紅魔鬼賽後評
英超 曼城 3-1 曼聯 (3-3-2024)
1. 上一篇賽後評講過，今場波對曼城，我希望輸少當贏，而去到開波之前一刻，我呢個諗法都冇變過。
2. 所以去到最尾，曼聯雖然一度領先一球，但最後倒輸三比一，其實我作為曼迷其實可以接受，不過最後果球輸得太過戇鳩喇，如果輸二比一，我個心會舒服啲。
3. 正如賽前記者會坦克所言，佢真係冇吹水，真係一個傷兵都冇辦法復出，咁樣既情況之下作客只有格利殊受傷、近乎夫添既曼城，真係凶多吉少。開賽既時候見到曼聯個防線性感到，達洛治、華拉尼、伊雲斯、連迪路夫，真係sex到有啲扯扯地。
4. 不過意外地，呢條防線個表現都叫幾唔錯，雖然失第一球係連迪路夫明顯被科頓技術性擊到、第二球就係係華拉尼同卡斯米路兩個人既速度都明顯比科頓比下去，呢度下面再講多少少。
5. 開局之後一如意料之內，曼聯防線受壓得好緊要，但係8分鐘既一次反擊，由奧拿拿開出一個好靚既龍門球，般奴set返比後上既華舒福，佢真係有啲神來之筆咁射咗一個好靚既世界波，射中楣頂彈入，我諗你真係叫福仔射多次都未必有咁靚，總之曼聯意外地領先一比零。
6. 之後曼城總體黎講，仍然係叫做掌控住全局，但好似都有少少因為失波先而亂咗陣腳，福仔浪費咗幾次可以單刀既機會，唔係控得唔好，就係比人食身位搶埋波，其實以佢既速度，控好少少推前同人鬥跑人哋基本上好難贏，但佢自己控得唔好，怪得邊個？佢仲有一球近門接應斜線長傳近門射空氣，其實呢個係難射，但咁樣踢空氣仲肉酸過上場對森林戴亞路近門踢到撻晒Q果球。
7. 不過整體黎講，福仔算係曼聯陣中最有威脅果個球員。坦克今場叫返福仔打返左翼，又間中會同加拿祖左右換位，然後將麥湯文尼擺響中鋒位(但佢都會跑上跑落做防守逼搶)，效果比起之前兩場用福仔打中鋒好得多。其實講堅架，與其擺福仔響中鋒位隱形，不如當麥湯係當年既費蘭尼咁用喇，然後左福右加，總好過用科臣、安東尼打右翼先，唔係話後兩者廢，而係連勝火力最猛期間就係呢個組合，點都要撐到賀龍返出黎先得架。
8. 曼城呢面當然都有好多驚險鏡頭，科頓既單刀先比奧拿拿撲出、洛迪高禁區內一個幾有角度既射門比奧拿拿橫身飛撲救出，最離譜係夏蘭特臨完上半場果高空門逗高(屌你果下真係我阿嫲射都可能入)，更加唔好話數之不盡唔中框既射門、頭鎚攻門。
9. 下半場出返黎，形勢都係繼續一面倒。而全場最具爭議既判決出現響56分鐘，當時福仔接應斜傳成單刀之勢既時候比獲加撞跌，而慢鏡睇到雙手係有動作有接觸，而福仔亦到順勢倒下，但係球證並冇吹罰，而曼城亦都憑呢次截波後既攻勢，由科頓射個世界波回敬曼聯，追成一比一平手。呢球連迪路夫可以話真係跟唔到科頓，但以冰人既質素黎講，我覺得佢已經盡咗力，冇得怪佢。
10. 究竟呢球波有冇犯規呢？我自己有幾個朋友既WhatsApp group，有啲係純曼、有啲係乜都有，其實都真係有啲爭議性，甚至有啲非曼迷既朋友覺得係應該吹罰(或者係因為曼聯贏波對佢哋捧既球隊有利，哈哈)，但如果純粹係我自己呢條鳩佬既個人睇法，其實我覺得呢下雖然有輕微碰撞，獲加手部有動作，但福仔實在跌得太易，佢個勢真係太過借力跌，其實如果佢當時冇諗住跌而係一口氣衝前既話，效果可能會仲好，更加唔會輸反擊。
11. 對於呢球，我係覺得吹可以，但唔吹都冇得怨，畢竟你擺出黎既姿勢真係有啲純粹想搏犯規既嫌疑(OKOK，我知係廢話，我只係想表達我個人對呢球都冇乜好投訴啫…)。不過點都好，呢球其實可以話係成場波既轉捩點，為本身控制住戰局但攻咗成個半場都攻唔入既曼城打咗枝強心針。
12. 曼聯之後再受打擊，福仔同埋今場表現穩健既伊雲伯先後因為受傷而被調離場。其實我最初都唔知佢哋受傷，仲諗緊福仔雖然唔係表現得最好，浪費咗幾次機會，但佢既速度係曼聯反擊最勁既武器，搵安東尼入替佢係咩玩法，係賽後記者會被問及時坦克先透露兩個人都受咗傷要離場，原來福仔更加係響比賽之前已經傷咗，只係因為冇人用所以佢焗住要踢。
13. 話時話，係咪真係有人響卡靈頓佈咗個風水陣…我印象中除咗馬天尼斯係比人踢傷之外，其他好似都係唔知點解突然自己練波、比賽拉親…馬拉西亞先誇張，開季前已經傷到而家…做過兩次手術，唔講以為佢隻腳粉碎性骨折…
14. 其實換走埋福仔之後，曼聯再入波既機會已經好微，加拿祖始終太嫰，加上對手控制住戰局，呢場波既表現唔算太好，反擊時決定都麻麻。不過佢有球單刀比艾達臣出迎連人帶波咁剷走咗，而呢下又要VAR覆檢，最後又係武士。不過坦白講吖，我係見過以前連人帶波咁剷中係會比十二碼，所以如果呢球比十二碼我都唔驚奇，不過又係果句，呢個VAR結果我都冇乜好complain。
15. 呢個時候我都現實啲希望執得走一分已經要還神，點知都係守失…華拉尼同卡斯米路今場防守工作其實做得唔錯，但呢球對手一個組織，科頓前插，兩個人都追唔到，無可否認雖然佢哋兩個都仲可以算係頂級球員，不過呢球頗有種廉頗老矣，或者係長江後浪推前浪既感覺。
16. 跟住其實都唔駛睇了，唯一睇頭係睇下除咗加拿祖同埋文奴以外果兩個青年軍踢成點。Kambwala甘比華拉今季已經響英超出過兩次場，其中對韋斯咸更係因為中堅傷到冇人用而正選出場。今場成隊一齊龜縮響後場玩鐵血防守，佢客串右閘既表現我覺得都叫唔錯，至少冇比人喪爆或者弱點進攻先。至於另一個後生仔科臣…坦克讚過佢係曼聯復興既其中一隻重要棋子，但暫時我真係見唔到佢有任何過人之處。當年福仔、加拿祖、文奴甚至係麥湯佢哋出到黎既時候，都比人一種眼前一亮既感覺，但暫時加埋之前既比賽我真係仲未見到科臣有咩過人之處，勉強叫做足總盃對Newport果陣單刀唔入間接比賀龍執雞成功。就算係狼隊文奴球入波，佢傳完粒波之後其實最主要都係全靠文奴自己扭扭扭再射入。不過有啲嘢睇長少少，希望佢之後踢好啲，摑我兩巴喇，我唔介意架，求你快啲黎鞭打本王喇。
17. 最尾果球，雖然話卡斯米路如果傳比連迪路夫會好啲(甚至我覺得佢既責任大啲添)，但安拉拔呢下又真係麻麻地，好似冇預過會有人打佢荷包咁。不過算喇，二比一同三比一都冇乜分別，因為最慘既係落後之後應該反擊既曼聯，真係一腳似樣既攻勢都做唔到出黎。
18. 不過縱觀全場，我其實收貨架喇，我好清楚現實係點既，而家既曼聯就算夫添都未必贏到曼城，更加唔好話天殘地缺陣容相比之下起碼同曼城爭三班波，只係最尾果球咁戇鳩輸得有啲冤枉，以佢哋今日既防守黎講，比對手用個人能力同靚組織入兩球冇計，但係第三球真係輸得有啲肉酸。
19. 前四唔再望喇，希望踢得好好睇睇(尤其是傷兵復出之後，如果佢哋真係得出到…)，盡量贏多啲波喇。
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MCIMUN #曼聯 #曼城 #足球 #賽後評
#英超賽後評
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
英超 曼城 3-1 曼聯 (3-3-2024)
1. 上一篇賽後評講過，今場波對曼城，我希望輸少當贏，而去到開波之前一刻，我呢個諗法都冇變過。
2. 所以去到最尾，曼聯雖然一度領先一球，但最後倒輸三比一，其實我作為曼迷其實可以接受，不過最後果球輸得太過戇鳩喇，如果輸二比一，我個心會舒服啲。
3. 正如賽前記者會坦克所言，佢真係冇吹水，真係一個傷兵都冇辦法復出，咁樣既情況之下作客只有格利殊受傷、近乎夫添既曼城，真係凶多吉少。開賽既時候見到曼聯個防線性感到，達洛治、華拉尼、伊雲斯、連迪路夫，真係sex到有啲扯扯地。
4. 不過意外地，呢條防線個表現都叫幾唔錯，雖然失第一球係連迪路夫明顯被科頓技術性擊到、第二球就係係華拉尼同卡斯米路兩個人既速度都明顯比科頓比下去，呢度下面再講多少少。
5. 開局之後一如意料之內，曼聯防線受壓得好緊要，但係8分鐘既一次反擊，由奧拿拿開出一個好靚既龍門球，般奴set返比後上既華舒福，佢真係有啲神來之筆咁射咗一個好靚既世界波，射中楣頂彈入，我諗你真係叫福仔射多次都未必有咁靚，總之曼聯意外地領先一比零。
6. 之後曼城總體黎講，仍然係叫做掌控住全局，但好似都有少少因為失波先而亂咗陣腳，福仔浪費咗幾次可以單刀既機會，唔係控得唔好，就係比人食身位搶埋波，其實以佢既速度，控好少少推前同人鬥跑人哋基本上好難贏，但佢自己控得唔好，怪得邊個？佢仲有一球近門接應斜線長傳近門射空氣，其實呢個係難射，但咁樣踢空氣仲肉酸過上場對森林戴亞路近門踢到撻晒Q果球。
7. 不過整體黎講，福仔算係曼聯陣中最有威脅果個球員。坦克今場叫返福仔打返左翼，又間中會同加拿祖左右換位，然後將麥湯文尼擺響中鋒位(但佢都會跑上跑落做防守逼搶)，效果比起之前兩場用福仔打中鋒好得多。其實講堅架，與其擺福仔響中鋒位隱形，不如當麥湯係當年既費蘭尼咁用喇，然後左福右加，總好過用科臣、安東尼打右翼先，唔係話後兩者廢，而係連勝火力最猛期間就係呢個組合，點都要撐到賀龍返出黎先得架。
8. 曼城呢面當然都有好多驚險鏡頭，科頓既單刀先比奧拿拿撲出、洛迪高禁區內一個幾有角度既射門比奧拿拿橫身飛撲救出，最離譜係夏蘭特臨完上半場果高空門逗高(屌你果下真係我阿嫲射都可能入)，更加唔好話數之不盡唔中框既射門、頭鎚攻門。
9. 下半場出返黎，形勢都係繼續一面倒。而全場最具爭議既判決出現響56分鐘，當時福仔接應斜傳成單刀之勢既時候比獲加撞跌，而慢鏡睇到雙手係有動作有接觸，而福仔亦到順勢倒下，但係球證並冇吹罰，而曼城亦都憑呢次截波後既攻勢，由科頓射個世界波回敬曼聯，追成一比一平手。呢球連迪路夫可以話真係跟唔到科頓，但以冰人既質素黎講，我覺得佢已經盡咗力，冇得怪佢。
10. 究竟呢球波有冇犯規呢？我自己有幾個朋友既WhatsApp group，有啲係純曼、有啲係乜都有，其實都真係有啲爭議性，甚至有啲非曼迷既朋友覺得係應該吹罰(或者係因為曼聯贏波對佢哋捧既球隊有利，哈哈)，但如果純粹係我自己呢條鳩佬既個人睇法，其實我覺得呢下雖然有輕微碰撞，獲加手部有動作，但福仔實在跌得太易，佢個勢真係太過借力跌，其實如果佢當時冇諗住跌而係一口氣衝前既話，效果可能會仲好，更加唔會輸反擊。
11. 對於呢球，我係覺得吹可以，但唔吹都冇得怨，畢竟你擺出黎既姿勢真係有啲純粹想搏犯規既嫌疑(OKOK，我知係廢話，我只係想表達我個人對呢球都冇乜好投訴啫…)。不過點都好，呢球其實可以話係成場波既轉捩點，為本身控制住戰局但攻咗成個半場都攻唔入既曼城打咗枝強心針。
12. 曼聯之後再受打擊，福仔同埋今場表現穩健既伊雲伯先後因為受傷而被調離場。其實我最初都唔知佢哋受傷，仲諗緊福仔雖然唔係表現得最好，浪費咗幾次機會，但佢既速度係曼聯反擊最勁既武器，搵安東尼入替佢係咩玩法，係賽後記者會被問及時坦克先透露兩個人都受咗傷要離場，原來福仔更加係響比賽之前已經傷咗，只係因為冇人用所以佢焗住要踢。
13. 話時話，係咪真係有人響卡靈頓佈咗個風水陣…我印象中除咗馬天尼斯係比人踢傷之外，其他好似都係唔知點解突然自己練波、比賽拉親…馬拉西亞先誇張，開季前已經傷到而家…做過兩次手術，唔講以為佢隻腳粉碎性骨折…
14. 其實換走埋福仔之後，曼聯再入波既機會已經好微，加拿祖始終太嫰，加上對手控制住戰局，呢場波既表現唔算太好，反擊時決定都麻麻。不過佢有球單刀比艾達臣出迎連人帶波咁剷走咗，而呢下又要VAR覆檢，最後又係武士。不過坦白講吖，我係見過以前連人帶波咁剷中係會比十二碼，所以如果呢球比十二碼我都唔驚奇，不過又係果句，呢個VAR結果我都冇乜好complain。
15. 呢個時候我都現實啲希望執得走一分已經要還神，點知都係守失…華拉尼同卡斯米路今場防守工作其實做得唔錯，但呢球對手一個組織，科頓前插，兩個人都追唔到，無可否認雖然佢哋兩個都仲可以算係頂級球員，不過呢球頗有種廉頗老矣，或者係長江後浪推前浪既感覺。
16. 跟住其實都唔駛睇了，唯一睇頭係睇下除咗加拿祖同埋文奴以外果兩個青年軍踢成點。Kambwala甘比華拉今季已經響英超出過兩次場，其中對韋斯咸更係因為中堅傷到冇人用而正選出場。今場成隊一齊龜縮響後場玩鐵血防守，佢客串右閘既表現我覺得都叫唔錯，至少冇比人喪爆或者弱點進攻先。至於另一個後生仔科臣…坦克讚過佢係曼聯復興既其中一隻重要棋子，但暫時我真係見唔到佢有任何過人之處。當年福仔、加拿祖、文奴甚至係麥湯佢哋出到黎既時候，都比人一種眼前一亮既感覺，但暫時加埋之前既比賽我真係仲未見到科臣有咩過人之處，勉強叫做足總盃對Newport果陣單刀唔入間接比賀龍執雞成功。就算係狼隊文奴球入波，佢傳完粒波之後其實最主要都係全靠文奴自己扭扭扭再射入。不過有啲嘢睇長少少，希望佢之後踢好啲，摑我兩巴喇，我唔介意架，求你快啲黎鞭打本王喇。
17. 最尾果球，雖然話卡斯米路如果傳比連迪路夫會好啲(甚至我覺得佢既責任大啲添)，但安拉拔呢下又真係麻麻地，好似冇預過會有人打佢荷包咁。不過算喇，二比一同三比一都冇乜分別，因為最慘既係落後之後應該反擊既曼聯，真係一腳似樣既攻勢都做唔到出黎。
18. 不過縱觀全場，我其實收貨架喇，我好清楚現實係點既，而家既曼聯就算夫添都未必贏到曼城，更加唔好話天殘地缺陣容相比之下起碼同曼城爭三班波，只係最尾果球咁戇鳩輸得有啲冤枉，以佢哋今日既防守黎講，比對手用個人能力同靚組織入兩球冇計，但係第三球真係輸得有啲肉酸。
19. 前四唔再望喇，希望踢得好好睇睇(尤其是傷兵復出之後，如果佢哋真係得出到…)，盡量贏多啲波喇。
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #MCIMUN #曼聯 #曼城 #足球 #賽後評
#英超賽後評
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊