已經太遲。
6. 下半場阿莫林調動好大膽，收起唯一防中烏加迪換入加拿祖。誠然，加拿祖係仲有好多改善既地方，但入波果球佢同Dalot既配合好靚，只係跟住佢又開始敗家，有兩三下單刀比人力壓之下射比龍，就算唔講呢樣，佢前插入左面禁區時啲決定又係差，如果佢有幾球肯傳，話唔定可能入咗，你射唔係唔得，但你可唔可以搵球射中龍。
7. 最後又係要靠般奴挺身而出，呢球入攝得靚，但其實唔易射，講堅般奴都算係咁了，有時表現未必好好，但態度一定係100分。
8. Chido Obi入替賀隆之後有一段時間都唔係好見影，但隨住時間開始入局，啲走位非常唔錯，比起賀隆出色，但佢處理射門，我依然覺得佢實在太緊張，4次射門機會得最尾果次射得算似樣，但係比Leno反應勁快救出。其實一路睇我一路好想Obi入波，佢今場既發揮黎講值得一個入波，但佢自己把握唔到其實都係有少少自己攞黎。但點都好，以一個17歲年青球員黎講，佢今場真係唔止合格，仲算係超額完成。
9. Obi個老友天堂仔希雲都上演地標戰，而佢既表現都實在表現得唔錯，仲出色過連迪路夫，冰人老實講，真係算差，有下解圍撻Q勁肉酸差啲出事。
10. 我睇法就係Obi同天堂仔都ready踢一隊，唔好將個重擔加比佢哋住，咁樣係拔苗助長，但每場比三十分鐘佢兩個，等佢哋慢慢進步，甚至間中有正選踢，我覺得係可以的。
11. 另外，舒克斯真係越踢越好，加時有幾球直頭球王級咁款，將個波玩到好似自己身體一部份咁，只係可惜去到互射十二碼時怇射得算核突。
12. 輸十二碼冇得好講，但冰人同舒克斯呢兩球其實又冇力度又冇角度（尤其冰人果球），真係搏龍門捉錯路，偏偏Leno兩下都捉到。
13. 最後可以捱到入十二碼大戰，其實Onana居功不少，之前踢得差要彈，但今場佢踢得好係要讚，佢今日救咗三下靚波，果三下雖然未必至於神救，但係角度都刁鑽，我懷疑前幾場發波瘟既佢應該救唔到，雖然輸波，但希望呢場波可以幫佢提升返自信，因為巴恩迪亞都唔知仲要抖幾耐…我覺得如果係巴恩佢傷咗，以阿莫林手起刀落既做法，之前越踢越差既Onana應該會坐下先，比巴恩迪亞踢正選，只可惜巴恩真係傷得唔合時。
14. 另外同樣要大讚迪列特，條友真係食咗藥咁款，下半場開始包咗、截咗勁多有威脅既波。
15. 而家唯一爭標希望就係歐霸，但係以佢哋今季既表現加埋傷兵滿營，我一啲都唔樂觀，如無意外應該四大雞胸了。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊