不專業足球筆記（十八）︰深水埗爆大冷闖足總盃決賽 港會莊文歷遭北區粗暴犯規斷腳
1. 響港超交手之前，深水埗先響足總盃四強於香港仔運動場迎戰班霸理文，上星期先講過話兩隊既實力理應有一段距離，除非理文自爆如果唔係深水埗好難贏，結果深水埗就真係贏比我睇，爆咗個超級大冷門出黎。
2. 其實深水埗自從陳浩然接手之後，加上下半季增兵有效，成績比起上半季改善唔少，慢慢咁擺脫咗榜尾既位置，雖然我暫時仲係覺得養份球隊，但無可否認佢哋真係逐漸擺脫呢個級數，而家至少可以追到同港會同級數先。
3. 之前響香港仔運動場已經作客贏過冠忠南區呢支前列份子，但估唔到今場連班霸理文都可以贏埋，呢個地方都真係可以話係佢哋既福地。
4. 我既球圈朋友曾經講笑咁講話覺得理文等於自爆，呢場波都幾充份體現到呢樣嘢，出局可以話係完全咎由自取，攻不銳守不穩，個個球員都各自為政，都唔知教練曾昭達教咗啲乜出黎，上年仲踢緊荷甲正選既保利臣碌碌無為，入果球都係黃威遠射神來之筆，其他你話組織得好好既攻勢真係冇乜。而理文既後防一向為人咎病，失果兩球有深水埗球員攝緊入去，佢哋既後防好似發緊夢咁完全唔知有人黎緊，對手輕易撞入。
5. 所以話足球真係圓既，如果下星期既港超理文仲係踢到咁撚樣，又輸多次比深水埗，真係隨時將即將到手既港超冠軍推返出去。究竟理文會唔會自爆多次呢？真係拭目而待。
6. 呢場波真係好熱血，但唯一要屌既，就係足總係咪真係以為南區會贏深水埗所以將場四強賽事擺響香港仔運動場踢呢？但地點咁撚偏，最後一場足總盃四強既入場人數得455人(購票人數仲要得185人)，門券收入得港幣$9,170元，連一個球員啲人工都比唔起。
7. 至於另一支班霸傑志都唔好得去邊，佢哋面對住東方，再一次響呢一股港超青春風暴面前倒下。陳晉一踢左閘既表現，今場可以用恐怖黎形容，多次比人響左路突破，東方入既第一球，馬希偉對住呢位曾經外流既港腳好似如入無人之景咁響東方右路殺入禁區傳個地波，而收咗入中間既羅梓駿完全冇留意到後面攝入黎既巴科爾，比佢輕鬆射破保羅既十指關。
8. 上半場黃皓雋一次殺入禁區比艾里奧剷跌，我睇咗慢鏡幾次，都幾肯定艾里奧中波唔中腳，所以都幾奇怪VAR覆核完之後冇事發生。
9. 傑志當然唔係冇攻勢，但東方守得好好，反而係一次角球，傑志既米基爾跣親跌落地，個波咁啱就打中佢改變方向彈入，收死葉鴻輝。之前傑志組織既攻勢其實幾有威脅但唔入，反而咁樣狗屎撞棍追返一球，有時好波真係不如好運。不過佢哋開心都唔夠兩分鐘，東方又再憑一次反擊，由巴科爾射入再次領先。
10. 禍不單行，另一次反擊，巴科爾單刀推過保羅既時候，比保羅剷跌，呢球吹得就一定係紅牌。其實睇返，我諗接觸點都一定有，但巴科爾如果真係繼續去可能未必會跌，佢醒咗順勢一跌，咁樣破壞明顯入球機會，保羅真係死鳩梗。
11. 最後東方以二比一勝出。相比起理文，輸比東方呢股青春風暴其實唔肉酸既，但問題係傑志既陣容結構實在偏老，對弱隊既時候可以憑個人質素去取勝，但五五波既時候真係唔易踢，東方就正正證明咗呢一點。
12. 隨住傑志響足總盃出局，都意味住佢哋來季好大機會喪失亞洲賽資格，佢哋而家唔係冇機會既，關鍵就係睇下理文究竟會唔會連爆兩鑊，連續輸比深水埗兩次喇，而傑志就擊敗冠忠南區同埋響天王山之戰贏埋理文兩球以上，咁就可以憑聯賽冠軍取得亞洲賽資格嘞。
13. 連深水埗都可以贏到理文，真係never say never…
14. 星期日響港會場上演一場理應係無關痛癢既比聯賽，由港會主場對均業北區，但我諗斷估都唔會有人估到，呢場波會出現非常恐怖既一幕…
15. 場波去到第27分鐘，港會一次反擊，今季港會既好波之人莊文歷響自己後場右路帶波反攻，當佢連過兩關之際，北區既何浚皓由中場位置殺上去，鞋底向上雙腳飛剷落莊文歷右腳上面，我果陣睇緊FB專頁我撐本地波既文字直播，主持係話莊文歷隻右腳係即場被剷到變型，要即時送上醫院。
16. 後尾我撐本地波Upload咗精華，我睇呢次既犯規，真係好痴線，完全係冇必要咁樣起雙腳打側踢埋去，同啲波友傾過呢球波，大家一致覺得何浚皓係職業球員，冇理由會唔知呢腳係惡意既犯規，對手一定會受傷，最多係佢冇諗過人哋會傷得咁嚴重，佢剷完人之後仲要第一時間攤手扮無辜。
17. 莊文歷同港會有啲大老細踢業餘波唔同，佢本身今季係由澳洲前來東方試腳，之後試腳失敗而輾轉去到港會展開港超生涯，我唔肯定佢有冇副業，但至少由我搵返黎既資料睇，佢係一個全職既外援球員，今次呢個傷好嚴重，真係收山腳黎，完全有機會係令佢唔可以繼續職業生涯。睇最新消息，佢做完手術之後最少都要抖返半年，仲要唔知有冇後遺症。
18. 根據佢既隊友劉學銘表示，莊文歷雖然右腳有兩條骨斷咗，但不幸中之大幸係冇碎骨。其實我唔知北區啲職球員點諗，但唔理有心定冇心都好，至少何浚皓係咪應該向莊文歷公開道歉呢？北區個page淨係話祝莊文歷早日康復，真係打句嘢就算數。我退一萬步首先假設你係冇心，但真係你哋既何浚皓整傷人哋，呢啲收山腳真係隨時令人哋冇辦法繼續職業生涯，道個歉好難？
19. 場波最後港會以一比零小勝大部份時間十人應戰既北區，但老實講，去到有咁嚴重既受傷出現，個比數係點已經唔再重要，響度希望莊文歷早日康復。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #四強 #足總盃四強
#傑志 #理文 #均業北區 #東方 #港會 #莊文歷
#深水埗 #何浚皓 #港超聯 #斷腳 #早日康復 #足總盃
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 響港超交手之前，深水埗先響足總盃四強於香港仔運動場迎戰班霸理文，上星期先講過話兩隊既實力理應有一段距離，除非理文自爆如果唔係深水埗好難贏，結果深水埗就真係贏比我睇，爆咗個超級大冷門出黎。
2. 其實深水埗自從陳浩然接手之後，加上下半季增兵有效，成績比起上半季改善唔少，慢慢咁擺脫咗榜尾既位置，雖然我暫時仲係覺得養份球隊，但無可否認佢哋真係逐漸擺脫呢個級數，而家至少可以追到同港會同級數先。
3. 之前響香港仔運動場已經作客贏過冠忠南區呢支前列份子，但估唔到今場連班霸理文都可以贏埋，呢個地方都真係可以話係佢哋既福地。
4. 我既球圈朋友曾經講笑咁講話覺得理文等於自爆，呢場波都幾充份體現到呢樣嘢，出局可以話係完全咎由自取，攻不銳守不穩，個個球員都各自為政，都唔知教練曾昭達教咗啲乜出黎，上年仲踢緊荷甲正選既保利臣碌碌無為，入果球都係黃威遠射神來之筆，其他你話組織得好好既攻勢真係冇乜。而理文既後防一向為人咎病，失果兩球有深水埗球員攝緊入去，佢哋既後防好似發緊夢咁完全唔知有人黎緊，對手輕易撞入。
5. 所以話足球真係圓既，如果下星期既港超理文仲係踢到咁撚樣，又輸多次比深水埗，真係隨時將即將到手既港超冠軍推返出去。究竟理文會唔會自爆多次呢？真係拭目而待。
6. 呢場波真係好熱血，但唯一要屌既，就係足總係咪真係以為南區會贏深水埗所以將場四強賽事擺響香港仔運動場踢呢？但地點咁撚偏，最後一場足總盃四強既入場人數得455人(購票人數仲要得185人)，門券收入得港幣$9,170元，連一個球員啲人工都比唔起。
7. 至於另一支班霸傑志都唔好得去邊，佢哋面對住東方，再一次響呢一股港超青春風暴面前倒下。陳晉一踢左閘既表現，今場可以用恐怖黎形容，多次比人響左路突破，東方入既第一球，馬希偉對住呢位曾經外流既港腳好似如入無人之景咁響東方右路殺入禁區傳個地波，而收咗入中間既羅梓駿完全冇留意到後面攝入黎既巴科爾，比佢輕鬆射破保羅既十指關。
8. 上半場黃皓雋一次殺入禁區比艾里奧剷跌，我睇咗慢鏡幾次，都幾肯定艾里奧中波唔中腳，所以都幾奇怪VAR覆核完之後冇事發生。
9. 傑志當然唔係冇攻勢，但東方守得好好，反而係一次角球，傑志既米基爾跣親跌落地，個波咁啱就打中佢改變方向彈入，收死葉鴻輝。之前傑志組織既攻勢其實幾有威脅但唔入，反而咁樣狗屎撞棍追返一球，有時好波真係不如好運。不過佢哋開心都唔夠兩分鐘，東方又再憑一次反擊，由巴科爾射入再次領先。
10. 禍不單行，另一次反擊，巴科爾單刀推過保羅既時候，比保羅剷跌，呢球吹得就一定係紅牌。其實睇返，我諗接觸點都一定有，但巴科爾如果真係繼續去可能未必會跌，佢醒咗順勢一跌，咁樣破壞明顯入球機會，保羅真係死鳩梗。
11. 最後東方以二比一勝出。相比起理文，輸比東方呢股青春風暴其實唔肉酸既，但問題係傑志既陣容結構實在偏老，對弱隊既時候可以憑個人質素去取勝，但五五波既時候真係唔易踢，東方就正正證明咗呢一點。
12. 隨住傑志響足總盃出局，都意味住佢哋來季好大機會喪失亞洲賽資格，佢哋而家唔係冇機會既，關鍵就係睇下理文究竟會唔會連爆兩鑊，連續輸比深水埗兩次喇，而傑志就擊敗冠忠南區同埋響天王山之戰贏埋理文兩球以上，咁就可以憑聯賽冠軍取得亞洲賽資格嘞。
13. 連深水埗都可以贏到理文，真係never say never…
14. 星期日響港會場上演一場理應係無關痛癢既比聯賽，由港會主場對均業北區，但我諗斷估都唔會有人估到，呢場波會出現非常恐怖既一幕…
15. 場波去到第27分鐘，港會一次反擊，今季港會既好波之人莊文歷響自己後場右路帶波反攻，當佢連過兩關之際，北區既何浚皓由中場位置殺上去，鞋底向上雙腳飛剷落莊文歷右腳上面，我果陣睇緊FB專頁我撐本地波既文字直播，主持係話莊文歷隻右腳係即場被剷到變型，要即時送上醫院。
16. 後尾我撐本地波Upload咗精華，我睇呢次既犯規，真係好痴線，完全係冇必要咁樣起雙腳打側踢埋去，同啲波友傾過呢球波，大家一致覺得何浚皓係職業球員，冇理由會唔知呢腳係惡意既犯規，對手一定會受傷，最多係佢冇諗過人哋會傷得咁嚴重，佢剷完人之後仲要第一時間攤手扮無辜。
17. 莊文歷同港會有啲大老細踢業餘波唔同，佢本身今季係由澳洲前來東方試腳，之後試腳失敗而輾轉去到港會展開港超生涯，我唔肯定佢有冇副業，但至少由我搵返黎既資料睇，佢係一個全職既外援球員，今次呢個傷好嚴重，真係收山腳黎，完全有機會係令佢唔可以繼續職業生涯。睇最新消息，佢做完手術之後最少都要抖返半年，仲要唔知有冇後遺症。
18. 根據佢既隊友劉學銘表示，莊文歷雖然右腳有兩條骨斷咗，但不幸中之大幸係冇碎骨。其實我唔知北區啲職球員點諗，但唔理有心定冇心都好，至少何浚皓係咪應該向莊文歷公開道歉呢？北區個page淨係話祝莊文歷早日康復，真係打句嘢就算數。我退一萬步首先假設你係冇心，但真係你哋既何浚皓整傷人哋，呢啲收山腳真係隨時令人哋冇辦法繼續職業生涯，道個歉好難？
19. 場波最後港會以一比零小勝大部份時間十人應戰既北區，但老實講，去到有咁嚴重既受傷出現，個比數係點已經唔再重要，響度希望莊文歷早日康復。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #四強 #足總盃四強
#傑志 #理文 #均業北區 #東方 #港會 #莊文歷
#深水埗 #何浚皓 #港超聯 #斷腳 #早日康復 #足總盃
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊