不專業足球筆記（三十一）︰省港盃首回合初選公佈37人初選名單 韋斯活非主帥並以U23為骨幹
1. 早前已經落實咗第43屆省港盃會喺1月中上演，首回合1月15號喺廣東隊主場越秀山體育場舉行，一星期後嘅1月22號次回合就由香港隊主場，不過比賽地點仍有待確認。
2. 今日就有最新既消息流出黎，足總公佈咗首回合既初選球員名單，總共有37名球員入選。
3. 由於省港盃比賽日並非國際賽期，唔知係咪同球會傾唔掂數，結果足總以香港23歲以下代表隊出戰省港盃，並由港足 U23主教練 Darren ARNOTT 領軍。
4. 我記得之前有報導講過(好似係香港01？)話好期待港隊主帥韋斯活西木今次會揀啲乜嘢人入選去踢省港盃，點知最後西木連主教練都唔係…同樣係以年青球員為骨幹再加啲超齡既港隊邊緣球員，安達臣係親自領軍出征(就連之前亞運都係，而唔係由司徒帶)，有啲唔鍾意安爹既球迷就會話安爹係做樣，叫佢做PR sir，咁但係至少佢真係有個樣係做好呢份工先。
5. 我好似之前唔知邊集有講過，我對西木其中一個印象唔係咁好既地方，就係我由球圈朋友度聽返黎，佢其實對香港球圈唔熟悉之餘，仲要係冇諗過要去深入了解。嗱，我帶返頭盔先，我係聽返黎，唔好真係take it as reference。不過，早排身為港隊主帥，竟然一路喺澳洲work from home，其實都講唔過去。
6. 安爹肯帶啲後生仔，其中一個好處，就係佢可以身為港隊主帥，直接近距離留意住有潛質既球員，甚至提拔佢哋上真正既大港腳。我唔知西木因乜嘢原因唔咁做，又或者佢真係覺得帶U23應該交返比U23既教練做？
7. 不過又唔好誤會，我係對西木印象麻麻，但其實我唔係反西木，只要佢一日仲係港隊教練，我都會支持佢，就好似佢早前帶領港隊既成績係6勝1負，雖然對手實力唔係好強，但都有同級對手，其實要有呢個成績，一啲都唔易。作為球迷嘛，贏波就係最好既禮物。
8. 繼續講返球員名單先，啱啱講過係以U23為主，其實仲有8個超齡球員，不過到正式名單入面只會有3個。
9. 呢8個超齡球員包括︰安永佳、余煒廉、亞歷斯祖、胡晉銘、余在言、劉智樂、史提芬彭利拿、艾華，其中只有安永佳係外流兵。
10. 其實講起安永佳，佢雖然未必係次次都有好表現，但係次次港隊call佢返黎佢都冇托手肘。有啲人(現役既唔開名喇)好似以前既吳偉超咁，次次叫佢返黎都嫌三嫌四，搞到當時既港隊教練黎新祥話唔再揀佢，費事阻人發達。咁又公道講，呢一輩既外流兵其實就好少話會唔肯代表港隊，最多係因為唔係國際賽期球會唔放人啫，但安永佳勁在無論係咪國際賽期都會見到佢既蹤影，其實對於響外流球會搏命既球員黎講，真係好難得。
11. 至於其他有睇頭既唔少得吳宇曦喇，仲有上季好出色既馬希偉，啱啱拎passport既李小恆、外流(讀書)既曾以行、曾樂圖、劉家喬、仲未有班落既余煒廉等等，其中真係最想睇吳宇曦，相信佢應該會有唔少出場機會，不過省港盃比賽對手踢得不嬲比較粗暴(大家應該唔會忘記黃威斷腳)，希望佢有出色表現之餘，都要好好保護自己。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #省港盃 #港隊
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 早前已經落實咗第43屆省港盃會喺1月中上演，首回合1月15號喺廣東隊主場越秀山體育場舉行，一星期後嘅1月22號次回合就由香港隊主場，不過比賽地點仍有待確認。
2. 今日就有最新既消息流出黎，足總公佈咗首回合既初選球員名單，總共有37名球員入選。
3. 由於省港盃比賽日並非國際賽期，唔知係咪同球會傾唔掂數，結果足總以香港23歲以下代表隊出戰省港盃，並由港足 U23主教練 Darren ARNOTT 領軍。
4. 我記得之前有報導講過(好似係香港01？)話好期待港隊主帥韋斯活西木今次會揀啲乜嘢人入選去踢省港盃，點知最後西木連主教練都唔係…同樣係以年青球員為骨幹再加啲超齡既港隊邊緣球員，安達臣係親自領軍出征(就連之前亞運都係，而唔係由司徒帶)，有啲唔鍾意安爹既球迷就會話安爹係做樣，叫佢做PR sir，咁但係至少佢真係有個樣係做好呢份工先。
5. 我好似之前唔知邊集有講過，我對西木其中一個印象唔係咁好既地方，就係我由球圈朋友度聽返黎，佢其實對香港球圈唔熟悉之餘，仲要係冇諗過要去深入了解。嗱，我帶返頭盔先，我係聽返黎，唔好真係take it as reference。不過，早排身為港隊主帥，竟然一路喺澳洲work from home，其實都講唔過去。
6. 安爹肯帶啲後生仔，其中一個好處，就係佢可以身為港隊主帥，直接近距離留意住有潛質既球員，甚至提拔佢哋上真正既大港腳。我唔知西木因乜嘢原因唔咁做，又或者佢真係覺得帶U23應該交返比U23既教練做？
7. 不過又唔好誤會，我係對西木印象麻麻，但其實我唔係反西木，只要佢一日仲係港隊教練，我都會支持佢，就好似佢早前帶領港隊既成績係6勝1負，雖然對手實力唔係好強，但都有同級對手，其實要有呢個成績，一啲都唔易。作為球迷嘛，贏波就係最好既禮物。
8. 繼續講返球員名單先，啱啱講過係以U23為主，其實仲有8個超齡球員，不過到正式名單入面只會有3個。
9. 呢8個超齡球員包括︰安永佳、余煒廉、亞歷斯祖、胡晉銘、余在言、劉智樂、史提芬彭利拿、艾華，其中只有安永佳係外流兵。
10. 其實講起安永佳，佢雖然未必係次次都有好表現，但係次次港隊call佢返黎佢都冇托手肘。有啲人(現役既唔開名喇)好似以前既吳偉超咁，次次叫佢返黎都嫌三嫌四，搞到當時既港隊教練黎新祥話唔再揀佢，費事阻人發達。咁又公道講，呢一輩既外流兵其實就好少話會唔肯代表港隊，最多係因為唔係國際賽期球會唔放人啫，但安永佳勁在無論係咪國際賽期都會見到佢既蹤影，其實對於響外流球會搏命既球員黎講，真係好難得。
11. 至於其他有睇頭既唔少得吳宇曦喇，仲有上季好出色既馬希偉，啱啱拎passport既李小恆、外流(讀書)既曾以行、曾樂圖、劉家喬、仲未有班落既余煒廉等等，其中真係最想睇吳宇曦，相信佢應該會有唔少出場機會，不過省港盃比賽對手踢得不嬲比較粗暴(大家應該唔會忘記黃威斷腳)，希望佢有出色表現之餘，都要好好保護自己。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #省港盃 #港隊
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊