紅魔日報 賀隆、梳爾確認仍無法上陣！曼聯作客修咸頓烏加特有望地標？ 12-9-2024
1. 坦克啱啱響賽前記者會上面確認，賀隆同梳爾「進展良好」，但係都仲未可以響作客修咸頓既比賽入面上陣。
2. Shaw既情況其實就預咗，呢位為國捐軀既民族英雄都冇乜新聞有報導佢既消息，官方又冇好似賀隆果陣咁拍片擺上網（當然都有可能係出於軍情問題），根據以往既經驗，Shaw復出既日期應該係點都會比起預計既延遲，所以我都打好晒底，做晒心理準備。
3. 賀隆就有少少可惜，因為佢開始復操大概係對利物浦之前果個星期既事，即係佢復操之後都已經過咗差唔多三個星期，可惜佢連進入大名單既機會都冇，佢算係曼聯當下陣中把握力最好既球員，上季球隊頭號射手，如果無法上陣一定係會對球隊既實力大有影響…
4. 根據曼徹斯特晚報既報導，雖然週中既時候未做fitness test，但照操練黎睇其實賀隆應該係fit可以上陣，只係曼聯方面唔想冒險，寧願比佢抖多一場再睇咩情況。
5. 其實咁樣做法都無可厚非，畢竟如果好似某位民族英雄咁趕住為國家隊趕住出場，可能會為球員既傷情留有後患，比佢抖多場，直至隊醫真係覺得佢完全ready喇，咁樣先出場係穩陣之舉黎。
6. 即使兩名主力唔能夠復出，不過對手只係啱啱升班既修咸頓啫…我好想咁講，但係實際上曼聯而對住英超其餘十九隊都難言穩勝，如果啲主力可以復出，絕對係好事。
7. 不過事實已經擺在眼前，坦克既然話佢哋唔出得，咁即係唔出得，唯有靠現時既球員去踢囉。
8. 另一個有少少不利既就係場波既開賽時間係咁多場英超入面最早既。平時就冇乜所謂，但係國際賽期之後，擁有多名國腳既曼聯，佢哋啲球員究竟回唔回得切體力呢？就算唔講體力，舟車勞動之下會唔會有對呢班國腳球員有影響呢？
9. 不過呢啲都係要克服架喇，呢啲嘢無可避免，只能夠講希望佢哋踢場好波，唔好患得患失喇。
10. 講起曼聯既國腳，響呢個國際賽期，普遍既評價都唔錯，大部份都踢得幾好。不過有一位例外，佢就係荷蘭中堅迪列治。
11. 利申先，其實我對國家隊冇乜興趣，除咗香港隊之外，基本上我係冇乜留意國際賽既，就算係英格蘭既比賽，我都係屎忽痕響大賽先會趁墟睇下，所以迪列治呢兩場既失波，我都淨係睇咗友page奧脫陳春福既片啫，據聞有幾球真係關迪列治事，不過又有啲可能佢只係需要負返少少責任only。
12. 啲人即刻笑曼聯入咗水貨。未來既嘢我唔知喇，不過觀乎佢暫時三場響曼聯既比賽，我又唔覺得佢踢得特別差，甚至乎佢算係後防比較對板既一個，上場對利物浦輸三粒，但冇一粒係輸佢，而佢都有一啲精彩既對抗。希望呢兩場波，唔好打擊到佢既信心喇，畢竟我先唔理荷蘭踢成點，佢響曼聯有好表現先係最緊要。
13. 呢場波另一個焦點就係，究竟烏加特會唔會有機會上陣，甚至乎係正選出場呢？
14. 我自己既睇法咋吓，我覺得佢會出場，不過係後備出場，正選依然會係卡斯米路搭文奴。咁樣亦都合乎返坦克一貫以黎對待新兵既方式，除非真係果個位冇人用，如果唔係，坦克多數都會將新兵先列作後備，之後再出黎踩下草當適應。
15. 姑勿論點都好，呢場波既對手係修咸頓，三連敗入一球失五球，曼聯係必須全取呢三分。但真係衰啲講，呢幾年United always struggles，就算對手係榜尾，都真係唔一定贏架。
16. 雖然我唔認為如果呢場大吉利是都輸埋，坦克會即刻下台，但萬一真係連修咸頓都贏唔到，咁真係會為曼聯既士氣，帶黎沉重既打擊。傷兵係有，但呢一刻相對黎講已經比上季好太多，對利物浦，輸唔意外，對修咸頓都輸，咁就真係仆街冚家剷喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #RasmusHojlund #賀隆 #LukeShaw #梳爾
#修咸頓 #英超 #烏加特
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 坦克啱啱響賽前記者會上面確認，賀隆同梳爾「進展良好」，但係都仲未可以響作客修咸頓既比賽入面上陣。
2. Shaw既情況其實就預咗，呢位為國捐軀既民族英雄都冇乜新聞有報導佢既消息，官方又冇好似賀隆果陣咁拍片擺上網（當然都有可能係出於軍情問題），根據以往既經驗，Shaw復出既日期應該係點都會比起預計既延遲，所以我都打好晒底，做晒心理準備。
3. 賀隆就有少少可惜，因為佢開始復操大概係對利物浦之前果個星期既事，即係佢復操之後都已經過咗差唔多三個星期，可惜佢連進入大名單既機會都冇，佢算係曼聯當下陣中把握力最好既球員，上季球隊頭號射手，如果無法上陣一定係會對球隊既實力大有影響…
4. 根據曼徹斯特晚報既報導，雖然週中既時候未做fitness test，但照操練黎睇其實賀隆應該係fit可以上陣，只係曼聯方面唔想冒險，寧願比佢抖多一場再睇咩情況。
5. 其實咁樣做法都無可厚非，畢竟如果好似某位民族英雄咁趕住為國家隊趕住出場，可能會為球員既傷情留有後患，比佢抖多場，直至隊醫真係覺得佢完全ready喇，咁樣先出場係穩陣之舉黎。
6. 即使兩名主力唔能夠復出，不過對手只係啱啱升班既修咸頓啫…我好想咁講，但係實際上曼聯而對住英超其餘十九隊都難言穩勝，如果啲主力可以復出，絕對係好事。
7. 不過事實已經擺在眼前，坦克既然話佢哋唔出得，咁即係唔出得，唯有靠現時既球員去踢囉。
8. 另一個有少少不利既就係場波既開賽時間係咁多場英超入面最早既。平時就冇乜所謂，但係國際賽期之後，擁有多名國腳既曼聯，佢哋啲球員究竟回唔回得切體力呢？就算唔講體力，舟車勞動之下會唔會有對呢班國腳球員有影響呢？
9. 不過呢啲都係要克服架喇，呢啲嘢無可避免，只能夠講希望佢哋踢場好波，唔好患得患失喇。
10. 講起曼聯既國腳，響呢個國際賽期，普遍既評價都唔錯，大部份都踢得幾好。不過有一位例外，佢就係荷蘭中堅迪列治。
11. 利申先，其實我對國家隊冇乜興趣，除咗香港隊之外，基本上我係冇乜留意國際賽既，就算係英格蘭既比賽，我都係屎忽痕響大賽先會趁墟睇下，所以迪列治呢兩場既失波，我都淨係睇咗友page奧脫陳春福既片啫，據聞有幾球真係關迪列治事，不過又有啲可能佢只係需要負返少少責任only。
12. 啲人即刻笑曼聯入咗水貨。未來既嘢我唔知喇，不過觀乎佢暫時三場響曼聯既比賽，我又唔覺得佢踢得特別差，甚至乎佢算係後防比較對板既一個，上場對利物浦輸三粒，但冇一粒係輸佢，而佢都有一啲精彩既對抗。希望呢兩場波，唔好打擊到佢既信心喇，畢竟我先唔理荷蘭踢成點，佢響曼聯有好表現先係最緊要。
13. 呢場波另一個焦點就係，究竟烏加特會唔會有機會上陣，甚至乎係正選出場呢？
14. 我自己既睇法咋吓，我覺得佢會出場，不過係後備出場，正選依然會係卡斯米路搭文奴。咁樣亦都合乎返坦克一貫以黎對待新兵既方式，除非真係果個位冇人用，如果唔係，坦克多數都會將新兵先列作後備，之後再出黎踩下草當適應。
15. 姑勿論點都好，呢場波既對手係修咸頓，三連敗入一球失五球，曼聯係必須全取呢三分。但真係衰啲講，呢幾年United always struggles，就算對手係榜尾，都真係唔一定贏架。
16. 雖然我唔認為如果呢場大吉利是都輸埋，坦克會即刻下台，但萬一真係連修咸頓都贏唔到，咁真係會為曼聯既士氣，帶黎沉重既打擊。傷兵係有，但呢一刻相對黎講已經比上季好太多，對利物浦，輸唔意外，對修咸頓都輸，咁就真係仆街冚家剷喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #RasmusHojlund #賀隆 #LukeShaw #梳爾
#修咸頓 #英超 #烏加特
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊