紅魔鬼賽後評
足總盃 曼城 1-2 曼聯 (25-5-2024)
1. 大奇蹟日！今季曼聯既表現一直都唔穩定，備受傷兵困擾，黎到呢場一樣都係，但估唔到將士用命既情況下，以二比一贏咗曼城，奪得球會史上第十三座足總盃冠軍！
2. 我一早都講，以曼聯既傷兵情況，連雙線都捱唔住，不如對上幾場聯賽(反正冇嘢好爭)做下實驗，係咁咦比啲啱啱好返既球員踩下草咪算，至少唔會增加傷兵先。不過我講既時候，其實都只係希望今場盡量增加爆冷既機會，你問我邊隊會贏，大佬，我都有自知之明，曼聯贏面有幾多，心中有數喇。
3. 今次其實情況都唔係咁好，麥佳亞依然無法復出、兩件左閘繼續全數養傷、卡斯米路賽前熱身受傷、馬文員臨開波前一日整親、馬天尼斯70分鐘因傷退下火線，連麥湯文尼最後都疑似受傷被曼治換走，呢一切一切，其實係曼聯今季既縮影，總之就好撚黑。
4. 好彩既係，呢場波成隊波都拎出咗鬥心出黎，代表曼聯最後一場上陣既華拉尼表現好好，清咗唔少波；都好彩馬天尼斯頂咗70分鐘，等形勢向曼聯靠攏既時候先傷出，亦都證明到比人睇，曼聯條防線有佢同冇佢響防守同build up上面係有幾大分別；臨危受命既安拉拔，響傳送方面就做唔到太多嘢架喇，但係響破壞性既工作上面又真係做得好唔錯，又係另一個驚喜。
5. 曼聯今季最殺食既地方其實就係反擊，唔少強隊都係響反擊之中比曼聯入波，就好似今場咁，第一球係曼城送禮既，奧迪加同法迪奧既誤會造就加拿祖輕鬆射空門，但第二球既組織真係好靚，由華舒福第一下反擊轉邊、再到加拿祖突破橫傳、般奴妙傳、文奴冷靜射入，全部都一氣呵成，真係唔知幾耐冇見過咁靚組織既波。
6. 曼城唔係冇攻勢，但曼聯今日上半場個鐵桶陣真係做得幾好，可以話係滴水不漏，上半場曼城空有控球，但真正有威脅既唔多，反而真係曼聯既反擊好銳利下，如果唔係加拿祖越咗半個身位，連福仔都已經開埋齋喇。
7. 下半場曼城換咗杜古出黎，老實講其實我覺得幾有效，但係今季表現有所回落既雲比沙卡呢個時候食咗藥咁，雖然唔算將杜古完全放咗入pocket，但係已經將佢既威脅度減到最低，好幾次一對一既對抗都可以至少剷到個波出界。
8. 下半場曼聯明顯再一步收後防線，所以反擊既機會好似更少，但係加拿祖既反擊都唔差，再一次殺入禁區但射得太正比奧迪加沒收。
9. 曼城換咗人之後多數由左面發動攻勢，其實都幾有效，令到曼聯門前風聲鶴唳，比起上半場既埋門近傍好多，仲有一次中楣添，但奧拿拿今場響失波之前都好集中精神，兩度救出獲加遠射更加係好靚。
10. 不過失波果球真係可以做好少少。首先係錯位mark人，原本杜古比雲比沙卡守到冇乜啖食，但呢下咁啱杜古推大位時係加拿祖返黎補位就比佢起到腳(不過當然唔可以怪加拿祖，佢係勤力返後，只係防守力當然冇雲比咁好)，而奧拿拿我覺得佢呢球落地慢咗，雖然撲到，但撲咗個波入網。當然杜古呢球又急勁又算有角度，但我覺得以娜娜下半季既表現，佢呢球係要救到。
11. 好彩娜娜既信心冇乜受影響，之後曼城頻煩左路傳中同角球攻勢，全部比娜娜接晒或者打走晒，呢啲都要比返credit娜娜。而最尾賀龍打反擊果球又係抵讚，後備落黎好氣好力既佢後發先至，用身位硬爆搶埋個搏到犯規，幫曼聯頂埋最後果一分鐘。
12. 呢場真係打咗場好波出黎！今次呢個足總盃之旅都算神奇，奪冠之路上試過殺退兩支宿敵利物浦同曼城(兩隊當時既狀態都係好好)，但同時都試過差啲比高雲地利連追四球爭啲收皮出局，可以話呢個冠軍真係得黎不易，見到好多球員都好激動，福仔仲喊埋出黎，睇黎佢哋都算係出咗一口污氣。
13. 坦白講，聯賽第8，一定唔合格架喇，但宏觀黎睇返，除咗賽場上面之外，仲有好多嘢影響到成績既。至少今場證明咗，就算唔係full team，但隊波比較齊腳少少既時候，佢哋係可以踢到好波。唔係瀨傷病，但超過70次獨立既受傷cases(資料由Fabrizio Romano提供)，後防配搭場場都唔同，半季連左閘都冇，前中後長期有傷兵，咁樣既情況之下，有隻足總盃落袋其實已經好好架喇。唔好話坦克搵嘢瀨，咁既傷患情況，邊個黎教曼聯都一樣架咋。
14. 講少少關於坦克，賽前突然由The Guardian既車路士專責記者Jacob Steinberg爆出黎話曼聯無論足總盃結果係點都會炒坦克，之後就越黎越多傳聞傳出黎，講到似層層咁。執筆之時仲未知坦克會唔會落鑊，但其實真係值得比多一季機會佢，佢上年係教到曼聯排第三，呢兩年入面拎咗兩個冠…仲記唔記得響佢黎之前，我哋對上一個冠軍仲係2017年既歐霸盃。
15. 公道啲講，坦克係有不足既地方，但咁多年黎經過咁多任唔同既領隊，名帥又有、名宿又有、逼搶教父又有，最後個個比班大帝玩到炒魷。再睇下坦克手上面既球員，唔係講傷病，而係講幾任唔同風格既領隊要求既唔同風格球員都有，好似大雜燴咁缺乏一致性，更加唔好講格狗咁耐以黎都冇upgrade過訓練設施同埋班獸醫係點，其實邊個做教練都好難搞架，與其搵新既少帥，不如留多佢一季喇。
16. SJR其實都睇到個問題所在，所以先會叫格狗收皮，唔好再掂足球，再大刀闊斧換高層。
17. 坦克某啲抱怨唔係冇道理，上年啲英媒讚到佢天上有天下無，但今季失準就一沉百踩。唔止，其實有啲fans都係一樣，上季坦克就救世主咁款，半場換人有效就話佢當機立斷；到今季嘞又話佢啲調動差，贏變和和變輸，但就唔睇下成個後備席都係青年軍。
18. 唔係盲撐，如果管理層最後真係決定換帥，都一定會支持新帥(始終坦克都算係前朝餘孽)，但係換帥係咪真係最好既決定？今季聯賽第八加足總盃係唔合格，但上季將一盤散沙帶到第三加飛機盃一隻，兩季加埋兩個冠，又值唔值得比佢留多一季去試呢？
19. 我住響曼徹斯特，工作上成日接觸到鬼佬，有時會傾開足球，當中都識到五、六個曼聯迷，但我真係從來冇從佢哋口中聽過佢哋話要炒坦克，屌球員，有，但屌坦克？好似又真係冇乜。講緊現實世界識既人，唔係網上鍵盤戰士。
20. 再講一次，唔係盲撐，十分滿分，呢一刻坦克響我心目中可能都係得六、七分，但當年同佢簽三年約既時候，正正就係希望佢用三年時間慢慢重建，既然佢頭兩季有功又有過並非一無是處既，點解唔可以試多一季？間中有流言話佢失去更衣室信任，但睇今場又好、今季幾次大戰都好，球員都好落力去踢，同前幾年渣流攤要逼走教練果陣唔同啊。比佢試下響正常球會架構下試一季，好過又推倒重來吖。
21. 呢個諗法，就算曼聯今場唔係贏咗個足總盃返黎，我都係咁諗架喇。不過我諗冇用，要曼聯啲大佬咁諗先得架嘛。姑勿論點都好，留又好炒又好，希望新高層唔好再做啲以前戇鳩既決定喇。
22. 今季收爐，我哋下季賽後評再見。
#不專業足球筆記 #足球專欄 #專欄 #我愛紅魔鬼 #英超 #足總盃
#紅魔鬼賽後評 #MNCMUN #曼聯 #曼城 #足球 #賽後評
#英超賽後評 #足總盃賽後評 #坦克
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
足總盃 曼城 1-2 曼聯 (25-5-2024)
1. 大奇蹟日！今季曼聯既表現一直都唔穩定，備受傷兵困擾，黎到呢場一樣都係，但估唔到將士用命既情況下，以二比一贏咗曼城，奪得球會史上第十三座足總盃冠軍！
2. 我一早都講，以曼聯既傷兵情況，連雙線都捱唔住，不如對上幾場聯賽(反正冇嘢好爭)做下實驗，係咁咦比啲啱啱好返既球員踩下草咪算，至少唔會增加傷兵先。不過我講既時候，其實都只係希望今場盡量增加爆冷既機會，你問我邊隊會贏，大佬，我都有自知之明，曼聯贏面有幾多，心中有數喇。
3. 今次其實情況都唔係咁好，麥佳亞依然無法復出、兩件左閘繼續全數養傷、卡斯米路賽前熱身受傷、馬文員臨開波前一日整親、馬天尼斯70分鐘因傷退下火線，連麥湯文尼最後都疑似受傷被曼治換走，呢一切一切，其實係曼聯今季既縮影，總之就好撚黑。
4. 好彩既係，呢場波成隊波都拎出咗鬥心出黎，代表曼聯最後一場上陣既華拉尼表現好好，清咗唔少波；都好彩馬天尼斯頂咗70分鐘，等形勢向曼聯靠攏既時候先傷出，亦都證明到比人睇，曼聯條防線有佢同冇佢響防守同build up上面係有幾大分別；臨危受命既安拉拔，響傳送方面就做唔到太多嘢架喇，但係響破壞性既工作上面又真係做得好唔錯，又係另一個驚喜。
5. 曼聯今季最殺食既地方其實就係反擊，唔少強隊都係響反擊之中比曼聯入波，就好似今場咁，第一球係曼城送禮既，奧迪加同法迪奧既誤會造就加拿祖輕鬆射空門，但第二球既組織真係好靚，由華舒福第一下反擊轉邊、再到加拿祖突破橫傳、般奴妙傳、文奴冷靜射入，全部都一氣呵成，真係唔知幾耐冇見過咁靚組織既波。
6. 曼城唔係冇攻勢，但曼聯今日上半場個鐵桶陣真係做得幾好，可以話係滴水不漏，上半場曼城空有控球，但真正有威脅既唔多，反而真係曼聯既反擊好銳利下，如果唔係加拿祖越咗半個身位，連福仔都已經開埋齋喇。
7. 下半場曼城換咗杜古出黎，老實講其實我覺得幾有效，但係今季表現有所回落既雲比沙卡呢個時候食咗藥咁，雖然唔算將杜古完全放咗入pocket，但係已經將佢既威脅度減到最低，好幾次一對一既對抗都可以至少剷到個波出界。
8. 下半場曼聯明顯再一步收後防線，所以反擊既機會好似更少，但係加拿祖既反擊都唔差，再一次殺入禁區但射得太正比奧迪加沒收。
9. 曼城換咗人之後多數由左面發動攻勢，其實都幾有效，令到曼聯門前風聲鶴唳，比起上半場既埋門近傍好多，仲有一次中楣添，但奧拿拿今場響失波之前都好集中精神，兩度救出獲加遠射更加係好靚。
10. 不過失波果球真係可以做好少少。首先係錯位mark人，原本杜古比雲比沙卡守到冇乜啖食，但呢下咁啱杜古推大位時係加拿祖返黎補位就比佢起到腳(不過當然唔可以怪加拿祖，佢係勤力返後，只係防守力當然冇雲比咁好)，而奧拿拿我覺得佢呢球落地慢咗，雖然撲到，但撲咗個波入網。當然杜古呢球又急勁又算有角度，但我覺得以娜娜下半季既表現，佢呢球係要救到。
11. 好彩娜娜既信心冇乜受影響，之後曼城頻煩左路傳中同角球攻勢，全部比娜娜接晒或者打走晒，呢啲都要比返credit娜娜。而最尾賀龍打反擊果球又係抵讚，後備落黎好氣好力既佢後發先至，用身位硬爆搶埋個搏到犯規，幫曼聯頂埋最後果一分鐘。
12. 呢場真係打咗場好波出黎！今次呢個足總盃之旅都算神奇，奪冠之路上試過殺退兩支宿敵利物浦同曼城(兩隊當時既狀態都係好好)，但同時都試過差啲比高雲地利連追四球爭啲收皮出局，可以話呢個冠軍真係得黎不易，見到好多球員都好激動，福仔仲喊埋出黎，睇黎佢哋都算係出咗一口污氣。
13. 坦白講，聯賽第8，一定唔合格架喇，但宏觀黎睇返，除咗賽場上面之外，仲有好多嘢影響到成績既。至少今場證明咗，就算唔係full team，但隊波比較齊腳少少既時候，佢哋係可以踢到好波。唔係瀨傷病，但超過70次獨立既受傷cases(資料由Fabrizio Romano提供)，後防配搭場場都唔同，半季連左閘都冇，前中後長期有傷兵，咁樣既情況之下，有隻足總盃落袋其實已經好好架喇。唔好話坦克搵嘢瀨，咁既傷患情況，邊個黎教曼聯都一樣架咋。
14. 講少少關於坦克，賽前突然由The Guardian既車路士專責記者Jacob Steinberg爆出黎話曼聯無論足總盃結果係點都會炒坦克，之後就越黎越多傳聞傳出黎，講到似層層咁。執筆之時仲未知坦克會唔會落鑊，但其實真係值得比多一季機會佢，佢上年係教到曼聯排第三，呢兩年入面拎咗兩個冠…仲記唔記得響佢黎之前，我哋對上一個冠軍仲係2017年既歐霸盃。
15. 公道啲講，坦克係有不足既地方，但咁多年黎經過咁多任唔同既領隊，名帥又有、名宿又有、逼搶教父又有，最後個個比班大帝玩到炒魷。再睇下坦克手上面既球員，唔係講傷病，而係講幾任唔同風格既領隊要求既唔同風格球員都有，好似大雜燴咁缺乏一致性，更加唔好講格狗咁耐以黎都冇upgrade過訓練設施同埋班獸醫係點，其實邊個做教練都好難搞架，與其搵新既少帥，不如留多佢一季喇。
16. SJR其實都睇到個問題所在，所以先會叫格狗收皮，唔好再掂足球，再大刀闊斧換高層。
17. 坦克某啲抱怨唔係冇道理，上年啲英媒讚到佢天上有天下無，但今季失準就一沉百踩。唔止，其實有啲fans都係一樣，上季坦克就救世主咁款，半場換人有效就話佢當機立斷；到今季嘞又話佢啲調動差，贏變和和變輸，但就唔睇下成個後備席都係青年軍。
18. 唔係盲撐，如果管理層最後真係決定換帥，都一定會支持新帥(始終坦克都算係前朝餘孽)，但係換帥係咪真係最好既決定？今季聯賽第八加足總盃係唔合格，但上季將一盤散沙帶到第三加飛機盃一隻，兩季加埋兩個冠，又值唔值得比佢留多一季去試呢？
19. 我住響曼徹斯特，工作上成日接觸到鬼佬，有時會傾開足球，當中都識到五、六個曼聯迷，但我真係從來冇從佢哋口中聽過佢哋話要炒坦克，屌球員，有，但屌坦克？好似又真係冇乜。講緊現實世界識既人，唔係網上鍵盤戰士。
20. 再講一次，唔係盲撐，十分滿分，呢一刻坦克響我心目中可能都係得六、七分，但當年同佢簽三年約既時候，正正就係希望佢用三年時間慢慢重建，既然佢頭兩季有功又有過並非一無是處既，點解唔可以試多一季？間中有流言話佢失去更衣室信任，但睇今場又好、今季幾次大戰都好，球員都好落力去踢，同前幾年渣流攤要逼走教練果陣唔同啊。比佢試下響正常球會架構下試一季，好過又推倒重來吖。
21. 呢個諗法，就算曼聯今場唔係贏咗個足總盃返黎，我都係咁諗架喇。不過我諗冇用，要曼聯啲大佬咁諗先得架嘛。姑勿論點都好，留又好炒又好，希望新高層唔好再做啲以前戇鳩既決定喇。
22. 今季收爐，我哋下季賽後評再見。
#不專業足球筆記 #足球專欄 #專欄 #我愛紅魔鬼 #英超 #足總盃
#紅魔鬼賽後評 #MNCMUN #曼聯 #曼城 #足球 #賽後評
#英超賽後評 #足總盃賽後評 #坦克
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊