紅魔日報 友賽負利物兼傷多兩件 曼聯熱身之旅總結 5-8-2024
1. 早兩日曼聯響美國既最後一場比賽，以零比三不敵利物浦。
2. 由對洛辛堡果場我已經講過，呢啲熱身賽戰果都係唔需要咁在意，要留意既反而係球員同球隊既表現到底係點。
3. 所以呢場波係輸零比三，但如果有睇場波，再睇下啲統計，其實都有可取既地方。既然講開，就順便總結埋呢五場波曼聯有好同唔好既地方。
4. 講場波之前，曼聯好似真係中咒咁，呢場波又輸兩件，雲比沙卡可能係被預防性換走，但Will Fish費沙當場固定隻腳再抬上擔架上面真係好大鑊吓。
5. 連埋賀龍同約羅，已經至少有三位傷出係肯定超過一個月以上，費沙呢球其實係要讚佢搏命去補返艾力臣球醫院波既鑊，佢亦成功阻止到利物浦既反攻，但係個代價真係太大，熱身賽啫，唔值得因為咁而傷…
6. 好喇，真係睇返個熱身賽有乜得著。第一場接近成隊青年軍就算，之後除咗對阿仙奴果場之外，曼聯其實係製造出唔少機會，而對阿仙奴佢哋既反擊都幾有威脅，對利物浦雖然輸波但機會絕對係比利物浦多好多，而且呢啲機會唔係講緊鳩射，而係真正既黃金機會，起碼有四至五次，即係曼聯其實唔係冇攻勢，而係把握力奇差，最後一球都唔入。
7. 對利物浦果場，曼治有兩次、華舒福有兩次、麥湯有一次。其中以曼治果下禁區冇人mark快射、福仔果下轉身射出界，同埋麥湯接應傳中任射，屌你老味以佢哋既水準黎唔入係咪應該仲難過入？尤其是曼治，佢響成個熱身賽期都有好多機會，但竟然一球都入唔到，即係話佢入球轉化率真係零…
8. 不過講起曼治，佢除咗入唔到波之外，好似有復活既跡象，其實每一場既表現都唔錯，肯跑、有入攝、有射門，入唔到波呢個問題，唔止佢，其實成隊都係有問題。希望雲佬作為教練加入，可以幫到手改善呢方面既問題。
9. 成個熱身賽之旅咁多場入面，算係有兩個新人彈起咗。首先係左閘既阿馬斯，除咗第一場對洛辛堡既表現係災難級之外，佢既表現漸入佳境，其中對貝迪斯同利物浦直頭表現得攻守兼備，對利物浦一場真係算守到沙拿冇啖好食，咁當然都同沙拿響熱身賽hea踢有關，我都好肯定如果係英超既話，沙拿既表現應該會更具侵略性，但對一個17歲既後生仔黎講，佢已經算做得好好。響梳爾同馬拉西亞既健康狀態成疑既時候，佢絕對值得留響一隊鍛鍊。
10. 一定有人講佢對利物浦第二球佢去咗邊。但如果係有睇場波，呢下係哥利亞鳩向前踢被截再比利物浦打返轉頭，阿馬斯已經向前咗準備助攻，上咗去落唔切都情有可原。
11. 講開防中哥利亞，佢算係第二個彈起既小朋友，整體表現都算唔錯，防守硬朗，跑動範圍大，但持球既時候較為唔知點，轉守為攻我覺得做得唔夠好，呢個係佢要改善既地方。但暫時我都一樣覺得佢可以留隊等待下機會。
12. 仲有就肯定係Amad戴亞路就好似巨星橫空出世咁，真係踢到曉飛，但究竟佢既表現只係限於熱身賽晨操之星，定真係可以黎緊大爆發就真係要再望望。
13. 成隊既防守都仲係有好大問題，以防中位最明顯，上季輸cut back禁區無人看管既情況仲經常發生，卡斯米路係慢熱未fit定真係操唔起，成個雪糕筒咁比人任扭任射，反擊又成日傳波比人，如果佢最後留隊，佢仲踢唔踢得返第一季既水準？
14. 艾力臣、漢尼拔同安東尼三個都一樣係令人好失望，辛祖、福仔都有過靈光一現既好表現，但呢三個真係災難級表現，艾力臣球醫院波仲累到費沙重傷，如果呢三件有人要好即刻放喇…
15. 最後講下兩單轉會喇，Fabrizio Romano話曼聯就住迪列特同馬斯奧爾既轉會仲談判緊，佢叫曼聯fans比啲耐性，覺得呢兩單轉會都有信心會發生。
#不專業足球筆記 #足球專欄 #我愛紅魔鬼 #紅魔日報 #曼聯 #ManchesterUnited #FabrizioRomano #MUNLIV #曼聯對利物浦
#拜仁慕尼黑 #BayernMunich #MatthijsdeLigt #迪列特 #NoussairMazraoui #馬斯奧爾 #MasonMount #曼治 #Amad #Amass
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 早兩日曼聯響美國既最後一場比賽，以零比三不敵利物浦。
2. 由對洛辛堡果場我已經講過，呢啲熱身賽戰果都係唔需要咁在意，要留意既反而係球員同球隊既表現到底係點。
3. 所以呢場波係輸零比三，但如果有睇場波，再睇下啲統計，其實都有可取既地方。既然講開，就順便總結埋呢五場波曼聯有好同唔好既地方。
4. 講場波之前，曼聯好似真係中咒咁，呢場波又輸兩件，雲比沙卡可能係被預防性換走，但Will Fish費沙當場固定隻腳再抬上擔架上面真係好大鑊吓。
5. 連埋賀龍同約羅，已經至少有三位傷出係肯定超過一個月以上，費沙呢球其實係要讚佢搏命去補返艾力臣球醫院波既鑊，佢亦成功阻止到利物浦既反攻，但係個代價真係太大，熱身賽啫，唔值得因為咁而傷…
6. 好喇，真係睇返個熱身賽有乜得著。第一場接近成隊青年軍就算，之後除咗對阿仙奴果場之外，曼聯其實係製造出唔少機會，而對阿仙奴佢哋既反擊都幾有威脅，對利物浦雖然輸波但機會絕對係比利物浦多好多，而且呢啲機會唔係講緊鳩射，而係真正既黃金機會，起碼有四至五次，即係曼聯其實唔係冇攻勢，而係把握力奇差，最後一球都唔入。
7. 對利物浦果場，曼治有兩次、華舒福有兩次、麥湯有一次。其中以曼治果下禁區冇人mark快射、福仔果下轉身射出界，同埋麥湯接應傳中任射，屌你老味以佢哋既水準黎唔入係咪應該仲難過入？尤其是曼治，佢響成個熱身賽期都有好多機會，但竟然一球都入唔到，即係話佢入球轉化率真係零…
8. 不過講起曼治，佢除咗入唔到波之外，好似有復活既跡象，其實每一場既表現都唔錯，肯跑、有入攝、有射門，入唔到波呢個問題，唔止佢，其實成隊都係有問題。希望雲佬作為教練加入，可以幫到手改善呢方面既問題。
9. 成個熱身賽之旅咁多場入面，算係有兩個新人彈起咗。首先係左閘既阿馬斯，除咗第一場對洛辛堡既表現係災難級之外，佢既表現漸入佳境，其中對貝迪斯同利物浦直頭表現得攻守兼備，對利物浦一場真係算守到沙拿冇啖好食，咁當然都同沙拿響熱身賽hea踢有關，我都好肯定如果係英超既話，沙拿既表現應該會更具侵略性，但對一個17歲既後生仔黎講，佢已經算做得好好。響梳爾同馬拉西亞既健康狀態成疑既時候，佢絕對值得留響一隊鍛鍊。
10. 一定有人講佢對利物浦第二球佢去咗邊。但如果係有睇場波，呢下係哥利亞鳩向前踢被截再比利物浦打返轉頭，阿馬斯已經向前咗準備助攻，上咗去落唔切都情有可原。
11. 講開防中哥利亞，佢算係第二個彈起既小朋友，整體表現都算唔錯，防守硬朗，跑動範圍大，但持球既時候較為唔知點，轉守為攻我覺得做得唔夠好，呢個係佢要改善既地方。但暫時我都一樣覺得佢可以留隊等待下機會。
12. 仲有就肯定係Amad戴亞路就好似巨星橫空出世咁，真係踢到曉飛，但究竟佢既表現只係限於熱身賽晨操之星，定真係可以黎緊大爆發就真係要再望望。
13. 成隊既防守都仲係有好大問題，以防中位最明顯，上季輸cut back禁區無人看管既情況仲經常發生，卡斯米路係慢熱未fit定真係操唔起，成個雪糕筒咁比人任扭任射，反擊又成日傳波比人，如果佢最後留隊，佢仲踢唔踢得返第一季既水準？
14. 艾力臣、漢尼拔同安東尼三個都一樣係令人好失望，辛祖、福仔都有過靈光一現既好表現，但呢三個真係災難級表現，艾力臣球醫院波仲累到費沙重傷，如果呢三件有人要好即刻放喇…
15. 最後講下兩單轉會喇，Fabrizio Romano話曼聯就住迪列特同馬斯奧爾既轉會仲談判緊，佢叫曼聯fans比啲耐性，覺得呢兩單轉會都有信心會發生。
#不專業足球筆記 #足球專欄 #我愛紅魔鬼 #紅魔日報 #曼聯 #ManchesterUnited #FabrizioRomano #MUNLIV #曼聯對利物浦
#拜仁慕尼黑 #BayernMunich #MatthijsdeLigt #迪列特 #NoussairMazraoui #馬斯奧爾 #MasonMount #曼治 #Amad #Amass
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊