紅魔鬼賽後評 歐霸 布加勒斯特星隊 0-2 曼聯 (30-1-2025)
1. 可能係因為輪換關係，曼聯喺陣容上面都做出咗幾多調動，今季皇牌殺手Amad、復活中堅麥佳亞、近兩仗都正選上陣既加拿祖、都唔知仲算唔算係1號門將既Onana全部輪換，而馬拉西亞、新仔哥利亞、拜恩迪殊、老將艾歷臣就悉數正常登場。
2. 賽事排名第4既曼聯作客對第8既星隊，我其實係預咗曼聯會一貫作風咁處於劣勢甚至被主場既星隊強攻，但唔知係星隊今場表現發揮得唔好定有其他原因，竟然係變咗曼聯全場反客為主導形勢，甚至乎你話情況一面倒都不為過。
3. 上下半場加埋，我諗曼聯5至6個黃金機會都有，最後叫做把握到兩個囉，但唔計中柱中楣，自己射失既已經有文奴同埋般奴既近射，一球飛機、一球出界。除咗黃金機會之外，已經冇計到果啲半chances，講堅，把握得好少少，呢場半打都不為過。
4. 喺自己失咗兩球黃金機會之後，文奴下半場射入曼聯既第二球，再加上佢助攻比Dalot，下半場表現係交到貨既。值得一提既係佢下半場其實推前咗一格，踢343既3入面既右前鋒，效果唔錯，上半季消失咗既靈氣返晒黎，好輕描淡寫就避開對手防守，之後再傳同交。
5. 下半場一開波阿莫林就撳掣，換走表現仲係唔合格既馬拉仔同埋進攻方面完全幫唔到手既哥利亞，由加拿祖同Amad呢對青春組合入替。
6. 加拿祖好似真係慢慢融入到343體系，今場傳波既判斷好咗，有一球助攻，仲有球單刀中柱，呢個時候我覺得冇90m鎊都唔好賣嘞…當然，我係球迷，望係咁望，但做決定既始終係高層。
7. 對手唔係冇攻勢，上半場一球死球機會都差啲入點知出界，不過呢下旁證冇舉旗但睇慢鏡可能有越位；而下半場就有球遠射中楣。
8. 第5段我話阿莫林撳掣換走哥利亞同馬拉仔，哥利亞今場做到純防中既嘢，但佢進攻真係幫唔到手，想要攻既時候換走佢合理，我反而想講馬拉仔。
9. 佢今場失誤唔算多，但攻既時候比啲波又鳩，守既時候又有啲危，一次late tackle拎黃，一下壓力下傳後比對方截到長驅直進，好彩冇出事，阿莫林趁0比0既時候換走佢真係合理。
10. 另外就係想講賀隆。睇得出賀隆好勤力，好想入波，但係佢好迷失，呢啲嘢通常越急就越做唔到，今日黃金機會佢就冇，得兩次so so既起腳機會，仲有上半場球頭鎚，全部唔入。佢啲走位又係怪，有球加拿祖殺落底地波傳中，佢竟然走到過晒龍，前鋒呢啲走位其實衝得太前反而好難修正，結果佢梗係波皮都掂唔到。
11. 另外，艾歷臣今日正選上陣70分鐘，表現好好喎，或者係歐洲賽冇英超咁多碰撞、體力化，佢正選都應付到，仲要串連中場既工作做得好好添。
12. 今場贏波合理，不過真係要改善把握力，重要賽事唔會有咁多機會比你揮霍架。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 可能係因為輪換關係，曼聯喺陣容上面都做出咗幾多調動，今季皇牌殺手Amad、復活中堅麥佳亞、近兩仗都正選上陣既加拿祖、都唔知仲算唔算係1號門將既Onana全部輪換，而馬拉西亞、新仔哥利亞、拜恩迪殊、老將艾歷臣就悉數正常登場。
2. 賽事排名第4既曼聯作客對第8既星隊，我其實係預咗曼聯會一貫作風咁處於劣勢甚至被主場既星隊強攻，但唔知係星隊今場表現發揮得唔好定有其他原因，竟然係變咗曼聯全場反客為主導形勢，甚至乎你話情況一面倒都不為過。
3. 上下半場加埋，我諗曼聯5至6個黃金機會都有，最後叫做把握到兩個囉，但唔計中柱中楣，自己射失既已經有文奴同埋般奴既近射，一球飛機、一球出界。除咗黃金機會之外，已經冇計到果啲半chances，講堅，把握得好少少，呢場半打都不為過。
4. 喺自己失咗兩球黃金機會之後，文奴下半場射入曼聯既第二球，再加上佢助攻比Dalot，下半場表現係交到貨既。值得一提既係佢下半場其實推前咗一格，踢343既3入面既右前鋒，效果唔錯，上半季消失咗既靈氣返晒黎，好輕描淡寫就避開對手防守，之後再傳同交。
5. 下半場一開波阿莫林就撳掣，換走表現仲係唔合格既馬拉仔同埋進攻方面完全幫唔到手既哥利亞，由加拿祖同Amad呢對青春組合入替。
6. 加拿祖好似真係慢慢融入到343體系，今場傳波既判斷好咗，有一球助攻，仲有球單刀中柱，呢個時候我覺得冇90m鎊都唔好賣嘞…當然，我係球迷，望係咁望，但做決定既始終係高層。
7. 對手唔係冇攻勢，上半場一球死球機會都差啲入點知出界，不過呢下旁證冇舉旗但睇慢鏡可能有越位；而下半場就有球遠射中楣。
8. 第5段我話阿莫林撳掣換走哥利亞同馬拉仔，哥利亞今場做到純防中既嘢，但佢進攻真係幫唔到手，想要攻既時候換走佢合理，我反而想講馬拉仔。
9. 佢今場失誤唔算多，但攻既時候比啲波又鳩，守既時候又有啲危，一次late tackle拎黃，一下壓力下傳後比對方截到長驅直進，好彩冇出事，阿莫林趁0比0既時候換走佢真係合理。
10. 另外就係想講賀隆。睇得出賀隆好勤力，好想入波，但係佢好迷失，呢啲嘢通常越急就越做唔到，今日黃金機會佢就冇，得兩次so so既起腳機會，仲有上半場球頭鎚，全部唔入。佢啲走位又係怪，有球加拿祖殺落底地波傳中，佢竟然走到過晒龍，前鋒呢啲走位其實衝得太前反而好難修正，結果佢梗係波皮都掂唔到。
11. 另外，艾歷臣今日正選上陣70分鐘，表現好好喎，或者係歐洲賽冇英超咁多碰撞、體力化，佢正選都應付到，仲要串連中場既工作做得好好添。
12. 今場贏波合理，不過真係要改善把握力，重要賽事唔會有咁多機會比你揮霍架。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊