港隊賽後評
省港盃首回合 廣東 1-1 香港 (15-1-2025)
1. 首先要同韋斯活西木道個靚歉先，之前唔記得邊集屌過佢偷懶唔做省港盃香港B隊教練，所以先搵咗香港U23教頭Darren帶隊，不過今次睇直播時見到西木喺教練席同球員密密斟，姑勿論佢唔帶隊原因係乜都好，但係至少佢唔係又偷懶work from home先。
2. 講返場波，呢支港隊由幾位邊緣港腳老將，帶住一大班後生仔出戰省港盃，甚至有唔少臉孔都幾新鮮，不過賽前就擔心呢班年青球員對住一向踢法粗暴既廣東隊，究竟會唔會比對手食住。
3. 據聞今場廣東隊係以中超隊伍深圳鵬做骨幹，不過初段踢落唔算太過粗野，係換邊換咗啲老嘢入黎之後先開始想打大交，我哋班後生仔都頂得住。
4. 講返場波，簡單咁總結兩句︰如果唔係球證，真係一早贏咗。阿歷斯祖果球冇可能係手球，第一係佢同個波係極近距離、第二佢雙手冇不自然張開、第三個波打中佢上臂近膊頭位，根本呢三個入面中一個都唔會係十二碼，更何況Jojo呢球係中晒。
5. 不過自問睇咗咁多年省港盃，各自主場時都係用返自己既球證，基本上廣東主場時都係鳩吹偏幫主隊，咁多年黎真係施空見慣，反而係香港既球證大部份時間都好均真，甚至槍口掉轉頭射自己友。
6. 講返場波，廣東呢班係中超腳，實力自然係喺呢班以香港U23為骨幹既港隊之上，而縱觀全場，廣東既控球時間係比較多，但講有威脅既攻勢，其實兩邊可能差唔多，廣東頂多叫好少少。
7. 可能中超未開咧，頭15分鐘廣東有少少比香港反客為主既味道。第一個有威脅既攻勢都係黎自港隊，角球混戰入面連番施射都過唔到廣東既血肉長城，最後顏射對手出咗底線。
8. 上半場廣東有兩個黃金機會，但一球過唔到發揮神勇既門將伍瑋謙，另一球就自己頂咗出界。
9. 今場波基本上成隊港隊都踢出咗拼勁，其中我覺得入波既史堤芬彭利拿、黃皓雋Anson同埋門將伍瑋謙都好搶鏡。
10. 肥彭球入波省中人改變方向係有少少幸運成份，但係呢球反擊其實好流暢，Anson被侵犯但得益，李小恒底線傳中、劉家喬拎到護住個波再傳比肥彭，後者轉身抽射，我覺得係一次好有組織既反擊。
11. 肥彭今日踢10號位，但踢出黎又唔係傳統果種10號，有啲似輔鋒，唔止進攻見到佢，防守都好勤力，相比起喺國際賽時踢到不知所謂，今場真係好sharp。佢國際A級賽事仲未開齋，今次雖然係省港盃，希望都可以提高佢喺港隊既信心。
12. 下半場照樣都係廣東攻勢多啲，而港隊換咗人之後形勢反而越黎越差，其中曾樂圖就因傷退下火線，呢位應屆美國大學足球冠軍得主，進攻冇乜機會發揮，但防守表形好唔錯，mark到對手27號新彊高佬冇啖好食，周子謙始終唔係左閘，踢出黎冇曾樂圖踢得咁好。
13. 不過雖然處於劣勢，但港隊整體防守冇乜大甩漏之餘反擊亦得好犀利同死球都有威脅，Jojo仲曾經頂中柱，可惜臨完場果下艾華老矣，以佢既速度竟然仲慢咗一步比對手解圍，真係好可惜…至於廣東係佔優，但係佢哋既攻門唔係比上咗身既伍瑋謙救出，就係自己把握唔到。
14. 今日場波，收貨喇。話處於下風，但其實啲反擊好到肉，呢個角度去睇，都唔知邊個先係真正處於下風。
15. 唔係球黑哨…球十二碼上面講咗喇，黑撚到…講起就火撚滾，唔再講，希望次回合港隊都可以爭氣踢場好波。
#不專業足球筆記 #足球專欄 #專欄 #我愛本地波 #省港盃
#香港 #香港隊 #廣東 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
省港盃首回合 廣東 1-1 香港 (15-1-2025)
1. 首先要同韋斯活西木道個靚歉先，之前唔記得邊集屌過佢偷懶唔做省港盃香港B隊教練，所以先搵咗香港U23教頭Darren帶隊，不過今次睇直播時見到西木喺教練席同球員密密斟，姑勿論佢唔帶隊原因係乜都好，但係至少佢唔係又偷懶work from home先。
2. 講返場波，呢支港隊由幾位邊緣港腳老將，帶住一大班後生仔出戰省港盃，甚至有唔少臉孔都幾新鮮，不過賽前就擔心呢班年青球員對住一向踢法粗暴既廣東隊，究竟會唔會比對手食住。
3. 據聞今場廣東隊係以中超隊伍深圳鵬做骨幹，不過初段踢落唔算太過粗野，係換邊換咗啲老嘢入黎之後先開始想打大交，我哋班後生仔都頂得住。
4. 講返場波，簡單咁總結兩句︰如果唔係球證，真係一早贏咗。阿歷斯祖果球冇可能係手球，第一係佢同個波係極近距離、第二佢雙手冇不自然張開、第三個波打中佢上臂近膊頭位，根本呢三個入面中一個都唔會係十二碼，更何況Jojo呢球係中晒。
5. 不過自問睇咗咁多年省港盃，各自主場時都係用返自己既球證，基本上廣東主場時都係鳩吹偏幫主隊，咁多年黎真係施空見慣，反而係香港既球證大部份時間都好均真，甚至槍口掉轉頭射自己友。
6. 講返場波，廣東呢班係中超腳，實力自然係喺呢班以香港U23為骨幹既港隊之上，而縱觀全場，廣東既控球時間係比較多，但講有威脅既攻勢，其實兩邊可能差唔多，廣東頂多叫好少少。
7. 可能中超未開咧，頭15分鐘廣東有少少比香港反客為主既味道。第一個有威脅既攻勢都係黎自港隊，角球混戰入面連番施射都過唔到廣東既血肉長城，最後顏射對手出咗底線。
8. 上半場廣東有兩個黃金機會，但一球過唔到發揮神勇既門將伍瑋謙，另一球就自己頂咗出界。
9. 今場波基本上成隊港隊都踢出咗拼勁，其中我覺得入波既史堤芬彭利拿、黃皓雋Anson同埋門將伍瑋謙都好搶鏡。
10. 肥彭球入波省中人改變方向係有少少幸運成份，但係呢球反擊其實好流暢，Anson被侵犯但得益，李小恒底線傳中、劉家喬拎到護住個波再傳比肥彭，後者轉身抽射，我覺得係一次好有組織既反擊。
11. 肥彭今日踢10號位，但踢出黎又唔係傳統果種10號，有啲似輔鋒，唔止進攻見到佢，防守都好勤力，相比起喺國際賽時踢到不知所謂，今場真係好sharp。佢國際A級賽事仲未開齋，今次雖然係省港盃，希望都可以提高佢喺港隊既信心。
12. 下半場照樣都係廣東攻勢多啲，而港隊換咗人之後形勢反而越黎越差，其中曾樂圖就因傷退下火線，呢位應屆美國大學足球冠軍得主，進攻冇乜機會發揮，但防守表形好唔錯，mark到對手27號新彊高佬冇啖好食，周子謙始終唔係左閘，踢出黎冇曾樂圖踢得咁好。
13. 不過雖然處於劣勢，但港隊整體防守冇乜大甩漏之餘反擊亦得好犀利同死球都有威脅，Jojo仲曾經頂中柱，可惜臨完場果下艾華老矣，以佢既速度竟然仲慢咗一步比對手解圍，真係好可惜…至於廣東係佔優，但係佢哋既攻門唔係比上咗身既伍瑋謙救出，就係自己把握唔到。
14. 今日場波，收貨喇。話處於下風，但其實啲反擊好到肉，呢個角度去睇，都唔知邊個先係真正處於下風。
15. 唔係球黑哨…球十二碼上面講咗喇，黑撚到…講起就火撚滾，唔再講，希望次回合港隊都可以爭氣踢場好波。
#不專業足球筆記 #足球專欄 #專欄 #我愛本地波 #省港盃
#香港 #香港隊 #廣東 #wearehongkong #足球 #賽後評
#香港隊勁揪 #香港加油
個人網頁︰ https://www.leafopenleafopen.com
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊