馬天尼斯ACL撕裂收咧 轉會市場完結無大收購 (紅魔日報 4-2-2025)
1. 過去幾日，作為曼迷，都真係唔太好過。
2. 轉會市場無所作為事少、英超輸波都算，慘在主力中堅馬天尼斯ACL撕裂，至少都要抖6至8個月，先唔好講今季提早收咧，甚至乎下季都要季中先可以復出。
3. 馬天尼斯作為曼聯陣中唯一一個合格既引球中堅，喺阿莫林三中堅體系下慢慢適應咗之後越踢越好，多次比賽尾段助攻入波助球隊取勝（例如曼市打吡致勝入球），自己都識入波（對利物浦球勁射），兼且防守硬朗，曼聯陣中唯一一個有機會可以代替佢既可能係可以客串左中堅既Shaw，但首先，要佢既肉體生生性性唔好再受傷，更加唔好再為國捐軀…
4. 本來講英超唔降班就算，專注歐霸同足總盃，搏下下季有冇歐戰踢，但一個絕對主力一傷，情況就變得更加唔樂觀…
5. 至於轉會窗，老老實實，其實我本身一啲期望都冇既，所以最後佢哋用一個都唔算太高既價格，用30m歐元 + add on既方式簽入萊切既左閘丹麥國腳多古，我覺得已經超額完成，另外，仲有喺阿仙奴度挖咗佢哋既青年軍中堅希雲，買入黎講，雖然最後入唔到前鋒，但我覺得合格既。
6. 借拖船佬一個po入面既說話︰//關於這個轉會窗，我想提醒大家一件偉大的名宿蘇斯克查說過的話：「我寧願在球隊中有一個空缺，也不願有一個契弟」– 這非常非常真實。那些渴望簽下球員而不了解他們性格的人，真的需要冷靜下來。//
7. 根據可信度好高既The Athletic曼聯跟隊記者團隊Laurie Whitwell所講，曼聯之所以唔喺最後出價泰爾 Tel，最主要係因為拜仁唔肯喺份loan agreement入面加入買斷條款，曼聯方面就覺得我幫你養仔咩而家，所以就唔去馬。
8. 當然，同時我都留意到體育圖片報話熱刺比10m歐元loan fee加60m歐元既選擇買斷條款兼比晒Tel啲人工。我唔知呢個來源可唔可信，但就算係真都好，可能係拜仁淨係恰曼聯唔比佢哋加買入條款，又或者佢哋只係比加入60m歐元既買斷價，而曼聯方面覺得60m歐元唔合理，所以就唔肯，變咗拜仁就寧願唔加入買入條款，到時候夏天轉會窗再黎個Open bid，價高者得。
9. 入就得兩件，出反而出咗唔少，有華舒福、馬拉西亞、安東尼，佢哋全部都借出去，有啲係冇收loan fee，純綷係慳返人工。其實某個程度黎睇，都可以睇得出曼聯實際上財政係幾嚴峻下，呢啲就係前朝留低既屎要執。
10. 福仔既練波、場上比賽態度真係唔得，都唔係第一次比傳媒爆出拎住32.5萬鎊週薪賽前夜蒲，仲要話病咗唔去練波但精神奕奕咁去做訪問話要接受新挑戰，搞到咁，曼聯都容不下佢。但係畢竟佢係曼聯青訓出身，早年亦都曾經立下唔少汗馬功勞，見住佢咁走其實都好可惜，今季我喺自己個page出過幾次post，都係講話希望佢可以靠自己自救，挽救曼聯生涯，但佢最有冇做，甚至有冇諗過去做，真係有眼都睇得出。見到佢咁，真係好唏噓。可能佢經歷呢件事會長一智？唔知。
11. 至於安東尼，除咗第一季之外，佢都冇乜踢過好波，走都正常，只係有啲可惜，最近佢踢右翼衛既時候（幾場喇，都唔係多出場架喇），佢自己表現唔算sharp，但Amad既表現有佢喺度時明顯再sharp啲，借走可惜。另外，馬拉仔，其實由頭到尾都未見佢適應過英超，返去PSV唔係壞事。
12. To be honest，我相信曼聯既高層一樣係意識到，英超其實第7同第17係冇分別，只要唔降班既話乜都好，而好老實，雖然數字上有可能，但我覺得排隊都未排到曼聯降班（咁都降到只能夠話自己抵死），所以實際上高層諗既，應該就係專注盃賽，咁唔需要好多球員，到最後就寧願唔買都好過天價買錯人。而家買果兩個，其實都唔算即時戰力…
13. 正面啲睇，都好過panic buy既…
14. 唔好受就梗架喇，尤其是馬天尼斯一事，祝佢早日康復喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 過去幾日，作為曼迷，都真係唔太好過。
2. 轉會市場無所作為事少、英超輸波都算，慘在主力中堅馬天尼斯ACL撕裂，至少都要抖6至8個月，先唔好講今季提早收咧，甚至乎下季都要季中先可以復出。
3. 馬天尼斯作為曼聯陣中唯一一個合格既引球中堅，喺阿莫林三中堅體系下慢慢適應咗之後越踢越好，多次比賽尾段助攻入波助球隊取勝（例如曼市打吡致勝入球），自己都識入波（對利物浦球勁射），兼且防守硬朗，曼聯陣中唯一一個有機會可以代替佢既可能係可以客串左中堅既Shaw，但首先，要佢既肉體生生性性唔好再受傷，更加唔好再為國捐軀…
4. 本來講英超唔降班就算，專注歐霸同足總盃，搏下下季有冇歐戰踢，但一個絕對主力一傷，情況就變得更加唔樂觀…
5. 至於轉會窗，老老實實，其實我本身一啲期望都冇既，所以最後佢哋用一個都唔算太高既價格，用30m歐元 + add on既方式簽入萊切既左閘丹麥國腳多古，我覺得已經超額完成，另外，仲有喺阿仙奴度挖咗佢哋既青年軍中堅希雲，買入黎講，雖然最後入唔到前鋒，但我覺得合格既。
6. 借拖船佬一個po入面既說話︰//關於這個轉會窗，我想提醒大家一件偉大的名宿蘇斯克查說過的話：「我寧願在球隊中有一個空缺，也不願有一個契弟」– 這非常非常真實。那些渴望簽下球員而不了解他們性格的人，真的需要冷靜下來。//
7. 根據可信度好高既The Athletic曼聯跟隊記者團隊Laurie Whitwell所講，曼聯之所以唔喺最後出價泰爾 Tel，最主要係因為拜仁唔肯喺份loan agreement入面加入買斷條款，曼聯方面就覺得我幫你養仔咩而家，所以就唔去馬。
8. 當然，同時我都留意到體育圖片報話熱刺比10m歐元loan fee加60m歐元既選擇買斷條款兼比晒Tel啲人工。我唔知呢個來源可唔可信，但就算係真都好，可能係拜仁淨係恰曼聯唔比佢哋加買入條款，又或者佢哋只係比加入60m歐元既買斷價，而曼聯方面覺得60m歐元唔合理，所以就唔肯，變咗拜仁就寧願唔加入買入條款，到時候夏天轉會窗再黎個Open bid，價高者得。
9. 入就得兩件，出反而出咗唔少，有華舒福、馬拉西亞、安東尼，佢哋全部都借出去，有啲係冇收loan fee，純綷係慳返人工。其實某個程度黎睇，都可以睇得出曼聯實際上財政係幾嚴峻下，呢啲就係前朝留低既屎要執。
10. 福仔既練波、場上比賽態度真係唔得，都唔係第一次比傳媒爆出拎住32.5萬鎊週薪賽前夜蒲，仲要話病咗唔去練波但精神奕奕咁去做訪問話要接受新挑戰，搞到咁，曼聯都容不下佢。但係畢竟佢係曼聯青訓出身，早年亦都曾經立下唔少汗馬功勞，見住佢咁走其實都好可惜，今季我喺自己個page出過幾次post，都係講話希望佢可以靠自己自救，挽救曼聯生涯，但佢最有冇做，甚至有冇諗過去做，真係有眼都睇得出。見到佢咁，真係好唏噓。可能佢經歷呢件事會長一智？唔知。
11. 至於安東尼，除咗第一季之外，佢都冇乜踢過好波，走都正常，只係有啲可惜，最近佢踢右翼衛既時候（幾場喇，都唔係多出場架喇），佢自己表現唔算sharp，但Amad既表現有佢喺度時明顯再sharp啲，借走可惜。另外，馬拉仔，其實由頭到尾都未見佢適應過英超，返去PSV唔係壞事。
12. To be honest，我相信曼聯既高層一樣係意識到，英超其實第7同第17係冇分別，只要唔降班既話乜都好，而好老實，雖然數字上有可能，但我覺得排隊都未排到曼聯降班（咁都降到只能夠話自己抵死），所以實際上高層諗既，應該就係專注盃賽，咁唔需要好多球員，到最後就寧願唔買都好過天價買錯人。而家買果兩個，其實都唔算即時戰力…
13. 正面啲睇，都好過panic buy既…
14. 唔好受就梗架喇，尤其是馬天尼斯一事，祝佢早日康復喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊