不專業足球筆記（十二）
1. 今個星期效力中超滄州雄獅既外流港腳孫銘謙繼續擔正，佢哋主場迎戰成都蓉城，佢響62分鐘已經有球遠射中楣，去到83分鐘，仲要一個長傳搵到隊友射入全場唯一入球擊敗對手，認真威水。
2. 響facebook睇咗一啲港隊page所剪輯既孫銘精華，睇落佢經過亞洲盃同亞運既洗禮，已經變得比較容易就適應到中超既強度。
3. 當然，我冇睇晒全場，亦唔係話初登大舞台既孫銘真係憑兩場波就證明自己可以響中超立足，但兩場波都可以踢足九十分鐘，仲送出咗一個助攻，對孫銘黎講一定係一個好好既開始。
4. 相比之下，安永佳效力既深圳新鵬城就主場吞咗天津津門虎4隻光蛋，佢後備出場，似乎冇乜建樹。呢場波冇乜嘢媒體報道，所以我都唔知安永佳踢成點，但至少可以連續兩場響中超上陣，對於啱啱踏入中超舞台既佢，都已經算唔錯架喇。
5. 至於周緣德就冇咁好彩，畢竟佢係壓哨加盟河南酒祖杜康，都冇乜時間集訓，所以佢自己都話冇得出場係沮喪但接受，會保持耐性咁話。
6. 結果佢哋同有茹子楠正選披甲上陣既梅州客家踢成2比2平手，佢最大既得著可能就係同茹子楠影咗幅靚相…
7. 至於另一位北上新兵，加盟咗中甲南京城、從未入選過大港腳既杜國樑有個唔錯既開始，響球隊中甲第一輪比賽，佢出任球隊正選既中堅，協助球隊以1比0小勝上海嘉定匯龍，而佢賽後都顯得非常興奮，響社交媒體度分享自己有得出場兼贏波係有幾開心。
8. 關於杜國樑，其實我覺得呢位後生仔響上季港會踢得唔錯，反而今季過咗檔去香港U23之後，表現稍為有啲失色，始終香港U23一個外援都冇，又係以年青球員為主，成立到而家都仲未響聯賽拎到過一場勝仗，佢都係一個後生仔黎，咁踢法對佢既信心未必係一件好事，而家有得北上其實幾好吖，磨練下，話唔定有朝一日可以入到大港腳。
9. 外流既當然唔止男子隊既成員，仲有女足球員、效力緊頌恩公民女子隊既郭靖雯都成為港足外流軍團既一份子，仲要係遠飛到西班牙既西乙華歷簡奴添，認真把炮。呢位香港、巴西既混血兒曾經多次入選香港女子隊，同時都係一個健美運動選手、體能教練等等，佢話其實呢個機會都好突然，要佢放低晒而家響香港手頭上面既工作都唔係易，但佢一諗到可以做職業球員，為咗唔好令自己後悔，就決定放心一搏，唔需花好多時間就決定應承。
10. 繼續講香港足球既消息，響慘吞冠忠南區四蛋之後，原來標準流浪已經五連敗，響聯賽榜已經跌至第6名。唔駛估都知，總監李輝立先生一定嬲到震，但事實係幾位上季好可靠既韓國外援後衛馬相訓同埋朴鍾範都走咗，而響流浪重獲新生既李毅凱都離咗隊，基藍馬就算唔退役表現都係唔穩定，林遼太受傷，連梁興傑都走埋，教練團角色換黎換去，換到我都唔敢肯定邊個先係擔正既教練，新簽返黎既球員又未磨合完成，戰績未如理想好正常。
11. 不過無論點都好，流浪既實力明顯係響兩隊區隊北區同深水埗之上，響聯賽輸比呢兩隊，再比同level既對手南區炒鑊金，老老豆豆點都講唔過去。
12. 仲有就係39歲既盧均宜響呢場比人炒四粒之後，都透露會響今季完結之後退休，明言想幫流浪捧走菁英盃冠軍，用黎幫自己既職業生涯畫上完美既句號。
13. 我都希望成真既，上年流浪可以響足總盃殺入決賽，可惜比傑志屠殺七個一皮，如果今季流浪可以捧走菁英盃，都算係有所交待嘞。
14. 歐洲波方面，阿仙奴事隔14年再度打入八強，對住既係拜仁慕尼黑，當年阿仙奴好似就成日響十六強抽中對拜仁被踢出局，今次抽返中拜仁，趁住今季勢頭咁好而對手近況一般既情況，又睇下可唔可以復仇成功？
15. 另一場最矚目既大戰，就梗係皇家馬德里火併上季歐聯冠軍曼城，仲有麥總走之前既巴黎聖日耳門硬撼巴塞隆拿。
16. 下次再傾。
更多專欄內容︰ https://vocus.cc/salon/leafopenleafopen
#不專業足球筆記 #專欄 #足球專欄
#香港隊 #安永佳 #周緣德 #孫銘謙 #杜國樑 #郭靖雯 #港超聯
#標準流浪 #流浪 #冠忠南區 #曼城 #皇家馬德里 #盧均宜 #退役
#阿仙奴 #拜仁慕尼黑
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 今個星期效力中超滄州雄獅既外流港腳孫銘謙繼續擔正，佢哋主場迎戰成都蓉城，佢響62分鐘已經有球遠射中楣，去到83分鐘，仲要一個長傳搵到隊友射入全場唯一入球擊敗對手，認真威水。
2. 響facebook睇咗一啲港隊page所剪輯既孫銘精華，睇落佢經過亞洲盃同亞運既洗禮，已經變得比較容易就適應到中超既強度。
3. 當然，我冇睇晒全場，亦唔係話初登大舞台既孫銘真係憑兩場波就證明自己可以響中超立足，但兩場波都可以踢足九十分鐘，仲送出咗一個助攻，對孫銘黎講一定係一個好好既開始。
4. 相比之下，安永佳效力既深圳新鵬城就主場吞咗天津津門虎4隻光蛋，佢後備出場，似乎冇乜建樹。呢場波冇乜嘢媒體報道，所以我都唔知安永佳踢成點，但至少可以連續兩場響中超上陣，對於啱啱踏入中超舞台既佢，都已經算唔錯架喇。
5. 至於周緣德就冇咁好彩，畢竟佢係壓哨加盟河南酒祖杜康，都冇乜時間集訓，所以佢自己都話冇得出場係沮喪但接受，會保持耐性咁話。
6. 結果佢哋同有茹子楠正選披甲上陣既梅州客家踢成2比2平手，佢最大既得著可能就係同茹子楠影咗幅靚相…
7. 至於另一位北上新兵，加盟咗中甲南京城、從未入選過大港腳既杜國樑有個唔錯既開始，響球隊中甲第一輪比賽，佢出任球隊正選既中堅，協助球隊以1比0小勝上海嘉定匯龍，而佢賽後都顯得非常興奮，響社交媒體度分享自己有得出場兼贏波係有幾開心。
8. 關於杜國樑，其實我覺得呢位後生仔響上季港會踢得唔錯，反而今季過咗檔去香港U23之後，表現稍為有啲失色，始終香港U23一個外援都冇，又係以年青球員為主，成立到而家都仲未響聯賽拎到過一場勝仗，佢都係一個後生仔黎，咁踢法對佢既信心未必係一件好事，而家有得北上其實幾好吖，磨練下，話唔定有朝一日可以入到大港腳。
9. 外流既當然唔止男子隊既成員，仲有女足球員、效力緊頌恩公民女子隊既郭靖雯都成為港足外流軍團既一份子，仲要係遠飛到西班牙既西乙華歷簡奴添，認真把炮。呢位香港、巴西既混血兒曾經多次入選香港女子隊，同時都係一個健美運動選手、體能教練等等，佢話其實呢個機會都好突然，要佢放低晒而家響香港手頭上面既工作都唔係易，但佢一諗到可以做職業球員，為咗唔好令自己後悔，就決定放心一搏，唔需花好多時間就決定應承。
10. 繼續講香港足球既消息，響慘吞冠忠南區四蛋之後，原來標準流浪已經五連敗，響聯賽榜已經跌至第6名。唔駛估都知，總監李輝立先生一定嬲到震，但事實係幾位上季好可靠既韓國外援後衛馬相訓同埋朴鍾範都走咗，而響流浪重獲新生既李毅凱都離咗隊，基藍馬就算唔退役表現都係唔穩定，林遼太受傷，連梁興傑都走埋，教練團角色換黎換去，換到我都唔敢肯定邊個先係擔正既教練，新簽返黎既球員又未磨合完成，戰績未如理想好正常。
11. 不過無論點都好，流浪既實力明顯係響兩隊區隊北區同深水埗之上，響聯賽輸比呢兩隊，再比同level既對手南區炒鑊金，老老豆豆點都講唔過去。
12. 仲有就係39歲既盧均宜響呢場比人炒四粒之後，都透露會響今季完結之後退休，明言想幫流浪捧走菁英盃冠軍，用黎幫自己既職業生涯畫上完美既句號。
13. 我都希望成真既，上年流浪可以響足總盃殺入決賽，可惜比傑志屠殺七個一皮，如果今季流浪可以捧走菁英盃，都算係有所交待嘞。
14. 歐洲波方面，阿仙奴事隔14年再度打入八強，對住既係拜仁慕尼黑，當年阿仙奴好似就成日響十六強抽中對拜仁被踢出局，今次抽返中拜仁，趁住今季勢頭咁好而對手近況一般既情況，又睇下可唔可以復仇成功？
15. 另一場最矚目既大戰，就梗係皇家馬德里火併上季歐聯冠軍曼城，仲有麥總走之前既巴黎聖日耳門硬撼巴塞隆拿。
16. 下次再傾。
更多專欄內容︰ https://vocus.cc/salon/leafopenleafopen
#不專業足球筆記 #專欄 #足球專欄
#香港隊 #安永佳 #周緣德 #孫銘謙 #杜國樑 #郭靖雯 #港超聯
#標準流浪 #流浪 #冠忠南區 #曼城 #皇家馬德里 #盧均宜 #退役
#阿仙奴 #拜仁慕尼黑
廣告時間 -
ig: leafopen3instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊