紅魔鬼賽後評 歐霸 費倫巴治 1-1 曼聯 (24-10-2024) 精選

紅魔鬼賽後評 歐霸 費倫巴治 1-1 曼聯 (24-10-2024)
又黎料！先領先後又失波 曼聯被費倫巴治逼和一比一

1. 當初歐霸抽簽既時候，我就覺得作客費倫巴治應該係最難踢，畢竟土耳其啲地獄主場係出晒名，所以當時我如果知道一比一話唔定都會收貨。

2. 不過曼聯開季至今個勢都幾頹，佢哋係真係需要一場又一場既勝仗去振奮下士氣。

3. 原來唔經唔覺，曼聯既傷兵又開始慢慢增加，原本既梳爾、馬拉西亞、約羅，仲有新加入既伊雲斯、麥佳亞、文奴、曼治，今場仲有睇落傷到大大鑊既安東尼…屌你老味，係咪真係中咗降頭？
4. 中場傷停情況嚴重，般奴停賽，得三個中場出發，坦克最後竟然係以馬沙拉維去踢10號位，創意十足，但效果認真一般。

5. 今場波老實喇，兩隊都唔係特別好，上半場費倫巴治佔優，但曼聯憑住反擊入波先，去到下半場調返轉，曼聯場面稍為佔優，但係就又係一次反擊比人入波。

6. 上半場最出既有兩個，第一個係奧拿拿，佢果下離門勁近既double saves真係痴撚線，另外就係烏加迪，入波就係靠佢攔截做起點，另外佢都飛身攔截咗球空門射門，上半場真係踢出身價波。

7. 艾力臣既入波，亦都說明咗點解就算之前冇乜傷兵都好，佢都可以有正選，佢呢下後上既射門無論走位定係射門角度都係無得彈。
8. 不過進攻方面又係老問題，把握力唔好，尤其是今場相對之下黃金機會唔多既時候，失咗一次黃金機會搞到最後失分而回就真係夠晒dup春。冇錯，就係講緊福仔上半場殺入禁區最後扭咗個空位出黎射斜。唔止呢球，下半場有兩下雖然唔算黃金chance，但都係叫唔錯既機會，福仔接應賀隆地波傳中唔啱位撻晒Q，同埋賀隆自己殺入禁區撳死咗個波比龍門接晒。

9. 舒克斯除咗球助攻之外，成場波都唔知喺度做緊乜，希望佢快啲融入到隊波，如果唔係，你都係得個坐字。

10. 今日防守整體黎講冇乜太多失誤，但往往一下失誤足以致命，講緊下半場失果球波，大碌唔拍埋去比對手輕鬆傳中，中間連迪路夫明明到位但勁hea完全冇爭頂。屌你咩，你係咪至少都應該爭下頂，唔好比對面頂得咁輕鬆啊，烏加迪響後面呢球都比唔夠壓力，結果對手響兩個人之間輕鬆頂入。
11. 屌你，仲要失幾多呢啲戇鳩波啊？

12. 連迪路夫完美演繹到底點解連老將伊雲斯都會排佢前面。

13. 安東尼入到黎其實冇乜作用，但係唔知做乜事突然受傷，疑似受傷果下碰撞睇落其實唔係咁大件事，但佢治療完之後踢咗兩嘢就好似好痛苦咁雙手掩面仲要擔架抬離場，完場仲比人影到隻左腳要套住安全套揸拐杖行，希望佢早日康復，唔好咁嚴重喇。

14. 不過，我都係唔明點係換安東尼入黎，而唔係換Amad…坦克話要獎勵安東尼練波練得好，但屌你個個都係練習球王，落到場交唔到貨唔掂架喎。

15. 少少花絮，摩佬因為投訴要十二碼而被趕出場，但睇返慢鏡其實佢好似唔係好激咋喎，張紅牌其實有啲嚴咁。
16. 正如之前所講，除非球隊既表現突然改善到場場都可以贏波，否則我依然對坦克既前景唔樂觀，只係時辰未到…真係唔好誤會，我唔係反坦，我好想佢帶領曼聯成功，但而家球隊咁既情況，我都只係講返我客觀既感覺出黎…黎緊星期日作客韋斯咸，祝佢好運了。


#不專業足球筆記 #足球專欄 #專欄 #我愛紅魔鬼 #曼聯每日情報站
#歐霸 #紅魔鬼賽後評 #FERMUN #曼聯 #費倫巴治 #足球 #賽後評
#歐霸賽後評

更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio

廣告時間 -

ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938