紅魔鬼賽後評 英超 曼聯 0-2 水晶宮 (2-2-2025)
1. 之前都講過，返到黎聯賽，其實除咗唔降班之外，我都冇任何要求，真係任你玩、任你試陣，當係一個大型既pre season，等班球員用半季時間去適應新陣式、新戰術。而今場唔多唔少都有啲試陣味，明明兩個中鋒都冇傷，其中舒克斯最近表現都算唔錯但都唔出，用文奴打假9。
2. 收起佳況欠佳嘅賀隆可以理解，但用文奴打假9真係試陣，佢開波冇幾耐就已經有次中柱，但overall都係唔太習慣呢個位，其實上次對星隊踢343入面前面既10號位，佢既作用同表現好似仲好，果種靈氣返晒黎，但今場又冇晒。
3. 拎黎試陣唔緊要，最緊要既，就係球員平平安安，就算輸，都唔係最大嘅concern，第7位同17位係冇分別，只要唔降班就冇乜嘢…
4. 點知今場就傷咗個主力，仲要係我覺得後防入面冇乜人代替到既馬天尼斯。Shaw勉強叫做有機會頂替到，但首先要佢唔好傷…唯有寄望Shaw既肉體真係生生性性唔好再傷…
5. 馬天尼斯應該好大鑊，佢一跌落地即刻示意要換人，然後擔架出黎、固定佢隻腳、移佢上擔架，搞咗起碼五分鐘，馬天尼斯仲要喊埋出黎…咁大陣仗，我估隨時傷出三個月起跳，考慮到已經到咗二月，直接收咧都唔奇…
6. 唉。
7. 講返場波，如果睇返攻勢銳利度，其實水晶宮贏唔係唔合理，我哋又係一場控球多，但輸波。
8. 其實我哋創造到既機會都有幾個，但始終把握唔到。老實講句，對面一樣揮霍咗唔少機會，呢場黎講仲敗家過我哋，但係入波果兩下實在太易入，直頭係送到埋口，真正係唔入仲難過入。
9. 嚴格黎講，兩球麥佳亞都有責任，第一下佢完全冇準備second ball，馬迪達喺隔離執雞佢都完全冇為意一啲壓力都冇比人，第二球就佢包越位比人單刀再橫傳撞入。
10. 輸第一球又係死球，而曼聯今場10個角球，全部斬晒比軒達臣，真心講一句，曼聯啲死球無論攻守都係垃圾級別。
11. Amad、加拿祖都係一般，文奴假9除咗中柱果球發揮得唔算出色，反而般奴繼續墮後中場表現唔錯，係比波依然有時有啲急躁呢度爭少少。
12. 最後，真係希望馬天尼斯早日康復。
13. 之前有傳話天堂仔係買黎做馬天後備，而家隨時出埋場都得嘞…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 之前都講過，返到黎聯賽，其實除咗唔降班之外，我都冇任何要求，真係任你玩、任你試陣，當係一個大型既pre season，等班球員用半季時間去適應新陣式、新戰術。而今場唔多唔少都有啲試陣味，明明兩個中鋒都冇傷，其中舒克斯最近表現都算唔錯但都唔出，用文奴打假9。
2. 收起佳況欠佳嘅賀隆可以理解，但用文奴打假9真係試陣，佢開波冇幾耐就已經有次中柱，但overall都係唔太習慣呢個位，其實上次對星隊踢343入面前面既10號位，佢既作用同表現好似仲好，果種靈氣返晒黎，但今場又冇晒。
3. 拎黎試陣唔緊要，最緊要既，就係球員平平安安，就算輸，都唔係最大嘅concern，第7位同17位係冇分別，只要唔降班就冇乜嘢…
4. 點知今場就傷咗個主力，仲要係我覺得後防入面冇乜人代替到既馬天尼斯。Shaw勉強叫做有機會頂替到，但首先要佢唔好傷…唯有寄望Shaw既肉體真係生生性性唔好再傷…
5. 馬天尼斯應該好大鑊，佢一跌落地即刻示意要換人，然後擔架出黎、固定佢隻腳、移佢上擔架，搞咗起碼五分鐘，馬天尼斯仲要喊埋出黎…咁大陣仗，我估隨時傷出三個月起跳，考慮到已經到咗二月，直接收咧都唔奇…
6. 唉。
7. 講返場波，如果睇返攻勢銳利度，其實水晶宮贏唔係唔合理，我哋又係一場控球多，但輸波。
8. 其實我哋創造到既機會都有幾個，但始終把握唔到。老實講句，對面一樣揮霍咗唔少機會，呢場黎講仲敗家過我哋，但係入波果兩下實在太易入，直頭係送到埋口，真正係唔入仲難過入。
9. 嚴格黎講，兩球麥佳亞都有責任，第一下佢完全冇準備second ball，馬迪達喺隔離執雞佢都完全冇為意一啲壓力都冇比人，第二球就佢包越位比人單刀再橫傳撞入。
10. 輸第一球又係死球，而曼聯今場10個角球，全部斬晒比軒達臣，真心講一句，曼聯啲死球無論攻守都係垃圾級別。
11. Amad、加拿祖都係一般，文奴假9除咗中柱果球發揮得唔算出色，反而般奴繼續墮後中場表現唔錯，係比波依然有時有啲急躁呢度爭少少。
12. 最後，真係希望馬天尼斯早日康復。
13. 之前有傳話天堂仔係買黎做馬天後備，而家隨時出埋場都得嘞…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊