紅魔日報 多家傳媒各有不同報導 坦克在曼聯執教生涯是否真的倒數中？ 02-10-2024
1. 經歷咗一場踢到一pat屎既大戰，再加上之前由開季至今都唔算踢得特別好，呢幾日有關曼聯會唔會換帥既消息此起彼落，各大小媒體都有好多唔同來源消息傳出。
2. 其中可信性達到神話傳說 (吹水)級別既曼徹斯特晚報首先列舉咗前英格蘭領隊修夫基同埋前車路士領隊樸達出黎，之後連現任國際米蘭領隊恩沙基都搬埋出黎講…
3. 而曼聯Youtuber Muppetiers仲癲，佢列舉咗成六大人選，其中熱門三甲分別係葉士域治領隊麥堅拿、利華古遜領隊沙比亞朗素、士砵亭領隊魯賓·阿莫廉，而候補果三個就前述既恩沙基、史特加既漢尼斯，同埋般尼茅夫既伊恩奧拿。
4. 吹，繼續吹…
5. 不如睇睇權威少少既記者點講喇。
6. 講權威既，梗係唔少得轉會大神Fabrizio Romano，雖然佢啲料好多都係confirm咗先講出黎，有時真係唔夠小道消息快，但就勝在準確，佢把口UP得出黎既，至少都有95%準確性。
7. Fabrizio Romano就話，暫時曼聯高層英力士INEOS佢哋班人唔會炒坦克住，但黎緊兩場作客對波圖同埋阿士東維拉會係關鍵，結果、表現同比賽風格都好重要。呢兩場比賽有乜冬瓜豆腐，相信坦克既命運就係咁先…
8. Talksports既Ben Jacobs可信性唔夠大神咁高，但佢同樣都表示至少坦克響國際賽期之前帥位係保得住既。
9. 但老實講，我就對坦克仲可唔可以保得到帥位唔樂觀…事實上兩位名記都係提到坦克呢兩場可以保住帥位，但作為兩手準備，我認為INEOS唔會乜都唔做，就算唔係六人名單，但shortlist都一定會有。截止現時為止既成績同表現，我既睇法係除非坦克同佢既球隊啪咗春藥，由下場開始踢到季尾(或至少季中)一場不漏，全部贏晒，如果唔係，我覺得留比坦克既時間，應該已經唔多了。
10. 曼聯今季場上比現總括而言的確係比上季有進步，但有三個致命傷，隨時令到坦克執包袱走人。
11. 首先係把握力，對熱刺果場之前，曼聯係錯失黃金機會最多既球隊，當時錯失咗17次黃金機會，比起第二位既利物浦同維拉既12次多咗成5次…
12. 即係話佢哋比賽時唔係創造唔到機會，係自己把握唔到，我就咁諗已經諗到幾個︰加拿祖對富咸空門唔入、Amad對白禮頓小禁區頂無人看管接應傳中射咗出底線、最新仲有舒克斯對熱刺近門剷射剷咗比對面龍門，更加唔好提對水晶宮果場射極都射唔入…
13. 其實只要把握到其中一半，相信曼聯而家排名至少升四名…
14. 第二個致命傷係後防不斷自爆。唔係一場半場，而係差唔多場場都係！對白禮頓兩球、對利物浦三球、對川迪一球、對熱刺其中至少有兩球…呢啲失波，與其話對面組織得好，不如話係我哋送禮比人打反擊，甚至係餵埋落對手口中餵埋佢哋食…
15. 一場係咁、兩場係咁，場場都係咁既時候，就唔可歸咎於運氣問題，根本球員心態、攻守轉換、場上專注力，加加埋埋呢啲失誤既發生就變咗必然。我見仲有啲「曼迷」屌緊奧拿拿，其實我真係想問班人有冇睇波，冇奧拿拿既話，失球數字起碼多五球…
16. 第三係強強對碰冇料到。唔好計性質係熱身賽對曼城既社區盾，當認真響英超同利物浦、熱刺呢啲強隊交手時，之前提過響場上面取得既進步(至少場面上係有進步)全部唔見晒，冇戰術、冇士氣、冇鬥心，呢兩場踢落一盤散沙，都唔知做緊乜。
17. 坦克係冇乜運氣既，當家射手賀隆一開季就傷、兩隻左閘都係文員，對上一次有正式左閘出場仲要講到上季季中對盧頓，但係今季到現時為止，傷兵情況比上季算係改善咗好多，坦克需要既，係至少比起上季傷兵滿營時更好既表現同埋結果。
18. 都係果句，一日坦克仲係曼聯領隊，我一日都仲會支持佢帶領球隊贏波，但望一望個成績、賽程，雖然唔想咁講，但係我相信我仲可以撐佢既日子唔長了…
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #坦克 #ErikTenHag
曼聯Youtube Channel︰ https://www.youtube.com/@manutddailyinfo更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 經歷咗一場踢到一pat屎既大戰，再加上之前由開季至今都唔算踢得特別好，呢幾日有關曼聯會唔會換帥既消息此起彼落，各大小媒體都有好多唔同來源消息傳出。
2. 其中可信性達到神話傳說 (吹水)級別既曼徹斯特晚報首先列舉咗前英格蘭領隊修夫基同埋前車路士領隊樸達出黎，之後連現任國際米蘭領隊恩沙基都搬埋出黎講…
3. 而曼聯Youtuber Muppetiers仲癲，佢列舉咗成六大人選，其中熱門三甲分別係葉士域治領隊麥堅拿、利華古遜領隊沙比亞朗素、士砵亭領隊魯賓·阿莫廉，而候補果三個就前述既恩沙基、史特加既漢尼斯，同埋般尼茅夫既伊恩奧拿。
4. 吹，繼續吹…
5. 不如睇睇權威少少既記者點講喇。
6. 講權威既，梗係唔少得轉會大神Fabrizio Romano，雖然佢啲料好多都係confirm咗先講出黎，有時真係唔夠小道消息快，但就勝在準確，佢把口UP得出黎既，至少都有95%準確性。
7. Fabrizio Romano就話，暫時曼聯高層英力士INEOS佢哋班人唔會炒坦克住，但黎緊兩場作客對波圖同埋阿士東維拉會係關鍵，結果、表現同比賽風格都好重要。呢兩場比賽有乜冬瓜豆腐，相信坦克既命運就係咁先…
8. Talksports既Ben Jacobs可信性唔夠大神咁高，但佢同樣都表示至少坦克響國際賽期之前帥位係保得住既。
9. 但老實講，我就對坦克仲可唔可以保得到帥位唔樂觀…事實上兩位名記都係提到坦克呢兩場可以保住帥位，但作為兩手準備，我認為INEOS唔會乜都唔做，就算唔係六人名單，但shortlist都一定會有。截止現時為止既成績同表現，我既睇法係除非坦克同佢既球隊啪咗春藥，由下場開始踢到季尾(或至少季中)一場不漏，全部贏晒，如果唔係，我覺得留比坦克既時間，應該已經唔多了。
10. 曼聯今季場上比現總括而言的確係比上季有進步，但有三個致命傷，隨時令到坦克執包袱走人。
11. 首先係把握力，對熱刺果場之前，曼聯係錯失黃金機會最多既球隊，當時錯失咗17次黃金機會，比起第二位既利物浦同維拉既12次多咗成5次…
12. 即係話佢哋比賽時唔係創造唔到機會，係自己把握唔到，我就咁諗已經諗到幾個︰加拿祖對富咸空門唔入、Amad對白禮頓小禁區頂無人看管接應傳中射咗出底線、最新仲有舒克斯對熱刺近門剷射剷咗比對面龍門，更加唔好提對水晶宮果場射極都射唔入…
13. 其實只要把握到其中一半，相信曼聯而家排名至少升四名…
14. 第二個致命傷係後防不斷自爆。唔係一場半場，而係差唔多場場都係！對白禮頓兩球、對利物浦三球、對川迪一球、對熱刺其中至少有兩球…呢啲失波，與其話對面組織得好，不如話係我哋送禮比人打反擊，甚至係餵埋落對手口中餵埋佢哋食…
15. 一場係咁、兩場係咁，場場都係咁既時候，就唔可歸咎於運氣問題，根本球員心態、攻守轉換、場上專注力，加加埋埋呢啲失誤既發生就變咗必然。我見仲有啲「曼迷」屌緊奧拿拿，其實我真係想問班人有冇睇波，冇奧拿拿既話，失球數字起碼多五球…
16. 第三係強強對碰冇料到。唔好計性質係熱身賽對曼城既社區盾，當認真響英超同利物浦、熱刺呢啲強隊交手時，之前提過響場上面取得既進步(至少場面上係有進步)全部唔見晒，冇戰術、冇士氣、冇鬥心，呢兩場踢落一盤散沙，都唔知做緊乜。
17. 坦克係冇乜運氣既，當家射手賀隆一開季就傷、兩隻左閘都係文員，對上一次有正式左閘出場仲要講到上季季中對盧頓，但係今季到現時為止，傷兵情況比上季算係改善咗好多，坦克需要既，係至少比起上季傷兵滿營時更好既表現同埋結果。
18. 都係果句，一日坦克仲係曼聯領隊，我一日都仲會支持佢帶領球隊贏波，但望一望個成績、賽程，雖然唔想咁講，但係我相信我仲可以撐佢既日子唔長了…
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #坦克 #ErikTenHag
曼聯Youtube Channel︰ https://www.youtube.com/@manutddailyinfo更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊