紅魔鬼賽後評
英超 般尼茅夫 2-2 曼聯 (13-4-2024)
1. 正當紐卡素大炒熱刺四粒既時候，我已經諗緊通常響呢啲時候今季既曼聯就會失分，最後果然如我所料，曼聯仲要係響帶有少許運氣既情況之下，曼聯憑住一個都幾有爭議性既十二碼，由般奴梅開二度先肉肉酸酸咁逼和般尼茅夫。
2. 同對利物浦同埋車路士唔同，呢兩場(尤其是對車路士果場)，我會覺得失分真係有啲唔抵，但呢場又好、對賓福特果場又好，踢到咁撚樣都有分，其實都頗有啲神蹟既味道。
3. 今季對中下遊球隊既時候，我都諗唔到有邊場既劇本唔一樣，場場都係咁比啲中下遊球隊壓返轉頭，第二點永遠冇人爭得贏、中場同後防有好多個真空區域任人舞。好彩既，人哋把握力差自己又好彩入到波，唔好彩既失波先已經差唔多等於果場會失分。
4. 上場對利物浦踢得好出色既青年軍甘比華拉，今場波比人重點攻擊，輸既兩球波都係關佢事。第一球加拿祖跣鳩佢，控咗個波比對面塞個靚直線，不過佢自己跣底咗等人哋空晒任射都係事實；至於第二球其實唔止佢，成條右路都有責任，但始終佢第二球拍得唔夠埋，比古華特有空位起腳，咁近其實都好難唔入。
5. 不過老實講，響冇晒中堅既情況之下臨危受命，我都冇得點責怪佢，後生仔，係要交下學費既。坦白講，呢場佢係打得好差下，最尾果下又係佢犯規搞到差啲十二碼，但後生仔表現有起伏係好正常，希望呢場唔好打沉佢，黎緊幾場比賽，曼聯啲中堅繼續養傷，佢都係要繼續出場，之後再比心機喇。
6. 賀龍傷愈復出之後暫時仲未有入波，未能延續受傷前既勇態，但我覺得其實歸根究底，入唔到波佢其實唔係最大既問題，最大既問題又係返上半季果個問題到︰供應。屌你，波都傳唔到比佢，自己將佢完全孤立，真係玩死佢咩，你當佢係巔峰時期既朗拿度？可以好似外星人咁一扭十？
7. 事實上除咗對利物浦果場之外，佢出場做支點既效果其實唔差，好多時第一點都搶到，但之後問題又黎嘞，曼聯近幾場啲第二點，有邊下係拎到既？最印象深刻係上半場尾段，賀龍拎到波，但完全冇隊友現位幫手，最後佢比三個般茅球員逼到將個波回後，就咁浪費咗一個組織機會。
8. 卡斯米路又係另一個問題，作為上季既大腿，佢今季狀態奇差無比，但曼聯後備席上除咗安拉拔係正宗既防守中場之外就冇其他人。文奴係唔錯，但佢唔係正宗防中，如果冇一個正宗既防中響旁逗住佢，曼聯中場本已經薄弱既防守力會再大減…
9. 上半場維拉針對住曼聯右路既攻勢非常有效，逼到坦克都要變陣，將戴亞路換上場，而此舉真係令到曼聯右路防守既時候冇咁辛苦。但係我覺得雖然加拿祖係上半場犯大錯果個，不過都係全靠佢右路突破既傳中，般奴先可以追返平手，如果比我換既，我會將華舒福換走，加拿祖打左翼，睇下會唔會有用，始終福仔既狀態都幾差下，去到呢個時候係咪仲要迷信名牌呢？
10. 下半場既表現係稍有改善，但追返球波之後，又開始比般茅完全主導比賽。
11. 講返球十二碼，好老實，我覺得唔係十二碼黎，史密夫雙手並冇唔自然咁伸出黎。只能夠講，十二碼呢啲嘢，曼聯上兩場都試過受害(尤其是車路士果場)，英超啲垃圾球證，真係睇你好唔好彩。
12. 甘比華拉果球吹完十二碼，之後VAR睇返原來係界外犯規，呢下慢鏡睇返都冇乜爭議。
13. 都冇其他嘢好講喇，冇期望冇失望，撇除傷兵唔講，踢咗成季，都仲係唔知踢緊啲乜…
14. 其實作為曼迷，而家都淨係關心下足總盃算，最驚係自己鳩得滯，連高雲地利都過唔到…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #BOUMUN #曼聯 #般尼茅夫 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
英超 般尼茅夫 2-2 曼聯 (13-4-2024)
1. 正當紐卡素大炒熱刺四粒既時候，我已經諗緊通常響呢啲時候今季既曼聯就會失分，最後果然如我所料，曼聯仲要係響帶有少許運氣既情況之下，曼聯憑住一個都幾有爭議性既十二碼，由般奴梅開二度先肉肉酸酸咁逼和般尼茅夫。
2. 同對利物浦同埋車路士唔同，呢兩場(尤其是對車路士果場)，我會覺得失分真係有啲唔抵，但呢場又好、對賓福特果場又好，踢到咁撚樣都有分，其實都頗有啲神蹟既味道。
3. 今季對中下遊球隊既時候，我都諗唔到有邊場既劇本唔一樣，場場都係咁比啲中下遊球隊壓返轉頭，第二點永遠冇人爭得贏、中場同後防有好多個真空區域任人舞。好彩既，人哋把握力差自己又好彩入到波，唔好彩既失波先已經差唔多等於果場會失分。
4. 上場對利物浦踢得好出色既青年軍甘比華拉，今場波比人重點攻擊，輸既兩球波都係關佢事。第一球加拿祖跣鳩佢，控咗個波比對面塞個靚直線，不過佢自己跣底咗等人哋空晒任射都係事實；至於第二球其實唔止佢，成條右路都有責任，但始終佢第二球拍得唔夠埋，比古華特有空位起腳，咁近其實都好難唔入。
5. 不過老實講，響冇晒中堅既情況之下臨危受命，我都冇得點責怪佢，後生仔，係要交下學費既。坦白講，呢場佢係打得好差下，最尾果下又係佢犯規搞到差啲十二碼，但後生仔表現有起伏係好正常，希望呢場唔好打沉佢，黎緊幾場比賽，曼聯啲中堅繼續養傷，佢都係要繼續出場，之後再比心機喇。
6. 賀龍傷愈復出之後暫時仲未有入波，未能延續受傷前既勇態，但我覺得其實歸根究底，入唔到波佢其實唔係最大既問題，最大既問題又係返上半季果個問題到︰供應。屌你，波都傳唔到比佢，自己將佢完全孤立，真係玩死佢咩，你當佢係巔峰時期既朗拿度？可以好似外星人咁一扭十？
7. 事實上除咗對利物浦果場之外，佢出場做支點既效果其實唔差，好多時第一點都搶到，但之後問題又黎嘞，曼聯近幾場啲第二點，有邊下係拎到既？最印象深刻係上半場尾段，賀龍拎到波，但完全冇隊友現位幫手，最後佢比三個般茅球員逼到將個波回後，就咁浪費咗一個組織機會。
8. 卡斯米路又係另一個問題，作為上季既大腿，佢今季狀態奇差無比，但曼聯後備席上除咗安拉拔係正宗既防守中場之外就冇其他人。文奴係唔錯，但佢唔係正宗防中，如果冇一個正宗既防中響旁逗住佢，曼聯中場本已經薄弱既防守力會再大減…
9. 上半場維拉針對住曼聯右路既攻勢非常有效，逼到坦克都要變陣，將戴亞路換上場，而此舉真係令到曼聯右路防守既時候冇咁辛苦。但係我覺得雖然加拿祖係上半場犯大錯果個，不過都係全靠佢右路突破既傳中，般奴先可以追返平手，如果比我換既，我會將華舒福換走，加拿祖打左翼，睇下會唔會有用，始終福仔既狀態都幾差下，去到呢個時候係咪仲要迷信名牌呢？
10. 下半場既表現係稍有改善，但追返球波之後，又開始比般茅完全主導比賽。
11. 講返球十二碼，好老實，我覺得唔係十二碼黎，史密夫雙手並冇唔自然咁伸出黎。只能夠講，十二碼呢啲嘢，曼聯上兩場都試過受害(尤其是車路士果場)，英超啲垃圾球證，真係睇你好唔好彩。
12. 甘比華拉果球吹完十二碼，之後VAR睇返原來係界外犯規，呢下慢鏡睇返都冇乜爭議。
13. 都冇其他嘢好講喇，冇期望冇失望，撇除傷兵唔講，踢咗成季，都仲係唔知踢緊啲乜…
14. 其實作為曼迷，而家都淨係關心下足總盃算，最驚係自己鳩得滯，連高雲地利都過唔到…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #BOUMUN #曼聯 #般尼茅夫 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊